| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៦. សមាធិសុត្តវណ្ណនា
6. Samādhisuttavaṇṇanā
៧០. ឆដ្ឋេ បដិប្បស្សម្ភនំ បដិប្បស្សទ្ធីតិ អត្ថតោ ឯកន្តិ អាហ ‘‘ន បដិប្បស្សទ្ធិលទ្ធេនាតិ កិលេសប្បដិប្បស្សទ្ធិយា អលទ្ធេនា’’តិ។ សុក្កបក្ខេ សន្តេនាតិអាទីសុ អង្គសន្តតាយ អារម្មណសន្តតាយ សព្ពកិលេសសន្តតាយ ច សន្តេន, អតប្បនិយដ្ឋេន បណីតេន, កិលេសប្បដិប្បស្សទ្ធិយា លទ្ធត្តា, កិលេសប្បដិប្បស្សទ្ធិភាវំ វា លទ្ធត្តា បដិប្បស្សទ្ធិលទ្ធេន, បស្សទ្ធិកិលេសេន វា អរហតា លទ្ធត្តា បដិប្បស្សទ្ធិលទ្ធេន, ឯកោទិភាវេន អធិគតត្តា ឯកោទិភាវាធិគតេនាតិ ឯវមត្ថោ ទដ្ឋព្ពោ។
70. Chaṭṭhe paṭippassambhanaṃ paṭippassaddhīti atthato ekanti āha ‘‘na paṭippassaddhiladdhenāti kilesappaṭippassaddhiyā aladdhenā’’ti. Sukkapakkhe santenātiādīsu aṅgasantatāya ārammaṇasantatāya sabbakilesasantatāya ca santena, atappaniyaṭṭhena paṇītena, kilesappaṭippassaddhiyā laddhattā, kilesappaṭippassaddhibhāvaṃ vā laddhattā paṭippassaddhiladdhena, passaddhikilesena vā arahatā laddhattā paṭippassaddhiladdhena, ekodibhāvena adhigatattā ekodibhāvādhigatenāti evamattho daṭṭhabbo.
សមាធិសុត្តវណ្ណនា និដ្ឋិតា។
Samādhisuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៦. សមាធិសុត្តំ • 6. Samādhisuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៦. សមាធិសុត្តវណ្ណនា • 6. Samādhisuttavaṇṇanā
