| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. सळलपुप्फियत्थेरअपदानं
10. Saḷalapupphiyattheraapadānaṃ
३५.
35.
‘‘चन्दभागानदीतीरे , अहोसिं किन्नरो तदा।
‘‘Candabhāgānadītīre , ahosiṃ kinnaro tadā;
तत्थद्दसं देवदेवं, चङ्कमन्तं नरासभं॥
Tatthaddasaṃ devadevaṃ, caṅkamantaṃ narāsabhaṃ.
३६.
36.
‘‘ओचिनित्वान सळलं, पुप्फं बुद्धस्सदासहं।
‘‘Ocinitvāna saḷalaṃ, pupphaṃ buddhassadāsahaṃ;
उपसिङ्घि महावीरो, सळलं देवगन्धिकं॥
Upasiṅghi mahāvīro, saḷalaṃ devagandhikaṃ.
३७.
37.
‘‘पटिग्गहेत्वा सम्बुद्धो, विपस्सी लोकनायको।
‘‘Paṭiggahetvā sambuddho, vipassī lokanāyako;
उपसिङ्घि महावीरो, पेक्खमानस्स मे सतो॥
Upasiṅghi mahāvīro, pekkhamānassa me sato.
३८.
38.
‘‘पसन्नचित्तो सुमनो, वन्दित्वा द्विपदुत्तमं।
‘‘Pasannacitto sumano, vanditvā dvipaduttamaṃ;
अञ्जलिं पग्गहेत्वान, पुन पब्बतमारुहिं॥
Añjaliṃ paggahetvāna, puna pabbatamāruhiṃ.
३९.
39.
‘‘एकनवुतितो कप्पे, यं पुप्फमभिपूजयिं।
‘‘Ekanavutito kappe, yaṃ pupphamabhipūjayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
४०.
40.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सळलपुप्फियो थेरो इमा गाथायो अभासित्थाति।
Itthaṃ sudaṃ āyasmā saḷalapupphiyo thero imā gāthāyo abhāsitthāti.
सळलपुप्फियत्थेरस्सापदानं दसमं।
Saḷalapupphiyattherassāpadānaṃ dasamaṃ.
मन्दारवपुप्फियवग्गो सत्ततिंसतिमो।
Mandāravapupphiyavaggo sattatiṃsatimo.
तस्सुद्दानं –
Tassuddānaṃ –
मन्दारवञ्च कक्कारु, भिसकेसरपुप्फियो।
Mandāravañca kakkāru, bhisakesarapupphiyo;
अङ्कोलको कदम्बी च, उद्दाली एकचम्पको।
Aṅkolako kadambī ca, uddālī ekacampako;
तिमिरं सळलञ्चेव, गाथा तालीसमेव च॥
Timiraṃ saḷalañceva, gāthā tālīsameva ca.
