| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೬೬. ಸಮುದ್ದವಾಣಿಜಜಾತಕಂ (೩)
466. Samuddavāṇijajātakaṃ (3)
೨೫.
25.
ಕಸನ್ತಿ ವಪನ್ತಿ ತೇ ಜನಾ, ಮನುಜಾ ಕಮ್ಮಫಲೂಪಜೀವಿನೋ।
Kasanti vapanti te janā, manujā kammaphalūpajīvino;
ನಯಿಮಸ್ಸ ದೀಪಕಸ್ಸ ಭಾಗಿನೋ, ಜಮ್ಬುದೀಪಾ ಇದಮೇವ ನೋ ವರಂ॥
Nayimassa dīpakassa bhāgino, jambudīpā idameva no varaṃ.
೨೬.
26.
ತಿಪಞ್ಚರತ್ತೂಪಗತಮ್ಹಿ ಚನ್ದೇ, ವೇಗೋ ಮಹಾ ಹೇಹಿತಿ ಸಾಗರಸ್ಸ।
Tipañcarattūpagatamhi cande, vego mahā hehiti sāgarassa;
ಉಪ್ಲವಿಸ್ಸಂ ದೀಪಮಿಮಂ ಉಳಾರಂ, ಮಾ ವೋ ವಧೀ ಗಚ್ಛಥ ಲೇಣಮಞ್ಞಂ॥
Uplavissaṃ dīpamimaṃ uḷāraṃ, mā vo vadhī gacchatha leṇamaññaṃ.
೨೭.
27.
ನ ಜಾತುಯಂ ಸಾಗರವಾರಿವೇಗೋ, ಉಪ್ಲವಿಸ್ಸಂ ದೀಪಮಿಮಂ ಉಳಾರಂ।
Na jātuyaṃ sāgaravārivego, uplavissaṃ dīpamimaṃ uḷāraṃ;
ತಂ ಮೇ ನಿಮಿತ್ತೇಹಿ ಬಹೂಹಿ ದಿಟ್ಠಂ, ಮಾ ಭೇಥ ಕಿಂ ಸೋಚಥ ಮೋದಥವ್ಹೋ 1॥
Taṃ me nimittehi bahūhi diṭṭhaṃ, mā bhetha kiṃ socatha modathavho 2.
೨೮.
28.
ಪಹೂತಭಕ್ಖಂ ಬಹುಅನ್ನಪಾನಂ, ಪತ್ತತ್ಥ ಆವಾಸಮಿಮಂ ಉಳಾರಂ।
Pahūtabhakkhaṃ bahuannapānaṃ, pattattha āvāsamimaṃ uḷāraṃ;
ನ ವೋ ಭಯಂ ಪಟಿಪಸ್ಸಾಮಿ ಕಿಞ್ಚಿ, ಆಪುತ್ತಪುತ್ತೇಹಿ ಪಮೋದಥವ್ಹೋ॥
Na vo bhayaṃ paṭipassāmi kiñci, āputtaputtehi pamodathavho.
೨೯.
29.
ಯೋ ದೇವೋಯಂ ದಕ್ಖಿಣಾಯಂ 3 ದಿಸಾಯಂ, ಖೇಮನ್ತಿ ಪಕ್ಕೋಸತಿ ತಸ್ಸ ಸಚ್ಚಂ।
Yo devoyaṃ dakkhiṇāyaṃ 4 disāyaṃ, khemanti pakkosati tassa saccaṃ;
ನ ಉತ್ತರೋ ವೇದಿ ಭಯಾಭಯಸ್ಸ, ಮಾ ಭೇಥ ಕಿಂ ಸೋಚಥ ಮೋದಥವ್ಹೋ॥
Na uttaro vedi bhayābhayassa, mā bhetha kiṃ socatha modathavho.
೩೦.
30.
ಯಥಾ ಇಮೇ ವಿಪ್ಪವದನ್ತಿ ಯಕ್ಖಾ, ಏಕೋ ಭಯಂ ಸಂಸತಿ ಖೇಮಮೇಕೋ।
Yathā ime vippavadanti yakkhā, eko bhayaṃ saṃsati khemameko;
ತದಿಙ್ಘ ಮಯ್ಹಂ ವಚನಂ ಸುಣಾಥ, ಖಿಪ್ಪಂ ಲಹುಂ ಮಾ ವಿನಸ್ಸಿಮ್ಹ ಸಬ್ಬೇ॥
Tadiṅgha mayhaṃ vacanaṃ suṇātha, khippaṃ lahuṃ mā vinassimha sabbe.
೩೧.
31.
ಸಬ್ಬೇ ಸಮಾಗಮ್ಮ ಕರೋಮ ನಾವಂ, ದೋಣಿಂ ದಳ್ಹಂ ಸಬ್ಬಯನ್ತೂಪಪನ್ನಂ।
Sabbe samāgamma karoma nāvaṃ, doṇiṃ daḷhaṃ sabbayantūpapannaṃ;
ಸಚೇ ಅಯಂ ದಕ್ಖಿಣೋ ಸಚ್ಚಮಾಹ, ಮೋಘಂ ಪಟಿಕ್ಕೋಸತಿ ಉತ್ತರೋಯಂ।
Sace ayaṃ dakkhiṇo saccamāha, moghaṃ paṭikkosati uttaroyaṃ;
ಸಾ ಚೇವ ನೋ ಹೇಹಿತಿ ಆಪದತ್ಥಾ, ಇಮಞ್ಚ ದೀಪಂ ನ ಪರಿಚ್ಚಜೇಮ॥
Sā ceva no hehiti āpadatthā, imañca dīpaṃ na pariccajema.
೩೨.
32.
ಸಚೇ ಚ ಖೋ ಉತ್ತರೋ ಸಚ್ಚಮಾಹ, ಮೋಘಂ ಪಟಿಕ್ಕೋಸತಿ ದಕ್ಖಿಣೋಯಂ।
Sace ca kho uttaro saccamāha, moghaṃ paṭikkosati dakkhiṇoyaṃ;
ತಮೇವ ನಾವಂ ಅಭಿರುಯ್ಹ ಸಬ್ಬೇ, ಏವಂ ಮಯಂ ಸೋತ್ಥಿ ತರೇಮು ಪಾರಂ॥
Tameva nāvaṃ abhiruyha sabbe, evaṃ mayaṃ sotthi taremu pāraṃ.
೩೩.
33.
ನ ವೇ ಸುಗಣ್ಹಂ ಪಠಮೇನ ಸೇಟ್ಠಂ, ಕನಿಟ್ಠಮಾಪಾಥಗತಂ ಗಹೇತ್ವಾ।
Na ve sugaṇhaṃ paṭhamena seṭṭhaṃ, kaniṭṭhamāpāthagataṃ gahetvā;
೩೪.
34.
ಯಥಾಪಿ ತೇ ಸಾಗರವಾರಿಮಜ್ಝೇ, ಸಕಮ್ಮುನಾ ಸೋತ್ಥಿ ವಹಿಂಸು ವಾಣಿಜಾ।
Yathāpi te sāgaravārimajjhe, sakammunā sotthi vahiṃsu vāṇijā;
ಅನಾಗತತ್ಥಂ ಪಟಿವಿಜ್ಝಿಯಾನ, ಅಪ್ಪಮ್ಪಿ ನಾಚ್ಚೇತಿ ಸ ಭೂರಿಪಞ್ಞೋ॥
Anāgatatthaṃ paṭivijjhiyāna, appampi nācceti sa bhūripañño.
೩೫.
35.
ಬಾಲಾ ಚ ಮೋಹೇನ ರಸಾನುಗಿದ್ಧಾ, ಅನಾಗತಂ ಅಪ್ಪಟಿವಿಜ್ಝಿಯತ್ಥಂ।
Bālā ca mohena rasānugiddhā, anāgataṃ appaṭivijjhiyatthaṃ;
ಪಚ್ಚುಪ್ಪನ್ನೇ ಸೀದನ್ತಿ ಅತ್ಥಜಾತೇ, ಸಮುದ್ದಮಜ್ಝೇ ಯಥಾ ತೇ ಮನುಸ್ಸಾ॥
Paccuppanne sīdanti atthajāte, samuddamajjhe yathā te manussā.
೩೬.
36.
ಅನಾಗತಂ ಪಟಿಕಯಿರಾಥ ಕಿಚ್ಚಂ, ‘‘ಮಾ ಮಂ ಕಿಚ್ಚಂ ಕಿಚ್ಚಕಾಲೇ ಬ್ಯಧೇಸಿ’’।
Anāgataṃ paṭikayirātha kiccaṃ, ‘‘mā maṃ kiccaṃ kiccakāle byadhesi’’;
ತಂ ತಾದಿಸಂ ಪಟಿಕತ 9 ಕಿಚ್ಚಕಾರಿಂ, ನ ತಂ ಕಿಚ್ಚಂ ಕಿಚ್ಚಕಾಲೇ ಬ್ಯಧೇತೀತಿ॥
Taṃ tādisaṃ paṭikata 10 kiccakāriṃ, na taṃ kiccaṃ kiccakāle byadhetīti.
ಸಮುದ್ದವಾಣಿಜಜಾತಕಂ ತತಿಯಂ।
Samuddavāṇijajātakaṃ tatiyaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೬೬] ೩. ಸಮುದ್ದವಾಣಿಜಜಾತಕವಣ್ಣನಾ • [466] 3. Samuddavāṇijajātakavaṇṇanā
