| Library / Tipiṭaka / తిపిటక • Tipiṭaka / సంయుత్తనికాయ (టీకా) • Saṃyuttanikāya (ṭīkā) |
౪. సమ్బహులసుత్తవణ్ణనా
4. Sambahulasuttavaṇṇanā
౨౨౪. సమ్బహులాతి సుత్తన్తనయేన సమ్బహులా. సుత్తన్తే సజ్ఝాయింసూతి సుత్తన్తికా. వినయం ధారేన్తీతి వినయధరా. యుఞ్జన్తీతి వాసధురే యోగం కరోన్తి. ఘటేన్తీతి తత్థ వాయామం కరోన్తి. కరోన్తానంయేవ అరుణో ఉగ్గచ్ఛతీతి సమ్బన్ధో.
224.Sambahulāti suttantanayena sambahulā. Suttante sajjhāyiṃsūti suttantikā. Vinayaṃ dhārentīti vinayadharā. Yuñjantīti vāsadhure yogaṃ karonti. Ghaṭentīti tattha vāyāmaṃ karonti. Karontānaṃyeva aruṇo uggacchatīti sambandho.
కోమేతి కిం ఇమే? తేనాహ ‘‘కహం ఇమే’’తి? వజ్జిభూమిం వజ్జిరట్ఠం గతాతి వజ్జిభూమియా. తేనాహ ‘‘వజ్జిరట్ఠాభిముఖా గతా’’తి. నత్థి ఏతేసం నికేభం నిబద్ధనివాసట్ఠానన్తి అనికేతా తేనాహ ‘‘అగేహా’’తి. ఉతు ఏవ సప్పాయం, ఉతువసేన వా కాయచిత్తానం కల్లత్తా సప్పాయం. ఏస నయో సేసేసుపి.
Kometi kiṃ ime? Tenāha ‘‘kahaṃ ime’’ti? Vajjibhūmiṃ vajjiraṭṭhaṃ gatāti vajjibhūmiyā. Tenāha ‘‘vajjiraṭṭhābhimukhā gatā’’ti. Natthi etesaṃ nikebhaṃ nibaddhanivāsaṭṭhānanti aniketā tenāha ‘‘agehā’’ti. Utu eva sappāyaṃ, utuvasena vā kāyacittānaṃ kallattā sappāyaṃ. Esa nayo sesesupi.
సమ్బహులసుత్తవణ్ణనా నిట్ఠితా.
Sambahulasuttavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౪. సమ్బహులసుత్తం • 4. Sambahulasuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౪. సమ్బహులసుత్తవణ్ణనా • 4. Sambahulasuttavaṇṇanā
