| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
২. সক্কনামসুত্তৰণ্ণনা
2. Sakkanāmasuttavaṇṇanā
২৩৬. সক্কনামকোতি বলিপুত্তো ৰিয সক্কস্স ৰসেন গহিতনামো। ‘‘এসো কিরা’’তি পাঠো। ‘‘একো কিরা’’তিপি লিখন্তি। মারস্স পক্খে গতো মারপক্খিকো। যদঞ্ঞন্তি এত্থ যন্তি কিরিযাপরামসনং, তস্মা যং অঞ্ঞস্স অনুসাসনং, তং সমণস্স ন সাধূতি যোজনা। কারণেনাতি কারণমত্তেন সংৰাসো জাযতি। যেন কেনচি গহট্ঠেন ৰা পব্বজিতেন ৰা। তং কারণন্তরং সমাগতং পুরিসং সপ্পঞ্ঞো সম্বুদ্ধো অনুকম্পিতুং নারহতি ৰিসেসাধিগমাভাৰা, সতি পন তস্মিং সৰিসেসং পসাদো হোতীতি। মনসা চে…পে॰… ন তেন হোতি সংযুত্তো সিনেহৰসেন অনুকম্পা অনুদ্দযা তস্সা অসংকিলিট্ঠসভাৰত্তা।
236.Sakkanāmakoti baliputto viya sakkassa vasena gahitanāmo. ‘‘Eso kirā’’ti pāṭho. ‘‘Eko kirā’’tipi likhanti. Mārassa pakkhe gato mārapakkhiko. Yadaññanti ettha yanti kiriyāparāmasanaṃ, tasmā yaṃ aññassa anusāsanaṃ, taṃ samaṇassa na sādhūti yojanā. Kāraṇenāti kāraṇamattena saṃvāso jāyati. Yena kenaci gahaṭṭhena vā pabbajitena vā. Taṃ kāraṇantaraṃ samāgataṃ purisaṃ sappañño sambuddho anukampituṃ nārahati visesādhigamābhāvā, sati pana tasmiṃ savisesaṃ pasādo hotīti. Manasā ce…pe… na tena hoti saṃyutto sinehavasena anukampā anuddayā tassā asaṃkiliṭṭhasabhāvattā.
সক্কনামসুত্তৰণ্ণনা নিট্ঠিতা।
Sakkanāmasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ২. সক্কনামসুত্তং • 2. Sakkanāmasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২. সক্কনামসুত্তৰণ্ণনা • 2. Sakkanāmasuttavaṇṇanā
