| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૩. સકલિકસુત્તવણ્ણના
3. Sakalikasuttavaṇṇanā
૧૪૯. તતિયે મન્દિયા નૂતિ મન્દભાવેન મોમૂહભાવેન. ઉદાહુ કાવેય્યમત્તોતિ ઉદાહુ યથા કવિ કબ્બં ચિન્તેન્તો તેન કબ્બકરણેન મત્તો સયતિ, એવં સયસિ. સમ્પચુરાતિ બહવો. કિમિદં સોપ્પસે વાતિ કસ્મા ઇદં સોપ્પં સોપ્પસિયેવ? અત્થં સમેચ્ચાતિ અત્થં સમાગન્ત્વા પાપુણિત્વા. મય્હં હિ અસઙ્ગહો નામ સઙ્ગહવિપન્નો વા અત્થો નત્થિ. સલ્લન્તિ તિખિણં સત્તિસલ્લં. જગ્ગં ન સઙ્કેતિ યથા એકચ્ચો સીહપથાદીસુ જગ્ગન્તો સઙ્કતિ, તથા અહં જગ્ગન્તોપિ ન સઙ્કામિ. નપિ ભેમિ સોત્તુન્તિ યથા એકચ્ચો સીહપથાદીસુયેવ સુપિતું ભાયતિ, એવં અહં સુપિતુમ્પિ ન ભાયામિ. નાનુતપન્તિ મામન્તિ યથા આચરિયસ્સ વા અન્તેવાસિકસ્સ વા અફાસુકે જાતે ઉદ્દેસપરિપુચ્છાય ઠિતત્તા અન્તેવાસિં રત્તિન્દિવા અતિક્કમન્તા અનુતપન્તિ, એવં મં નાનુતપન્તિ. ન હિ મય્હં કિઞ્ચિ અપરિનિટ્ઠિતકમ્મં નામ અત્થિ. તેનેવાહ હાનિં ન પસ્સામિ કુહિઞ્ચિ લોકેતિ. તતિયં.
149. Tatiye mandiyā nūti mandabhāvena momūhabhāvena. Udāhu kāveyyamattoti udāhu yathā kavi kabbaṃ cintento tena kabbakaraṇena matto sayati, evaṃ sayasi. Sampacurāti bahavo. Kimidaṃ soppase vāti kasmā idaṃ soppaṃ soppasiyeva? Atthaṃ sameccāti atthaṃ samāgantvā pāpuṇitvā. Mayhaṃ hi asaṅgaho nāma saṅgahavipanno vā attho natthi. Sallanti tikhiṇaṃ sattisallaṃ. Jaggaṃ na saṅketi yathā ekacco sīhapathādīsu jagganto saṅkati, tathā ahaṃ jaggantopi na saṅkāmi. Napi bhemi sottunti yathā ekacco sīhapathādīsuyeva supituṃ bhāyati, evaṃ ahaṃ supitumpi na bhāyāmi. Nānutapanti māmanti yathā ācariyassa vā antevāsikassa vā aphāsuke jāte uddesaparipucchāya ṭhitattā antevāsiṃ rattindivā atikkamantā anutapanti, evaṃ maṃ nānutapanti. Na hi mayhaṃ kiñci apariniṭṭhitakammaṃ nāma atthi. Tenevāha hāniṃ na passāmi kuhiñci loketi. Tatiyaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૩. સકલિકસુત્તં • 3. Sakalikasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૩. સકલિકસુત્તવણ્ણના • 3. Sakalikasuttavaṇṇanā
