| Library / Tipiṭaka / ཏིཔིཊཀ • Tipiṭaka / པརིཝཱརཔཱལི༹ • Parivārapāḷi |
ཏེརསསམུཊྛཱནཾ
Terasasamuṭṭhānaṃ
ཝིབྷངྒེ དྭཱིསུ པཉྙཏྟཾ, ཨུདྡིསནྟི ཨུཔོསཐེ།
Vibhaṅge dvīsu paññattaṃ, uddisanti uposathe;
པཝཀྑཱམི སམུཊྛཱནཾ, ཡཐཱཉཱཡཾ སུཎཱཐ མེ༎
Pavakkhāmi samuṭṭhānaṃ, yathāñāyaṃ suṇātha me.
པཱརཱཛིཀཾ ཡཾ པཋམཾ, དུཏིཡཉྩ ཏཏོ པརཾ།
Pārājikaṃ yaṃ paṭhamaṃ, dutiyañca tato paraṃ;
སཉྩརིཏྟཱནུབྷཱསནཉྩ, ཨཏིརེཀཉྩ ཙཱིཝརཾ༎
Sañcarittānubhāsanañca, atirekañca cīvaraṃ.
ལོམཱནི པདསོདྷམྨོ, བྷཱུཏཾ སཾཝིདྷཱནེན ཙ།
Lomāni padasodhammo, bhūtaṃ saṃvidhānena ca;
ཐེཡྻདེསནཙོརཱི ཙ, ཨནནུཉྙཱཏཱཡ ཏེརས༎
Theyyadesanacorī ca, ananuññātāya terasa.
ཏེརསེཏེ སམུཊྛཱན ནཡཱ, ཝིཉྙཱུཧི ཙིནྟིཏཱ༎
Terasete samuṭṭhāna nayā, viññūhi cintitā.
ཨེཀེཀསྨིཾ སམུཊྛཱནེ, སདིསཱ ཨིདྷ དིསྶརེ༎
Ekekasmiṃ samuṭṭhāne, sadisā idha dissare.
