| Library / Tipiṭaka / তিপিটক • Tipiṭaka / সুত্তনিপাতপাল়ি • Suttanipātapāḷi |
৮. সল্লসুত্তং
8. Sallasuttaṃ
৫৭৯.
579.
অনিমিত্তমনঞ্ঞাতং , মচ্চানং ইধ জীৰিতং।
Animittamanaññātaṃ , maccānaṃ idha jīvitaṃ;
কসিরঞ্চ পরিত্তঞ্চ, তঞ্চ দুক্খেন সংযুতং॥
Kasirañca parittañca, tañca dukkhena saṃyutaṃ.
৫৮০.
580.
ন হি সো উপক্কমো অত্থি, যেন জাতা ন মিয্যরে।
Na hi so upakkamo atthi, yena jātā na miyyare;
জরম্পি পত্ৰা মরণং, এৰংধম্মা হি পাণিনো॥
Jarampi patvā maraṇaṃ, evaṃdhammā hi pāṇino.
৫৮১.
581.
এৰং জাতান মচ্চানং, নিচ্চং মরণতো ভযং॥
Evaṃ jātāna maccānaṃ, niccaṃ maraṇato bhayaṃ.
৫৮২.
582.
যথাপি কুম্ভকারস্স, কতা মত্তিকভাজনা।
Yathāpi kumbhakārassa, katā mattikabhājanā;
৫৮৩.
583.
দহরা চ মহন্তা চ, যে বালা যে চ পণ্ডিতা।
Daharā ca mahantā ca, ye bālā ye ca paṇḍitā;
সব্বে মচ্চুৰসং যন্তি, সব্বে মচ্চুপরাযণা॥
Sabbe maccuvasaṃ yanti, sabbe maccuparāyaṇā.
৫৮৪.
584.
তেসং মচ্চুপরেতানং, গচ্ছতং পরলোকতো।
Tesaṃ maccuparetānaṃ, gacchataṃ paralokato;
ন পিতা তাযতে পুত্তং, ঞাতী ৰা পন ঞাতকে॥
Na pitā tāyate puttaṃ, ñātī vā pana ñātake.
৫৮৫.
585.
পেক্খতং যেৰ ঞাতীনং, পস্স লালপতং পুথু।
Pekkhataṃ yeva ñātīnaṃ, passa lālapataṃ puthu;
৫৮৬.
586.
এৰমব্ভাহতো লোকো, মচ্চুনা চ জরায চ।
Evamabbhāhato loko, maccunā ca jarāya ca;
তস্মা ধীরা ন সোচন্তি, ৰিদিত্ৰা লোকপরিযাযং॥
Tasmā dhīrā na socanti, viditvā lokapariyāyaṃ.
৫৮৭.
587.
যস্স মগ্গং ন জানাসি, আগতস্স গতস্স ৰা।
Yassa maggaṃ na jānāsi, āgatassa gatassa vā;
উভো অন্তে অসম্পস্সং, নিরত্থং পরিদেৰসি॥
Ubho ante asampassaṃ, niratthaṃ paridevasi.
৫৮৮.
588.
পরিদেৰযমানো চে, কিঞ্চিদত্থং উদব্বহে।
Paridevayamāno ce, kiñcidatthaṃ udabbahe;
সম্মূল়্হো হিংসমত্তানং, কযিরা চে নং ৰিচক্খণো॥
Sammūḷho hiṃsamattānaṃ, kayirā ce naṃ vicakkhaṇo.
৫৮৯.
589.
ন হি রুণ্ণেন সোকেন, সন্তিং পপ্পোতি চেতসো।
Na hi ruṇṇena sokena, santiṃ pappoti cetaso;
ভিয্যস্সুপ্পজ্জতে দুক্খং, সরীরং চুপহঞ্ঞতি॥
Bhiyyassuppajjate dukkhaṃ, sarīraṃ cupahaññati.
৫৯০.
590.
কিসো ৰিৰণ্ণো ভৰতি, হিংসমত্তানমত্তনা।
Kiso vivaṇṇo bhavati, hiṃsamattānamattanā;
ন তেন পেতা পালেন্তি, নিরত্থা পরিদেৰনা॥
Na tena petā pālenti, niratthā paridevanā.
৫৯১.
591.
সোকমপ্পজহং জন্তু, ভিয্যো দুক্খং নিগচ্ছতি।
Sokamappajahaṃ jantu, bhiyyo dukkhaṃ nigacchati;
৫৯২.
592.
অঞ্ঞেপি পস্স গমিনে, যথাকম্মূপগে নরে।
Aññepi passa gamine, yathākammūpage nare;
মচ্চুনো ৰসমাগম্ম, ফন্দন্তেৰিধ পাণিনো॥
Maccuno vasamāgamma, phandantevidha pāṇino.
৫৯৩.
593.
যেন যেন হি মঞ্ঞন্তি, ততো তং হোতি অঞ্ঞথা।
Yena yena hi maññanti, tato taṃ hoti aññathā;
এতাদিসো ৰিনাভাৰো, পস্স লোকস্স পরিযাযং॥
Etādiso vinābhāvo, passa lokassa pariyāyaṃ.
৫৯৪.
594.
অপি ৰস্সসতং জীৰে, ভিয্যো ৰা পন মাণৰো।
Api vassasataṃ jīve, bhiyyo vā pana māṇavo;
ঞাতিসঙ্ঘা ৰিনা হোতি, জহাতি ইধ জীৰিতং॥
Ñātisaṅghā vinā hoti, jahāti idha jīvitaṃ.
৫৯৫.
595.
তস্মা অরহতো সুত্ৰা, ৰিনেয্য পরিদেৰিতং।
Tasmā arahato sutvā, vineyya paridevitaṃ;
পেতং কালঙ্কতং দিস্ৰা, নেসো লব্ভা মযা ইতি॥
Petaṃ kālaṅkataṃ disvā, neso labbhā mayā iti.
৫৯৬.
596.
এৰম্পি ধীরো সপঞ্ঞো, পণ্ডিতো কুসলো নরো।
Evampi dhīro sapañño, paṇḍito kusalo naro;
খিপ্পমুপ্পতিতং সোকং, ৰাতো তূলংৰ ধংসযে॥
Khippamuppatitaṃ sokaṃ, vāto tūlaṃva dhaṃsaye.
৫৯৭.
597.
পরিদেৰং পজপ্পঞ্চ, দোমনস্সঞ্চ অত্তনো।
Paridevaṃ pajappañca, domanassañca attano;
অত্তনো সুখমেসানো, অব্বহে সল্লমত্তনো॥
Attano sukhamesāno, abbahe sallamattano.
৫৯৮.
598.
অব্বুল়্হসল্লো অসিতো, সন্তিং পপ্পুয্য চেতসো।
Abbuḷhasallo asito, santiṃ pappuyya cetaso;
সব্বসোকং অতিক্কন্তো, অসোকো হোতি নিব্বুতোতি॥
Sabbasokaṃ atikkanto, asoko hoti nibbutoti.
সল্লসুত্তং অট্ঠমং নিট্ঠিতং।
Sallasuttaṃ aṭṭhamaṃ niṭṭhitaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / সুত্তনিপাত-অট্ঠকথা • Suttanipāta-aṭṭhakathā / ৮. সল্লসুত্তৰণ্ণনা • 8. Sallasuttavaṇṇanā
