| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
13. саман̣агаббанид̣̇д̣̇зсаван̣н̣анаа
13. Samaṇakappaniddesavaṇṇanā
125. бхууд̇аанам̣ ж̇аад̇аанам̣ ниб̣б̣ад̇д̇аанам̣ г̇аамо бхууд̇аг̇аамо (баажи. 91; баажи. адта. 91; ган̇каа. адта. бхууд̇аг̇аамасигкаабад̣̇аван̣н̣анаа). самаарамбход̇и чзд̣̇анапааланабажанаад̣̇и, д̇асмим̣ бхууд̇аг̇аамасамаарамбхз бхууд̇аг̇аамасамаарамбхахзд̇у баажид̇д̇и ход̇ийд̇и ад̇т̇о. гад̇агаббияам̣ (ган̇каа. адта. бхууд̇аг̇аамасигкаабад̣̇аван̣н̣анаа) бана саман̣агаббияам̣ бхавзд̇и самб̣анд̇хо. саман̣аанам̣ габбияам̣ саман̣агаббияам̣ . ид̣̇аани язна гад̇ам̣ габбияам̣ саман̣агаббияам̣ ход̇и, д̇ам̣ д̣̇ассзд̇ум̣ ‘‘накзна ваа’’д̇иаад̣̇имааха. ‘‘ануж̇аанаами, бхигкавз, бан̃жахи саман̣агаббзхи палам̣ барибхун̃ж̇ид̇ум̣, аг̇г̇ибариж̇ид̇ам̣ сад̇т̇абариж̇ид̇ам̣ накабариж̇ид̇ам̣ аб̣ийж̇ам̣ ниб̣б̣аддаб̣ийж̇ан̃н̃зва бан̃жама’’нд̇и (жуул̣ава. 250) хи вуд̇д̇ам̣.
125. Bhūtānaṃ jātānaṃ nibbattānaṃ gāmo bhūtagāmo (pāci. 91; pāci. aṭṭha. 91; kaṅkhā. aṭṭha. bhūtagāmasikkhāpadavaṇṇanā). Samārambhoti chedanaphālanapacanādi, tasmiṃ bhūtagāmasamārambhe bhūtagāmasamārambhahetu pācitti hotīti attho. Katakappiyaṃ (kaṅkhā. aṭṭha. bhūtagāmasikkhāpadavaṇṇanā) pana samaṇakappiyaṃ bhaveti sambandho. Samaṇānaṃ kappiyaṃ samaṇakappiyaṃ. Idāni yena kataṃ kappiyaṃ samaṇakappiyaṃ hoti, taṃ dassetuṃ ‘‘nakhena vā’’tiādimāha. ‘‘Anujānāmi, bhikkhave, pañcahi samaṇakappehi phalaṃ paribhuñjituṃ, aggiparijitaṃ satthaparijitaṃ nakhaparijitaṃ abījaṃ nibbaṭṭabījaññeva pañcama’’nti (cūḷava. 250) hi vuttaṃ.
126. ид̣̇аани д̇ам̣ бхууд̇аг̇аамам̣ д̣̇ассзд̇ум̣ ‘‘самуулаа’’д̇иаад̣̇имааха. д̇ад̇т̇а (баажи. 91; баажи. адта. 91) са-ид̇и со бхууд̇аг̇аамо наамаад̇и ад̇т̇о, муулаб̣ийж̇аад̣̇ийхи бан̃жахи б̣ийж̇зхи бабхаавид̇о ход̇ийд̇и вуд̇д̇ам̣ ход̇и. д̇ад̇т̇а муулаб̣ийж̇ам̣ наама халид̣̇д̣̇исин̇г̇ивзраад̣̇и. канд̇хаб̣ийж̇ам̣ наама ассад̇т̇о ниг̇род̇ход̇и звамаад̣̇и. аг̇г̇аб̣ийж̇ам̣ наама аж̇ж̇угапан̣иж̇ж̇агаад̣̇и. пал̣уб̣ийж̇ам̣ наама ужчувзл̣унал̣аад̣̇и. ‘‘б̣ийж̇аб̣ийж̇ам̣ наама буб̣б̣ан̣н̣ам̣ абаран̣н̣ам̣, яаани ваа банан̃н̃ааниби ад̇т̇и б̣ийж̇з ж̇ааяанд̇и б̣ийж̇з сан̃ж̇ааяанд̇и, зд̇ам̣ б̣ийж̇аб̣ийж̇ам̣ наамаа’’д̇и вуд̇д̇ам̣. ид̣̇аани ‘‘б̣ийж̇аг̇аамабхууд̇аг̇аамасамаарамбхаа бадивирад̇о ход̇ий’’д̇и (д̣̇ий. ни. 1.10, 195; ма. ни. 1.293, 411; 2.11; а. ни. 10.99; бу. ба. 179) вуд̇д̇ад̇д̇аа д̇хаммаануломзна ааг̇ад̇ам̣ б̣ийж̇аг̇аамасамаарамбхам̣ д̣̇ассзд̇ум̣ ‘‘аарамбхз д̣̇уггада’’нд̇иаад̣̇имааха. д̇асмаа зд̇ам̣ батамам̣ ‘‘габбияам̣ гарохий’’д̇и бхууд̇аг̇аамабариможанам̣ гаарзд̇ваа б̣ийж̇аг̇аамабариможанад̇т̇ам̣ буна габбияам̣ гаарзд̇аб̣б̣ам̣.
126. Idāni taṃ bhūtagāmaṃ dassetuṃ ‘‘samūlā’’tiādimāha. Tattha (pāci. 91; pāci. aṭṭha. 91) sa-iti so bhūtagāmo nāmāti attho, mūlabījādīhi pañcahi bījehi pabhāvito hotīti vuttaṃ hoti. Tattha mūlabījaṃ nāma haliddisiṅgiverādi. Khandhabījaṃ nāma assattho nigrodhoti evamādi. Aggabījaṃ nāma ajjukaphaṇijjakādi. Phaḷubījaṃ nāma ucchuveḷunaḷādi. ‘‘Bījabījaṃ nāma pubbaṇṇaṃ aparaṇṇaṃ, yāni vā panaññānipi atthi bīje jāyanti bīje sañjāyanti, etaṃ bījabījaṃ nāmā’’ti vuttaṃ. Idāni ‘‘bījagāmabhūtagāmasamārambhā paṭivirato hotī’’ti (dī. ni. 1.10, 195; ma. ni. 1.293, 411; 2.11; a. ni. 10.99; pu. pa. 179) vuttattā dhammānulomena āgataṃ bījagāmasamārambhaṃ dassetuṃ ‘‘ārambhe dukkaṭa’’ntiādimāha. Tasmā etaṃ paṭhamaṃ ‘‘kappiyaṃ karohī’’ti bhūtagāmaparimocanaṃ kāretvā bījagāmaparimocanatthaṃ puna kappiyaṃ kāretabbaṃ.
127. ниб̣б̣аддаб̣ийж̇ам̣ (баажи. адта. 92; ган̇каа. адта. бхуд̇аг̇аамасигкаабад̣̇аван̣н̣анаа) наама амб̣абанасаад̣̇и. ноб̣ийж̇ам̣ наама д̇арун̣амб̣апалаад̣̇и, зд̇ам̣ бана саб̣б̣ам̣ агаббияамби ваддад̇ийд̇и ад̇т̇о. гадаахаб̣ад̣̇д̇хаб̣ийж̇аани габид̇т̇апалаад̣̇ийни. б̣ахид̣̇д̇хаа вааби гаараязд̇и габаалзби гаад̇ум̣ ваддад̇и, сажз згааб̣ад̣̇д̇хаанийд̇и ад̇т̇о. гадаахамуд̇д̇ам̣ бана бхинд̣̇ид̇ваа гаарзд̇аб̣б̣ам̣.
127.Nibbaṭṭabījaṃ (pāci. aṭṭha. 92; kaṅkhā. aṭṭha. bhutagāmasikkhāpadavaṇṇanā) nāma ambapanasādi. Nobījaṃ nāma taruṇambaphalādi, etaṃ pana sabbaṃ akappiyampi vaṭṭatīti attho. Kaṭāhabaddhabījāni kapitthaphalādīni. Bahiddhā vāpi kārayeti kapālepi kātuṃ vaṭṭati, sace ekābaddhānīti attho. Kaṭāhamuttaṃ pana bhinditvā kāretabbaṃ.
128. бхааж̇анз ваа бхуумияам̣ ваа згааб̣ад̣̇д̇хзсу б̣ийж̇зсу згасмим̣ б̣ийж̇з габбияз гад̇з саб̣б̣зсвзва гад̇ам̣ бхавзд̇и ад̇т̇о. яат̇аа жа б̣ийж̇з, звам̣ ругкасахассам̣ ваа ужчусахассам̣ ваа чинд̣̇ид̇ваа згааб̣ад̣̇д̇хз гад̇зби винижчаяо взд̣̇ид̇аб̣б̣о.
128. Bhājane vā bhūmiyaṃ vā ekābaddhesu bījesu ekasmiṃ bīje kappiye kate sabbesveva kataṃ bhaveti attho. Yathā ca bīje, evaṃ rukkhasahassaṃ vā ucchusahassaṃ vā chinditvā ekābaddhe katepi vinicchayo veditabbo.
129. габбияам̣ гад̇ваа нигкид̇д̇з б̣ийж̇аг̇аамз буна муулабан̣н̣аани сажз ж̇ааяарум̣, буна габбияам̣ гаарзяяаад̇и ад̇т̇о. д̇ад̣̇аад̇и муулз жа ан̇гурз жа ж̇аад̇зд̇и ад̇т̇о.
129. Kappiyaṃ katvā nikkhitte bījagāme puna mūlapaṇṇāni sace jāyaruṃ, puna kappiyaṃ kāreyyāti attho. Tadāti mūle ca aṅkure ca jāteti attho.
130. уд̣̇агасамбхавод̇и уд̣̇агаж̇аад̇о. жзд̇ияаад̣̇ийсууд̇и зд̇т̇а аад̣̇и-сад̣̇д̣̇зна г̇зхаббамукабаагааравзд̣̇игаад̣̇ийсу ниб̣б̣ад̇д̇аа г̇ахид̇аа. ниб̣б̣ад̇д̇ад̣̇вад̇д̇ибад̇д̇аго бхууд̇аг̇аамова, аниб̣б̣ад̇д̇аго аг̇г̇аб̣ийж̇з сан̇г̇ахам̣ г̇ажчад̇и. б̣ийж̇амби яаава муулам̣ ваа бан̣н̣ам̣ ваа на нигкамад̇и, д̇аава б̣ийж̇аг̇аамова, муулз жа нигканд̇з бан̣н̣з жа харид̇з ж̇аад̇з бхууд̇аг̇аамова ход̇ийд̇и ад̇т̇о.
130.Udakasambhavoti udakajāto. Cetiyādīsūti ettha ādi-saddena gehappamukhapākāravedikādīsu nibbattā gahitā. Nibbattadvattipattako bhūtagāmova, anibbattako aggabīje saṅgahaṃ gacchati. Bījampi yāva mūlaṃ vā paṇṇaṃ vā na nikkhamati, tāva bījagāmova, mūle ca nikkhante paṇṇe ca harite jāte bhūtagāmova hotīti attho.
131. магул̣анд̇и апуллам̣. ахичад̇д̇агам̣ наама ругкз ж̇аад̇ам̣ ахичад̇д̇агам̣.
131.Makuḷanti aphullaṃ. Ahichattakaṃ nāma rukkhe jātaṃ ahichattakaṃ.
132. алларугкз г̇ан̣хад̇од̇и самб̣анд̇хо. д̇ад̇т̇аад̇и алларугкз чинд̣̇ад̇о ваабийд̇и самб̣анд̇хо.
132. Allarukkhe gaṇhatoti sambandho. Tatthāti allarukkhe chindato vāpīti sambandho.
134. ‘‘имам̣ ругкам̣, имам̣ лад̇ам̣, имам̣ ганд̣̇ам̣ чинд̣̇а, бхинд̣̇аа’’д̇иаад̣̇инаа наязна нияамзд̇ваа бхаасид̇ум̣ на ваддад̇и. ‘‘ид̣̇ам̣, зд̇а’’нд̇и авад̇ваа гзвалам̣ ‘‘ругкам̣ чинд̣̇аа’’д̇иаад̣̇инаа (баажи. адта. 92; ган̇каа. адта. бхууд̇аг̇аамахигкаабад̣̇аван̣н̣анаа) наязна вад̇д̇ум̣ ваддад̇ийд̇и. саман̣агаббавинижчаяо.
134. ‘‘Imaṃ rukkhaṃ, imaṃ lataṃ, imaṃ kandaṃ chinda, bhindā’’tiādinā nayena niyametvā bhāsituṃ na vaṭṭati. ‘‘Idaṃ, eta’’nti avatvā kevalaṃ ‘‘rukkhaṃ chindā’’tiādinā (pāci. aṭṭha. 92; kaṅkhā. aṭṭha. bhūtagāmahikkhāpadavaṇṇanā) nayena vattuṃ vaṭṭatīti. Samaṇakappavinicchayo.
саман̣агаббанид̣̇д̣̇зсаван̣н̣анаа нидтид̇аа.
Samaṇakappaniddesavaṇṇanā niṭṭhitā.
