| Library / Tipiṭaka / ติปิฎก • Tipiṭaka / ปริวารปาฬิ • Parivārapāḷi |
สมุฎฺฐานสีสสเงฺขโป
Samuṭṭhānasīsasaṅkhepo
สมุฎฺฐานสฺสุทฺทานํ
Samuṭṭhānassuddānaṃ
๒๕๗.
257.
อนิจฺจา สเพฺพ สงฺขารา, ทุกฺขานตฺตา จ สงฺขตา;
Aniccā sabbe saṅkhārā, dukkhānattā ca saṅkhatā;
นิพฺพานเญฺจว ปญฺญตฺติ, อนตฺตา อิติ นิจฺฉยาฯ
Nibbānañceva paññatti, anattā iti nicchayā.
พุทฺธจเนฺท อนุปฺปเนฺน, พุทฺธาทิเจฺจ อนุคฺคเต;
Buddhacande anuppanne, buddhādicce anuggate;
เตสํ สภาคธมฺมานํ, นามมตฺตํ น นายติฯ
Tesaṃ sabhāgadhammānaṃ, nāmamattaṃ na nāyati.
ทุกฺกรํ วิวิธํ กตฺวา, ปูรยิตฺวาน ปารมี;
Dukkaraṃ vividhaṃ katvā, pūrayitvāna pāramī;
อุปฺปชฺชนฺติ มหาวีรา, จกฺขุภูตา สพฺรหฺมเกฯ
Uppajjanti mahāvīrā, cakkhubhūtā sabrahmake.
เต เทสยนฺติ สทฺธมฺมํ, ทุกฺขหานิํ สุขาวหํ;
Te desayanti saddhammaṃ, dukkhahāniṃ sukhāvahaṃ;
องฺคีรโส สกฺยมุนิ, สพฺพภูตานุกมฺปโกฯ
Aṅgīraso sakyamuni, sabbabhūtānukampako.
สพฺพสตฺตุตฺตโม สีโห, ปิฎเก ตีณิ เทสยิ;
Sabbasattuttamo sīho, piṭake tīṇi desayi;
สุตฺตนฺตมภิธมฺมญฺจ, วินยญฺจ มหาคุณํฯ
Suttantamabhidhammañca, vinayañca mahāguṇaṃ.
เอวํ นียติ สทฺธโมฺม, วินโย ยทิ ติฎฺฐติ;
Evaṃ nīyati saddhammo, vinayo yadi tiṭṭhati;
อุภโต จ วิภงฺคานิ, ขนฺธกา ยา จ มาติกาฯ
Ubhato ca vibhaṅgāni, khandhakā yā ca mātikā.
มาลา สุตฺตคุเณเนว, ปริวาเรน คนฺถิตา;
Mālā suttaguṇeneva, parivārena ganthitā;
ตเสฺสว ปริวารสฺส, สมุฎฺฐานํ นิยโต กตํฯ
Tasseva parivārassa, samuṭṭhānaṃ niyato kataṃ.
สเมฺภทํ นิทานํ จญฺญํ, สุเตฺต ทิสฺสนฺติ อุปริ;
Sambhedaṃ nidānaṃ caññaṃ, sutte dissanti upari;
ตสฺมา สิเกฺข ปริวารํ, ธมฺมกาโม สุเปสโลติฯ
Tasmā sikkhe parivāraṃ, dhammakāmo supesaloti.
Related texts:
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / สมุฎฺฐานสีสวณฺณนา • Samuṭṭhānasīsavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / สมุฎฺฐานสีสวณฺณนา • Samuṭṭhānasīsavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / สมุฎฺฐานสีสวณฺณนา • Samuṭṭhānasīsavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / สมุฎฺฐานสีสวณฺณนา • Samuṭṭhānasīsavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / สมุฎฺฐานสีสวณฺณนา • Samuṭṭhānasīsavaṇṇanā
