| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៣. សាលបុប្ផិយត្ថេរអបទានំ
3. Sālapupphiyattheraapadānaṃ
៩.
9.
‘‘អរុណវតិយា នគរេ, អហោសិំ បូបិកោ តទា;
‘‘Aruṇavatiyā nagare, ahosiṃ pūpiko tadā;
មម ទ្វារេន គច្ឆន្តំ, សិខិនំ អទ្ទសំ ជិនំ។
Mama dvārena gacchantaṃ, sikhinaṃ addasaṃ jinaṃ.
១០.
10.
‘‘ពុទ្ធស្ស បត្តំ បគ្គយ្ហ, សាលបុប្ផំ អទាសហំ;
‘‘Buddhassa pattaṃ paggayha, sālapupphaṃ adāsahaṃ;
សម្មគ្គតស្ស ពុទ្ធស្ស, វិប្បសន្នេន ចេតសា។
Sammaggatassa buddhassa, vippasannena cetasā.
១១.
11.
ទុគ្គតិំ នាភិជានាមិ, សាលបុប្ផស្សិទំ ផលំ។
Duggatiṃ nābhijānāmi, sālapupphassidaṃ phalaṃ.
១២.
12.
‘‘ឥតោ ចុទ្ទសកប្បម្ហិ, អហោសិំ អមិតញ្ជលោ;
‘‘Ito cuddasakappamhi, ahosiṃ amitañjalo;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
១៣.
13.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា សាលបុប្ផិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā sālapupphiyo thero imā gāthāyo abhāsitthāti.
សាលបុប្ផិយត្ថេរស្សាបទានំ តតិយំ។
Sālapupphiyattherassāpadānaṃ tatiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០.ឧទកាសនទាយកត្ថេរអបទានាទិវណ្ណនា • 1-10.Udakāsanadāyakattheraapadānādivaṇṇanā
