| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
47. суд̣̇д̇хинид̣̇д̣̇зсаван̣н̣анаа
47. Suddhiniddesavaṇṇanā
455. д̣̇зсанаа сам̣варо здти, бажжавзгкан̣а бхзд̣̇ад̇од̇и (баараа. адта. 2.585; висуд̣̇д̇хи. 1.19) д̣̇зсанаасуд̣̇д̇хи сам̣варасуд̣̇д̇хи барияздтисуд̣̇д̇хи бажжавзгкан̣асуд̣̇д̇хийд̇и звам̣ жад̇уб̣б̣ид̇хаа суд̣̇д̇хийд̇и ад̇т̇о. ид̣̇аани д̇аахи суд̣̇д̇хийхи висуж̇жханагз д̣̇ассзд̇ум̣ ‘‘баад̇имогкасам̣варасаммад̇а’’нд̇иаад̣̇имааха.
455.Desanāsaṃvaro eṭṭhi, paccavekkhaṇa bhedatoti (pārā. aṭṭha. 2.585; visuddhi. 1.19) desanāsuddhi saṃvarasuddhi pariyeṭṭhisuddhi paccavekkhaṇasuddhīti evaṃ catubbidhā suddhīti attho. Idāni tāhi suddhīhi visujjhanake dassetuṃ ‘‘pātimokkhasaṃvarasammata’’ntiādimāha.
456. ‘‘буна звам̣ на гарисса’’нд̇и жид̇д̇аад̇хидтаанасам̣вараа яасмаа суж̇жхад̇и инд̣̇рияасам̣варо, д̇асмаа инд̣̇рияасам̣варо ‘‘сам̣варасуд̣̇д̇хий’’д̇и вуд̇д̇од̇и самб̣анд̇хо.
456. ‘‘Puna evaṃ na karissa’’nti cittādhiṭṭhānasaṃvarā yasmā sujjhati indriyasaṃvaro, tasmā indriyasaṃvaro ‘‘saṃvarasuddhī’’ti vuttoti sambandho.
457. бахааяаанзсананд̇и анзсанам̣ бахааяа д̇хаммзна уббаад̣̇знд̇асса бажжаязд̇и баатасзсо.
457.Pahāyānesananti anesanaṃ pahāya dhammena uppādentassa paccayeti pāṭhaseso.
458. ‘‘бадисан̇каа яонисо жийварам̣ бадисзваами…бз… уббаннаанам̣ взяяааб̣аад̇хигаанам̣…бз… барамад̇ааяаа’’д̇и (ма. ни. 1.23; а. ни. 6.58) жа звам̣ жад̇уусуби бажжаязсу яат̇аавуд̇д̇абажжавзгкан̣асуж̇жханаад̇и ад̇т̇о. зд̇т̇а бана д̣̇увид̇хам̣ бажжавзгкан̣ам̣ бадилаабхагаалз жа барибхог̇агаалз жа. бадилаабхагаалз хи д̇хаад̇увасзна ваа бадиггуулавасзна ваа бажжавзгкид̇ваа табид̇ажийвараад̣̇ийни д̇ад̇о уд̇д̇ари барибхун̃ж̇анд̇асса анаваж̇ж̇ова барибхог̇о, барибхог̇агаалзби. суд̣̇д̇хивинижчаяо.
458. ‘‘Paṭisaṅkhā yoniso cīvaraṃ paṭisevāmi…pe… uppannānaṃ veyyābādhikānaṃ…pe… paramatāyā’’ti (ma. ni. 1.23; a. ni. 6.58) ca evaṃ catūsupi paccayesu yathāvuttapaccavekkhaṇasujjhanāti attho. Ettha pana duvidhaṃ paccavekkhaṇaṃ paṭilābhakāle ca paribhogakāle ca. Paṭilābhakāle hi dhātuvasena vā paṭikkūlavasena vā paccavekkhitvā ṭhapitacīvarādīni tato uttari paribhuñjantassa anavajjova paribhogo, paribhogakālepi. Suddhivinicchayo.
суд̣̇д̇хинид̣̇д̣̇зсаван̣н̣анаа нидтид̇аа.
Suddhiniddesavaṇṇanā niṭṭhitā.
