| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৪৬২. সংৰরজাতকং (৮)
462. Saṃvarajātakaṃ (8)
৯৭.
97.
জানন্তো নো মহারাজ, তৰ সীলং জনাধিপো।
Jānanto no mahārāja, tava sīlaṃ janādhipo;
ইমে কুমারে পূজেন্তো, ন তং কেনচি মঞ্ঞথ॥
Ime kumāre pūjento, na taṃ kenaci maññatha.
৯৮.
98.
ঞাতী তং সমনুঞ্ঞিংসু, সম্পস্সং অত্থমত্তনো॥
Ñātī taṃ samanuññiṃsu, sampassaṃ atthamattano.
৯৯.
99.
কেন সংৰরৰত্তেন, সঞ্জাতে অভিতিট্ঠসি।
Kena saṃvaravattena, sañjāte abhitiṭṭhasi;
কেন তং নাতিৰত্তন্তি, ঞাতিসঙ্ঘা সমাগতা॥
Kena taṃ nātivattanti, ñātisaṅghā samāgatā.
১০০.
100.
সক্কচ্চং তে নমস্সামি, পাদে ৰন্দামি তাদিনং॥
Sakkaccaṃ te namassāmi, pāde vandāmi tādinaṃ.
১০১.
101.
তে মং ধম্মগুণে যুত্তং, সুস্সূসমনুসূযকং।
Te maṃ dhammaguṇe yuttaṃ, sussūsamanusūyakaṃ;
১০২.
102.
তেসাহং ৰচনং সুত্ৰা, সমণানং মহেসিনং।
Tesāhaṃ vacanaṃ sutvā, samaṇānaṃ mahesinaṃ;
ন কিঞ্চি অতিমঞ্ঞামি, ধম্মে মে নিরতো মনো॥
Na kiñci atimaññāmi, dhamme me nirato mano.
১০৩.
103.
হত্থারোহা অনীকট্ঠা, রথিকা পত্তিকারকা।
Hatthārohā anīkaṭṭhā, rathikā pattikārakā;
১০৪.
104.
মহামত্তা চ মে অত্থি, মন্তিনো পরিচারকা।
Mahāmattā ca me atthi, mantino paricārakā;
বারাণসিং ৰোহরন্তি, বহুমংসসুরোদকং॥
Bārāṇasiṃ voharanti, bahumaṃsasurodakaṃ.
১০৫.
105.
অথোপি ৰাণিজা ফীতা, নানারট্ঠেহি আগতা।
Athopi vāṇijā phītā, nānāraṭṭhehi āgatā;
তেসু মে ৰিহিতা রক্খা, এৰং জানাহুপোসথ॥
Tesu me vihitā rakkhā, evaṃ jānāhuposatha.
১০৬.
106.
ধম্মেন কির ঞাতীনং, রজ্জং কারেহি সংৰর।
Dhammena kira ñātīnaṃ, rajjaṃ kārehi saṃvara;
১০৭.
107.
তং তং ঞাতিপরিব্যূল়্হং, নানারতনমোচিতং।
Taṃ taṃ ñātiparibyūḷhaṃ, nānāratanamocitaṃ;
অমিত্তা নপ্পসহন্তি, ইন্দংৰ অসুরাধিপোতি॥
Amittā nappasahanti, indaṃva asurādhipoti.
সংৰরজাতকং অট্ঠমং।
Saṃvarajātakaṃ aṭṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৪৬২] ৮. সংৰরজাতকৰণ্ণনা • [462] 8. Saṃvarajātakavaṇṇanā
