| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
(૯) ૪. સમણવગ્ગો
(9) 4. Samaṇavaggo
૧-૫. સમણસુત્તાદિવણ્ણના
1-5. Samaṇasuttādivaṇṇanā
૮૨-૮૬. ચતુત્થસ્સ પઠમે સમ્મા આદાનં ગહણં સમાદાનન્તિ આહ ‘‘સમાદાનં વુચ્ચતિ ગહણ’’ન્તિ. અધિકં વિસિટ્ઠં સીલન્તિ અધિસીલં. લોકિયસીલસ્સ અધિસીલભાવો પરિયાયેનાતિ નિપ્પરિયાયમેવ તં દસ્સેતું ‘‘અપિચ સબ્બમ્પિ લોકિયસીલ’’ન્તિઆદિ વુત્તં. સિક્ખિતબ્બતોતિ આસેવિતબ્બતો. પઞ્ચપિ દસપિ વા સીલાનિ સીલં નામ, પાતિમોક્ખસંવરો અધિસીલં નામ અનવસેસકાયિકચેતસિકસંવરભાવતો મગ્ગસીલસ્સ પદટ્ઠાનભાવતો ચ. અટ્ઠ સમાપત્તિયો ચિત્તં, વિપસ્સનાપાદકજ્ઝાનં અધિચિત્તં મગ્ગસમાધિસ્સ અધિટ્ઠાનભાવતો. કમ્મસ્સકતઞાણં પઞ્ઞા, વિપસ્સના અધિપઞ્ઞા મગ્ગપઞ્ઞાય અધિટ્ઠાનભાવતો. અપિચ નિબ્બાનં પત્થયન્તેન સમાદિન્નં પઞ્ચસીલં દસસીલમ્પિ અધિસીલમેવ નિબ્બાનાધિગમસ્સ પચ્ચયભાવતો. નિબ્બાનં પત્થયન્તેન સમાપન્ના અટ્ઠ સમાપત્તિયોપિ અધિચિત્તમેવ.
82-86. Catutthassa paṭhame sammā ādānaṃ gahaṇaṃ samādānanti āha ‘‘samādānaṃ vuccati gahaṇa’’nti. Adhikaṃ visiṭṭhaṃ sīlanti adhisīlaṃ. Lokiyasīlassa adhisīlabhāvo pariyāyenāti nippariyāyameva taṃ dassetuṃ ‘‘apica sabbampi lokiyasīla’’ntiādi vuttaṃ. Sikkhitabbatoti āsevitabbato. Pañcapi dasapi vā sīlāni sīlaṃ nāma, pātimokkhasaṃvaro adhisīlaṃ nāma anavasesakāyikacetasikasaṃvarabhāvato maggasīlassa padaṭṭhānabhāvato ca. Aṭṭha samāpattiyo cittaṃ, vipassanāpādakajjhānaṃ adhicittaṃ maggasamādhissa adhiṭṭhānabhāvato. Kammassakatañāṇaṃ paññā, vipassanā adhipaññā maggapaññāya adhiṭṭhānabhāvato. Apica nibbānaṃ patthayantena samādinnaṃ pañcasīlaṃ dasasīlampi adhisīlameva nibbānādhigamassa paccayabhāvato. Nibbānaṃ patthayantena samāpannā aṭṭha samāpattiyopi adhicittameva.
‘‘કલ્યાણકારી કલ્યાણં, પાપકારી ચ પાપકં;
‘‘Kalyāṇakārī kalyāṇaṃ, pāpakārī ca pāpakaṃ;
અનુભોતિ દ્વયમેતં, અનુબન્ધઞ્હિ કારણ’’ન્તિ. –
Anubhoti dvayametaṃ, anubandhañhi kāraṇa’’nti. –
એવં અતીતે અનાગતે ચ વટ્ટમૂલકદુક્ખસલ્લક્ખણવસેન સંવેગવત્થુતાય વિમુત્તિઆકઙ્ખાય પચ્ચયભૂતા કમ્મસ્સકતપઞ્ઞાપિ અધિપઞ્ઞાતિ વદન્તિ. દુતિયતતિયચતુત્થપઞ્ચમાનિ ઉત્તાનત્થાનેવ.
Evaṃ atīte anāgate ca vaṭṭamūlakadukkhasallakkhaṇavasena saṃvegavatthutāya vimuttiākaṅkhāya paccayabhūtā kammassakatapaññāpi adhipaññāti vadanti. Dutiyatatiyacatutthapañcamāni uttānatthāneva.
સમણસુત્તાદિવણ્ણના નિટ્ઠિતા.
Samaṇasuttādivaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya
૧. સમણસુત્તં • 1. Samaṇasuttaṃ
૨. ગદ્રભસુત્તં • 2. Gadrabhasuttaṃ
૩. ખેત્તસુત્તં • 3. Khettasuttaṃ
૪. વજ્જિપુત્તસુત્તં • 4. Vajjiputtasuttaṃ
૫. સેક્ખસુત્તં • 5. Sekkhasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā)
૧. સમણસુત્તવણ્ણના • 1. Samaṇasuttavaṇṇanā
૨. ગદ્રભસુત્તવણ્ણના • 2. Gadrabhasuttavaṇṇanā
૩. ખેત્તસુત્તવણ્ણના • 3. Khettasuttavaṇṇanā
૪. વજ્જિપુત્તસુત્તવણ્ણના • 4. Vajjiputtasuttavaṇṇanā
૫. સેક્ખસુત્તવણ્ણના • 5. Sekkhasuttavaṇṇanā
