| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
7. ஸகசிந்தனியவக்³கோ³
7. Sakacintaniyavaggo
1. ஸகசிந்தனியத்தே²ரஅபதா³னங்
1. Sakacintaniyattheraapadānaṃ
1.
1.
‘‘பவனங் கானநங் தி³ஸ்வா, அப்பஸத்³த³மன்னாவிலங்;
‘‘Pavanaṃ kānanaṃ disvā, appasaddamannāvilaṃ;
இஸீனங் அனுசிண்ணங்வ, ஆஹுதீனங் படிக்³க³ஹங்.
Isīnaṃ anuciṇṇaṃva, āhutīnaṃ paṭiggahaṃ.
2.
2.
‘‘தூ²பங் கத்வான புலினங் 1, நானாபுப்ப²ங் ஸமோகிரிங்;
‘‘Thūpaṃ katvāna pulinaṃ 2, nānāpupphaṃ samokiriṃ;
ஸம்முகா² விய ஸம்பு³த்³த⁴ங், நிம்மிதங் அபி⁴வந்த³ஹங்.
Sammukhā viya sambuddhaṃ, nimmitaṃ abhivandahaṃ.
3.
3.
‘‘ஸத்தரதனஸம்பன்னோ , ராஜா ரட்ட²ம்ஹி இஸ்ஸரோ;
‘‘Sattaratanasampanno , rājā raṭṭhamhi issaro;
4.
4.
‘‘ஏகனவுதிதோ கப்பே, யங் புப்ப²மபி⁴ரோபயிங்;
‘‘Ekanavutito kappe, yaṃ pupphamabhiropayiṃ;
5.
5.
‘‘அஸீதிகப்பேனந்தயஸோ, சக்கவத்தீ அஹோஸஹங்;
‘‘Asītikappenantayaso, cakkavattī ahosahaṃ;
ஸத்தரதனஸம்பன்னோ, சதுதீ³பம்ஹி இஸ்ஸரோ.
Sattaratanasampanno, catudīpamhi issaro.
6.
6.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.
Chaḷabhiññā sacchikatā, kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ஸகசிந்தனியோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā sakacintaniyo thero imā gāthāyo abhāsitthāti.
ஸகசிந்தனியத்தே²ரஸ்ஸாபதா³னங் பட²மங்.
Sakacintaniyattherassāpadānaṃ paṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 1. ஸகசிந்தனியத்தே²ரஅபதா³னவண்ணனா • 1. Sakacintaniyattheraapadānavaṇṇanā
