| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৫১৯. সম্বুলাজাতকং (৯)
519. Sambulājātakaṃ (9)
২৯৭.
297.
কা ৰেধমানা গিরিকন্দরাযং, একা তুৰং তিট্ঠসি সংহিতূরু 1।
Kā vedhamānā girikandarāyaṃ, ekā tuvaṃ tiṭṭhasi saṃhitūru 2;
পুট্ঠাসি মে পাণিপমেয্যমজ্ঝে, অক্খাহি মে নামঞ্চ বন্ধৰে চ॥
Puṭṭhāsi me pāṇipameyyamajjhe, akkhāhi me nāmañca bandhave ca.
২৯৮.
298.
ওভাসযং ৰনং রম্মং, সীহব্যগ্ঘনিসেৰিতং।
Obhāsayaṃ vanaṃ rammaṃ, sīhabyagghanisevitaṃ;
কা ৰা ত্ৰমসি কল্যাণি, কস্স ৰা ত্ৰং সুমজ্ঝিমে।
Kā vā tvamasi kalyāṇi, kassa vā tvaṃ sumajjhime;
অভিৰাদেমি তং ভদ্দে, দানৰাহং নমত্থু তে॥
Abhivādemi taṃ bhadde, dānavāhaṃ namatthu te.
২৯৯.
299.
যো পুত্তো কাসিরাজস্স, সোত্থিসেনোতি তং ৰিদূ।
Yo putto kāsirājassa, sotthisenoti taṃ vidū;
তস্সাহং সম্বুলা ভরিযা, এৰং জানাহি দানৰ।
Tassāhaṃ sambulā bhariyā, evaṃ jānāhi dānava;
৩০০.
300.
ৰেদেহপুত্তো ভদ্দন্তে, ৰনে ৰসতি আতুরো।
Vedehaputto bhaddante, vane vasati āturo;
৩০১.
301.
৩০২.
302.
কিং ৰনে রাজপুত্তেন, আতুরেন করিস্সসি।
Kiṃ vane rājaputtena, āturena karissasi;
সম্বুলে পরিচিণ্ণেন, অহং ভত্তা ভৰামি তে॥
Sambule pariciṇṇena, ahaṃ bhattā bhavāmi te.
৩০৩.
303.
সোকট্টায দুরত্তায, কিং রূপং ৰিজ্জতে মম।
Sokaṭṭāya durattāya, kiṃ rūpaṃ vijjate mama;
অঞ্ঞং পরিযেস ভদ্দন্তে, অভিরূপতরং মযা॥
Aññaṃ pariyesa bhaddante, abhirūpataraṃ mayā.
৩০৪.
304.
তাসং ত্ৰং পৰরা হোহি, সব্বকামসমিদ্ধিনী॥
Tāsaṃ tvaṃ pavarā hohi, sabbakāmasamiddhinī.
৩০৫.
305.
৩০৬.
306.
নো চে তুৰং মহেসেয্যং, সম্বুলে কারযিস্সসি।
No ce tuvaṃ maheseyyaṃ, sambule kārayissasi;
৩০৭.
307.
তঞ্চ সত্তজটো লুদ্দো, কল়ারো পুরিসাদকো।
Tañca sattajaṭo luddo, kaḷāro purisādako;
ৰনে নাথং অপস্সন্তিং, সম্বুলং অগ্গহী ভুজে॥
Vane nāthaṃ apassantiṃ, sambulaṃ aggahī bhuje.
৩০৮.
308.
অধিপন্না পিসাচেন, লুদ্দেনামিসচক্খুনা।
Adhipannā pisācena, luddenāmisacakkhunā;
সা চ সত্তুৰসম্পত্তা, পতিমেৰানুসোচতি॥
Sā ca sattuvasampattā, patimevānusocati.
৩০৯.
309.
ন মে ইদং তথা দুক্খং, যং মং খাদেয্য রক্খসো।
Na me idaṃ tathā dukkhaṃ, yaṃ maṃ khādeyya rakkhaso;
যঞ্চ মে অয্যপুত্তস্স, মনো হেস্সতি অঞ্ঞথা॥
Yañca me ayyaputtassa, mano hessati aññathā.
৩১০.
310.
ন সন্তি দেৰা পৰসন্তি নূন, ন হি নূন সন্তি ইধ লোকপালা।
Na santi devā pavasanti nūna, na hi nūna santi idha lokapālā;
সহসা করোন্তানমসঞ্ঞতানং, ন হি নূন সন্তি পটিসেধিতারো॥
Sahasā karontānamasaññatānaṃ, na hi nūna santi paṭisedhitāro.
৩১১.
311.
ইত্থীনমেসা পৰরা যসস্সিনী, সন্তা সমা অগ্গিরিৰুগ্গতেজা।
Itthīnamesā pavarā yasassinī, santā samā aggirivuggatejā;
তঞ্চে তুৰং রক্খসাদেসি কঞ্ঞং, মুদ্ধা চ হি সত্তধা তে ফলেয্য।
Tañce tuvaṃ rakkhasādesi kaññaṃ, muddhā ca hi sattadhā te phaleyya;
৩১২.
312.
সা চ অস্সমমাগচ্ছি, পমুত্তা পুরিসাদকা।
Sā ca assamamāgacchi, pamuttā purisādakā;
৩১৩.
313.
সা তত্থ পরিদেৰেসি, রাজপুত্তী যসস্সিনী।
Sā tattha paridevesi, rājaputtī yasassinī;
৩১৪.
314.
সমণে ব্রাহ্মণে ৰন্দে, সম্পন্নচরণে ইসে।
Samaṇe brāhmaṇe vande, sampannacaraṇe ise;
৩১৫.
315.
ৰন্দে সীহে চ ব্যগ্ঘে চ, যে চ অঞ্ঞে ৰনে মিগা।
Vande sīhe ca byagghe ca, ye ca aññe vane migā;
রাজপুত্তং অপস্সন্তী, তুম্হংম্হি সরণং গতা॥
Rājaputtaṃ apassantī, tumhaṃmhi saraṇaṃ gatā.
৩১৬.
316.
রাজপুত্তং অপস্সন্তী, তুম্হংম্হি সরণং গতা॥
Rājaputtaṃ apassantī, tumhaṃmhi saraṇaṃ gatā.
৩১৭.
317.
ৰন্দে ইন্দীৰরীসামং, রত্তিং নক্খত্তমালিনিং।
Vande indīvarīsāmaṃ, rattiṃ nakkhattamāliniṃ;
রাজপুত্তং অপস্সন্তী, তুম্হংম্হি সরণং গতা॥
Rājaputtaṃ apassantī, tumhaṃmhi saraṇaṃ gatā.
৩১৮.
318.
ৰন্দে ভাগীরথিং গঙ্গং, সৰন্তীনং পটিগ্গহং।
Vande bhāgīrathiṃ gaṅgaṃ, savantīnaṃ paṭiggahaṃ;
রাজপুত্তং অপস্সন্তী, তুম্হংম্হি সরণং গতা॥
Rājaputtaṃ apassantī, tumhaṃmhi saraṇaṃ gatā.
৩১৯.
319.
ৰন্দে অহং পব্বতরাজসেট্ঠং, হিমৰন্তং সিলুচ্চযং।
Vande ahaṃ pabbatarājaseṭṭhaṃ, himavantaṃ siluccayaṃ;
রাজপুত্তং অপস্সন্তী, তুম্হংম্হি সরণং গতা॥
Rājaputtaṃ apassantī, tumhaṃmhi saraṇaṃ gatā.
৩২০.
320.
অতিসাযং ৰতাগচ্ছি, রাজপুত্তি যসস্সিনি।
Atisāyaṃ vatāgacchi, rājaputti yasassini;
৩২১.
321.
ন মে ইদং তথা দুক্খং, যং মং খাদেয্য রক্খসো।
Na me idaṃ tathā dukkhaṃ, yaṃ maṃ khādeyya rakkhaso;
যঞ্চ মে অয্যপুত্তস্স, মনো হেস্সতি অঞ্ঞথা॥
Yañca me ayyaputtassa, mano hessati aññathā.
৩২২.
322.
চোরীনং বহুবুদ্ধীনং, যাসু সচ্চং সুদুল্লভং।
Corīnaṃ bahubuddhīnaṃ, yāsu saccaṃ sudullabhaṃ;
থীনং ভাৰো দুরাজানো, মচ্ছস্সেৰোদকে গতং॥
Thīnaṃ bhāvo durājāno, macchassevodake gataṃ.
৩২৩.
323.
তথা মং সচ্চং পালেতু, পালযিস্সতি চে মমং।
Tathā maṃ saccaṃ pāletu, pālayissati ce mamaṃ;
যথাহং নাভিজানামি, অঞ্ঞং পিযতরং তযা।
Yathāhaṃ nābhijānāmi, aññaṃ piyataraṃ tayā;
এতেন সচ্চৰজ্জেন, ব্যাধি তে ৰূপসম্মতু॥
Etena saccavajjena, byādhi te vūpasammatu.
৩২৪.
324.
যে কুঞ্জরা সত্তসতা উল়ারা, রক্খন্তি রত্তিন্দিৰমুয্যুতাৰুধা।
Ye kuñjarā sattasatā uḷārā, rakkhanti rattindivamuyyutāvudhā;
ধনুগ্গহানঞ্চ সতানি সোল়স, কথংৰিধে পস্সসি ভদ্দে সত্তৰো॥
Dhanuggahānañca satāni soḷasa, kathaṃvidhe passasi bhadde sattavo.
৩২৫.
325.
অলঙ্কতাযো পদুমুত্তরত্তচা, ৰিরাগিতা পস্সতি হংসগগ্গরা।
Alaṅkatāyo padumuttarattacā, virāgitā passati haṃsagaggarā;
তাসং সুণিত্ৰা মিতগীতৰাদিতং 39, ন দানি মে তাত তথা যথা পুরে॥
Tāsaṃ suṇitvā mitagītavāditaṃ 40, na dāni me tāta tathā yathā pure.
৩২৬.
326.
সুৰণ্ণসংকচ্চধরা সুৰিগ্গহা, অলঙ্কতা মানুসিযচ্ছরূপমা।
Suvaṇṇasaṃkaccadharā suviggahā, alaṅkatā mānusiyaccharūpamā;
৩২৭.
327.
সচে অহং তাত তথা যথা পুরে, পতিং তমুঞ্ছায পুনা ৰনে ভরে।
Sace ahaṃ tāta tathā yathā pure, patiṃ tamuñchāya punā vane bhare;
সম্মানযে মং ন চ মং ৰিমানযে, ইতোপি মে তাত ততো ৰরং সিযা॥
Sammānaye maṃ na ca maṃ vimānaye, itopi me tāta tato varaṃ siyā.
৩২৮.
328.
যমন্নপানে ৰিপুলস্মি ওহিতে, নারী ৰিমট্ঠাভরণা অলঙ্কতা।
Yamannapāne vipulasmi ohite, nārī vimaṭṭhābharaṇā alaṅkatā;
৩২৯.
329.
অপি চে দলিদ্দা কপণা অনাল়্হিযা, কটাদুতীযা পতিনো চ সা পিযা।
Api ce daliddā kapaṇā anāḷhiyā, kaṭādutīyā patino ca sā piyā;
৩৩০.
330.
সুদুল্লভিত্থী পুরিসস্স যা হিতা, ভত্তিত্থিযা দুল্লভো যো হিতো চ।
Sudullabhitthī purisassa yā hitā, bhattitthiyā dullabho yo hito ca;
হিতা চ তে সীলৰতী চ ভরিযা, জনিন্দ ধম্মং চর সম্বুলায॥
Hitā ca te sīlavatī ca bhariyā, janinda dhammaṃ cara sambulāya.
৩৩১.
331.
সচে তুৰং ৰিপুলে লদ্ধভোগে, ইস্সাৰতিণ্ণা মরণং উপেসি।
Sace tuvaṃ vipule laddhabhoge, issāvatiṇṇā maraṇaṃ upesi;
সম্বুলাজাতকং নৰমং।
Sambulājātakaṃ navamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৫১৯] ৯. সম্বুলাজাতকৰণ্ণনা • [519] 9. Sambulājātakavaṇṇanā
