| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
។ នមោ តស្ស ភគវតោ អរហតោ សម្មាសម្ពុទ្ធស្ស។
Namo tassa bhagavato arahato sammāsambuddhassa
អង្គុត្តរនិកាយេ
Aṅguttaranikāye
ទសកនិបាត-ដីកា
Dasakanipāta-ṭīkā
១. បឋមបណ្ណាសកំ
1. Paṭhamapaṇṇāsakaṃ
១. អានិសំសវគ្គោ
1. Ānisaṃsavaggo
១. កិមត្ថិយសុត្តវណ្ណនា
1. Kimatthiyasuttavaṇṇanā
១. ទសកនិបាតស្ស បឋមេ អវិប្បដិសារត្ថានីតិ អវិប្បដិសារប្បយោជនានិ។ អវិប្បដិសារានិសំសានីតិ អវិប្បដិសារុទយានិ។ ឯតេន អវិប្បដិសារោ នាម សីលស្ស្ស ឧទយមត្តំ, សំវទ្ធិតស្ស រុក្ខស្ស ឆាយាបុប្ផសទិសំ, អញ្ញោ ឯវ បនានេន និប្ផាទេតព្ពោ សមាធិអាទិគុណោតិ ទស្សេតិ។ ‘‘យាវ មគ្គាមគ្គញាណទស្សនវិសុទ្ធិ, តាវ តរុណវិបស្សនា’’តិ ហិ វចនតោ ឧបក្កិលេសវិមុត្តឧទយព្ពយញាណតោ បរំ អយញ្ច វិបស្សនា វិរជ្ជតិ យោគាវចរោ វិរត្តោ បុរិសោ វិយ ភរិយាយ សង្ខារតោ ឯតេនាតិ វិរាគោ។
1. Dasakanipātassa paṭhame avippaṭisāratthānīti avippaṭisārappayojanāni. Avippaṭisārānisaṃsānīti avippaṭisārudayāni. Etena avippaṭisāro nāma sīlasssa udayamattaṃ, saṃvaddhitassa rukkhassa chāyāpupphasadisaṃ, añño eva panānena nipphādetabbo samādhiādiguṇoti dasseti. ‘‘Yāva maggāmaggañāṇadassanavisuddhi, tāva taruṇavipassanā’’ti hi vacanato upakkilesavimuttaudayabbayañāṇato paraṃ ayañca vipassanā virajjati yogāvacaro viratto puriso viya bhariyāya saṅkhārato etenāti virāgo.
កិមត្ថិយសុត្តវណ្ណនា និដ្ឋិតា។
Kimatthiyasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១. កិមត្ថិយសុត្តំ • 1. Kimatthiyasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ១. កិមត្ថិយសុត្តវណ្ណនា • 1. Kimatthiyasuttavaṇṇanā
