| Library / Tipiṭaka / तिपिटक • Tipiṭaka / अपदानपाळि • Apadānapāḷi |
९. समादपकत्थेरअपदानं
9. Samādapakattheraapadānaṃ
४४.
44.
‘‘नगरे बन्धुमतिया, महापूगगणो अहु।
‘‘Nagare bandhumatiyā, mahāpūgagaṇo ahu;
४५.
45.
‘‘सब्बे ते सन्निपातेत्वा, पुञ्ञकम्मे समादयिं।
‘‘Sabbe te sannipātetvā, puññakamme samādayiṃ;
माळं कस्साम सङ्घस्स, पुञ्ञक्खेत्तं अनुत्तरं॥
Māḷaṃ kassāma saṅghassa, puññakkhettaṃ anuttaraṃ.
४६.
46.
‘‘साधूति ते पटिस्सुत्वा, मम छन्दवसानुगा।
‘‘Sādhūti te paṭissutvā, mama chandavasānugā;
निट्ठापेत्वा च तं माळं, विपस्सिस्स अदम्हसे॥
Niṭṭhāpetvā ca taṃ māḷaṃ, vipassissa adamhase.
४७.
47.
‘‘एकनवुतितो कप्पे, यं माळमददिं तदा।
‘‘Ekanavutito kappe, yaṃ māḷamadadiṃ tadā;
दुग्गतिं नाभिजानामि, माळदानस्सिदं फलं॥
Duggatiṃ nābhijānāmi, māḷadānassidaṃ phalaṃ.
४८.
48.
एको आसि जनाधिपो।
Eko āsi janādhipo.
आदेय्यो नाम नामेन, चक्कवत्ती महब्बलो॥
Ādeyyo nāma nāmena, cakkavattī mahabbalo.
४९.
49.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा समादपको थेरो इमा गाथायो अभासित्थाति।
Itthaṃ sudaṃ āyasmā samādapako thero imā gāthāyo abhāsitthāti.
समादपकत्थेरस्सापदानं नवमं।
Samādapakattherassāpadānaṃ navamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ९. समादपकत्थेरअपदानवण्णना • 9. Samādapakattheraapadānavaṇṇanā
