| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૩. સકલિકસુત્તવણ્ણના
3. Sakalikasuttavaṇṇanā
૧૪૯. મન્દભાવેનાતિ જળભાવેન મોમૂહભાવેનાતિ મહામૂળ્હતાય. કબ્બકરણેન મત્તોતિ કબ્બકિરિયાપસુતતાદિવસેન મત્તો કબ્બં કત્વા. કિમિદં સોપ્પસેવાતિ ઇદં તવ સોપ્પં કિમત્થં, પુરિસેન નામ પુરિસત્તકરેન ભવિતબ્બં, ન સોપ્પતિયેવ. અત્થં સમાગન્ત્વાતિ પરમત્થં નિબ્બાનં સમ્મા આગન્ત્વા અધિગન્ત્વા. અસઙ્ગ…પે॰… નત્થિ સબ્બસો સિદ્ધત્થભાવતો. જગ્ગન્તોતિ જાગરન્તો પુરિસો વિય, ન ભાયામિ ભયહેતૂનં અભાવા. નાનુતપન્તિ સબ્બત્થ સબ્બદાપિ વિસ્સટ્ઠભાવતો, મામન્તિ મમં. ગાથાસુખત્થઞ્હિ દીઘં કત્વા વુત્તં. ઠિતત્તાતિ ઉદ્દેસપરિપુચ્છાય પરિચ્છિજ્જત્તા. હાનિન્તિ કસ્સચિ જાનિં.
149.Mandabhāvenāti jaḷabhāvena momūhabhāvenāti mahāmūḷhatāya. Kabbakaraṇena mattoti kabbakiriyāpasutatādivasena matto kabbaṃ katvā. Kimidaṃ soppasevāti idaṃ tava soppaṃ kimatthaṃ, purisena nāma purisattakarena bhavitabbaṃ, na soppatiyeva. Atthaṃ samāgantvāti paramatthaṃ nibbānaṃ sammā āgantvā adhigantvā. Asaṅga…pe… natthi sabbaso siddhatthabhāvato. Jaggantoti jāgaranto puriso viya, na bhāyāmi bhayahetūnaṃ abhāvā. Nānutapanti sabbattha sabbadāpi vissaṭṭhabhāvato, māmanti mamaṃ. Gāthāsukhatthañhi dīghaṃ katvā vuttaṃ. Ṭhitattāti uddesaparipucchāya paricchijjattā. Hāninti kassaci jāniṃ.
સકલિકસુત્તવણ્ણના નિટ્ઠિતા.
Sakalikasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૩. સકલિકસુત્તં • 3. Sakalikasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૩. સકલિકસુત્તવણ્ણના • 3. Sakalikasuttavaṇṇanā
