| Library / Tipiṭaka / ติปิฎก • Tipiṭaka / ปริวารปาฬิ • Parivārapāḷi |
เตรสสมุฎฺฐานํ
Terasasamuṭṭhānaṃ
วิภเงฺค ทฺวีสุ ปญฺญตฺตํ, อุทฺทิสนฺติ อุโปสเถ;
Vibhaṅge dvīsu paññattaṃ, uddisanti uposathe;
ปวกฺขามิ สมุฎฺฐานํ, ยถาญายํ สุณาถ เมฯ
Pavakkhāmi samuṭṭhānaṃ, yathāñāyaṃ suṇātha me.
ปาราชิกํ ยํ ปฐมํ, ทุติยญฺจ ตโต ปรํ;
Pārājikaṃ yaṃ paṭhamaṃ, dutiyañca tato paraṃ;
สญฺจริตฺตานุภาสนญฺจ, อติเรกญฺจ จีวรํฯ
Sañcarittānubhāsanañca, atirekañca cīvaraṃ.
โลมานิ ปทโสธโมฺม, ภูตํ สํวิธาเนน จ;
Lomāni padasodhammo, bhūtaṃ saṃvidhānena ca;
เถยฺยเทสนโจรี จ, อนนุญฺญาตาย เตรสฯ
Theyyadesanacorī ca, ananuññātāya terasa.
เตรเสเต สมุฎฺฐาน นยา, วิญฺญูหิ จินฺติตาฯ
Terasete samuṭṭhāna nayā, viññūhi cintitā.
เอเกกสฺมิํ สมุฎฺฐาเน, สทิสา อิธ ทิสฺสเรฯ
Ekekasmiṃ samuṭṭhāne, sadisā idha dissare.
