| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
10. ஸளலபுப்பி²யத்தே²ரஅபதா³னங்
10. Saḷalapupphiyattheraapadānaṃ
35.
35.
‘‘சந்த³பா⁴கா³னதீ³தீரே , அஹோஸிங் கின்னரோ ததா³;
‘‘Candabhāgānadītīre , ahosiṃ kinnaro tadā;
தத்த²த்³த³ஸங் தே³வதே³வங், சங்கமந்தங் நராஸப⁴ங்.
Tatthaddasaṃ devadevaṃ, caṅkamantaṃ narāsabhaṃ.
36.
36.
‘‘ஓசினித்வான ஸளலங், புப்ப²ங் பு³த்³த⁴ஸ்ஸதா³ஸஹங்;
‘‘Ocinitvāna saḷalaṃ, pupphaṃ buddhassadāsahaṃ;
உபஸிங்கி⁴ மஹாவீரோ, ஸளலங் தே³வக³ந்தி⁴கங்.
Upasiṅghi mahāvīro, saḷalaṃ devagandhikaṃ.
37.
37.
‘‘படிக்³க³ஹெத்வா ஸம்பு³த்³தோ⁴, விபஸ்ஸீ லோகனாயகோ;
‘‘Paṭiggahetvā sambuddho, vipassī lokanāyako;
உபஸிங்கி⁴ மஹாவீரோ, பெக்க²மானஸ்ஸ மே ஸதோ.
Upasiṅghi mahāvīro, pekkhamānassa me sato.
38.
38.
‘‘பஸன்னசித்தோ ஸுமனோ, வந்தி³த்வா த்³விபது³த்தமங்;
‘‘Pasannacitto sumano, vanditvā dvipaduttamaṃ;
அஞ்ஜலிங் பக்³க³ஹெத்வான, புன பப்³ப³தமாருஹிங்.
Añjaliṃ paggahetvāna, puna pabbatamāruhiṃ.
39.
39.
‘‘ஏகனவுதிதோ கப்பே, யங் புப்ப²மபி⁴பூஜயிங்;
‘‘Ekanavutito kappe, yaṃ pupphamabhipūjayiṃ;
து³க்³க³திங் நாபி⁴ஜானாமி, பு³த்³த⁴பூஜாயித³ங் ப²லங்.
Duggatiṃ nābhijānāmi, buddhapūjāyidaṃ phalaṃ.
40.
40.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ஸளலபுப்பி²யோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā saḷalapupphiyo thero imā gāthāyo abhāsitthāti.
ஸளலபுப்பி²யத்தே²ரஸ்ஸாபதா³னங் த³ஸமங்.
Saḷalapupphiyattherassāpadānaṃ dasamaṃ.
மந்தா³ரவபுப்பி²யவக்³கோ³ ஸத்ததிங்ஸதிமோ.
Mandāravapupphiyavaggo sattatiṃsatimo.
தஸ்ஸுத்³தா³னங் –
Tassuddānaṃ –
மந்தா³ரவஞ்ச கக்காரு, பி⁴ஸகேஸரபுப்பி²யோ;
Mandāravañca kakkāru, bhisakesarapupphiyo;
அங்கோலகோ கத³ம்பீ³ ச, உத்³தா³லீ ஏகசம்பகோ;
Aṅkolako kadambī ca, uddālī ekacampako;
திமிரங் ஸளலஞ்சேவ, கா³தா² தாலீஸமேவ ச.
Timiraṃ saḷalañceva, gāthā tālīsameva ca.
