| Library / Tipiṭaka / ཏིཔིཊཀ • Tipiṭaka / པརིཝཱརཔཱལི༹ • Parivārapāḷi |
སམུཊྛཱནསཱིསསངྑེཔོ
Samuṭṭhānasīsasaṅkhepo
སམུཊྛཱནསྶུདྡཱནཾ
Samuṭṭhānassuddānaṃ
༢༥༧.
257.
ཨནིཙྩཱ སབྦེ སངྑཱརཱ, དུཀྑཱནཏྟཱ ཙ སངྑཏཱ།
Aniccā sabbe saṅkhārā, dukkhānattā ca saṅkhatā;
ནིབྦཱནཉྩེཝ པཉྙཏྟི, ཨནཏྟཱ ཨིཏི ནིཙྪཡཱ༎
Nibbānañceva paññatti, anattā iti nicchayā.
བུདྡྷཙནྡེ ཨནུཔྤནྣེ, བུདྡྷཱདིཙྩེ ཨནུགྒཏེ།
Buddhacande anuppanne, buddhādicce anuggate;
ཏེསཾ སབྷཱགདྷམྨཱནཾ, ནཱམམཏྟཾ ན ནཱཡཏི༎
Tesaṃ sabhāgadhammānaṃ, nāmamattaṃ na nāyati.
དུཀྐརཾ ཝིཝིདྷཾ ཀཏྭཱ, པཱུརཡིཏྭཱན པཱརམཱི།
Dukkaraṃ vividhaṃ katvā, pūrayitvāna pāramī;
ཨུཔྤཛྫནྟི མཧཱཝཱིརཱ, ཙཀྑུབྷཱུཏཱ སབྲཧྨཀེ༎
Uppajjanti mahāvīrā, cakkhubhūtā sabrahmake.
ཏེ དེསཡནྟི སདྡྷམྨཾ, དུཀྑཧཱནིཾ སུཁཱཝཧཾ།
Te desayanti saddhammaṃ, dukkhahāniṃ sukhāvahaṃ;
ཨངྒཱིརསོ སཀྱམུནི, སབྦབྷཱུཏཱནུཀམྤཀོ༎
Aṅgīraso sakyamuni, sabbabhūtānukampako.
སབྦསཏྟུཏྟམོ སཱིཧོ, པིཊཀེ ཏཱིཎི དེསཡི།
Sabbasattuttamo sīho, piṭake tīṇi desayi;
སུཏྟནྟམབྷིདྷམྨཉྩ, ཝིནཡཉྩ མཧཱགུཎཾ༎
Suttantamabhidhammañca, vinayañca mahāguṇaṃ.
ཨེཝཾ ནཱིཡཏི སདྡྷམྨོ, ཝིནཡོ ཡདི ཏིཊྛཏི།
Evaṃ nīyati saddhammo, vinayo yadi tiṭṭhati;
ཨུབྷཏོ ཙ ཝིབྷངྒཱནི, ཁནྡྷཀཱ ཡཱ ཙ མཱཏིཀཱ༎
Ubhato ca vibhaṅgāni, khandhakā yā ca mātikā.
མཱལཱ སུཏྟགུཎེནེཝ, པརིཝཱརེན གནྠིཏཱ།
Mālā suttaguṇeneva, parivārena ganthitā;
ཏསྶེཝ པརིཝཱརསྶ, སམུཊྛཱནཾ ནིཡཏོ ཀཏཾ༎
Tasseva parivārassa, samuṭṭhānaṃ niyato kataṃ.
སམྦྷེདཾ ནིདཱནཾ ཙཉྙཾ, སུཏྟེ དིསྶནྟི ཨུཔརི།
Sambhedaṃ nidānaṃ caññaṃ, sutte dissanti upari;
ཏསྨཱ སིཀྑེ པརིཝཱརཾ, དྷམྨཀཱམོ སུཔེསལོཏི༎
Tasmā sikkhe parivāraṃ, dhammakāmo supesaloti.
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā / སམུཊྛཱནསཱིསཝཎྞནཱ • Samuṭṭhānasīsavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / སམུཊྛཱནསཱིསཝཎྞནཱ • Samuṭṭhānasīsavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / སམུཊྛཱནསཱིསཝཎྞནཱ • Samuṭṭhānasīsavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / སམུཊྛཱནསཱིསཝཎྞནཱ • Samuṭṭhānasīsavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / སམུཊྛཱནསཱིསཝཎྞནཱ • Samuṭṭhānasīsavaṇṇanā
