| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೯. ಸಮಾದಪಕತ್ಥೇರಅಪದಾನಂ
9. Samādapakattheraapadānaṃ
೪೪.
44.
‘‘ನಗರೇ ಬನ್ಧುಮತಿಯಾ, ಮಹಾಪೂಗಗಣೋ ಅಹು।
‘‘Nagare bandhumatiyā, mahāpūgagaṇo ahu;
೪೫.
45.
‘‘ಸಬ್ಬೇ ತೇ ಸನ್ನಿಪಾತೇತ್ವಾ, ಪುಞ್ಞಕಮ್ಮೇ ಸಮಾದಯಿಂ।
‘‘Sabbe te sannipātetvā, puññakamme samādayiṃ;
ಮಾಳಂ ಕಸ್ಸಾಮ ಸಙ್ಘಸ್ಸ, ಪುಞ್ಞಕ್ಖೇತ್ತಂ ಅನುತ್ತರಂ॥
Māḷaṃ kassāma saṅghassa, puññakkhettaṃ anuttaraṃ.
೪೬.
46.
‘‘ಸಾಧೂತಿ ತೇ ಪಟಿಸ್ಸುತ್ವಾ, ಮಮ ಛನ್ದವಸಾನುಗಾ।
‘‘Sādhūti te paṭissutvā, mama chandavasānugā;
ನಿಟ್ಠಾಪೇತ್ವಾ ಚ ತಂ ಮಾಳಂ, ವಿಪಸ್ಸಿಸ್ಸ ಅದಮ್ಹಸೇ॥
Niṭṭhāpetvā ca taṃ māḷaṃ, vipassissa adamhase.
೪೭.
47.
‘‘ಏಕನವುತಿತೋ ಕಪ್ಪೇ, ಯಂ ಮಾಳಮದದಿಂ ತದಾ।
‘‘Ekanavutito kappe, yaṃ māḷamadadiṃ tadā;
ದುಗ್ಗತಿಂ ನಾಭಿಜಾನಾಮಿ, ಮಾಳದಾನಸ್ಸಿದಂ ಫಲಂ॥
Duggatiṃ nābhijānāmi, māḷadānassidaṃ phalaṃ.
೪೮.
48.
ಏಕೋ ಆಸಿ ಜನಾಧಿಪೋ।
Eko āsi janādhipo.
ಆದೇಯ್ಯೋ ನಾಮ ನಾಮೇನ, ಚಕ್ಕವತ್ತೀ ಮಹಬ್ಬಲೋ॥
Ādeyyo nāma nāmena, cakkavattī mahabbalo.
೪೯.
49.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಸಮಾದಪಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā samādapako thero imā gāthāyo abhāsitthāti.
ಸಮಾದಪಕತ್ಥೇರಸ್ಸಾಪದಾನಂ ನವಮಂ।
Samādapakattherassāpadānaṃ navamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೯. ಸಮಾದಪಕತ್ಥೇರಅಪದಾನವಣ್ಣನಾ • 9. Samādapakattheraapadānavaṇṇanā
