| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. पञ्चङ्गुलियत्थेरअपदानं
10. Pañcaṅguliyattheraapadānaṃ
५०.
50.
‘‘तिस्सो नामासि भगवा, लोकजेट्ठो नरासभो।
‘‘Tisso nāmāsi bhagavā, lokajeṭṭho narāsabho;
पविसति गन्धकुटिं, विहारकुसलो मुनि॥
Pavisati gandhakuṭiṃ, vihārakusalo muni.
५१.
51.
‘‘सुगन्धमालमादाय, अगमासिं जिनन्तिकं।
‘‘Sugandhamālamādāya, agamāsiṃ jinantikaṃ;
अपसद्दो च सम्बुद्धे, पञ्चङ्गुलिमदासहं॥
Apasaddo ca sambuddhe, pañcaṅgulimadāsahaṃ.
५२.
52.
‘‘द्वेनवुते इतो कप्पे, यं गन्धमभिरोपयिं।
‘‘Dvenavute ito kappe, yaṃ gandhamabhiropayiṃ;
५३.
53.
‘‘द्वेसत्ततिम्हितो कप्पे, राजा आसिं सयम्पभो।
‘‘Dvesattatimhito kappe, rājā āsiṃ sayampabho;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
५४.
54.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पञ्चङ्गुलियो थेरो इमा गाथायो अभासित्थाति।
Itthaṃ sudaṃ āyasmā pañcaṅguliyo thero imā gāthāyo abhāsitthāti;
पञ्चङ्गुलियत्थेरस्सापदानं दसमं।
Pañcaṅguliyattherassāpadānaṃ dasamaṃ.
सुपारिचरियवग्गो सत्तरसमो।
Supāricariyavaggo sattarasamo.
तस्सुद्दानं –
Tassuddānaṃ –
सुपारिचरि कणवेरी, खज्जको देसपूजको।
Supāricari kaṇaverī, khajjako desapūjako;
कणिकारो सप्पिददो, यूथिको दुस्सदायको।
Kaṇikāro sappidado, yūthiko dussadāyako;
माळो च पञ्चङ्गुलिको, चतुपञ्ञास गाथकाति॥
Māḷo ca pañcaṅguliko, catupaññāsa gāthakāti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १०. पञ्चङ्गुलियत्थेरअपदानवण्णना • 10. Pañcaṅguliyattheraapadānavaṇṇanā
