| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៥. សាមញ្ញវគ្គោ
5. Sāmaññavaggo
១-១០. សម្ពាធសុត្តាទិវណ្ណនា
1-10. Sambādhasuttādivaṇṇanā
៤២-៥១. បញ្ចមស្ស បឋមេ ឧទាយីតិ តយោ ថេរា ឧទាយី នាម កាឡុទាយី, លាឡុទាយី, មហាឧទាយីតិ, ឥធ កាឡុទាយី អធិប្បេតោតិ អាហ ‘‘ឧទាយីតិ កាឡុទាយិត្ថេរោ’’តិ។ សម្ពាធេតិ សម្បីឡិតតណ្ហាសំកិលេសាទិនា សឧប្បីឡនតាយ បរមសម្ពាធេ។ អតិវិយ សង្ករដ្ឋានភូតោ ហិ នីវរណសម្ពាធោ អធិប្បេតោ។ ឱកាសោតិ ឈានស្សេតំ នាមំ។ នីវរណសម្ពាធាភាវេន ហិ ឈានំ ឥធ ‘‘ឱកាសោ’’តិ វុត្តំ។ បដិលីននិសភោតិ វា បដិលីនោ ហុត្វា សេដ្ឋោ, បដិលីនានំ វា សេដ្ឋោតិ បដិលីននិសភោ។ បដិលីនា នាម បហីនមានា វុច្ចន្តិ មានុស្សយវសេន ឧណ្ណតាភាវតោ។ យថាហ ‘‘កថញ្ច, ភិក្ខវេ, ភិក្ខុ បដិលីនោ ហោតិ? ឥធ, ភិក្ខវេ, ភិក្ខុនោ អស្មិមានោ បហីនោ ហោតិ ឧច្ឆិន្នមូលោ តាលាវត្ថុកតោ អនភាវំគតោ អាយតិំ អនុប្បាទធម្មោ’’តិ (អ. និ. ៤.៣៨; មហានិ. ៨៧)។ សេសំ សព្ពត្ថ ឧត្តានមេវ។
42-51. Pañcamassa paṭhame udāyīti tayo therā udāyī nāma kāḷudāyī, lāḷudāyī, mahāudāyīti, idha kāḷudāyī adhippetoti āha ‘‘udāyīti kāḷudāyitthero’’ti. Sambādheti sampīḷitataṇhāsaṃkilesādinā sauppīḷanatāya paramasambādhe. Ativiya saṅkaraṭṭhānabhūto hi nīvaraṇasambādho adhippeto. Okāsoti jhānassetaṃ nāmaṃ. Nīvaraṇasambādhābhāvena hi jhānaṃ idha ‘‘okāso’’ti vuttaṃ. Paṭilīnanisabhoti vā paṭilīno hutvā seṭṭho, paṭilīnānaṃ vā seṭṭhoti paṭilīnanisabho. Paṭilīnā nāma pahīnamānā vuccanti mānussayavasena uṇṇatābhāvato. Yathāha ‘‘kathañca, bhikkhave, bhikkhu paṭilīno hoti? Idha, bhikkhave, bhikkhuno asmimāno pahīno hoti ucchinnamūlo tālāvatthukato anabhāvaṃgato āyatiṃ anuppādadhammo’’ti (a. ni. 4.38; mahāni. 87). Sesaṃ sabbattha uttānameva.
សម្ពាធសុត្តាទិវណ្ណនា និដ្ឋិតា។
Sambādhasuttādivaṇṇanā niṭṭhitā.
ឥតិ មនោរថបូរណិយា អង្គុត្តរនិកាយ-អដ្ឋកថាយ
Iti manorathapūraṇiyā aṅguttaranikāya-aṭṭhakathāya
នវកនិបាតវណ្ណនាយ អនុត្តានត្ថទីបនា សមត្តា។
Navakanipātavaṇṇanāya anuttānatthadīpanā samattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
១. សម្ពាធសុត្តំ • 1. Sambādhasuttaṃ
២. កាយសក្ខីសុត្តំ • 2. Kāyasakkhīsuttaṃ
៣. បញ្ញាវិមុត្តសុត្តំ • 3. Paññāvimuttasuttaṃ
៤. ឧភតោភាគវិមុត្តសុត្តំ • 4. Ubhatobhāgavimuttasuttaṃ
៥. សន្ទិដ្ឋិកធម្មសុត្តំ • 5. Sandiṭṭhikadhammasuttaṃ
៦. សន្ទិដ្ឋិកនិព្ពានសុត្តំ • 6. Sandiṭṭhikanibbānasuttaṃ
៧. និព្ពានសុត្តំ • 7. Nibbānasuttaṃ
៨. បរិនិព្ពានសុត្តំ • 8. Parinibbānasuttaṃ
៩. តទង្គនិព្ពានសុត្តំ • 9. Tadaṅganibbānasuttaṃ
១០. ទិដ្ឋធម្មនិព្ពានសុត្តំ • 10. Diṭṭhadhammanibbānasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā)
១. សម្ពាធសុត្តវណ្ណនា • 1. Sambādhasuttavaṇṇanā
២. កាយសក្ខិសុត្តវណ្ណនា • 2. Kāyasakkhisuttavaṇṇanā
៣. បញ្ញាវិមុត្តសុត្តវណ្ណនា • 3. Paññāvimuttasuttavaṇṇanā
៤. ឧភតោភាគវិមុត្តសុត្តវណ្ណនា • 4. Ubhatobhāgavimuttasuttavaṇṇanā
៥-១០. សន្ទិដ្ឋិកធម្មសុត្តាទិវណ្ណនា • 5-10. Sandiṭṭhikadhammasuttādivaṇṇanā
