| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೨. ಸಳಲಪುಪ್ಫಿಕಾಥೇರೀಅಪದಾನಂ
2. Saḷalapupphikātherīapadānaṃ
೨೨.
22.
‘‘ಚನ್ದಭಾಗಾನದೀತೀರೇ, ಅಹೋಸಿಂ ಕಿನ್ನರೀ ತದಾ।
‘‘Candabhāgānadītīre, ahosiṃ kinnarī tadā;
ಅದ್ದಸಾಹಂ ದೇವದೇವಂ, ಚಙ್ಕಮನ್ತಂ ನರಾಸಭಂ॥
Addasāhaṃ devadevaṃ, caṅkamantaṃ narāsabhaṃ.
೨೩.
23.
‘‘ಓಚಿನಿತ್ವಾನ ಸಳಲಂ, ಬುದ್ಧಸೇಟ್ಠಸ್ಸದಾಸಹಂ।
‘‘Ocinitvāna saḷalaṃ, buddhaseṭṭhassadāsahaṃ;
ಉಪಸಿಙ್ಘಿ ಮಹಾವೀರೋ, ಸಳಲಂ ದೇವಗನ್ಧಿಕಂ॥
Upasiṅghi mahāvīro, saḷalaṃ devagandhikaṃ.
೨೪.
24.
‘‘ಪಟಿಗ್ಗಹೇತ್ವಾ ಸಮ್ಬುದ್ಧೋ, ವಿಪಸ್ಸೀ ಲೋಕನಾಯಕೋ।
‘‘Paṭiggahetvā sambuddho, vipassī lokanāyako;
ಉಪಸಿಙ್ಘಿ ಮಹಾವೀರೋ, ಪೇಕ್ಖಮಾನಾಯ ಮೇ ತದಾ॥
Upasiṅghi mahāvīro, pekkhamānāya me tadā.
೨೫.
25.
ಸಕಂ ಚಿತ್ತಂ ಪಸಾದೇತ್ವಾ, ತತೋ ಪಬ್ಬತಮಾರುಹಿಂ॥
Sakaṃ cittaṃ pasādetvā, tato pabbatamāruhiṃ.
೨೬.
26.
‘‘ಏಕನವುತಿತೋ ಕಪ್ಪೇ, ಯಂ ಪುಪ್ಫಮದದಿಂ ತದಾ।
‘‘Ekanavutito kappe, yaṃ pupphamadadiṃ tadā;
ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Duggatiṃ nābhijānāmi, buddhapūjāyidaṃ phalaṃ.
೨೭.
27.
‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವಾ॥
‘‘Kilesā jhāpitā mayhaṃ…pe… viharāmi anāsavā.
೨೮.
28.
‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘Svāgataṃ vata me āsi…pe… kataṃ buddhassa sāsanaṃ.
೨೯.
29.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಸಳಲಪುಪ್ಫಿಕಾ ಭಿಕ್ಖುನೀ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ saḷalapupphikā bhikkhunī imā gāthāyo abhāsitthāti.
ಸಳಲಪುಪ್ಫಿಕಾಥೇರಿಯಾಪದಾನಂ ದುತಿಯಂ।
Saḷalapupphikātheriyāpadānaṃ dutiyaṃ.
Footnotes:
