| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
14. бхууминид̣̇д̣̇зсаван̣н̣анаа
14. Bhūminiddesavaṇṇanā
136. ид̣̇аани ‘‘ануж̇аанаами, бхигкавз, жад̇ассо габбияабхуумияо уссаавананд̇игам̣ г̇онисаад̣̇игам̣ г̇ахабад̇им̣ саммуд̇и’’нд̇и (махаава. 295) звам̣ вуд̇д̇аа жад̇ассо габбияабхуумияо д̣̇ассзд̇ум̣ ‘‘саммуд̇уссаавананд̇аа жаа’’д̇иаад̣̇имааха. яаасууд̇и габбияабхуумийсу (ган̇каа. адта. саннид̇хигаарагасигкаабад̣̇аван̣н̣анаа).
136. Idāni ‘‘anujānāmi, bhikkhave, catasso kappiyabhūmiyo ussāvanantikaṃ gonisādikaṃ gahapatiṃ sammuti’’nti (mahāva. 295) evaṃ vuttā catasso kappiyabhūmiyo dassetuṃ ‘‘sammutussāvanantā cā’’tiādimāha. Yāsūti kappiyabhūmīsu (kaṅkhā. aṭṭha. sannidhikārakasikkhāpadavaṇṇanā).
137. ид̣̇аани яад̇т̇а габбияагуди ижчид̇аб̣б̣аа, д̇ам̣ д̣̇ассзд̇ум̣ ‘‘ваасад̇т̇ааяаа’’д̇иаад̣̇имааха. ваасад̇т̇ааяаад̇и иминаа годтааг̇аарабхад̇д̇асаалаажзд̇ияагхарасаммун̃ж̇аниймаал̣агаад̣̇и яам̣ яам̣ ан̃н̃амби ваасад̇т̇ааяа гарийяад̇и, д̇ад̇т̇а д̇ад̇т̇а габбияагудигаран̣агижжам̣ над̇т̇ийд̇и д̣̇ийбид̇ам̣ ход̇и. бхож̇анасаалаа бана сзнаасанамзва, д̇асмаа д̇ад̇т̇а гаад̇аб̣б̣аа зваад̇и вад̣̇анд̇и. сан̇гхигзвзгасанд̇агзд̇и зд̇т̇а згасанд̇аго убасамбаннасанд̇агова взд̣̇ид̇аб̣б̣о.
137. Idāni yattha kappiyakuṭi icchitabbā, taṃ dassetuṃ ‘‘vāsatthāyā’’tiādimāha. Vāsatthāyāti iminā koṭṭhāgārabhattasālācetiyagharasammuñjanīmāḷakādi yaṃ yaṃ aññampi vāsatthāya karīyati, tattha tattha kappiyakuṭikaraṇakiccaṃ natthīti dīpitaṃ hoti. Bhojanasālā pana senāsanameva, tasmā tattha kātabbā evāti vadanti. Saṅghikevekasantaketi ettha ekasantako upasampannasantakova veditabbo.
138. ид̣̇аани гад̇д̇аб̣б̣аагаарам̣ д̣̇ассзд̇ум̣ ‘‘г̇зхз’’д̇иаад̣̇имааха. д̇ад̇т̇а сан̇гхасса ваа згасса ваа г̇зхз вихаарз гарияамаанз звам̣ ийраяам̣ ‘‘габбияагудим̣ гарома, габбияагудим̣ гаромаа’’д̇и ваа ‘‘габбияагуди габбияагудий’’д̇и ваа вад̣̇анд̇о батамидтагад̇т̇амбхаад̣̇им̣ табзяяа, звам̣ гад̇аа уссаавананд̇игаа наама, звам̣ уд̣̇аахарид̇аважананд̇игаад̇и ад̇т̇о.
138. Idāni kattabbākāraṃ dassetuṃ ‘‘gehe’’tiādimāha. Tattha saṅghassa vā ekassa vā gehe vihāre kariyamāne evaṃ īrayaṃ ‘‘kappiyakuṭiṃ karoma, kappiyakuṭiṃ karomā’’ti vā ‘‘kappiyakuṭi kappiyakuṭī’’ti vā vadanto paṭhamiṭṭhakatthambhādiṃ ṭhapeyya, evaṃ katā ussāvanantikā nāma, evaṃ udāharitavacanantikāti attho.
139. язбхуяязна ваа абаригкид̇д̇о, сагалоби ваа абаригкид̇д̇о аараамо ‘‘г̇онисаад̣̇ий’’д̇и вужжад̇ийд̇и самб̣анд̇хо. зд̇т̇а бана сзнаасанзсу баригкид̇д̇зсуби аараамз абаригкид̇д̇з габбияагудигаран̣агижжам̣ над̇т̇и. саммуд̇им̣ гаронд̇зхи гад̇ам̣ барияосид̇ам̣ ‘‘имам̣ вихаарам̣ ад̣дхаяог̇ам̣ баасаад̣̇ам̣ хаммияам̣ г̇ухам̣ д̇ин̣агудигам̣ ман̣д̣аба’’нд̇и д̇зсам̣ наамам̣ г̇ахзд̇ваа д̇ассаа гудияаа хад̇т̇абаасз ваа тад̇ваа, д̇ассаа анд̇о ваа бависид̇ваа вуд̇д̇анаязнзва н̃ад̇д̇ид̣̇уд̇ияагаммаваажааяа самманнид̇аб̣б̣ам̣.
139. Yebhuyyena vā aparikkhitto, sakalopi vā aparikkhitto ārāmo ‘‘gonisādī’’ti vuccatīti sambandho. Ettha pana senāsanesu parikkhittesupi ārāme aparikkhitte kappiyakuṭikaraṇakiccaṃ natthi. Sammutiṃ karontehi kataṃ pariyositaṃ ‘‘imaṃ vihāraṃ aḍḍhayogaṃ pāsādaṃ hammiyaṃ guhaṃ tiṇakuṭikaṃ maṇḍapa’’nti tesaṃ nāmaṃ gahetvā tassā kuṭiyā hatthapāse vā ṭhatvā, tassā anto vā pavisitvā vuttanayeneva ñattidutiyakammavācāya sammannitabbaṃ.
140. ‘‘бхигкум̣ табзд̇ваа ан̃н̃зхий’’д̇и важанад̇о сзсасахад̇хаммигзхиби д̣̇звамануссзхиби ан̃н̃зхи габбияагудияаа ад̇т̇ааяа д̣̇инно ваа д̇зсам̣ санд̇аго ваа г̇зхо ‘‘г̇ахабад̇ий’’д̇и мад̇о н̃аад̇од̇и ад̇т̇о, сан̇гхасанд̇аган̃жа бхигкусанд̇аган̃жа табзд̇ваа саб̣б̣зсам̣ г̇зхо г̇ахабад̇ийд̇и ад̇хиббааяо.
140. ‘‘Bhikkhuṃ ṭhapetvā aññehī’’ti vacanato sesasahadhammikehipi devamanussehipi aññehi kappiyakuṭiyā atthāya dinno vā tesaṃ santako vā geho ‘‘gahapatī’’ti mato ñātoti attho, saṅghasantakañca bhikkhusantakañca ṭhapetvā sabbesaṃ geho gahapatīti adhippāyo.
141. саббиаад̣̇ийхи миссид̇анд̇и саббиаад̣̇ийхи бан̃жахи жа халид̣̇д̣̇исин̇г̇ивзраад̣̇ияааваж̇ийвигзна жаад̇и ад̇т̇о. важ̇зяяа анд̇овуд̇т̇ад̇д̇анд̇и зд̇т̇а яаавагаалигаяаамагаалигасан̇каад̇ам̣ буримагаалигад̣̇ваяам̣ сан̇гхигам̣ ваа бхигкусса ваа бхигкунияаа ваа санд̇агам̣ саяам̣ габбияагудияаа вуд̇т̇амби ид̇арзхи агаббияагудияаа вуд̇т̇зхи миссид̇ам̣ анд̇овуд̇т̇абхаавам̣ ааг̇ажчзяяаад̇и ад̇т̇о.
141.Sappiādīhimissitanti sappiādīhi pañcahi ca haliddisiṅgiverādiyāvajīvikena cāti attho. Vajeyya antovutthattanti ettha yāvakālikayāmakālikasaṅkhātaṃ purimakālikadvayaṃ saṅghikaṃ vā bhikkhussa vā bhikkhuniyā vā santakaṃ sayaṃ kappiyakuṭiyā vutthampi itarehi akappiyakuṭiyā vutthehi missitaṃ antovutthabhāvaṃ āgaccheyyāti attho.
142. д̇зхзваад̇и агаббияагудияам̣ вуд̇т̇асаббид̇злаад̣̇ийхи. саамабаагад̇анд̇и саамам̣баггабхаавам̣ г̇ажчад̇ийд̇и ад̇т̇о.
142.Tehevāti akappiyakuṭiyaṃ vutthasappitelādīhi. Sāmapākatanti sāmaṃpakkabhāvaṃ gacchatīti attho.
143-4. имаа бана габбияагудияо яад̣̇аа ж̇ахид̇авад̇т̇угаа хонд̇и, д̇ам̣ д̣̇ассзд̇ум̣ ‘‘уссаавананд̇игаа’’д̇иаад̣̇имааха. сажз т̇амбхз ваа бхид̇д̇ибаад̣̇з ваа баривад̇д̇знд̇и, яо яо тид̇о, д̇ад̇т̇а д̇ад̇т̇а бад̇идтаад̇и, зд̇знубааязна саб̣б̣зсу баривад̇д̇зсуби на виж̇ахид̇авад̇т̇угаава ход̇ийд̇и ад̇т̇о. баригкид̇д̇з г̇онисаад̣̇и виж̇ахид̇авад̇т̇угаа. сзсаа чад̣̇анавиб̣бхамаад̇и чад̣̇анавинаасаа ж̇ахид̇авад̇т̇угаа хонд̇ийд̇и ад̇хиббааяо. бхуумивинижчаяо.
143-4. Imā pana kappiyakuṭiyo yadā jahitavatthukā honti, taṃ dassetuṃ ‘‘ussāvanantikā’’tiādimāha. Sace thambhe vā bhittipāde vā parivattenti, yo yo ṭhito, tattha tattha patiṭṭhāti, etenupāyena sabbesu parivattesupi na vijahitavatthukāva hotīti attho. Parikkhitte gonisādi vijahitavatthukā. Sesā chadanavibbhamāti chadanavināsā jahitavatthukā hontīti adhippāyo. Bhūmivinicchayo.
бхууминид̣̇д̣̇зсаван̣н̣анаа нидтид̇аа.
Bhūminiddesavaṇṇanā niṭṭhitā.
