| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੦. ਸਜ੍ਝਾਯਸੁਤ੍ਤવਣ੍ਣਨਾ
10. Sajjhāyasuttavaṇṇanā
੨੩੦. ਨਿਸ੍ਸਰਣਪਰਿਯਤ੍ਤਿવਸੇਨਾਤਿ ਅਦ੍ਧਾ ਇਮਂ ਪਰਿਯਤ੍ਤਿਂ ਨਿਸ੍ਸਾਯ વਟ੍ਟਦੁਕ੍ਖਤੋ ਨਿਸ੍ਸਰਿਤੁਂ ਲਬ੍ਭਾਤਿ ਏવਂ ਨਿਸ੍ਸਰਣਪਰਿਯਤ੍ਤਿવਸੇਨ। ਸਜ੍ਝਾਯਨਤੋਤਿ વਿਮੁਤ੍ਤਾਯਤਨਸੀਸੇ ਠਤ੍વਾ ਸਜ੍ਝਾਯਨਤੋ। ਇਦਾਨਿ ਤਸ੍ਸ ਨਿਸ੍ਸਰਣਪਰਿਯਤ੍ਤਿવਸੇਨ ਸਜ੍ਝਾਯਨਕਰਣਂ, ਪਟਿਪਤ੍ਤਿવਸੇਨ વਤ੍ਤਪਟਿવਤ੍ਤਕਰਣਂ, વਿਪਸ੍ਸਨਾਭਾવਨਞ੍ਚ ਦਸ੍ਸੇਤੁਂ ‘‘ਸੋ ਕਿਰਾ’’ਤਿਆਦਿ વੁਤ੍ਤਂ। ਅਰਹਤ੍ਤਂ ਪਤ੍ਤਦਿવਸੇ ਪਟਿਪਤ੍ਤਿਕਿਤ੍ਤਨਾਯ ਪੁਰਿਮਦਿવਸੇਸੁਪਿ ਤਥਾ ਪਟਿਪਜ੍ਜਿ, વਿਪਸ੍ਸਨਂ ਪਨ ਉਸ੍ਸੁਕ੍ਕਾਪੇਤੁਂ ਨਾਸਕ੍ਖੀਤਿ ਦਸ੍ਸੇਤਿ। ਕਾਲਂ ਅਤਿવਤ੍ਤੇਤੀਤਿ ਇਦਂ ‘‘ਸਙ੍ਕਸਾਯਤੀ’’ਤਿ ਪਦਸ੍ਸ ਅਤ੍ਥવਚਨਂ। ਥੇਰਸ੍ਸਾਤਿ ਸਜ੍ਝਾਯਕਤ੍ਥੇਰਸ੍ਸ।
230.Nissaraṇapariyattivasenāti addhā imaṃ pariyattiṃ nissāya vaṭṭadukkhato nissarituṃ labbhāti evaṃ nissaraṇapariyattivasena. Sajjhāyanatoti vimuttāyatanasīse ṭhatvā sajjhāyanato. Idāni tassa nissaraṇapariyattivasena sajjhāyanakaraṇaṃ, paṭipattivasena vattapaṭivattakaraṇaṃ, vipassanābhāvanañca dassetuṃ ‘‘so kirā’’tiādi vuttaṃ. Arahattaṃ pattadivase paṭipattikittanāya purimadivasesupi tathā paṭipajji, vipassanaṃ pana ussukkāpetuṃ nāsakkhīti dasseti. Kālaṃ ativattetīti idaṃ ‘‘saṅkasāyatī’’ti padassa atthavacanaṃ. Therassāti sajjhāyakattherassa.
ਧਮ੍ਮਪਦਾਨੀਤਿ ਸੀਲਾਦਿਧਮ੍ਮਕ੍ਖਨ੍ਧਦੀਪਕਾਨਿ ਪਦਾਨਿ। ਤੇਨਾਹ ‘‘ਸਬ੍ਬਮ੍ਪਿ ਬੁਦ੍ਧવਚਨਂ ਅਧਿਪ੍ਪੇਤ’’ਨ੍ਤਿ। ਨ ਗਣ੍ਹਾਸਿ ਉਦ੍ਦੇਸਨ੍ਤਿ ਅਧਿਪ੍ਪਾਯੋ। ਪਾਲ਼ਿਯਂ ‘‘ਭਿਕ੍ਖੂਹਿ ਸਂવਸਨ੍ਤੋ’’ਤਿ ਇਮਿਨਾ ਤੇਸਂ ਧਮ੍ਮਸ੍ਸવਨਤ੍ਥਾਯਪਿ ਧਮ੍ਮੋ ਪਰਿਯਾਪੁਣਿਤਬ੍ਬੋਤਿ ਦਸ੍ਸੇਤਿ। વਿਰਜ੍ਜਤਿ ਏਤੇਨਾਤਿ વਿਰਾਗੋ, ਅਰਿਯਮਗ੍ਗੋ। ਜਾਨਿਤ੍વਾਤਿ ਪਰਿਞ੍ਞਾਭਿਸਮਯવਸੇਨ ਦਿਟ੍ਠਸੁਤਾਦਿਂ ਯਾਥਾવਤੋ ਜਾਨਿਤ੍વਾ ਪਟਿવਿਜ੍ਝਿਤ੍વਾ। વਿਸ੍ਸਜ੍ਜਨਨ੍ਤਿ ਪਹਾਨਂ। ਨ ਬੁਦ੍ਧવਚਨਸ੍ਸ વਿਸ੍ਸਜ੍ਜਨਂ। ਭਣ੍ਡਾਗਾਰਿਕਪਰਿਯਤ੍ਤਿਯਾਪਿ ਅਨੁਞ੍ਞਾਤਤ੍ਤਾ ਪਗੇવ ਨਿਸ੍ਸਰਣਤ੍ਥਾਯ, ਤਤ੍ਥ ਪਨ ਮਤ੍ਤਾ ਜਾਨਿਤਬ੍ਬਾਤਿ ਦਸ੍ਸੇਨ੍ਤੋ ‘‘ਏਤ੍ਤਾવਤਾ’’ਤਿਆਦਿਮਾਹ।
Dhammapadānīti sīlādidhammakkhandhadīpakāni padāni. Tenāha ‘‘sabbampi buddhavacanaṃ adhippeta’’nti. Na gaṇhāsi uddesanti adhippāyo. Pāḷiyaṃ ‘‘bhikkhūhi saṃvasanto’’ti iminā tesaṃ dhammassavanatthāyapi dhammo pariyāpuṇitabboti dasseti. Virajjati etenāti virāgo, ariyamaggo. Jānitvāti pariññābhisamayavasena diṭṭhasutādiṃ yāthāvato jānitvā paṭivijjhitvā. Vissajjananti pahānaṃ. Na buddhavacanassa vissajjanaṃ. Bhaṇḍāgārikapariyattiyāpi anuññātattā pageva nissaraṇatthāya, tattha pana mattā jānitabbāti dassento ‘‘ettāvatā’’tiādimāha.
ਸਜ੍ਝਾਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Sajjhāyasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਸਜ੍ਝਾਯਸੁਤ੍ਤਂ • 10. Sajjhāyasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਸਜ੍ਝਾਯਸੁਤ੍ਤવਣ੍ਣਨਾ • 10. Sajjhāyasuttavaṇṇanā
