| Library / Tipiṭaka / ਤਿਪਿਟਕ • Tipiṭaka / ਦ੍વੇਮਾਤਿਕਾਪਾਲ਼ਿ • Dvemātikāpāḷi |
੮. ਸਹਧਮ੍ਮਿਕવਗ੍ਗੋ
8. Sahadhammikavaggo
੧. ਸਹਧਮ੍ਮਿਕਸਿਕ੍ਖਾਪਦવਣ੍ਣਨਾ
1. Sahadhammikasikkhāpadavaṇṇanā
ਸਹਧਮ੍ਮਿਕવਗ੍ਗਸ੍ਸ ਪਠਮੇ ਸਹਧਮ੍ਮਿਕਂ વੁਚ੍ਚਮਾਨੋਤਿ ਇਮਸ੍ਸਤ੍ਥੋ ਦੁਬ੍ਬਚਸਿਕ੍ਖਾਪਦੇ વੁਤ੍ਤੋ। ਏਤਸ੍ਮਿਂ ਸਿਕ੍ਖਾਪਦੇਤਿ ਏਤਸ੍ਮਿਂ ਸਿਕ੍ਖਾਪਦੇ ਯਂ વੁਤ੍ਤਂ, ਤਂ ਨ ਤਾવ ਸਿਕ੍ਖਿਸ੍ਸਾਮੀਤਿ ਅਤ੍ਥੋ। ਪਾਚਿਤ੍ਤਿਯਨ੍ਤਿ ਏਤ੍ਥ ਪਨ ਅਨਾਦਰਿਯਭਯਾ ਲੇਸੇਨ ਏવਂ વਦਨ੍ਤਸ੍ਸ વਾਚਾਯ વਾਚਾਯ ਪਾਚਿਤ੍ਤਿਯਂ વੇਦਿਤਬ੍ਬਂ। ਸਿਕ੍ਖਮਾਨੇਨਾਤਿ ਓવਾਦਂ ਸਿਰਸਾ ਸਮ੍ਪਟਿਚ੍ਛਿਤ੍વਾ ਸਿਕ੍ਖਿਤੁਕਾਮੇਨੇવ ਹੁਤ੍વਾ। ਅਞ੍ਞਾਤਬ੍ਬਨ੍ਤਿ ਆਜਾਨਿਤਬ੍ਬਂ। ਪਰਿਪੁਚ੍ਛਿਤਬ੍ਬਨ੍ਤਿ ‘‘ਇਮਸ੍ਸ ਕੋ ਅਤ੍ਥੋ’’ਤਿ ਪਰਿਪੁਚ੍ਛਿਤਬ੍ਬਂ। ਪਰਿਪਞ੍ਹਿਤਬ੍ਬਨ੍ਤਿ ਚਿਨ੍ਤੇਤਬ੍ਬਂ ਤੁਲਯਿਤਬ੍ਬਂ।
Sahadhammikavaggassa paṭhame sahadhammikaṃ vuccamānoti imassattho dubbacasikkhāpade vutto. Etasmiṃ sikkhāpadeti etasmiṃ sikkhāpade yaṃ vuttaṃ, taṃ na tāva sikkhissāmīti attho. Pācittiyanti ettha pana anādariyabhayā lesena evaṃ vadantassa vācāya vācāya pācittiyaṃ veditabbaṃ. Sikkhamānenāti ovādaṃ sirasā sampaṭicchitvā sikkhitukāmeneva hutvā. Aññātabbanti ājānitabbaṃ. Paripucchitabbanti ‘‘imassa ko attho’’ti paripucchitabbaṃ. Paripañhitabbanti cintetabbaṃ tulayitabbaṃ.
ਕੋਸਮ੍ਬਿਯਂ ਛਨ੍ਨਤ੍ਥੇਰਂ ਆਰਬ੍ਭ ਏવਂ ਭਣਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ , ਤਿਕਪਾਚਿਤ੍ਤਿਯਂ, ਅਨੁਪਸਮ੍ਪਨ੍ਨੇ ਤਿਕਦੁਕ੍ਕਟਂ, ਉਭੋਹਿਪਿ ‘‘ਇਦਂ ਨ ਸਲ੍ਲੇਖਾਯਾ’’ਤਿਆਦਿਨਾ (ਪਾਚਿ॰ ੪੩੬) ਨਯੇਨੇવ ਅਪ੍ਪਞ੍ਞਤ੍ਤੇਨ વੁਚ੍ਚਮਾਨਸ੍ਸਾਪਿ ਏવਂ વਦਤੋ ਦੁਕ੍ਕਟਮੇવ। ‘‘ਜਾਨਿਸ੍ਸਾਮਿ ਸਿਕ੍ਖਿਸ੍ਸਾਮੀ’’ਤਿ ਭਣਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਉਪਸਮ੍ਪਨ੍ਨਸ੍ਸ ਪਞ੍ਞਤ੍ਤੇਨ વਚਨਂ, ਅਸਿਕ੍ਖਿਤੁਕਾਮਤਾਯ ਏવਂ વਚਨਨ੍ਤਿ ਇਮਾਨੇਤ੍ਥ ਦ੍વੇ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਇਦਂ ਪਨ ਦੁਕ੍ਖવੇਦਨਨ੍ਤਿ।
Kosambiyaṃ channattheraṃ ārabbha evaṃ bhaṇanavatthusmiṃ paññattaṃ, sādhāraṇapaññatti, anāṇattikaṃ , tikapācittiyaṃ, anupasampanne tikadukkaṭaṃ, ubhohipi ‘‘idaṃ na sallekhāyā’’tiādinā (pāci. 436) nayeneva appaññattena vuccamānassāpi evaṃ vadato dukkaṭameva. ‘‘Jānissāmi sikkhissāmī’’ti bhaṇantassa, ummattakādīnañca anāpatti. Upasampannassa paññattena vacanaṃ, asikkhitukāmatāya evaṃ vacananti imānettha dve aṅgāni. Samuṭṭhānādīni adinnādānasadisāni, idaṃ pana dukkhavedananti.
ਸਹਧਮ੍ਮਿਕਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Sahadhammikasikkhāpadavaṇṇanā niṭṭhitā.
੨. વਿਲੇਖਨਸਿਕ੍ਖਾਪਦવਣ੍ਣਨਾ
2. Vilekhanasikkhāpadavaṇṇanā
ਦੁਤਿਯੇ ਉਦ੍ਦਿਸ੍ਸਮਾਨੇਤਿ ਆਚਰਿਯੇਨ ਅਨ੍ਤੇવਾਸਿਕਸ੍ਸ વੁਚ੍ਚਮਾਨੇ વਾ ਸਜ੍ਝਾਯવਸੇਨ ਪਰਿવਤ੍ਤਿਯਮਾਨੇ વਾ। ਖੁਦ੍ਦਾਨੁਖੁਦ੍ਦਕੇਹੀਤਿ ਖੁਦ੍ਦਕੇਹਿ ਚ ਅਨੁਖੁਦ੍ਦਕੇਹਿ ਚ। ਯਾવਦੇવਾਤਿ ਤੇਸਂ ਸਂવਤ੍ਤਨਮਰਿਯਾਦਪਰਿਚ੍ਛੇਦવਚਨਂ। ਇਦਂ વੁਤ੍ਤਂ ਹੋਤਿ – ਏਤਾਨਿ ਹਿ ਯੇ ਉਦ੍ਦਿਸਨ੍ਤਿ વਾ ਉਦ੍ਦਿਸਾਪੇਨ੍ਤਿ વਾ ਸਜ੍ਝਾਯਨ੍ਤਿ વਾ, ਤੇਸਂ ਤਾવ ਸਂવਤ੍ਤਨ੍ਤਿ, ਯਾવ ‘‘ਕਪ੍ਪਤਿ ਨੁ ਖੋ, ਨ ਕਪ੍ਪਤਿ ਨੁ ਖੋ’’ਤਿ ਕੁਕ੍ਕੁਚ੍ਚવਿਪ੍ਪਟਿਸਾਰੋ, વਿਹੇਸਾ, વਿਚਿਕਿਚ੍ਛਾ ਮਨੋવਿਲੇਖਾ ਚ ਉਪ੍ਪਜ੍ਜਨ੍ਤਿਯੇવ। ਅਥ વਾ ਯਾવਦੇવਾਤਿ ਅਤਿਸਯવવਤ੍ਥਾਪਨਂ। ਤਸ੍ਸ ‘ਸਂવਤ੍ਤਨ੍ਤੀ’ਤਿਇਮਿਨਾ ਸਮ੍ਬਨ੍ਧੋ, ਕੁਕ੍ਕੁਚ੍ਚਾਯ વਿਹੇਸਾਯ વਿਲੇਖਾਯ ਅਤਿવਿਯ ਸਂવਤ੍ਤਨ੍ਤਿਯੇવਾਤਿ વੁਤ੍ਤਂ ਹੋਤਿ। ਸਿਕ੍ਖਾਪਦવਿવਣ੍ਣਕੇਤਿ ਏવਂ ਸਿਕ੍ਖਾਪਦਾਨਂ વਿવਣ੍ਣਕੇ ਗਰਹਣੇ ਪਾਚਿਤ੍ਤਿਯਂ ਹੋਤੀਤਿ ਅਤ੍ਥੋ।
Dutiye uddissamāneti ācariyena antevāsikassa vuccamāne vā sajjhāyavasena parivattiyamāne vā. Khuddānukhuddakehīti khuddakehi ca anukhuddakehi ca. Yāvadevāti tesaṃ saṃvattanamariyādaparicchedavacanaṃ. Idaṃ vuttaṃ hoti – etāni hi ye uddisanti vā uddisāpenti vā sajjhāyanti vā, tesaṃ tāva saṃvattanti, yāva ‘‘kappati nu kho, na kappati nu kho’’ti kukkuccavippaṭisāro, vihesā, vicikicchā manovilekhā ca uppajjantiyeva. Atha vā yāvadevāti atisayavavatthāpanaṃ. Tassa ‘saṃvattantī’tiiminā sambandho, kukkuccāya vihesāya vilekhāya ativiya saṃvattantiyevāti vuttaṃ hoti. Sikkhāpadavivaṇṇaketi evaṃ sikkhāpadānaṃ vivaṇṇake garahaṇe pācittiyaṃ hotīti attho.
ਸਾવਤ੍ਥਿਯਂ ਛਬ੍ਬਗ੍ਗਿਯੇ ਆਰਬ੍ਭ વਿਨਯવਿવਣ੍ਣਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਅਨੁਪਸਮ੍ਪਨ੍ਨਸ੍ਸ વਿવਣ੍ਣਨੇ ਤਿਕਦੁਕ੍ਕਟਂ, ਉਭਿਨ੍ਨਮ੍ਪਿ ਅਞ੍ਞਧਮ੍ਮવਿવਣ੍ਣਨੇ ਦੁਕ੍ਕਟਮੇવ। ਨ વਿવਣ੍ਣੇਤੁਕਾਮਸ੍ਸ, ‘‘ਇਙ੍ਘ ਤਾવ ਸੁਤ੍ਤਨ੍ਤੇ વਾ ਗਾਥਾਯੋ વਾ ਅਭਿਧਮ੍ਮਂ વਾ ਪਰਿਯਾਪੁਣਸ੍ਸੁ, ਪਚ੍ਛਾਪਿ વਿਨਯਂ ਪਰਿਯਾਪੁਣਿਸ੍ਸਸੀ’’ਤਿ ਭਣਤੋ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਗਰਹਿਤੁਕਾਮਤਾ ਚ, ਉਪਸਮ੍ਪਨ੍ਨਸ੍ਸ ਸਨ੍ਤਿਕੇ ਸਿਕ੍ਖਾਪਦવਿવਣ੍ਣਨਞ੍ਚਾਤਿ ਇਮਾਨੇਤ੍ਥ ਦ੍વੇ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਇਦਂ ਪਨ ਦੁਕ੍ਖવੇਦਨਨ੍ਤਿ।
Sāvatthiyaṃ chabbaggiye ārabbha vinayavivaṇṇanavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, anupasampannassa vivaṇṇane tikadukkaṭaṃ, ubhinnampi aññadhammavivaṇṇane dukkaṭameva. Na vivaṇṇetukāmassa, ‘‘iṅgha tāva suttante vā gāthāyo vā abhidhammaṃ vā pariyāpuṇassu, pacchāpi vinayaṃ pariyāpuṇissasī’’ti bhaṇato, ummattakādīnañca anāpatti. Garahitukāmatā ca, upasampannassa santike sikkhāpadavivaṇṇanañcāti imānettha dve aṅgāni. Samuṭṭhānādīni adinnādānasadisāni, idaṃ pana dukkhavedananti.
વਿਲੇਖਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Vilekhanasikkhāpadavaṇṇanā niṭṭhitā.
੩. ਮੋਹਨਸਿਕ੍ਖਾਪਦવਣ੍ਣਨਾ
3. Mohanasikkhāpadavaṇṇanā
ਤਤਿਯੇ ਅਨ੍વਡ੍ਢਮਾਸਨ੍ਤਿ ਅਨੁਪਟਿਪਾਟਿਯਾ ਅਦ੍ਧਮਾਸੇ ਅਦ੍ਧਮਾਸੇ। ਉਦ੍ਦਿਸ੍ਸਮਾਨੇਤਿ ਉਪੋਸਥવਸੇਨ ਉਦ੍ਦਿਸਿਯਮਾਨੇ। ਯਞ੍ਚ ਤਤ੍ਥ ਆਪਤ੍ਤਿਂ ਆਪਨ੍ਨੋਤਿ ਯਂ ਸੋ ਅਨਾਚਾਰਂ ਆਚਰਿਤ੍વਾ ਅਞ੍ਞਾਣਕੇਨ ਆਪਨ੍ਨਭਾવਂ ਜਾਨਾਪੇਤੁਕਾਮੋ ਏવਮਾਹ, ਤਸ੍ਮਿਂ ਅਨਾਚਾਰੇ ਯਂ ਆਪਤ੍ਤਿਂ ਆਪਨ੍ਨੋ। ਤਞ੍ਚ ਯਥਾਧਮ੍ਮੋ ਕਾਰੇਤਬ੍ਬੋਤਿ ਅਞ੍ਞਾਣਕੇਨ ਆਪਨ੍ਨਤ੍ਤਾ ਮੋਕ੍ਖੋ ਨਤ੍ਥਿ, ਯਥਾ ਪਨ ਧਮ੍ਮੋ ਚ વਿਨਯੋ ਚ ਠਿਤੋ, ਤਥਾ ਤਂ ਆਪਤ੍ਤਿਂ ਕਾਰੇਤਬ੍ਬੋ, ਦੇਸਨਾਗਾਮਿਨਿਯਾ ਦੇਸਾਪੇਤਬ੍ਬੋ, વੁਟ੍ਠਾਨਗਾਮਿਨਿਯਾ વੁਟ੍ਠਾਪੇਤਬ੍ਬੋਤਿ ਅਤ੍ਥੋ। ਉਤ੍ਤਰਿ ਚਸ੍ਸ ਮੋਹੋ ਆਰੋਪੇਤਬ੍ਬੋਤਿ ਯਥਾਧਮ੍ਮਕਰਣਤੋ ਚ ਉਤ੍ਤਰਿ ‘‘ਤਸ੍ਸ ਤੇ, ਆવੁਸੋ’’ਤਿਆਦਿવਚਨੇਹਿ ਨਿਨ੍ਦਿਤ੍વਾ ਤਸ੍ਸ ਪੁਗ੍ਗਲਸ੍ਸ ਞਤ੍ਤਿਦੁਤਿਯਕਮ੍ਮੇਨ ਮੋਹੋ ਆਰੋਪੇਤਬ੍ਬੋ। ਇਦਂ ਤਸ੍ਮਿਂ ਮੋਹਨਕੇ ਪਾਚਿਤ੍ਤਿਯਨ੍ਤਿ ਯੋ ਏવਂ ਆਰੋਪਿਤੇ ਮੋਹੇ ਪੁਨ ਮੋਹੇਤਿ, ਤਸ੍ਮਿਂ ਮੋਹਨਕੇ ਪੁਗ੍ਗਲੇ ਇਦਂ ਪਾਚਿਤ੍ਤਿਯਂ વੇਦਿਤਬ੍ਬਂ, ਨ ਅਨਾਰੋਪਿਤੇ ਮੋਹੇਤਿ ਅਤ੍ਥੋ।
Tatiye anvaḍḍhamāsanti anupaṭipāṭiyā addhamāse addhamāse. Uddissamāneti uposathavasena uddisiyamāne. Yañca tattha āpattiṃ āpannoti yaṃ so anācāraṃ ācaritvā aññāṇakena āpannabhāvaṃ jānāpetukāmo evamāha, tasmiṃ anācāre yaṃ āpattiṃ āpanno. Tañca yathādhammo kāretabboti aññāṇakena āpannattā mokkho natthi, yathā pana dhammo ca vinayo ca ṭhito, tathā taṃ āpattiṃ kāretabbo, desanāgāminiyā desāpetabbo, vuṭṭhānagāminiyā vuṭṭhāpetabboti attho. Uttari cassa moho āropetabboti yathādhammakaraṇato ca uttari ‘‘tassa te, āvuso’’tiādivacanehi ninditvā tassa puggalassa ñattidutiyakammena moho āropetabbo. Idaṃ tasmiṃ mohanake pācittiyanti yo evaṃ āropite mohe puna moheti, tasmiṃ mohanake puggale idaṃ pācittiyaṃ veditabbaṃ, na anāropite moheti attho.
ਸਾવਤ੍ਥਿਯਂ ਛਬ੍ਬਗ੍ਗਿਯੇ ਆਰਬ੍ਭ ਮੋਹਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਅਧਮ੍ਮਕਮ੍ਮੇ ਤਿਕਦੁਕ੍ਕਟਂ, ਅਨਾਰੋਪਿਤੇ ਮੋਹੇ ਦੁਕ੍ਕਟਮੇવ। ਯੇਨ ਨ વਿਤ੍ਥਾਰੇਨ ਸੁਤਂ, ਊਨਕਦ੍વਤ੍ਤਿਕ੍ਖਤ੍ਤੁਂ વਾ વਿਤ੍ਥਾਰੇਨ ਸੁਤਂ, ਯੇ ਚ ਨ ਮੋਹੇਤੁਕਾਮਾ ਤੇਸਂ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਮੋਹਾਰੋਪਨਂ, ਮੋਹੇਤੁਕਾਮਤਾ, વੁਤ੍ਤਨਯੇਨ ਸੁਤਭਾવੋ, ਮੋਹਨਨ੍ਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਇਦਂ ਪਨ ਦੁਕ੍ਖવੇਦਨਨ੍ਤਿ।
Sāvatthiyaṃ chabbaggiye ārabbha mohanavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, adhammakamme tikadukkaṭaṃ, anāropite mohe dukkaṭameva. Yena na vitthārena sutaṃ, ūnakadvattikkhattuṃ vā vitthārena sutaṃ, ye ca na mohetukāmā tesaṃ, ummattakādīnañca anāpatti. Mohāropanaṃ, mohetukāmatā, vuttanayena sutabhāvo, mohananti imānettha cattāri aṅgāni. Samuṭṭhānādīni adinnādānasadisāni, idaṃ pana dukkhavedananti.
ਮੋਹਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Mohanasikkhāpadavaṇṇanā niṭṭhitā.
੪. ਪਹਾਰਸਿਕ੍ਖਾਪਦવਣ੍ਣਨਾ
4. Pahārasikkhāpadavaṇṇanā
ਚਤੁਤ੍ਥੇ ਪਹਾਰਂ ਦਦੇਯ੍ਯਾਤਿ ਏਤ੍ਥ ਪਹਰਿਤੁਕਾਮਤਾਯ ਪਹਾਰੇ ਦਿਨ੍ਨੇ ਸਚੇਪਿ ਮਰਤਿ, ਪਾਚਿਤ੍ਤਿਯਮੇવ।
Catutthe pahāraṃ dadeyyāti ettha paharitukāmatāya pahāre dinne sacepi marati, pācittiyameva.
ਸਾવਤ੍ਥਿਯਂ ਛਬ੍ਬਗ੍ਗਿਯੇ ਆਰਬ੍ਭ ਪਹਾਰਦਾਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਅਨੁਪਸਮ੍ਪਨ੍ਨੇ ਤਿਕਦੁਕ੍ਕਟਂ, વਿਰੂਪਕਰਣਾਧਿਪ੍ਪਾਯੇਨ ਪਨ ਉਪਸਮ੍ਪਨ੍ਨਸ੍ਸਪਿ ਕਣ੍ਣਾਦਿਚ੍ਛੇਦਨੇ ਦੁਕ੍ਕਟਮੇવ। ਕੇਨਚਿ વਿਹੇਠਿਯਮਾਨਸ੍ਸ ਪਨ ਮੋਕ੍ਖਾਧਿਪ੍ਪਾਯਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਕੁਪਿਤਤਾ, ਨ ਮੋਕ੍ਖਾਧਿਪ੍ਪਾਯਤਾ, ਉਪਸਮ੍ਪਨ੍ਨਸ੍ਸ ਪਹਾਰਦਾਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਪਠਮਪਾਰਾਜਿਕਸਦਿਸਾਨਿ, ਇਦਂ ਪਨ ਦੁਕ੍ਖવੇਦਨਨ੍ਤਿ।
Sāvatthiyaṃ chabbaggiye ārabbha pahāradānavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, anupasampanne tikadukkaṭaṃ, virūpakaraṇādhippāyena pana upasampannassapi kaṇṇādicchedane dukkaṭameva. Kenaci viheṭhiyamānassa pana mokkhādhippāyassa, ummattakādīnañca anāpatti. Kupitatā, na mokkhādhippāyatā, upasampannassa pahāradānanti imānettha tīṇi aṅgāni. Samuṭṭhānādīni paṭhamapārājikasadisāni, idaṃ pana dukkhavedananti.
ਪਹਾਰਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Pahārasikkhāpadavaṇṇanā niṭṭhitā.
੫. ਤਲਸਤ੍ਤਿਕਸਿਕ੍ਖਾਪਦવਣ੍ਣਨਾ
5. Talasattikasikkhāpadavaṇṇanā
ਪਞ੍ਚਮੇ ਤਲਸਤ੍ਤਿਕਂ ਉਗ੍ਗਿਰੇਯ੍ਯਾਤਿ ਪਹਾਰਦਾਨਾਕਾਰਂ ਦਸ੍ਸੇਨ੍ਤੋ ਕਾਯਂ વਾ ਕਾਯਪ੍ਪਟਿਬਦ੍ਧਂ વਾ ਉਚ੍ਚਾਰੇਯ੍ਯ। ਏਤ੍ਥ ਚ ਉਗ੍ਗਿਰਣਪਚ੍ਚਯਾ ਪਾਚਿਤ੍ਤਿਯਂ। ਸਚੇ ਪਨ ਉਗ੍ਗਿਰਿਤ੍વਾ વਿਰਦ੍ਧੋ ਪਹਾਰਂ ਦੇਤਿ, ਨ ਪਹਰਿਤੁਕਾਮਤਾਯ ਦਿਨ੍ਨਤ੍ਤਾ ਦੁਕ੍ਕਟਮੇવ, ਤੇਨ ਪਹਾਰੇਨ ਹਤ੍ਥਾਦੀਸੁ ਯਂਕਿਞ੍ਚਿ ਭਿਜ੍ਜਤਿ, ਦੁਕ੍ਕਟਮੇવ। ਸੇਸਮੇਤ੍ਥ ਸਬ੍ਬਂ ਪੁਰਿਮਸਿਕ੍ਖਾਪਦੇ વੁਤ੍ਤਨਯੇਨੇવ વੇਦਿਤਬ੍ਬਨ੍ਤਿ।
Pañcame talasattikaṃ uggireyyāti pahāradānākāraṃ dassento kāyaṃ vā kāyappaṭibaddhaṃ vā uccāreyya. Ettha ca uggiraṇapaccayā pācittiyaṃ. Sace pana uggiritvā viraddho pahāraṃ deti, na paharitukāmatāya dinnattā dukkaṭameva, tena pahārena hatthādīsu yaṃkiñci bhijjati, dukkaṭameva. Sesamettha sabbaṃ purimasikkhāpade vuttanayeneva veditabbanti.
ਤਲਸਤ੍ਤਿਕਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Talasattikasikkhāpadavaṇṇanā niṭṭhitā.
੬. ਅਮੂਲਕਸਿਕ੍ਖਾਪਦવਣ੍ਣਨਾ
6. Amūlakasikkhāpadavaṇṇanā
ਛਟ੍ਠੇ ਅਮੂਲਕੇਨਾਤਿ ਦਿਟ੍ਠਾਦਿਮੂਲવਿਰਹਿਤੇਨ। ਅਨੁਦ੍ਧਂਸੇਯ੍ਯਾਤਿ ਚੋਦੇਯ੍ਯ વਾ ਚੋਦਾਪੇਯ੍ਯ વਾ। ਪਾਚਿਤ੍ਤਿਯਨ੍ਤਿ ਸਚੇ ਚੁਦਿਤਕੋ ਤਙ੍ਖਣਞ੍ਞੇવ ‘‘ਚੋਦੇਤਿ ਮ’’ਨ੍ਤਿ ਜਾਨਾਤਿ, ਚੋਦਕਸ੍ਸ ਪਾਚਿਤ੍ਤਿਯਂ।
Chaṭṭhe amūlakenāti diṭṭhādimūlavirahitena. Anuddhaṃseyyāti codeyya vā codāpeyya vā. Pācittiyanti sace cuditako taṅkhaṇaññeva ‘‘codeti ma’’nti jānāti, codakassa pācittiyaṃ.
ਸਾવਤ੍ਥਿਯਂ ਛਬ੍ਬਗ੍ਗਿਯੇ ਆਰਬ੍ਭ ਅਮੂਲਕੇਨ ਸਙ੍ਘਾਦਿਸੇਸੇਨ ਅਨੁਦ੍ਧਂਸਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਸਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਆਚਾਰવਿਪਤ੍ਤਿਯਾ વਾ ਦਿਟ੍ਠਿવਿਪਤ੍ਤਿਯਾ વਾ ਅਨੁਦ੍ਧਂਸਨੇ ਦੁਕ੍ਕਟਂ, ਅਨੁਪਸਮ੍ਪਨ੍ਨੇ ਤਿਕਦੁਕ੍ਕਟਂ। ਤਥਾਸਞ੍ਞਿਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਉਪਸਮ੍ਪਨ੍ਨਤਾ, ਸਙ੍ਘਾਦਿਸੇਸਸ੍ਸ ਅਮੂਲਕਤਾ, ਅਨੁਦ੍ਧਂਸਨਾ, ਤਙ੍ਖਣવਿਜਾਨਨਾਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਇਦਂ ਪਨ ਦੁਕ੍ਖવੇਦਨਨ੍ਤਿ।
Sāvatthiyaṃ chabbaggiye ārabbha amūlakena saṅghādisesena anuddhaṃsanavatthusmiṃ paññattaṃ, sādhāraṇapaññatti, sāṇattikaṃ, tikapācittiyaṃ, ācāravipattiyā vā diṭṭhivipattiyā vā anuddhaṃsane dukkaṭaṃ, anupasampanne tikadukkaṭaṃ. Tathāsaññissa, ummattakādīnañca anāpatti. Upasampannatā, saṅghādisesassa amūlakatā, anuddhaṃsanā, taṅkhaṇavijānanāti imānettha cattāri aṅgāni. Samuṭṭhānādīni adinnādānasadisāni, idaṃ pana dukkhavedananti.
ਅਮੂਲਕਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Amūlakasikkhāpadavaṇṇanā niṭṭhitā.
੭. ਸਞ੍ਚਿਚ੍ਚਸਿਕ੍ਖਾਪਦવਣ੍ਣਨਾ
7. Sañciccasikkhāpadavaṇṇanā
ਸਤ੍ਤਮੇ ਕੁਕ੍ਕੁਚ੍ਚਂ ਉਪਦਹੇਯ੍ਯਾਤਿ ‘‘ਊਨવੀਸਤਿવਸ੍ਸੋ ਤ੍વਂ ਮਞ੍ਞੇ’’ਤਿਆਦੀਨਿ (ਪਾਚਿ॰ ੪੬੬) ਭਣਨ੍ਤੋ ਉਪ੍ਪਾਦੇਯ੍ਯ। ਏવਂ ਅਞ੍ਞਸ੍ਮਿਂ ਉਪ੍ਪਾਦਨਪਚ੍ਚਯੇ ਅਸਤਿ ਸਞ੍ਚਿਚ੍ਚ ਉਪ੍ਪਾਦੇਨ੍ਤਸ੍ਸ વਾਚਾਯ વਾਚਾਯ ਪਾਚਿਤ੍ਤਿਯਂ।
Sattame kukkuccaṃ upadaheyyāti ‘‘ūnavīsativasso tvaṃ maññe’’tiādīni (pāci. 466) bhaṇanto uppādeyya. Evaṃ aññasmiṃ uppādanapaccaye asati sañcicca uppādentassa vācāya vācāya pācittiyaṃ.
ਸਾવਤ੍ਥਿਯਂ ਛਬ੍ਬਗ੍ਗਿਯੇ ਆਰਬ੍ਭ ਕੁਕ੍ਕੁਚ੍ਚਉਪ੍ਪਾਦਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਅਨੁਪਸਮ੍ਪਨ੍ਨੇ ਤਿਕਦੁਕ੍ਕਟਂ। ਨਉਪ੍ਪਾਦੇਤੁਕਾਮਸ੍ਸ, ਕੇવਲਂ ਹਿਤੇਸਿਤਾਯ ਤਥਾ વਦਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਉਪਸਮ੍ਪਨ੍ਨਤਾ, ਅਫਾਸੁਕਾਮਤਾ , ਕੁਕ੍ਕੁਚ੍ਚੁਪ੍ਪਾਦਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਅਨਨ੍ਤਰਸਦਿਸਾਨੇવਾਤਿ।
Sāvatthiyaṃ chabbaggiye ārabbha kukkuccauppādanavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, anupasampanne tikadukkaṭaṃ. Nauppādetukāmassa, kevalaṃ hitesitāya tathā vadantassa, ummattakādīnañca anāpatti. Upasampannatā, aphāsukāmatā , kukkuccuppādananti imānettha tīṇi aṅgāni. Samuṭṭhānādīni anantarasadisānevāti.
ਸਞ੍ਚਿਚ੍ਚਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Sañciccasikkhāpadavaṇṇanā niṭṭhitā.
੮. ਉਪਸ੍ਸੁਤਿਸਿਕ੍ਖਾਪਦવਣ੍ਣਨਾ
8. Upassutisikkhāpadavaṇṇanā
ਅਟ੍ਠਮੇ વਿવਾਦਾਪਨ੍ਨਾਨਨ੍ਤਿ ਭਣ੍ਡਨਕਲਹੇਹਿ વਿવਡ੍ਢਿਤਂ વਿવਾਦਾਧਿਕਰਣਂ ਆਪਨ੍ਨਾਨਂ। ਉਪਸ੍ਸੁਤਿਨ੍ਤਿ ਸੁਤਿਸਮੀਪਂ, ਯਤ੍ਥ ਠਤ੍વਾ ਸਕ੍ਕਾ ਹੋਤਿ ਤੇਸਂ વਚਨਂ ਸੋਤੁਂ, ਤਤ੍ਥ ਤਿਟ੍ਠੇਯ੍ਯਾਤਿ ਅਤ੍ਥੋ। ‘‘ਤਤ੍ਥ ਸੋਸ੍ਸਾਮੀ’’ਤਿ ਚੋਦੇਤੁਕਾਮਤਾਯ ਗਚ੍ਛਤੋ ਪਦੇ ਪਦੇ ਦੁਕ੍ਕਟਂ, ਤੁਰਿਤਗਮਨੇਪਿ ਓਹੀਯਮਾਨੇਪਿ ਏਸੇવ ਨਯੋ। ਯਤ੍ਥ ਪਨ ਠਿਤੋ ਸੁਣਾਤਿ, ਤਤ੍ਥ ਠਿਤਸ੍ਸ ਪਾਚਿਤ੍ਤਿਯਂ, ਅਤ੍ਤਨੋ ਠਿਤੋਕਾਸਂ ਆਗਨ੍ਤ੍વਾ ਤੇਸੁ ਮਨ੍ਤਯਮਾਨੇਸੁਪਿ ਉਕ੍ਕਾਸਿਤ੍વਾ, ‘‘ਅਹਂ ਏਤ੍ਥਾ’’ਤਿ વਾ વਤ੍વਾ ਜਾਨਾਪੇਤਬ੍ਬਂ, ਏવਂ ਅਕਰੋਨ੍ਤਸ੍ਸਾਪਿ ਸવਨੇ ਪਾਚਿਤ੍ਤਿਯਮੇવ।
Aṭṭhame vivādāpannānanti bhaṇḍanakalahehi vivaḍḍhitaṃ vivādādhikaraṇaṃ āpannānaṃ. Upassutinti sutisamīpaṃ, yattha ṭhatvā sakkā hoti tesaṃ vacanaṃ sotuṃ, tattha tiṭṭheyyāti attho. ‘‘Tattha sossāmī’’ti codetukāmatāya gacchato pade pade dukkaṭaṃ, turitagamanepi ohīyamānepi eseva nayo. Yattha pana ṭhito suṇāti, tattha ṭhitassa pācittiyaṃ, attano ṭhitokāsaṃ āgantvā tesu mantayamānesupi ukkāsitvā, ‘‘ahaṃ etthā’’ti vā vatvā jānāpetabbaṃ, evaṃ akarontassāpi savane pācittiyameva.
ਸਾવਤ੍ਥਿਯਂ ਛਬ੍ਬਗ੍ਗਿਯੇ ਆਰਬ੍ਭ ਉਪਸ੍ਸੁਤਿਟ੍ਠਾਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਅਨੁਪਸਮ੍ਪਨ੍ਨੇ ਤਿਕਦੁਕ੍ਕਟਂ, ‘‘ਇਮੇਸਂ ਸੁਤ੍વਾ ਓਰਮਿਸ੍ਸਾਮਿ વਿਰਮਿਸ੍ਸਾਮਿ વੂਪਸਮਿਸ੍ਸਾਮਿ ਅਤ੍ਤਾਨਂ ਪਰਿਮੋਚੇਸ੍ਸਾਮੀ’’ਤਿ (ਪਾਚਿ॰ ੪੭੩) ਗਚ੍ਛਤੋ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਉਪਸਮ੍ਪਨ੍ਨਤਾ, ਚੋਦਨਾਧਿਪ੍ਪਾਯੋ, ਸવਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਥੇਯ੍ਯਸਤ੍ਥਸਮੁਟ੍ਠਾਨਂ ਇਦਂ ਪਨ ਸਿਯਾ ਕਿਰਿਯਂ, ਸਿਯਾ ਅਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਅਕੁਸਲਚਿਤ੍ਤਂ, ਦੁਕ੍ਖવੇਦਨਨ੍ਤਿ।
Sāvatthiyaṃ chabbaggiye ārabbha upassutiṭṭhānavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, anupasampanne tikadukkaṭaṃ, ‘‘imesaṃ sutvā oramissāmi viramissāmi vūpasamissāmi attānaṃ parimocessāmī’’ti (pāci. 473) gacchato, ummattakādīnañca anāpatti. Upasampannatā, codanādhippāyo, savananti imānettha tīṇi aṅgāni. Theyyasatthasamuṭṭhānaṃ idaṃ pana siyā kiriyaṃ, siyā akiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
ਉਪਸ੍ਸੁਤਿਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Upassutisikkhāpadavaṇṇanā niṭṭhitā.
੯. ਕਮ੍ਮਪ੍ਪਟਿਬਾਹਨਸਿਕ੍ਖਾਪਦવਣ੍ਣਨਾ
9. Kammappaṭibāhanasikkhāpadavaṇṇanā
ਨવਮੇ ਧਮ੍ਮਿਕਾਨਂ ਕਮ੍ਮਾਨਨ੍ਤਿ ਧਮ੍ਮੇਨ વਿਨਯੇਨ ਸਤ੍ਥੁਸਾਸਨੇਨ ਕਤਾਨਂ ਅਪਲੋਕਨਕਮ੍ਮਂ ਞਤ੍ਤਿਕਮ੍ਮਂ ਞਤ੍ਤਿਦੁਤਿਯਕਮ੍ਮਂ ਞਤ੍ਤਿਚਤੁਤ੍ਥਕਮ੍ਮਨ੍ਤਿ ਇਮੇਸਂ ਚਤੁਨ੍ਨਂ ਕਮ੍ਮਾਨਂ। ਤਤ੍ਰਾਯਂ ਸਙ੍ਖੇਪਤੋ ਕਮ੍ਮવਿਨਿਚ੍ਛਯੋ – ਤਤ੍ਰ ਅਪਲੋਕਨਕਮ੍ਮਂ ਨਾਮ ਸਮਗ੍ਗਸ੍ਸ ਸਙ੍ਘਸ੍ਸ ਅਨੁਮਤਿਯਾ ਤਂ ਤਂ વਤ੍ਥੁਂ ਕਿਤ੍ਤੇਤ੍વਾ ‘‘ਰੁਚ੍ਚਤਿ ਸਙ੍ਘਸ੍ਸਾ’’ਤਿ ਤਿਕ੍ਖਤ੍ਤੁਂ ਸਾવੇਤ੍વਾ ਕਤ੍ਤਬ੍ਬਂ ਕਮ੍ਮਂ વੁਚ੍ਚਤਿ। ਸਮਗ੍ਗਸ੍ਸੇવ ਪਨ ਸਙ੍ਘਸ੍ਸ ਅਨੁਮਤਿਯਾ ਏਕਾਯ ਞਤ੍ਤਿਯਾ ਕਤ੍ਤਬ੍ਬਂ ਕਮ੍ਮਂ ਞਤ੍ਤਿਕਮ੍ਮਂ ਨਾਮ। ਏਕਾਯ ਞਤ੍ਤਿਯਾ ਚੇવ ਅਨੁਸ੍ਸਾવਨਾਯ ਚ ਕਤ੍ਤਬ੍ਬਂ ਕਮ੍ਮਂ ਞਤ੍ਤਿਦੁਤਿਯਕਮ੍ਮਂ ਨਾਮ। ਏਕਾਯ ਪਨ ਞਤ੍ਤਿਯਾ ਤੀਹਿ ਚ ਅਨੁਸ੍ਸਾવਨਾਹਿ ਕਤ੍ਤਬ੍ਬਂ ਕਮ੍ਮਂ ਞਤ੍ਤਿਚਤੁਤ੍ਥਕਮ੍ਮਂ ਨਾਮ।
Navame dhammikānaṃ kammānanti dhammena vinayena satthusāsanena katānaṃ apalokanakammaṃ ñattikammaṃ ñattidutiyakammaṃ ñatticatutthakammanti imesaṃ catunnaṃ kammānaṃ. Tatrāyaṃ saṅkhepato kammavinicchayo – tatra apalokanakammaṃ nāma samaggassa saṅghassa anumatiyā taṃ taṃ vatthuṃ kittetvā ‘‘ruccati saṅghassā’’ti tikkhattuṃ sāvetvā kattabbaṃ kammaṃ vuccati. Samaggasseva pana saṅghassa anumatiyā ekāya ñattiyā kattabbaṃ kammaṃ ñattikammaṃ nāma. Ekāya ñattiyā ceva anussāvanāya ca kattabbaṃ kammaṃ ñattidutiyakammaṃ nāma. Ekāya pana ñattiyā tīhi ca anussāvanāhi kattabbaṃ kammaṃ ñatticatutthakammaṃ nāma.
ਤੇਸੁ ਅਪਲੋਕਨਕਮ੍ਮਂ (ਪਰਿ॰ ੪੯੬; ਪਰਿ॰ ਅਟ੍ਠ॰ ੪੯੫-੪੯੬) ਪਞ੍ਚ ਠਾਨਾਨਿ ਗਚ੍ਛਤਿ ਓਸਾਰਣਂ ਨਿਸ੍ਸਾਰਣਂ ਭਣ੍ਡੁਕਮ੍ਮਂ ਬ੍ਰਹ੍ਮਦਣ੍ਡਂ ਕਮ੍ਮਲਕ੍ਖਣਨ੍ਤਿ। ਤਤ੍ਥ ਕਣ੍ਟਕਸਾਮਣੇਰਸ੍ਸ ਨਾਸਨਾ વਿਯ ਨਿਸ੍ਸਾਰਣਾ, ਤਾਦਿਸਂਯੇવ ਸਮ੍ਮਾવਤ੍ਤਨ੍ਤਂ ਦਿਸ੍વਾ ਪવੇਸਨਾ ‘ਓਸਾਰਣਾ’ਤਿ વੇਦਿਤਬ੍ਬਾ। ਪਬ੍ਬਜ੍ਜਾਪੇਕ੍ਖਸ੍ਸ ਕੇਸਚ੍ਛੇਦਨਾਪੁਚ੍ਛਨਂ ਭਣ੍ਡੁਕਮ੍ਮਂ (ਮਹਾવ॰ ੯੮) ਨਾਮ। ਮੁਖਰਸ੍ਸ ਭਿਕ੍ਖੁਨੋ ਭਿਕ੍ਖੂ ਦੁਰੁਤ੍ਤવਚਨੇਹਿ ਘਟ੍ਟੇਨ੍ਤਸ੍ਸ ‘‘ਇਤ੍ਥਨ੍ਨਾਮੋ ਭਿਕ੍ਖੁ ਮੁਖਰੋ ਭਿਕ੍ਖੂ ਦੁਰੁਤ੍ਤવਚਨੇਹਿ ਘਟ੍ਟੇਨ੍ਤੋ વਿਹਰਤਿ, ਸੋ ਭਿਕ੍ਖੁ ਯਂ ਇਚ੍ਛੇਯ੍ਯ, ਤਂ વਦੇਯ੍ਯ, ਭਿਕ੍ਖੂਹਿ ਇਤ੍ਥਨ੍ਨਾਮੋ ਭਿਕ੍ਖੁ ਨੇવ વਤ੍ਤਬ੍ਬੋ, ਨ ਓવਾਦਾਨੁਸਾਸਨਿਂ ਕਤ੍ਤਬ੍ਬੋ, ਨ ਓવਦਿਤਬ੍ਬੋ’’ਤਿ ‘‘ਸਙ੍ਘਂ, ਭਨ੍ਤੇ , ਪੁਚ੍ਛਾਮਿ ‘ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਬ੍ਰਹ੍ਮਦਣ੍ਡਸ੍ਸ ਦਾਨਂ ਰੁਚ੍ਚਤਿ ਸਙ੍ਘਸ੍ਸਾ’ਤਿ, ਦੁਤਿਯਮ੍ਪਿ ਪੁਚ੍ਛਾਮਿ, ਤਤਿਯਮ੍ਪਿ ਪੁਚ੍ਛਾਮਿ ‘ਇਤ੍ਥਨ੍ਨਾਮਸ੍ਸ, ਭਨ੍ਤੇ, ਭਿਕ੍ਖੁਨੋ ਬ੍ਰਹ੍ਮਦਣ੍ਡਸ੍ਸ ਦਾਨਂ ਰੁਚ੍ਚਤਿ ਸਙ੍ਘਸ੍ਸਾ’’’ਤਿ ਏવਂ ਕਤ੍ਤਬ੍ਬਂ ਕਮ੍ਮਂ ਬ੍ਰਹ੍ਮਦਣ੍ਡਂ (ਚੂਲ਼વ॰ ੪੪੫) ਨਾਮ। ਯਂ ਪਨ ਭਗવਤਾ ਭਿਕ੍ਖੁਨੀਨਂ ਊਰੁਂ વਿવਰਿਤ੍વਾ ਦਸ੍ਸਨਾਦਿવਤ੍ਥੂਸੁ ‘‘ਅવਨ੍ਦਿਯੋ ਸੋ, ਭਿਕ੍ਖવੇ, ਭਿਕ੍ਖੁ ਭਿਕ੍ਖੁਨਿਸਙ੍ਘੇਨ ਕਾਤਬ੍ਬੋ’’ਤਿ (ਚੂਲ਼વ॰ ੪੧੧) ਏવਂ ਅવਨ੍ਦਿਯਕਮ੍ਮਂ ਅਨੁਞ੍ਞਾਤਂ, ਯਂ ਭਿਕ੍ਖੁਨੀਹਿ ‘‘ਅਯ੍ਯੇ, ਅਸੁਕੋ ਨਾਮ ਅਯ੍ਯੋ ਭਿਕ੍ਖੁਨੀਨਂ ਅਪ੍ਪਸਾਦਨੀਯਂ ਦਸ੍ਸੇਤਿ, ਏਤਸ੍ਸ ਅਯ੍ਯਸ੍ਸ ਅવਨ੍ਦਿਯਕਰਣਂ ‘ਰੁਚ੍ਚਤਿ ਭਿਕ੍ਖੁਨਿਸਙ੍ਘਸ੍ਸਾ’’’ਤਿ ਏવਂ ਉਪਸ੍ਸਯੇ ਨਿਸਿਨ੍ਨਾਹੇવ ਭਿਕ੍ਖੁਨੀਹਿ ਕਤ੍ਤਬ੍ਬਂ, ਏવਰੂਪਂ ਕਮ੍ਮਂ ਯਸ੍ਮਾ ਤਸ੍ਸ ਕਮ੍ਮਂਯੇવ ਲਕ੍ਖਣਂ ਨ ਓਸਾਰਣਾਦੀਨਿ, ਤਸ੍ਮਾ ਕਮ੍ਮਲਕ੍ਖਣਨ੍ਤਿ વੁਚ੍ਚਤਿ। ਇਦਞ੍ਚ ਕਮ੍ਮਲਕ੍ਖਣਂ ਨਾਮ ਭਿਕ੍ਖੁਨਿਮੂਲਕਂ ਪਞ੍ਞਤ੍ਤਂ, ਅਪਿਚ ਭਿਕ੍ਖੂਨਮ੍ਪਿ ਲਬ੍ਭਤਿ, ਤਸ੍ਮਾ ਭਿਕ੍ਖੂਹਿਪਿ ਅਚ੍ਛਿਨ੍ਨਚੀવਰਕਾਦੀਨਂ ਚੀવਰਾਦੀਨਿ વਾ ਦੇਨ੍ਤੇਹਿ, ਪਰਿਭੁਞ੍ਜਿਤਬ੍ਬਾਨਿ ਅਪਨੇਤਬ੍ਬਾਨਿਪਿ વਤ੍ਥੂਨਿ ਪਰਿਭੁਞ੍ਜਨ੍ਤੇਹਿ વਾ, ਅਪਨੇਨ੍ਤੇਹਿ વਾ, ਤਥਾਰੂਪਂ વਾ ਧਮ੍ਮਿਕਂ ਕਤਿਕਂ ਕਰੋਨ੍ਤੇਹਿ ਤਿਕ੍ਖਤ੍ਤੁਂ ਸਾવੇਤ੍વਾ ਅਪਲੋਕਨਕਮ੍ਮਂ ਕਾਤਬ੍ਬਂ, ਸਬ੍ਬਞ੍ਹੇਤਂ ਕਮ੍ਮਲਕ੍ਖਣਮੇવ ਪવਿਸਤਿ, ਇਤਿ ਅਪਲੋਕਨਕਮ੍ਮਂ ਪਞ੍ਚ ਠਾਨਾਨਿ ਗਚ੍ਛਤਿ।
Tesu apalokanakammaṃ (pari. 496; pari. aṭṭha. 495-496) pañca ṭhānāni gacchati osāraṇaṃ nissāraṇaṃ bhaṇḍukammaṃ brahmadaṇḍaṃ kammalakkhaṇanti. Tattha kaṇṭakasāmaṇerassa nāsanā viya nissāraṇā, tādisaṃyeva sammāvattantaṃ disvā pavesanā ‘osāraṇā’ti veditabbā. Pabbajjāpekkhassa kesacchedanāpucchanaṃ bhaṇḍukammaṃ (mahāva. 98) nāma. Mukharassa bhikkhuno bhikkhū duruttavacanehi ghaṭṭentassa ‘‘itthannāmo bhikkhu mukharo bhikkhū duruttavacanehi ghaṭṭento viharati, so bhikkhu yaṃ iccheyya, taṃ vadeyya, bhikkhūhi itthannāmo bhikkhu neva vattabbo, na ovādānusāsaniṃ kattabbo, na ovaditabbo’’ti ‘‘saṅghaṃ, bhante , pucchāmi ‘itthannāmassa bhikkhuno brahmadaṇḍassa dānaṃ ruccati saṅghassā’ti, dutiyampi pucchāmi, tatiyampi pucchāmi ‘itthannāmassa, bhante, bhikkhuno brahmadaṇḍassa dānaṃ ruccati saṅghassā’’’ti evaṃ kattabbaṃ kammaṃ brahmadaṇḍaṃ (cūḷava. 445) nāma. Yaṃ pana bhagavatā bhikkhunīnaṃ ūruṃ vivaritvā dassanādivatthūsu ‘‘avandiyo so, bhikkhave, bhikkhu bhikkhunisaṅghena kātabbo’’ti (cūḷava. 411) evaṃ avandiyakammaṃ anuññātaṃ, yaṃ bhikkhunīhi ‘‘ayye, asuko nāma ayyo bhikkhunīnaṃ appasādanīyaṃ dasseti, etassa ayyassa avandiyakaraṇaṃ ‘ruccati bhikkhunisaṅghassā’’’ti evaṃ upassaye nisinnāheva bhikkhunīhi kattabbaṃ, evarūpaṃ kammaṃ yasmā tassa kammaṃyeva lakkhaṇaṃ na osāraṇādīni, tasmā kammalakkhaṇanti vuccati. Idañca kammalakkhaṇaṃ nāma bhikkhunimūlakaṃ paññattaṃ, apica bhikkhūnampi labbhati, tasmā bhikkhūhipi acchinnacīvarakādīnaṃ cīvarādīni vā dentehi, paribhuñjitabbāni apanetabbānipi vatthūni paribhuñjantehi vā, apanentehi vā, tathārūpaṃ vā dhammikaṃ katikaṃ karontehi tikkhattuṃ sāvetvā apalokanakammaṃ kātabbaṃ, sabbañhetaṃ kammalakkhaṇameva pavisati, iti apalokanakammaṃ pañca ṭhānāni gacchati.
ਞਤ੍ਤਿਕਮ੍ਮਂ ਪਨ ਨવ ਠਾਨਾਨਿ ਗਚ੍ਛਤਿ ਓਸਾਰਣਂ ਨਿਸ੍ਸਾਰਣਂ ਉਪੋਸਥਂ ਪવਾਰਣਂ ਸਮ੍ਮੁਤਿਂ ਦਾਨਂ ਪਟਿਗ੍ਗਹਂ ਪਚ੍ਚੁਕ੍ਕਡ੍ਢਨਂ ਕਮ੍ਮਲਕ੍ਖਣਨ੍ਤਿ। ਤਤ੍ਥ ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਸ੍ਸ ਆਯਸ੍ਮਤੋ ਉਪਸਮ੍ਪਦਾਪੇਕ੍ਖੋ, ਅਨੁਸਿਟ੍ਠੋ ਸੋ ਮਯਾ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਇਤ੍ਥਨ੍ਨਾਮੋ ਆਗਚ੍ਛੇਯ੍ਯ , ‘ਆਗਚ੍ਛਾਹੀ’ਤਿ વਤ੍ਤਬ੍ਬੋ’’ਤਿ (ਮਹਾવ॰ ੧੨੬) ਏવਂ ਉਪਸਮ੍ਪਦਾਪੇਕ੍ਖਸ੍ਸ ਓਸਾਰਣਾ ਓਸਾਰਣਾ ਨਾਮ। ‘‘ਸੁਣਨ੍ਤੁ ਮੇ ਆਯਸ੍ਮਨ੍ਤਾ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਧਮ੍ਮਕਥਿਕੋ, ਇਮਸ੍ਸ ਨੇવ ਸੁਤ੍ਤਂ ਆਗਚ੍ਛਤਿ, ਨੋ ਸੁਤ੍ਤવਿਭਙ੍ਗੋ, ਸੋ ਅਤ੍ਥਂ ਅਸਲ੍ਲਕ੍ਖੇਤ੍વਾ ਬ੍ਯਞ੍ਜਨਚ੍ਛਾਯਾਯ ਅਤ੍ਥਂ ਪਟਿਬਾਹਤਿ, ਯਦਾਯਸ੍ਮਨ੍ਤਾਨਂ ਪਤ੍ਤਕਲ੍ਲਂ, ਇਤ੍ਥਨ੍ਨਾਮਂ ਭਿਕ੍ਖੁਂ વੁਟ੍ਠਾਪੇਤ੍વਾ ਅવਸੇਸਾ ਇਮਂ ਅਧਿਕਰਣਂ વੂਪਸਮੇਯ੍ਯਾਮਾ’’ਤਿ ਏવਂ ਉਬ੍ਭਾਹਿਕવਿਨਿਚ੍ਛਯੇ (ਚੂਲ਼વ॰ ੨੩੩) ਧਮ੍ਮਕਥਿਕਸ੍ਸ ਭਿਕ੍ਖੁਨੋ ਨਿਸ੍ਸਾਰਣਾ ਨਿਸ੍ਸਾਰਣਾ ਨਾਮ। ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਜ੍ਜੁਪੋਸਥੋ…ਪੇ॰… ਉਪੋਸਥਂ ਕਰੇਯ੍ਯਾ’’ਤਿ ਏવਂ ਉਪੋਸਥਕਮ੍ਮવਸੇਨ ਠਪਿਤਾ ਞਤ੍ਤਿ ਉਪੋਸਥੋ ਨਾਮ। ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਜ੍ਜ ਪવਾਰਣਾ ਪਨ੍ਨਰਸੀ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਪવਾਰੇਯ੍ਯਾ’’ਤਿ (ਮਹਾવ॰ ੨੧੦) ਏવਂ ਪવਾਰਣਾਕਮ੍ਮવਸੇਨ ਠਪਿਤਾ ਞਤ੍ਤਿ ਪવਾਰਣਾ ਨਾਮ। ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਸ੍ਸ ਉਪਸਮ੍ਪਦਾਪੇਕ੍ਖੋ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਅਹਂ ਇਤ੍ਥਨ੍ਨਾਮਂ ਅਨੁਸਾਸੇਯ੍ਯ’’ਨ੍ਤਿ, ‘‘ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਂ ਅਨੁਸਾਸੇਯ੍ਯਾ’’ਤਿ (ਮਹਾવ॰ ੧੨੬) ਏવਂ ਅਤ੍ਤਾਨਂ વਾ ਪਰਂ વਾ ਸਮ੍ਮਨ੍ਨਿਤੁਂ ਠਪਿਤਾ ਞਤ੍ਤਿ ਸਮ੍ਮੁਤਿ ਨਾਮ। ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਇਮਂ ਚੀવਰਂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਨਿਸ੍ਸਗ੍ਗਿਯਂ ਸਙ੍ਘਸ੍ਸ ਨਿਸ੍ਸਟ੍ਠਂ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਮਂ ਚੀવਰਂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਦਦੇਯ੍ਯਾ’’ਤਿ (ਪਾਰਾ॰ ੪੬੪) ਏવਂ ਨਿਸ੍ਸਟ੍ਠਚੀવਰਪਤ੍ਤਾਦੀਨਂ ਦਾਨਂ ਦਾਨਂ ਨਾਮ। ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਆਪਤ੍ਤਿਂ ਸਰਤਿ વਿવਰਤਿ ਉਤ੍ਤਾਨਿਂ ਕਰੋਤਿ ਦੇਸੇਤਿ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਅਹਂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਆਪਤ੍ਤਿਂ ਪਟਿਗ੍ਗਣ੍ਹੇਯ੍ਯ’’ਨ੍ਤਿ, ਤੇਨ વਤ੍ਤਬ੍ਬੋ ‘ਪਸ੍ਸਸੀ’ਤਿ, ‘ਆਮ, ਪਸ੍ਸਾਮੀ’ਤਿ, ‘‘ਆਯਤਿਂ ਸਂવਰੇਯ੍ਯਾਸੀ’’ਤਿ (ਚੂਲ਼વ॰ ੨੩੯) ਏવਂ ਆਪਤ੍ਤਿਪ੍ਪਟਿਗ੍ਗਹੋ ਪਟਿਗ੍ਗਹੋ ਨਾਮ। ‘‘ਸੁਣਨ੍ਤੁ ਮੇ ਆਯਸ੍ਮਨ੍ਤਾ ਆવਾਸਿਕਾ, ਯਦਾਯਸ੍ਮਨ੍ਤਾਨਂ ਪਤ੍ਤਕਲ੍ਲਂ, ਇਦਾਨਿ ਉਪੋਸਥਂ ਕਰੇਯ੍ਯਾਮ, ਪਾਤਿਮੋਕ੍ਖਂ ਉਦ੍ਦਿਸੇਯ੍ਯਾਮ, ਆਗਮੇ ਕਾਲੇ ਪવਾਰੇਯ੍ਯਾਮਾ’’ਤਿ (ਮਹਾવ॰ ੨੪੦) ਏવਂ ਕਤਪ੍ਪવਾਰਣਪ੍ਪਚ੍ਚੁਕ੍ਕਡ੍ਢਨਾ ਪਚ੍ਚੁਕ੍ਕਡ੍ਢਨਾ ਨਾਮ। ਤਿਣવਤ੍ਤਾਰਕਸਮਥੇ (ਚੂਲ਼વ॰ ੨੧੨) ਸਬ੍ਬਸਙ੍ਗਾਹਿਕਞਤ੍ਤਿ, ਏਕੇਕਸ੍ਮਿਂ ਪਕ੍ਖੇ ਏਕੇਕਾ ਞਤ੍ਤਿ ਚਾਤਿ ਤਿਸ੍ਸੋਪਿ ਞਤ੍ਤਿਯੋ ਕਮ੍ਮਲਕ੍ਖਣਂ ਨਾਮ। ਇਤਿ ਞਤ੍ਤਿਕਮ੍ਮਂ ਨવ ਠਾਨਾਨਿ ਗਚ੍ਛਤਿ।
Ñattikammaṃ pana nava ṭhānāni gacchati osāraṇaṃ nissāraṇaṃ uposathaṃ pavāraṇaṃ sammutiṃ dānaṃ paṭiggahaṃ paccukkaḍḍhanaṃ kammalakkhaṇanti. Tattha ‘‘suṇātu me, bhante, saṅgho, itthannāmo itthannāmassa āyasmato upasampadāpekkho, anusiṭṭho so mayā, yadi saṅghassa pattakallaṃ, itthannāmo āgaccheyya , ‘āgacchāhī’ti vattabbo’’ti (mahāva. 126) evaṃ upasampadāpekkhassa osāraṇā osāraṇā nāma. ‘‘Suṇantu me āyasmantā, ayaṃ itthannāmo bhikkhu dhammakathiko, imassa neva suttaṃ āgacchati, no suttavibhaṅgo, so atthaṃ asallakkhetvā byañjanacchāyāya atthaṃ paṭibāhati, yadāyasmantānaṃ pattakallaṃ, itthannāmaṃ bhikkhuṃ vuṭṭhāpetvā avasesā imaṃ adhikaraṇaṃ vūpasameyyāmā’’ti evaṃ ubbhāhikavinicchaye (cūḷava. 233) dhammakathikassa bhikkhuno nissāraṇā nissāraṇā nāma. ‘‘Suṇātu me, bhante, saṅgho, ajjuposatho…pe… uposathaṃ kareyyā’’ti evaṃ uposathakammavasena ṭhapitā ñatti uposatho nāma. ‘‘Suṇātu me, bhante, saṅgho, ajja pavāraṇā pannarasī, yadi saṅghassa pattakallaṃ, saṅgho pavāreyyā’’ti (mahāva. 210) evaṃ pavāraṇākammavasena ṭhapitā ñatti pavāraṇā nāma. ‘‘Suṇātu me, bhante, saṅgho, itthannāmo itthannāmassa upasampadāpekkho, yadi saṅghassa pattakallaṃ, ahaṃ itthannāmaṃ anusāseyya’’nti, ‘‘yadi saṅghassa pattakallaṃ, itthannāmo itthannāmaṃ anusāseyyā’’ti (mahāva. 126) evaṃ attānaṃ vā paraṃ vā sammannituṃ ṭhapitā ñatti sammuti nāma. ‘‘Suṇātu me, bhante, saṅgho, imaṃ cīvaraṃ itthannāmassa bhikkhuno nissaggiyaṃ saṅghassa nissaṭṭhaṃ, yadi saṅghassa pattakallaṃ, saṅgho imaṃ cīvaraṃ itthannāmassa bhikkhuno dadeyyā’’ti (pārā. 464) evaṃ nissaṭṭhacīvarapattādīnaṃ dānaṃ dānaṃ nāma. ‘‘Suṇātu me, bhante, saṅgho, ayaṃ itthannāmo bhikkhu āpattiṃ sarati vivarati uttāniṃ karoti deseti, yadi saṅghassa pattakallaṃ, ahaṃ itthannāmassa bhikkhuno āpattiṃ paṭiggaṇheyya’’nti, tena vattabbo ‘passasī’ti, ‘āma, passāmī’ti, ‘‘āyatiṃ saṃvareyyāsī’’ti (cūḷava. 239) evaṃ āpattippaṭiggaho paṭiggaho nāma. ‘‘Suṇantu me āyasmantā āvāsikā, yadāyasmantānaṃ pattakallaṃ, idāni uposathaṃ kareyyāma, pātimokkhaṃ uddiseyyāma, āgame kāle pavāreyyāmā’’ti (mahāva. 240) evaṃ katappavāraṇappaccukkaḍḍhanā paccukkaḍḍhanā nāma. Tiṇavattārakasamathe (cūḷava. 212) sabbasaṅgāhikañatti, ekekasmiṃ pakkhe ekekā ñatti cāti tissopi ñattiyo kammalakkhaṇaṃ nāma. Iti ñattikammaṃ nava ṭhānāni gacchati.
ਞਤ੍ਤਿਦੁਤਿਯਕਮ੍ਮਂ ਸਤ੍ਤ ਠਾਨਾਨਿ ਗਚ੍ਛਤਿ ਓਸਾਰਣਂ ਨਿਸ੍ਸਾਰਣਂ ਸਮ੍ਮੁਤਿਂ ਦਾਨਂ ਉਦ੍ਧਾਰਂ ਦੇਸਨਂ ਕਮ੍ਮਲਕ੍ਖਣਨ੍ਤਿ। ਤਤ੍ਥ ਭਿਕ੍ਖੂਨਂ ਅਲਾਭਾਯ ਪਰਿਸਕ੍ਕਨਾਦਿਕੇਹਿ ਅਟ੍ਠਹਿ ਅਙ੍ਗੇਹਿ ਸਮਨ੍ਨਾਗਤਸ੍ਸ ਉਪਾਸਕਸ੍ਸ ਸਙ੍ਘੇਨ ਅਸਮ੍ਭੋਗਕਰਣਤ੍ਥਂ ਪਤ੍ਤਨਿਕ੍ਕੁਜ੍ਜਨવਸੇਨ ਨਿਸ੍ਸਾਰਣਾ ਨਿਸ੍ਸਾਰਣਾ ਨਾਮ। ਤਸ੍ਸੇવ ਸਮ੍ਮਾવਤ੍ਤਨ੍ਤਸ੍ਸ ਪਤ੍ਤੁਕ੍ਕੁਜ੍ਜਨવਸੇਨ ਓਸਾਰਣਾ ਚ વੇਦਿਤਬ੍ਬਾ, ਸਾ ਖੁਦ੍ਦਕਕ੍ਖਨ੍ਧਕੇ વਡ੍ਢਲਿਚ੍ਛવਿવਤ੍ਥੁਸ੍ਮਿਂ (ਚੂਲ਼વ॰ ੨੬੫-੨੬੬) વੁਤ੍ਤਾ। ਸੀਮਾਸਮ੍ਮੁਤਿ ਤਿਚੀવਰੇਨ ਅવਿਪ੍ਪવਾਸਸਮ੍ਮੁਤਿਸਨ੍ਥਤਸਮ੍ਮੁਤਿਭਤ੍ਤੁਦ੍ਦੇਸਕਸੇਨਾਸਨਗ੍ਗਾਹਾਪਕਭਣ੍ਡਾਗਾਰਿਕਚੀવਰਪ੍ਪਟਿਗ੍ਗਾਹਕਯਾਗੁਭਾਜਕਫਲਭਾਜਕਖਜ੍ਜਭਾਜਕਅਪ੍ਪਮਤ੍ਤਕવਿਸ੍ਸਜ੍ਜਕਸਾਟਿਯਗ੍ਗਾਹਪਕਪਤ੍ਤਗ੍ਗਾਹਾਪਕਆਰਾਮਿਕਪੇਸਕਸਾਮਣੇਰਪੇਸਕਸਮ੍ਮੁਤੀਤਿ ਏਤਾਸਂ ਸਮ੍ਮੁਤੀਨਂ વਸੇਨ ਸਮ੍ਮੁਤਿ વੇਦਿਤਬ੍ਬਾ। ਕਥਿਨਚੀવਰਮਤਕਚੀવਰਦਾਨવਸੇਨ ਦਾਨਂ વੇਦਿਤਬ੍ਬਂ। ਕਥਿਨੁਦ੍ਧਾਰવਸੇਨ ਉਦ੍ਧਾਰੋ વੇਦਿਤਬ੍ਬੋ। ਕੁਟਿવਤ੍ਥੁવਿਹਾਰવਤ੍ਥੁਦੇਸਨਾવਸੇਨ ਦੇਸਨਾ વੇਦਿਤਬ੍ਬਾ। ਯਾ ਪਨ ਤਿਣવਤ੍ਥਾਰਕਸਮਥੇ (ਚੂਲ਼વ॰ ੨੧੨ ਆਦਯੋ) ਏਕਸ੍ਮਿਂ ਪਕ੍ਖੇ ਏਕਾ, ਏਕਸ੍ਮਿਂ ਪਕ੍ਖੇ ਏਕਾਤਿ ਦ੍વੇ ਞਤ੍ਤਿਦੁਤਿਯਕਮ੍ਮવਾਚਾ વੁਤ੍ਤਾ, ਯਾ ਚ ਮੋਹਾਰੋਪਨਾਦੀਸੁ ਕਮ੍ਮવਾਚਾ (ਪਾਚਿ॰ ੪੪੬) વੁਤ੍ਤਾ, ਤਾਸਂ વਸੇਨ ਕਮ੍ਮਲਕ੍ਖਣਂ વੇਦਿਤਬ੍ਬਂ, ਇਤਿ ਞਤ੍ਤਿਦੁਤਿਯਕਮ੍ਮਂ ਸਤ੍ਤ ਠਾਨਾਨਿ ਗਚ੍ਛਤਿ।
Ñattidutiyakammaṃ satta ṭhānāni gacchati osāraṇaṃ nissāraṇaṃ sammutiṃ dānaṃ uddhāraṃ desanaṃ kammalakkhaṇanti. Tattha bhikkhūnaṃ alābhāya parisakkanādikehi aṭṭhahi aṅgehi samannāgatassa upāsakassa saṅghena asambhogakaraṇatthaṃ pattanikkujjanavasena nissāraṇā nissāraṇā nāma. Tasseva sammāvattantassa pattukkujjanavasena osāraṇā ca veditabbā, sā khuddakakkhandhake vaḍḍhalicchavivatthusmiṃ (cūḷava. 265-266) vuttā. Sīmāsammuti ticīvarena avippavāsasammutisanthatasammutibhattuddesakasenāsanaggāhāpakabhaṇḍāgārikacīvarappaṭiggāhakayāgubhājakaphalabhājakakhajjabhājakaappamattakavissajjakasāṭiyaggāhapakapattaggāhāpakaārāmikapesakasāmaṇerapesakasammutīti etāsaṃ sammutīnaṃ vasena sammuti veditabbā. Kathinacīvaramatakacīvaradānavasena dānaṃ veditabbaṃ. Kathinuddhāravasena uddhāro veditabbo. Kuṭivatthuvihāravatthudesanāvasena desanā veditabbā. Yā pana tiṇavatthārakasamathe (cūḷava. 212 ādayo) ekasmiṃ pakkhe ekā, ekasmiṃ pakkhe ekāti dve ñattidutiyakammavācā vuttā, yā ca mohāropanādīsu kammavācā (pāci. 446) vuttā, tāsaṃ vasena kammalakkhaṇaṃ veditabbaṃ, iti ñattidutiyakammaṃ satta ṭhānāni gacchati.
ਞਤ੍ਤਿਚਤੁਤ੍ਥਕਮ੍ਮਮ੍ਪਿ ਸਤ੍ਤੇવ ਠਾਨਾਨਿ ਗਚ੍ਛਤਿ ਓਸਾਰਣਂ ਨਿਸ੍ਸਾਰਣਂ ਸਮ੍ਮੁਤਿਂ ਦਾਨਂ ਨਿਗ੍ਗਹਂ ਸਮਨੁਭਾਸਨਂ ਕਮ੍ਮਲਕ੍ਖਣਨ੍ਤਿ। ਤਤ੍ਥ ਤਜ੍ਜਨੀਯਕਮ੍ਮਾਦੀਨਂ (ਚੂਲ਼વ॰ ੧ ਆਦਯੋ) ਸਤ੍ਤਨ੍ਨਂ ਕਮ੍ਮਾਨਂ વਸੇਨ ਨਿਸ੍ਸਾਰਣਾ, ਤੇਸਂਯੇવ ਕਮ੍ਮਾਨਂ ਪਟਿਪ੍ਪਸ੍ਸਮ੍ਭਨવਸੇਨ ਓਸਾਰਣਾ ਚ વੇਦਿਤਬ੍ਬਾ, ਭਿਕ੍ਖੁਨੋવਾਦਕਸਮ੍ਮੁਤਿવਸੇਨ (ਪਾਚਿ॰ ੧੪੬-੧੪੭) ਸਮ੍ਮੁਤਿ, ਪਰਿવਾਸਦਾਨ(ਚਊਲ਼વ॰ ੧੦੨) ਮਾਨਤ੍ਤਦਾਨવਸੇਨ (ਚੂਲ਼વ॰ ੧੦੫) ਦਾਨਂ, ਮੂਲਾਯਪਟਿਕਸ੍ਸਨવਸੇਨ (ਚੂਲ਼વ॰ ੧੧੦) ਨਿਗ੍ਗਹੋ, ਉਕ੍ਖਿਤ੍ਤਾਨੁવਤ੍ਤਿਕਾ , ਅਟ੍ਠ ਯਾવਤਤਿਯਕਾ, ਅਰਿਟ੍ਠੋ (ਪਾਚਿ॰ ੪੧੭), ਚਣ੍ਡਕਾਲ਼ੀ (ਪਾਚਿ॰ ੭੦੯) ਚਾਤਿ ਇਮੇ ਤੇ ਯਾવਤਤਿਯਕਾਤਿ ਇਮਾਸਂ ਏਕਾਦਸਨ੍ਨਂ ਸਮਨੁਭਾਸਨਾਨਂ વਸੇਨ ਸਮਨੁਭਾਸਨਾ, ਉਪਸਮ੍ਪਦਾਕਮ੍ਮਅਬ੍ਭਾਨਕਮ੍ਮવਸੇਨ ਕਮ੍ਮਲਕ੍ਖਣਂ વੇਦਿਤਬ੍ਬਂ। ਇਤਿ ਞਤ੍ਤਿਚਤੁਤ੍ਥਕਮ੍ਮਂ ਸਤ੍ਤ ਠਾਨਾਨਿ ਗਚ੍ਛਤਿ।
Ñatticatutthakammampi satteva ṭhānāni gacchati osāraṇaṃ nissāraṇaṃ sammutiṃ dānaṃ niggahaṃ samanubhāsanaṃ kammalakkhaṇanti. Tattha tajjanīyakammādīnaṃ (cūḷava. 1 ādayo) sattannaṃ kammānaṃ vasena nissāraṇā, tesaṃyeva kammānaṃ paṭippassambhanavasena osāraṇā ca veditabbā, bhikkhunovādakasammutivasena (pāci. 146-147) sammuti, parivāsadāna(caūḷava. 102) mānattadānavasena (cūḷava. 105) dānaṃ, mūlāyapaṭikassanavasena (cūḷava. 110) niggaho, ukkhittānuvattikā , aṭṭha yāvatatiyakā, ariṭṭho (pāci. 417), caṇḍakāḷī (pāci. 709) cāti ime te yāvatatiyakāti imāsaṃ ekādasannaṃ samanubhāsanānaṃ vasena samanubhāsanā, upasampadākammaabbhānakammavasena kammalakkhaṇaṃ veditabbaṃ. Iti ñatticatutthakammaṃ satta ṭhānāni gacchati.
ਇਮੇਸੁ ਪਨ ਚਤੂਸੁ ਕਮ੍ਮੇਸੁ ਅਪਲੋਕਨਕਮ੍ਮਂ ਅਪਲੋਕੇਤ੍વਾવ ਕਾਤਬ੍ਬਂ, ਞਤ੍ਤਿਕਮ੍ਮਾਦਿવਸੇਨ ਨ ਕਾਤਬ੍ਬਂ। ਞਤ੍ਤਿਕਮ੍ਮਮ੍ਪਿ ਏਕਂ ਞਤ੍ਤਿਂ ਠਪੇਤ੍વਾવ ਕਾਤਬ੍ਬਂ, ਅਪਲੋਕਨਕਮ੍ਮਾਦਿવਸੇਨ ਨ ਕਾਤਬ੍ਬਂ। ਞਤ੍ਤਿਦੁਤਿਯਕਮ੍ਮਂ ਪਨ ਅਪਲੋਕੇਤ੍વਾ ਕਾਤਬ੍ਬਮ੍ਪਿ ਅਤ੍ਥਿ ਅਕਾਤਬ੍ਬਮ੍ਪਿ, ਤਤ੍ਥ ਸੀਮਾਸਮ੍ਮੁਤਿ ਸੀਮਾਸਮੂਹਨਨਂ (ਮਹਾવ॰ ੧੩੯-੧੪੦, ੧੪੪ ਆਦਯੋ) ਕਥਿਨਚੀવਰਦਾਨਂ ਕਥਿਨੁਦ੍ਧਾਰੋ ਕੁਟਿવਤ੍ਥੁਦੇਸਨਾ વਿਹਾਰવਤ੍ਥੁਦੇਸਨਾਤਿ ਇਮਾਨਿ ਛ ਕਮ੍ਮਾਨਿ ਗਰੁਕਾਨਿ ਅਪਲੋਕੇਤ੍વਾ ਕਾਤੁਂ ਨ વਟ੍ਟਨ੍ਤਿ, ਞਤ੍ਤਿਦੁਤਿਯਕਮ੍ਮવਾਚਂ ਸਾવੇਤ੍વਾવ ਕਾਤਬ੍ਬਾਨਿ। ਅવਸੇਸਾ ਤੇਰਸ ਸਮ੍ਮੁਤਿਯੋ ਸੇਨਾਸਨਗ੍ਗਾਹਾਪਕਮਤਕਚੀવਰਦਾਨਸਮ੍ਮੁਤਿਯੋ ਚਾਤਿ ਏਤਾਨਿ ਲਹੁਕਮ੍ਮਾਨਿ ਅਪਲੋਕੇਤ੍વਾਪਿ ਕਾਤੁਂ વਟ੍ਟਨ੍ਤਿ, ਞਤ੍ਤਿਕਮ੍ਮਾਦਿવਸੇਨ ਪਨ ਨ ਕਾਤਬ੍ਬਾਨੇવ। ਞਤ੍ਤਿਚਤੁਤ੍ਥਕਮ੍ਮਮ੍ਪਿ ਸਕਲਕ੍ਖਣੇਨੇવ ਕਾਤਬ੍ਬਂ, ਨ ਸੇਸਕਮ੍ਮવਸੇਨ। ਏવਂ ਅਤ੍ਤਨੋ ਅਤ੍ਤਨੋ ਲਕ੍ਖਣੇਨੇવ વਤ੍ਥੁਞਤ੍ਤਿਅਨੁਸ੍ਸਾવਨਾਸੀਮਾਪਰਿਸਾਸਮ੍ਪਤ੍ਤਿਯਾ ਕਤਾਨਿ ਏਤਾਨਿ ਕਮ੍ਮਾਨਿ ਧਮ੍ਮੇਨ વਿਨਯੇਨ ਸਤ੍ਥੁਸਾਸਨੇਨ ਕਤਤ੍ਤਾ ਧਮ੍ਮੋ ਏਤੇਸੁ ਅਤ੍ਥੀਤਿ ਧਮ੍ਮਿਕਾਨਿ ਨਾਮ ਹੋਨ੍ਤਿ, ਇਤਿ ਏਤੇਸਂ ਧਮ੍ਮਿਕਾਨਂ ਕਮ੍ਮਾਨਂ ਛਨ੍ਦਂ ਦਤ੍વਾ ਪਚ੍ਛਾ ਖੀਯਨਧਮ੍ਮਂ ਆਪਜ੍ਜਨ੍ਤਸ੍ਸ વਾਚਾਯ વਾਚਾਯ ਪਾਚਿਤ੍ਤਿਯਂ।
Imesu pana catūsu kammesu apalokanakammaṃ apaloketvāva kātabbaṃ, ñattikammādivasena na kātabbaṃ. Ñattikammampi ekaṃ ñattiṃ ṭhapetvāva kātabbaṃ, apalokanakammādivasena na kātabbaṃ. Ñattidutiyakammaṃ pana apaloketvā kātabbampi atthi akātabbampi, tattha sīmāsammuti sīmāsamūhananaṃ (mahāva. 139-140, 144 ādayo) kathinacīvaradānaṃ kathinuddhāro kuṭivatthudesanā vihāravatthudesanāti imāni cha kammāni garukāni apaloketvā kātuṃ na vaṭṭanti, ñattidutiyakammavācaṃ sāvetvāva kātabbāni. Avasesā terasa sammutiyo senāsanaggāhāpakamatakacīvaradānasammutiyo cāti etāni lahukammāni apaloketvāpi kātuṃ vaṭṭanti, ñattikammādivasena pana na kātabbāneva. Ñatticatutthakammampi sakalakkhaṇeneva kātabbaṃ, na sesakammavasena. Evaṃ attano attano lakkhaṇeneva vatthuñattianussāvanāsīmāparisāsampattiyā katāni etāni kammāni dhammena vinayena satthusāsanena katattā dhammo etesu atthīti dhammikāni nāma honti, iti etesaṃ dhammikānaṃ kammānaṃ chandaṃ datvā pacchā khīyanadhammaṃ āpajjantassa vācāya vācāya pācittiyaṃ.
ਸਾવਤ੍ਥਿਯਂ ਛਬ੍ਬਗ੍ਗਿਯੇ ਆਰਬ੍ਭ ਖੀਯਨਧਮ੍ਮਾਪਜ੍ਜਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਧਮ੍ਮਕਮ੍ਮੇ વੇਮਤਿਕਸ੍ਸ, ਅਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞਿਨੋ, વੇਮਤਿਕਸ੍ਸ ਚ ਦੁਕ੍ਕਟਂ। ਅਧਮ੍ਮਕਮ੍ਮਸਞ੍ਞਿਸ੍ਸ , ‘‘ਅਧਮ੍ਮੇਨ વਾ વਗ੍ਗੇਨ વਾ ਨਕਮ੍ਮਾਰਹਸ੍ਸ વਾ ਕਮ੍ਮਂ ਕਰੋਨ੍ਤੀ’’ਤਿ ਞਤ੍વਾ ਖੀਯਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਧਮ੍ਮਕਮ੍ਮਤਾ, ਧਮ੍ਮਕਮ੍ਮਸਞ੍ਞਿਤਾ, ਛਨ੍ਦਂ ਦਤ੍વਾ ਖੀਯਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨੇવ, ਇਦਂ ਪਨ ਦੁਕ੍ਖવੇਦਨਨ੍ਤਿ।
Sāvatthiyaṃ chabbaggiye ārabbha khīyanadhammāpajjanavatthusmiṃ paññattaṃ, sādhāraṇapaññatti, anāṇattikaṃ, dhammakamme vematikassa, adhammakamme dhammakammasaññino, vematikassa ca dukkaṭaṃ. Adhammakammasaññissa , ‘‘adhammena vā vaggena vā nakammārahassa vā kammaṃ karontī’’ti ñatvā khīyantassa, ummattakādīnañca anāpatti. Dhammakammatā, dhammakammasaññitā, chandaṃ datvā khīyananti imānettha tīṇi aṅgāni. Samuṭṭhānādīni adinnādānasadisāneva, idaṃ pana dukkhavedananti.
ਕਮ੍ਮਪ੍ਪਟਿਬਾਹਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Kammappaṭibāhanasikkhāpadavaṇṇanā niṭṭhitā.
੧੦. ਛਨ੍ਦਂਅਦਤ੍વਾਗਮਨਸਿਕ੍ਖਾਪਦવਣ੍ਣਨਾ
10. Chandaṃadatvāgamanasikkhāpadavaṇṇanā
ਦਸਮੇ વਿਨਿਚ੍ਛਯਕਥਾਯਾਤਿ ਯਾવ ਆਰੋਚਿਤਂ વਤ੍ਥੁ ਅવਿਨਿਚ੍ਛਿਕਂ, ਞਤ੍ਤਿਂ વਾ ਠਪੇਤ੍વਾ ਕਮ੍ਮવਾਚਾ ਅਨਿਟ੍ਠਾਪਿਤਾ, ਤਾવ વਿਨਿਚ੍ਛਯਕਥਾ વਤ੍ਤਮਾਨਾ ਨਾਮ ਹੋਤਿ। ਯੋ ਭਿਕ੍ਖੁ ਏਤਸ੍ਮਿਂ ਅਨ੍ਤਰੇ ਕਮ੍ਮਂ ਕੋਪੇਤੁਕਾਮਤਾਯ ਪਰਿਸਾਯ ਹਤ੍ਥਪਾਸਂ વਿਜਹਤਿ, ਤਸ੍ਸ વਿਜਹਨੇ ਦੁਕ੍ਕਟਂ, વਿਜਹਿਤੇ ਪਾਚਿਤ੍ਤਿਯਂ।
Dasame vinicchayakathāyāti yāva ārocitaṃ vatthu avinicchikaṃ, ñattiṃ vā ṭhapetvā kammavācā aniṭṭhāpitā, tāva vinicchayakathā vattamānā nāma hoti. Yo bhikkhu etasmiṃ antare kammaṃ kopetukāmatāya parisāya hatthapāsaṃ vijahati, tassa vijahane dukkaṭaṃ, vijahite pācittiyaṃ.
ਸਾવਤ੍ਥਿਯਂ ਅਞ੍ਞਤਰਂ ਭਿਕ੍ਖੁਂ ਆਰਬ੍ਭ ਛਨ੍ਦਂ ਅਦਤ੍વਾ ਪਕ੍ਕਮਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਧਮ੍ਮਕਮ੍ਮੇ વੇਮਤਿਕਸ੍ਸ, ਅਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞਿਨੋ, વੇਮਤਿਕਸ੍ਸ ਚ ਦੁਕ੍ਕਟਂ। ਅਧਮ੍ਮਕਮ੍ਮਸਞ੍ਞਿਸ੍ਸ ਪਨ, ਯੋ ਚ ‘‘ਸਙ੍ਘਸ੍ਸ ਭਣ੍ਡਨਾਦੀਨਿ વਾ ਭવਿਸ੍ਸਨ੍ਤਿ, ਅਧਮ੍ਮੇਨ વਾ વਗ੍ਗੇਨ વਾ ਨਕਮ੍ਮਾਰਹਸ੍ਸ વਾ ਕਮ੍ਮਂ ਕਰਿਸ੍ਸਨ੍ਤੀ’’ਤਿ (ਪਾਚਿ॰ ੪੮੩) ਞਤ੍વਾ, ਗਿਲਾਨੋ વਾ ਹੁਤ੍વਾ, ਗਿਲਾਨਸ੍ਸ વਾ ਕਰਣੀਯੇਨ, ਉਚ੍ਚਾਰਾਦੀਹਿ વਾ ਪੀਲ਼ਿਤੋ, ਨ ਚ ਕਮ੍ਮਂ ਕੋਪੇਤੁਕਾਮੋ ‘‘ਪੁਨ ਪਚ੍ਚਾਗਮਿਸ੍ਸਾਮੀ’’ਤਿ ਗਚ੍ਛਤਿ, ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। વਿਨਿਚ੍ਛਯਕਥਾਯ વਤ੍ਤਮਾਨਤਾ, ਧਮ੍ਮਕਮ੍ਮਤਾ, ਧਮ੍ਮਕਮ੍ਮਸਞ੍ਞਿਤਾ, ਸਮਾਨਸੀਮਾਯਂ ਠਿਤਤਾ, ਸਮਾਨਸਂવਾਸਕਤਾ, ਕੋਪੇਤੁਕਾਮਤਾਯ ਹਤ੍ਥਪਾਸવਿਜਹਨਨ੍ਤਿ ਇਮਾਨੇਤ੍ਥ ਛ ਅਙ੍ਗਾਨਿ। ਸਮਨੁਭਾਸਨਸਮੁਟ੍ਠਾਨਂ, ਕਿਰਿਯਾਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਅਕੁਸਲਚਿਤ੍ਤਂ, ਦੁਕ੍ਖવੇਦਨਨ੍ਤਿ।
Sāvatthiyaṃ aññataraṃ bhikkhuṃ ārabbha chandaṃ adatvā pakkamanavatthusmiṃ paññattaṃ, sādhāraṇapaññatti, anāṇattikaṃ, dhammakamme vematikassa, adhammakamme dhammakammasaññino, vematikassa ca dukkaṭaṃ. Adhammakammasaññissa pana, yo ca ‘‘saṅghassa bhaṇḍanādīni vā bhavissanti, adhammena vā vaggena vā nakammārahassa vā kammaṃ karissantī’’ti (pāci. 483) ñatvā, gilāno vā hutvā, gilānassa vā karaṇīyena, uccārādīhi vā pīḷito, na ca kammaṃ kopetukāmo ‘‘puna paccāgamissāmī’’ti gacchati, tassa, ummattakādīnañca anāpatti. Vinicchayakathāya vattamānatā, dhammakammatā, dhammakammasaññitā, samānasīmāyaṃ ṭhitatā, samānasaṃvāsakatā, kopetukāmatāya hatthapāsavijahananti imānettha cha aṅgāni. Samanubhāsanasamuṭṭhānaṃ, kiriyākiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
ਛਨ੍ਦਂਅਦਤ੍વਾਗਮਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Chandaṃadatvāgamanasikkhāpadavaṇṇanā niṭṭhitā.
੧੧. ਦੁਬ੍ਬਲਸਿਕ੍ਖਾਪਦવਣ੍ਣਨਾ
11. Dubbalasikkhāpadavaṇṇanā
ਏਕਾਦਸਮੇ ਸਮਗ੍ਗੇਨ ਸਙ੍ਘੇਨਾਤਿ ਸਮਾਨਸਂવਾਸਕੇਨ ਸਮਾਨਸੀਮਾਯਂ ਠਿਤੇਨ ਸਙ੍ਘੇਨ ਸਦ੍ਧਿਂ ਚੀવਰਂ ਦਤ੍વਾ। ਯਥਾਸਨ੍ਥੁਤਨ੍ਤਿ ਯੋ ਯੋ ਮਿਤ੍ਤਸਨ੍ਦਿਟ੍ਠਸਮ੍ਭਤ੍ਤવਸੇਨ ਸਨ੍ਥੁਤੋ, ਤਸ੍ਸ ਤਸ੍ਸਾਤਿ ਅਤ੍ਥੋ। ਪਾਚਿਤ੍ਤਿਯਨ੍ਤਿ ਏવਂ ਸਙ੍ਘੇਨ ਸਦ੍ਧਿਂ ਸਯਮੇવ ਸੇਨਾਸਨਪਞ੍ਞਾਪਨਾਦਿવਸੇਨ ਸਮ੍ਮਤਸ੍ਸ ਭਿਕ੍ਖੁਨੋ ਚੀવਰਂ ਦਤ੍વਾ ਪਚ੍ਛਾ ਖੀਯਨ੍ਤਸ੍ਸ વਾਚਾਯ વਾਚਾਯ ਪਾਚਿਤ੍ਤਿਯਂ।
Ekādasame samaggena saṅghenāti samānasaṃvāsakena samānasīmāyaṃ ṭhitena saṅghena saddhiṃ cīvaraṃ datvā. Yathāsanthutanti yo yo mittasandiṭṭhasambhattavasena santhuto, tassa tassāti attho. Pācittiyanti evaṃ saṅghena saddhiṃ sayameva senāsanapaññāpanādivasena sammatassa bhikkhuno cīvaraṃ datvā pacchā khīyantassa vācāya vācāya pācittiyaṃ.
ਰਾਜਗਹੇ ਛਬ੍ਬਗ੍ਗਿਯੇ ਆਰਬ੍ਭ ਚੀવਰਂ ਦਤ੍વਾ ਪਚ੍ਛਾ ਖੀਯਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਧਮ੍ਮਕਮ੍ਮੇ ਤਿਕਪਾਚਿਤ੍ਤਿਯਂ, ਚੀવਰਂ ਠਪੇਤ੍વਾ ਅਞ੍ਞਂ વਿਸ੍ਸਜ੍ਜਿਯવੇਭਙ੍ਗਿਯਂ ਪਰਿਕ੍ਖਾਰਂ ਦਤ੍વਾ ਪਚ੍ਛਾਖੀਯਨ੍ਤਸ੍ਸ ਦੁਕ੍ਕਟਂ, વਿਸ੍ਸਜ੍ਜਿਯવੇਭਙ੍ਗਿਯੋ ਨਾਮ ਠਪੇਤ੍વਾ ਪਞ੍ਚ ਗਰੁਭਣ੍ਡਾਨਿ ਅવਸੇਸੋ। ਰਾਸਿવਸੇਨ ਹਿ ਪਞ੍ਚ ਗਰੁਭਣ੍ਡਾਨਿ વੁਤ੍ਤਾਨਿ, ਤਤ੍ਥ ਆਰਾਮੋ ਆਰਾਮવਤ੍ਥੂਤਿ ਏਕਂ, વਿਹਾਰੋ વਿਹਾਰવਤ੍ਥੂਤਿ ਦੁਤਿਯਂ, ਮਞ੍ਚੋ ਪੀਠਂ ਭਿਸਿ ਬਿਮ੍ਬੋਹਨਨ੍ਤਿ ਤਤਿਯਂ, ਲੋਹਕੁਮ੍ਭੀ ਲੋਹਭਾਣਕਂ ਲੋਹવਾਰਕੋ ਲੋਹਕਟਾਹਂ વਾਸਿ ਪਰਸੁ ਕੁਠਾਰੀ ਕੁਦਾਲੋ ਨਿਖਾਦਨਨ੍ਤਿ ਚਤੁਤ੍ਥਂ, વਲ੍ਲਿ વੇਲ਼ੁ ਮੁਞ੍ਜਂ ਪਬ੍ਬਜਂ ਤਿਣਂ ਮਤ੍ਤਿਕਾ ਦਾਰੁਭਣ੍ਡਂ ਮਤ੍ਤਿਕਾਭਣ੍ਡਨ੍ਤਿ ਪਞ੍ਚਮਂ। ਏਤਾਨਿ ਹਿ ਪਞ੍ਚ ਸਙ੍ਘਸਨ੍ਤਕਾਨਿ ਨੇવ ਸਙ੍ਘਸ੍ਸ, ਨ ਗਣਪੁਗ੍ਗਲਾਨਂ વਿਸ੍ਸਜ੍ਜੇਤੁਂ વਾ વਿਭਜਿਤੁਂ વਾ વਟ੍ਟਨ੍ਤਿ, વਿਸ੍ਸਜ੍ਜਿਤવਿਭਤ੍ਤਾਨਿਪਿ ਸਙ੍ਘਿਕਾਨੇવ ਹੋਨ੍ਤਿ। ਥਾવਰੇਨ ਪਨ ਥਾવਰਂ, ਇਤਰੇਨ ਚ ਅਕਪ੍ਪਿਯੇਨ ਮਹਗ੍ਘਕਪ੍ਪਿਯੇਨ વਾ ਇਤਰਂ ਸਙ੍ਘਸ੍ਸ ਉਪਕਾਰਂ ਸਲ੍ਲਕ੍ਖੇਤ੍વਾ ਕਪ੍ਪਿਯਪਰਿવਤ੍ਤਨੇਨ ਪਰਿવਤ੍ਤੇਤੁਂ વਟ੍ਟਤਿ, વਰਸੇਨਾਸਨਾਦੀਨਂ ਸਂਰਕ੍ਖਣਤ੍ਥਂ ਲਾਮਕਾਨਿ વਿਸ੍ਸਜ੍ਜੇਤੁਂ વਿਸ੍ਸਜ੍ਜੇਤ੍વਾ ਪਰਿਭੁਞ੍ਜਿਤੁਞ੍ਚ વਟ੍ਟਤਿ। ਏਤ੍ਥ ਚ ਪੁਰਿਮੇਸੁ ਤੀਸੁ ਰਾਸੀਸੁ ਅਗਰੁਭਣ੍ਡਂ ਨਾਮ ਕਿਞ੍ਚਿ ਨਤ੍ਥਿ, ਚਤੁਤ੍ਥੇ ਲੋਹਕੁਮ੍ਭੀ ਅਰਞ੍ਜਰਸਣ੍ਠਾਨਂ ਲੋਹਭਾਣਕਂ ਲੋਹਕਟਾਹਨ੍ਤਿ ਇਮਾਨਿ ਤੀਣਿ ਅਨ੍ਤਮਸੋ ਪਸਤਮਤ੍ਤਉਦਕਗ੍ਗਣ੍ਹਨਕਾਨਿਪਿ ਗਰੁਭਣ੍ਡਾਨਿ। ਲੋਹવਾਰਕੋ ਪਨ ਕਾਲ਼ਲੋਹਤਮ੍ਬਲੋਹਕਂਸਲੋਹવਟ੍ਟਲੋਹਾਨਂ ਯੇਨ ਕੇਨਚਿ ਕਤੋ ਸੀਹਲ਼ਦੀਪੇ ਪਾਦਗ੍ਗਣ੍ਹਨਕੋ ਭਾਜੇਤਬ੍ਬੋ, ਪਾਦੋ ਚ ਨਾਮ ਮਗਧਨਾਲ਼ਿਯਾ ਪਞ੍ਚਨਾਲ਼ਿਮਤ੍ਤਂ ਗਣ੍ਹਾਤਿ, ਤਤੋ ਅਤਿਰੇਕਂ ਗਰੁਭਣ੍ਡਂ, ਇਮਾਨਿ ਤਾવ ਪਾਲ਼ਿਯਂ ਆਗਤਾਨਿ ਲੋਹਭਾਜਨਾਨਿ।
Rājagahe chabbaggiye ārabbha cīvaraṃ datvā pacchā khīyanavatthusmiṃ paññattaṃ, sādhāraṇapaññatti, anāṇattikaṃ, dhammakamme tikapācittiyaṃ, cīvaraṃ ṭhapetvā aññaṃ vissajjiyavebhaṅgiyaṃ parikkhāraṃ datvā pacchākhīyantassa dukkaṭaṃ, vissajjiyavebhaṅgiyo nāma ṭhapetvā pañca garubhaṇḍāni avaseso. Rāsivasena hi pañca garubhaṇḍāni vuttāni, tattha ārāmo ārāmavatthūti ekaṃ, vihāro vihāravatthūti dutiyaṃ, mañco pīṭhaṃ bhisi bimbohananti tatiyaṃ, lohakumbhī lohabhāṇakaṃ lohavārako lohakaṭāhaṃ vāsi parasu kuṭhārī kudālo nikhādananti catutthaṃ, valli veḷu muñjaṃ pabbajaṃ tiṇaṃ mattikā dārubhaṇḍaṃ mattikābhaṇḍanti pañcamaṃ. Etāni hi pañca saṅghasantakāni neva saṅghassa, na gaṇapuggalānaṃ vissajjetuṃ vā vibhajituṃ vā vaṭṭanti, vissajjitavibhattānipi saṅghikāneva honti. Thāvarena pana thāvaraṃ, itarena ca akappiyena mahagghakappiyena vā itaraṃ saṅghassa upakāraṃ sallakkhetvā kappiyaparivattanena parivattetuṃ vaṭṭati, varasenāsanādīnaṃ saṃrakkhaṇatthaṃ lāmakāni vissajjetuṃ vissajjetvā paribhuñjituñca vaṭṭati. Ettha ca purimesu tīsu rāsīsu agarubhaṇḍaṃ nāma kiñci natthi, catutthe lohakumbhī arañjarasaṇṭhānaṃ lohabhāṇakaṃ lohakaṭāhanti imāni tīṇi antamaso pasatamattaudakaggaṇhanakānipi garubhaṇḍāni. Lohavārako pana kāḷalohatambalohakaṃsalohavaṭṭalohānaṃ yena kenaci kato sīhaḷadīpe pādaggaṇhanako bhājetabbo, pādo ca nāma magadhanāḷiyā pañcanāḷimattaṃ gaṇhāti, tato atirekaṃ garubhaṇḍaṃ, imāni tāva pāḷiyaṃ āgatāni lohabhājanāni.
ਪਾਲ਼ਿਯਂ ਪਨ ਅਨਾਗਤਾਨਿਪਿ ਭਿਙ੍ਗਾਰਪਟਿਗ੍ਗਹਉਲ਼ੁਙ੍ਕਦਬ੍ਬਿਕਟਚ੍ਛੁਪਾਤਿ ਤਟ੍ਟਕਸਰਕਸਮੁਗ੍ਗਅਙ੍ਗਾਰਕਪਲ੍ਲਧੂਮਕਟਚ੍ਛੁਆਦੀਨਿ ਖੁਦ੍ਦਕਾਨਿਪਿ ਗਰੁਭਣ੍ਡਾਨੇવ, ਅਯਪਤ੍ਤੋ ਅਯਥਾਲਕਂ ਤਮ੍ਬਲੋਹਥਾਲਕਨ੍ਤਿ ਇਮਾਨਿ ਪਨ ਭਾਜਨੀਯਾਨਿ, ਕਂਸਲੋਹવਟ੍ਟਲੋਹਭਾਜਨવਿਕਤਿ ਸਙ੍ਘਿਕਪਰਿਭੋਗੇਨ વਾ ਗਿਹਿવਿਕਟਾ વਾ વਟ੍ਟਤਿ, ਪੁਗ੍ਗਲਿਕਪਰਿਭੋਗੇਨ ਨ વਟ੍ਟਤਿ। ਠਪੇਤ੍વਾ ਪਨ ਤਂ ਭਾਜਨવਿਕਤਿਂ ਅਞ੍ਞਸ੍ਮਿਮ੍ਪਿ ਕਪ੍ਪਿਯਲੋਹਭਣ੍ਡੇ ਅਞ੍ਜਨੀ ਅਞ੍ਜਨਿਸਲਾਕਾ ਨਤ੍ਥੁਦਾਨਂ ਕਣ੍ਣਮਲਹਰਣੀ ਸੂਚਿ ਖੁਦ੍ਦਕੋ ਪਿਪ੍ਫਲਿਕੋ ਖੁਦ੍ਦਕਂ ਆਰਕਣ੍ਟਕਂ ਕੁਞ੍ਚਿਕਾ ਤਾਲ਼ਂ ਕਤ੍ਤਰਯਟ੍ਠਿ વੇਧਕੋ ਭਿਨ੍ਦਿવਾਲਕੋ ਯਥਾਤਥਾਘਨਕਤਲੋਹਂવਿਪ੍ਪਕਤਲੋਹਭਣ੍ਡਞ੍ਚ ਸਬ੍ਬਂ ਭਾਜਨੀਯਂ। ਧੂਮਨੇਤ੍ਤਫਾਲਦੀਪਰੁਕ੍ਖਦੀਪਕਪਲ੍ਲਿਕਓਲਮ੍ਬਕਦੀਪਇਤ੍ਥਿਪੁਰਿਸਤਿਰਚ੍ਛਾਨਰੂਪਕਾਨਿ ਪਨ ਅਞ੍ਞਾਨਿ વਾ ਭਿਤ੍ਤਿਚ੍ਛਦਨਕવਾਟਾਦੀਸੁ ਉਪਨੇਤਬ੍ਬਾਨਿ, ਅਨ੍ਤਮਸੋ ਲੋਹਖਿਲਕਂ ਉਪਾਦਾਯ ਸਬ੍ਬਾਨਿਪਿ ਲੋਹਭਣ੍ਡਾਨਿ ਗਰੁਭਣ੍ਡਾਨਿਯੇવ, ਅਤ੍ਤਨਾ ਲਦ੍ਧਾਨਿ ਪਰਿਹਰਿਤ੍વਾਪਿ ਪੁਗ੍ਗਲਿਕਪਰਿਭੋਗੇਨ ਨ ਪਰਿਭੁਞ੍ਜਿਤਬ੍ਬਾਨਿ, ਸਙ੍ਘਿਕਪਰਿਭੋਗੇਨ વਾ ਗਿਹਿવਿਕਟਾਨਿ વਾ વਟ੍ਟਨ੍ਤਿ, ਤਿਪੁਭਣ੍ਡੇਪਿ ਏਸੇવ ਨਯੋ। ਖੀਰਪਾਸਾਣਮਯਾਨਿ ਤਟ੍ਟਕਸਰਕਾਦੀਨਿ ਗਰੁਭਣ੍ਡਾਨਿਯੇવ।
Pāḷiyaṃ pana anāgatānipi bhiṅgārapaṭiggahauḷuṅkadabbikaṭacchupāti taṭṭakasarakasamuggaaṅgārakapalladhūmakaṭacchuādīni khuddakānipi garubhaṇḍāneva, ayapatto ayathālakaṃ tambalohathālakanti imāni pana bhājanīyāni, kaṃsalohavaṭṭalohabhājanavikati saṅghikaparibhogena vā gihivikaṭā vā vaṭṭati, puggalikaparibhogena na vaṭṭati. Ṭhapetvā pana taṃ bhājanavikatiṃ aññasmimpi kappiyalohabhaṇḍe añjanī añjanisalākā natthudānaṃ kaṇṇamalaharaṇī sūci khuddako pipphaliko khuddakaṃ ārakaṇṭakaṃ kuñcikā tāḷaṃ kattarayaṭṭhi vedhako bhindivālako yathātathāghanakatalohaṃvippakatalohabhaṇḍañca sabbaṃ bhājanīyaṃ. Dhūmanettaphāladīparukkhadīpakapallikaolambakadīpaitthipurisatiracchānarūpakāni pana aññāni vā bhitticchadanakavāṭādīsu upanetabbāni, antamaso lohakhilakaṃ upādāya sabbānipi lohabhaṇḍāni garubhaṇḍāniyeva, attanā laddhāni pariharitvāpi puggalikaparibhogena na paribhuñjitabbāni, saṅghikaparibhogena vā gihivikaṭāni vā vaṭṭanti, tipubhaṇḍepi eseva nayo. Khīrapāsāṇamayāni taṭṭakasarakādīni garubhaṇḍāniyeva.
ਘਟਕੋ ਪਨ ਤੇਲਭਾਜਨਂ વਾ ਪਾਦਗ੍ਗਣ੍ਹਨਕਤੋ ਅਤਿਰੇਕਮੇવ ਗਰੁਭਣ੍ਡਂ, ਸੁવਣ੍ਣਰਜਤਆਰਕੂਟਜਾਤਿਫਲਿਕਭਾਜਨਾਨਿ ਗਿਹਿવਿਕਟਾਨਿਪਿ ਨ વਟ੍ਟਨ੍ਤਿ। ਸੇਨਾਸਨਪਰਿਭੋਗੇ ਪਨ ਆਮਾਸਮ੍ਪਿ ਅਨਾਮਾਸਮ੍ਪਿ ਸਬ੍ਬਂ વਟ੍ਟਤਿ।
Ghaṭako pana telabhājanaṃ vā pādaggaṇhanakato atirekameva garubhaṇḍaṃ, suvaṇṇarajataārakūṭajātiphalikabhājanāni gihivikaṭānipi na vaṭṭanti. Senāsanaparibhoge pana āmāsampi anāmāsampi sabbaṃ vaṭṭati.
વਾਸਿਯਾਦੀਸੁ ਪਨ ਯਾਯ વਾਸਿਯਾ ਦਨ੍ਤਕਟ੍ਠਚ੍ਛੇਦਨਉਚ੍ਛੁਤਚ੍ਛਨਮਤ੍ਤਤੋ ਅਞ੍ਞਂ ਮਹਾਕਮ੍ਮਂ ਕਾਤੁਂ ਨ ਸਕ੍ਕਾ, ਅਯਂ ਭਾਜਨੀਯਾ। ਸੇਸਾ ਯੇਨ ਕੇਨਚਿ ਆਕਾਰੇਨ ਕਤਾ ਗਰੁਭਣ੍ਡਂ, ਪਰਸੁ ਪਨ ਅਨ੍ਤਮਸੋ વੇਜ੍ਜਾਨਂ ਸਿਰਾવੇਧਕੋਪਿ ਗਰੁਭਣ੍ਡਮੇવ, ਤਥਾ ਕੁਠਾਰੀ। ਯਾ ਪਨ ਆવੁਧਸਙ੍ਖੇਪੇਨ ਕਤਾ, ਅਯਂ ਅਨਾਮਾਸਾ, ਕੁਦਾਲੋ ਦਣ੍ਡਬਨ੍ਧਨਿਖਾਦਨਂ વਾ ਅਗਰੁਭਣ੍ਡਂ ਨਾਮ ਨਤ੍ਥਿ। ਸਮ੍ਮੁਞ੍ਜਨਿਦਣ੍ਡਖਣਨਕਂ ਪਨ ਅਦਣ੍ਡਕਂ ਫਲਮਤ੍ਤਕਮੇવ, ਯਂ ਸਕ੍ਕਾ ਸਿਪਾਟਿਕਾਯ ਪਕ੍ਖਿਪਿਤ੍વਾ ਪਰਿਹਰਿਤੁਂ, ਤਂ ਭਾਜਨੀਯਂ। ਸਿਖਰਮ੍ਪਿ ਨਿਖਾਦਨੇਨੇવ ਸਙ੍ਗਹਿਤਂ, ਯੇਹਿ ਮਨੁਸ੍ਸੇਹਿ વਿਹਾਰੇ વਾਸਿਆਦੀਨਿ ਦਿਨ੍ਨਾਨਿ ਹੋਨ੍ਤਿ, ਤੇ ਚੇ ਘਰੇ ਦਡ੍ਢੇ વਾ વਿਲੁਤ੍ਤੇ વਾ ‘‘ਦੇਥ ਨੋ, ਭਨ੍ਤੇ, ਉਪਕ੍ਖਰੇ, ਪੁਨ ਆਹਰਿਸ੍ਸਾਮਾ’’ਤਿ વਦਨ੍ਤਿ, ਦਾਤਬ੍ਬਾ। ਸਚੇ ਹਰਨ੍ਤਿ, ਨ વਾਰੇਤਬ੍ਬਾ, ਅਨਾਹਰਨ੍ਤਾਪਿ ਨ ਚੋਦੇਤਬ੍ਬਾ।
Vāsiyādīsu pana yāya vāsiyā dantakaṭṭhacchedanaucchutacchanamattato aññaṃ mahākammaṃ kātuṃ na sakkā, ayaṃ bhājanīyā. Sesā yena kenaci ākārena katā garubhaṇḍaṃ, parasu pana antamaso vejjānaṃ sirāvedhakopi garubhaṇḍameva, tathā kuṭhārī. Yā pana āvudhasaṅkhepena katā, ayaṃ anāmāsā, kudālo daṇḍabandhanikhādanaṃ vā agarubhaṇḍaṃ nāma natthi. Sammuñjanidaṇḍakhaṇanakaṃ pana adaṇḍakaṃ phalamattakameva, yaṃ sakkā sipāṭikāya pakkhipitvā pariharituṃ, taṃ bhājanīyaṃ. Sikharampi nikhādaneneva saṅgahitaṃ, yehi manussehi vihāre vāsiādīni dinnāni honti, te ce ghare daḍḍhe vā vilutte vā ‘‘detha no, bhante, upakkhare, puna āharissāmā’’ti vadanti, dātabbā. Sace haranti, na vāretabbā, anāharantāpi na codetabbā.
ਕਮ੍ਮਾਰਤਟ੍ਟਕਾਰਚੁਨ੍ਦਕਾਰਨਲ਼ਕਾਰਮਣਿਕਾਰਪਤ੍ਤਬਨ੍ਧਕਾਨਂ ਅਧਿਕਰਣਿਮੁਟ੍ਠਿਸਣ੍ਡਾਸਤੁਲਾਦੀਨਿ ਸਬ੍ਬਾਨਿ ਲੋਹਮਯਾਨਿ ਉਪਕਰਣਾਨਿ ਸਙ੍ਘੇ ਦਿਨ੍ਨਕਾਲਤੋ ਪਟ੍ਠਾਯ ਗਰੁਭਣ੍ਡਾਨਿ। ਤਿਪੁਕੋਟ੍ਟਕਸੁવਣ੍ਣਕਾਰਚਮ੍ਮਕਾਰਉਪਕਰਣੇਸੁਪਿ ਏਸੇવ ਨਯੋ। ਅਯਂ ਪਨ વਿਸੇਸੋ, ਤਿਪੁਕੋਟ੍ਟਕਉਪਕਰਣੇਸੁ ਤਿਪੁਚ੍ਛੇਦਨਕਸਤ੍ਥਕਂ, ਸੁવਣ੍ਣਕਾਰਉਪਕਰਣੇਸੁ ਸੁવਣ੍ਣਚ੍ਛੇਦਨਕਸਤ੍ਥਕਂ, ਚਮ੍ਮਕਾਰਉਪਕਰਣੇਸੁ ਕਤਪਰਿਕਮ੍ਮਚਮ੍ਮਚ੍ਛੇਦਨਖੁਦ੍ਦਕਸਤ੍ਥਨ੍ਤਿ ਇਮਾਨਿ ਭਾਜਨੀਯਾਨਿ। ਨ੍ਹਾਪਿਤਤੁਨ੍ਨਕਾਰਉਪਕਰਣੇਸੁਪਿ ਠਪੇਤ੍વਾ ਮਹਾਕਤ੍ਤਰਿਂ ਮਹਾਸਣ੍ਡਾਸਂ ਮਹਾਪਿਪ੍ਫਲਿਕਞ੍ਚ ਸਬ੍ਬਂ વਟ੍ਟਤਿ, ਇਤਰਾਨਿ ਗਰੁਭਣ੍ਡਾਨਿ।
Kammārataṭṭakāracundakāranaḷakāramaṇikārapattabandhakānaṃ adhikaraṇimuṭṭhisaṇḍāsatulādīni sabbāni lohamayāni upakaraṇāni saṅghe dinnakālato paṭṭhāya garubhaṇḍāni. Tipukoṭṭakasuvaṇṇakāracammakāraupakaraṇesupi eseva nayo. Ayaṃ pana viseso, tipukoṭṭakaupakaraṇesu tipucchedanakasatthakaṃ, suvaṇṇakāraupakaraṇesu suvaṇṇacchedanakasatthakaṃ, cammakāraupakaraṇesu kataparikammacammacchedanakhuddakasatthanti imāni bhājanīyāni. Nhāpitatunnakāraupakaraṇesupi ṭhapetvā mahākattariṃ mahāsaṇḍāsaṃ mahāpipphalikañca sabbaṃ vaṭṭati, itarāni garubhaṇḍāni.
વਲ੍ਲਿਆਦੀਸੁ વੇਤ੍ਤવਲ੍ਲਿਆਦਿਕਾ ਯਾ ਕਾਚਿ ਅਡ੍ਢਬਾਹੁਪ੍ਪਮਾਣਾ વਲ੍ਲਿ ਸਙ੍ਘਸ੍ਸ ਦਿਨ੍ਨਾ વਾ ਤਤ੍ਥਜਾਤਕਾ વਾ ਰਕ੍ਖਿਤਗੋਪਿਤਾવ ਗਰੁਭਣ੍ਡਂ, ਸਾ ਸਙ੍ਘਕਮ੍ਮੇ ਚ ਚੇਤਿਯਕਮ੍ਮੇ ਚ ਕਤੇ ਸਚੇ ਅਤਿਰੇਕਾ ਹੋਤਿ, ਪੁਗ੍ਗਲਿਕਕਮ੍ਮੇਪਿ ਉਪਨੇਤੁਂ વਟ੍ਟਤਿ, ਸੁਤ੍ਤਮਕਚਿવਾਕਨਾਲ਼ਿਕੇਰਹੀਰਚਮ੍ਮਮਯਾ ਰਜ੍ਜੁਕਾ વਾ ਯੋਤ੍ਤਾਨਿ વਾ વਾਕੇ ਚ ਨਾਲ਼ਿਕੇਰਹੀਰੇ ਚ વਟ੍ਟੇਤ੍વਾ ਕਤਾ ਏਕવਟ੍ਟਾ વਾ ਦ੍વਿવਟ੍ਟਾ વਾ ਸਙ੍ਘਸ੍ਸ ਸਨ੍ਤਕਾ ਗਰੁਭਣ੍ਡਂ। ਸੁਤ੍ਤਂ ਪਨ ਅવਟ੍ਟੇਤ੍વਾ ਦਿਨ੍ਨਂ ਮਕਚਿવਾਕਨਾਲ਼ਿਕੇਰਹੀਰਾ ਚ ਭਾਜਨੀਯਾ । ਯੇਹਿ ਪਨੇਤਾਨਿ ਰਜ੍ਜੁਕਾਦੀਨਿ ਦਿਨ੍ਨਾਨਿ ਹੋਨ੍ਤਿ, ਤੇ ਅਤ੍ਤਨੋ ਕਰਣੀਯੇਨ ਹਰਨ੍ਤਾ ਨ વਾਰੇਤਬ੍ਬਾ।
Valliādīsu vettavalliādikā yā kāci aḍḍhabāhuppamāṇā valli saṅghassa dinnā vā tatthajātakā vā rakkhitagopitāva garubhaṇḍaṃ, sā saṅghakamme ca cetiyakamme ca kate sace atirekā hoti, puggalikakammepi upanetuṃ vaṭṭati, suttamakacivākanāḷikerahīracammamayā rajjukā vā yottāni vā vāke ca nāḷikerahīre ca vaṭṭetvā katā ekavaṭṭā vā dvivaṭṭā vā saṅghassa santakā garubhaṇḍaṃ. Suttaṃ pana avaṭṭetvā dinnaṃ makacivākanāḷikerahīrā ca bhājanīyā . Yehi panetāni rajjukādīni dinnāni honti, te attano karaṇīyena harantā na vāretabbā.
ਯੋ ਕੋਚਿ ਅਟ੍ਠਙ੍ਗੁਲਸੂਚਿਦਣ੍ਡਕਮਤ੍ਤੋਪਿ વੇਲ਼ੁ ਸਙ੍ਘਸ੍ਸ ਦਿਨ੍ਨੋ વਾ ਤਤ੍ਥਜਾਤਕੋ વਾ ਰਕ੍ਖਿਤਗੋਪਿਤੋ ਗਰੁਭਣ੍ਡਂ, ਸੋਪਿ ਸਙ੍ਘਸ੍ਸ ਕਮ੍ਮੇ ਚ ਚੇਤਿਯਕਮ੍ਮੇ ਚ ਕਤੇ ਅਤਿਰੇਕੋ ਪੁਗ੍ਗਲਿਕਕਮ੍ਮੇ ਦਾਤੁਂ વਟ੍ਟਤਿ। ਪਾਦਗ੍ਗਣ੍ਹਨਕਤੇਲਨਾਲ਼ਿ ਪਨ ਕਤ੍ਤਰਯਟ੍ਠਿ ਉਪਾਹਨਦਣ੍ਡਕੋ ਛਤ੍ਤਦਣ੍ਡੋ ਛਤ੍ਤਸਲਾਕਾਤਿ ਇਦਮੇਤ੍ਥ ਭਾਜਨੀਯਭਣ੍ਡਂ, ਦਡ੍ਢਗੇਹਮਨੁਸ੍ਸਾ ਗਣ੍ਹਿਤ੍વਾ ਗਚ੍ਛਨ੍ਤਾ ਨ વਾਰੇਤਬ੍ਬਾ।
Yo koci aṭṭhaṅgulasūcidaṇḍakamattopi veḷu saṅghassa dinno vā tatthajātako vā rakkhitagopito garubhaṇḍaṃ, sopi saṅghassa kamme ca cetiyakamme ca kate atireko puggalikakamme dātuṃ vaṭṭati. Pādaggaṇhanakatelanāḷi pana kattarayaṭṭhi upāhanadaṇḍako chattadaṇḍo chattasalākāti idamettha bhājanīyabhaṇḍaṃ, daḍḍhagehamanussā gaṇhitvā gacchantā na vāretabbā.
ਮੁਞ੍ਜਞ੍ਚ ਪਬ੍ਬਜਞ੍ਚ ਅવਸੇਸਞ੍ਚ ਛਦਨਤਿਣਂ ਮੁਟ੍ਠਿਪ੍ਪਮਾਣਮ੍ਪਿ ਛਦਨਤਿਣਸਙ੍ਖੇਪਗਤੇਸੁ ਤਾਲਪਣ੍ਣਾਦੀਸੁ ਯਂਕਿਞ੍ਚਿ ਏਕਪਣ੍ਣਮ੍ਪਿ ਸਙ੍ਘਸ੍ਸ ਦਿਨ੍ਨਂ વਾ ਤਤ੍ਥਜਾਤਕਂ વਾ ਬਹਿਆਰਾਮੇ ਸਙ੍ਘਿਕੇ ਤਿਣવਤ੍ਥੁਸ੍ਮਿਂ ਜਾਤਕਂ વਾ ਰਕ੍ਖਿਤਗੋਪਿਤਂ ਗਰੁਭਣ੍ਡਂ, ਤਮ੍ਪਿ ਸਙ੍ਘਕਮ੍ਮੇ ਚ ਚੇਤਿਯਕਮ੍ਮੇ ਚ ਕਤੇ ਅਤਿਰੇਕਂ ਪੁਗ੍ਗਲਿਕਕਮ੍ਮੇ ਦਾਤੁਂ વਟ੍ਟਤਿ। ਦਡ੍ਢਗੇਹਮਨੁਸ੍ਸਾ ਗਹੇਤ੍વਾ ਗਚ੍ਛਨ੍ਤਾ ਨ વਾਰੇਤਬ੍ਬਾ, ਅਟ੍ਠਙ੍ਗੁਲਪ੍ਪਮਾਣੋਪਿ ਰਿਤ੍ਤਕਪੋਤ੍ਥਕੋ ਗਰੁਭਣ੍ਡਮੇવ।
Muñjañca pabbajañca avasesañca chadanatiṇaṃ muṭṭhippamāṇampi chadanatiṇasaṅkhepagatesu tālapaṇṇādīsu yaṃkiñci ekapaṇṇampi saṅghassa dinnaṃ vā tatthajātakaṃ vā bahiārāme saṅghike tiṇavatthusmiṃ jātakaṃ vā rakkhitagopitaṃ garubhaṇḍaṃ, tampi saṅghakamme ca cetiyakamme ca kate atirekaṃ puggalikakamme dātuṃ vaṭṭati. Daḍḍhagehamanussā gahetvā gacchantā na vāretabbā, aṭṭhaṅgulappamāṇopi rittakapotthako garubhaṇḍameva.
ਮਤ੍ਤਿਕਾ ਪਕਤਿਮਤ੍ਤਿਕਾ વਾ ਹੋਤੁ ਪਞ੍ਚવਣ੍ਣਾ વਾ ਸੁਧਾ વਾ ਸਜ੍ਜੁਰਸਕਙ੍ਗੁਟ੍ਠਸਿਲੇਸਾਦੀਸੁ વਾ ਯਂਕਿਞ੍ਚਿ ਦੁਲ੍ਲਭਟ੍ਠਾਨੇ ਆਨੇਤ੍વਾ વਾ ਦਿਨ੍ਨਂ ਤਤ੍ਥਜਾਤਕਂ વਾ ਰਕ੍ਖਿਤਗੋਪਿਤਂ ਤਾਲਪਕ੍ਕਮਤ੍ਤਂ ਗਰੁਭਣ੍ਡਂ ਹੋਤਿ, ਤਮ੍ਪਿ ਸਙ੍ਘਕਮ੍ਮੇ ਚ ਚੇਤਿਯਕਮ੍ਮੇ ਚ ਕਤੇ ਅਤਿਰੇਕਂ ਪੁਗ੍ਗਲਿਕਕਮ੍ਮੇ ਦਾਤੁਂ વਟ੍ਟਤਿ। ਹਿਙ੍ਗੁਹਿਙ੍ਗੁਲਕਹਰਿਤਾਲਮਨੋਸਿਲਞ੍ਜਨਾਦੀਨਿ ਪਨ ਭਾਜਨੀਯਾਨਿ।
Mattikā pakatimattikā vā hotu pañcavaṇṇā vā sudhā vā sajjurasakaṅguṭṭhasilesādīsu vā yaṃkiñci dullabhaṭṭhāne ānetvā vā dinnaṃ tatthajātakaṃ vā rakkhitagopitaṃ tālapakkamattaṃ garubhaṇḍaṃ hoti, tampi saṅghakamme ca cetiyakamme ca kate atirekaṃ puggalikakamme dātuṃ vaṭṭati. Hiṅguhiṅgulakaharitālamanosilañjanādīni pana bhājanīyāni.
ਦਾਰੁਭਣ੍ਡੇ ਯੋ ਕੋਚਿ વੇਲ਼ੁਮ੍ਹਿ વੁਤ੍ਤਪ੍ਪਮਾਣੋ ਦਾਰੁਭਣ੍ਡਕੋ ਸਙ੍ਘਸ੍ਸ ਦਿਨ੍ਨੋ વਾ ਤਤ੍ਥਜਾਤਕੋ વਾ ਰਕ੍ਖਿਤਗੋਪਿਤੋ ਗਰੁਭਣ੍ਡਂ, ਅਪਿ ਚ ਸਬ੍ਬਾਪਿ ਦਾਰੁવੇਲ਼ੁਚਮ੍ਮਪਾਸਾਣਾਦਿવਿਕਤਿ ਦਾਰੁਭਣ੍ਡੇਨ ਸਙ੍ਗਹਿਤਾ, ਤਤ੍ਥ ਮਞ੍ਚਪੀਠੇਹਿ ਅਸਙ੍ਗਹਿਤਾਨਿ ਆਸਨ੍ਦਿਕਾਦੀਨਿ ਅਨ੍ਤਮਸੋ ਚੋਲ਼ੇਨ વਾ ਪਲਾਲੇਹਿ વਾ ਪਣ੍ਣੇਹਿ વਾ ਕਤਪੀਠਂ ਉਪਾਦਾਯ ਸਬ੍ਬਾਨਿ ਆਸਨਾਨਿ।
Dārubhaṇḍe yo koci veḷumhi vuttappamāṇo dārubhaṇḍako saṅghassa dinno vā tatthajātako vā rakkhitagopito garubhaṇḍaṃ, api ca sabbāpi dāruveḷucammapāsāṇādivikati dārubhaṇḍena saṅgahitā, tattha mañcapīṭhehi asaṅgahitāni āsandikādīni antamaso coḷena vā palālehi vā paṇṇehi vā katapīṭhaṃ upādāya sabbāni āsanāni.
વਙ੍ਕਫਲਕਂ ਦੀਘਫਲਕਂ ਚੀવਰਧੋવਨਫਲਕਂ ਘਟ੍ਟਨਫਲਕਂ ਘਟ੍ਟਨਮੁਗ੍ਗਰੋ ਦਨ੍ਤਕਟ੍ਠਚ੍ਛੇਦਨਗਣ੍ਠਿਕਾ ਦਣ੍ਡਮੁਗ੍ਗਰੋ ਨਾવਾ ਅਮ੍ਬਣਂ ਰਜਨਦੋਣਿ ਉਦਕਪਟਿਚ੍ਛਕੋ ਦਾਰੁਮਯੋ વਾ ਦਨ੍ਤਮਯੋ વਾ વੇਲ਼ੁਮਯੋ વਾ ਸਪਾਦਕੋਪਿ ਅਪਾਦਕੋਪਿ ਸਮੁਗ੍ਗੋ ਮਞ੍ਜੂਸਾ ਪਾਦਗ੍ਗਣ੍ਹਨਕਤੋ ਅਤਿਰੇਕਪ੍ਪਮਾਣੋ ਕਰਣ੍ਡੋ ਉਦਕਦੋਣਿ ਉਦਕਕਟਾਹਂ ਉਲ਼ੁਙ੍ਕੋ ਕਟਚ੍ਛੁਪਾਨੀਯਸਰਾવਂ ਪਾਨੀਯਸਙ੍ਖੋਤਿ ਏਤੇਸੁ ਯਂਕਿਞ੍ਚਿ ਸਙ੍ਘੇ ਦਿਨ੍ਨਂ ਗਰੁਭਣ੍ਡਂ। ਸਙ੍ਖਥਾਲਕਂ ਪਨ ਭਾਜਨੀਯਂ, ਤਥਾ ਦਾਰੁਮਯੋ ਉਦਕਤੁਮ੍ਬੋ।
Vaṅkaphalakaṃ dīghaphalakaṃ cīvaradhovanaphalakaṃ ghaṭṭanaphalakaṃ ghaṭṭanamuggaro dantakaṭṭhacchedanagaṇṭhikā daṇḍamuggaro nāvā ambaṇaṃ rajanadoṇi udakapaṭicchako dārumayo vā dantamayo vā veḷumayo vā sapādakopi apādakopi samuggo mañjūsā pādaggaṇhanakato atirekappamāṇo karaṇḍo udakadoṇi udakakaṭāhaṃ uḷuṅko kaṭacchupānīyasarāvaṃ pānīyasaṅkhoti etesu yaṃkiñci saṅghe dinnaṃ garubhaṇḍaṃ. Saṅkhathālakaṃ pana bhājanīyaṃ, tathā dārumayo udakatumbo.
ਪਾਦਕਥਲਿਕਮਣ੍ਡਲਂ ਦਾਰੁਮਯਂ વਾ ਹੋਤੁ ਚੋਲ਼ਪਣ੍ਣਾਦਿਮਯਂ વਾ ਸਬ੍ਬਂ ਗਰੁਭਣ੍ਡਂ। ਆਧਾਰਕੋ ਪਤ੍ਤਪਿਧਾਨਂ ਤਾਲવਣ੍ਟਂ ਬੀਜਨੀ ਚਙ੍ਕੋਟਕਂ ਪਚ੍ਛਿ ਯਟ੍ਠਿਸਮ੍ਮੁਞ੍ਜਨੀ ਮੁਟ੍ਠਿਸਮ੍ਮੁਞ੍ਜਨੀਤਿ ਏਤੇਸੁਪਿ ਯਂਕਿਞ੍ਚਿ ਖੁਦ੍ਦਕਂ વਾ ਮਹਨ੍ਤਂ વਾ ਦਾਰੁવੇਲ਼ੁਪਣ੍ਣਚਮ੍ਮਾਦੀਸੁ ਯੇਨ ਕੇਨਚਿ ਕਤਂ ਗਰੁਭਣ੍ਡਮੇવ।
Pādakathalikamaṇḍalaṃ dārumayaṃ vā hotu coḷapaṇṇādimayaṃ vā sabbaṃ garubhaṇḍaṃ. Ādhārako pattapidhānaṃ tālavaṇṭaṃ bījanī caṅkoṭakaṃ pacchi yaṭṭhisammuñjanī muṭṭhisammuñjanīti etesupi yaṃkiñci khuddakaṃ vā mahantaṃ vā dāruveḷupaṇṇacammādīsu yena kenaci kataṃ garubhaṇḍameva.
ਥਮ੍ਭਤੁਲਾਸੋਪਾਨਫਲਕਾਦੀਸੁ ਯਂਕਿਞ੍ਚਿ ਦਾਰੁਮਯਂ વਾ ਪਾਸਾਣਮਯਂ વਾ ਗੇਹਸਮ੍ਭਾਰੂਪਗਂ ਯੋ ਕੋਚਿ ਕਟਸਾਰਕੋ ਯਂਕਿਞ੍ਚਿ ਭੂਮਤ੍ਥਰਣਂ ਯਂਕਿਞ੍ਚਿ ਅਕਪ੍ਪਿਯਚਮ੍ਮਂ, ਸਬ੍ਬਂ ਸਙ੍ਘਿਕਂ ਗਰੁਭਣ੍ਡਂ, ਭੂਮਤ੍ਥਰਣਂ ਕਾਤੁਂ વਟ੍ਟਤਿ। ਏਲ਼ਕਚਮ੍ਮਂ ਪਨ ਪਚ੍ਚਤ੍ਥਰਣਗਤਿਕਂ ਹੋਤਿ, ਤਮ੍ਪਿ ਗਰੁਭਣ੍ਡਮੇવ, ਕਪ੍ਪਿਯਚਮ੍ਮਾਨਿ ਭਾਜਨੀਯਾਨਿ, ਕੁਰੁਨ੍ਦਿਯਂ ਪਨ ਸਬ੍ਬਂ ਮਞ੍ਚਪ੍ਪਮਾਣਂ ਚਮ੍ਮਂ ਗਰੁਭਣ੍ਡਨ੍ਤਿ વੁਤ੍ਤਂ।
Thambhatulāsopānaphalakādīsu yaṃkiñci dārumayaṃ vā pāsāṇamayaṃ vā gehasambhārūpagaṃ yo koci kaṭasārako yaṃkiñci bhūmattharaṇaṃ yaṃkiñci akappiyacammaṃ, sabbaṃ saṅghikaṃ garubhaṇḍaṃ, bhūmattharaṇaṃ kātuṃ vaṭṭati. Eḷakacammaṃ pana paccattharaṇagatikaṃ hoti, tampi garubhaṇḍameva, kappiyacammāni bhājanīyāni, kurundiyaṃ pana sabbaṃ mañcappamāṇaṃ cammaṃ garubhaṇḍanti vuttaṃ.
ਉਦੁਕ੍ਖਲਂ ਮੁਸਲਂ ਸੁਪ੍ਪਂ ਨਿਸਦਂ ਨਿਸਦਪੋਤੋ ਪਾਸਾਣਦੋਣਿ ਪਾਸਾਣਕਟਾਹਂ ਸਬ੍ਬਂ ਕਸਿਭਣ੍ਡਮ੍ਪਿ ਗਰੁਭਣ੍ਡਂ, ਸਬ੍ਬਂ ਚਕ੍ਕਯੁਤ੍ਤਯਾਨਂ ਗਰੁਭਣ੍ਡਮੇવ। ਮਞ੍ਚਪੀਠਾਨਂ ਪਾਦਾ ਚ ਅਟਨਿਯੋ ਚ વਾਸਿਪਰਸੁਆਦੀਨਂ ਦਣ੍ਡਾ ਚਾਤਿ ਏਤੇਸੁ ਯਂਕਿਞ੍ਚਿ ਅਨਿਟ੍ਠਿਤਂ ਭਾਜਨੀਯਂ, ਤਚ੍ਛਿਤਮਟ੍ਠਂ ਪਨ ਗਰੁਭਣ੍ਡਂ ਹੋਤਿ, ਅਨੁਞ੍ਞਾਤવਾਸਿਯਾ ਦਣ੍ਡੋ ਛਤ੍ਤਂ ਮੁਟ੍ਠਿਪਣ੍ਣਂ ਕਤ੍ਤਰਯਟ੍ਠਿ ਉਪਾਹਨਾ ਅਰਣਿਸਹਿਤਂ ਧਮ੍ਮਕਰਣੋ ਪਾਦਗ੍ਗਣ੍ਹਨਕਤੋ ਅਨਤਿਰਿਤ੍ਤਂ ਆਮਲਕਤੁਮ੍ਬਂ ਆਮਲਕਘਟੋ ਲਾਬੁਕਤੁਮ੍ਬਂ ਲਾਬੁਕਘਟੋ વਿਸਾਣਤੁਮ੍ਬਨ੍ਤਿ ਸਬ੍ਬਮੇਤਂ ਭਾਜਨੀਯਂ, ਤਤੋ ਪਰਂ ਗਰੁਭਣ੍ਡਂ।
Udukkhalaṃ musalaṃ suppaṃ nisadaṃ nisadapoto pāsāṇadoṇi pāsāṇakaṭāhaṃ sabbaṃ kasibhaṇḍampi garubhaṇḍaṃ, sabbaṃ cakkayuttayānaṃ garubhaṇḍameva. Mañcapīṭhānaṃ pādā ca aṭaniyo ca vāsiparasuādīnaṃ daṇḍā cāti etesu yaṃkiñci aniṭṭhitaṃ bhājanīyaṃ, tacchitamaṭṭhaṃ pana garubhaṇḍaṃ hoti, anuññātavāsiyā daṇḍo chattaṃ muṭṭhipaṇṇaṃ kattarayaṭṭhi upāhanā araṇisahitaṃ dhammakaraṇo pādaggaṇhanakato anatirittaṃ āmalakatumbaṃ āmalakaghaṭo lābukatumbaṃ lābukaghaṭo visāṇatumbanti sabbametaṃ bhājanīyaṃ, tato paraṃ garubhaṇḍaṃ.
ਹਤ੍ਥਿਦਨ੍ਤੋ વਾ ਯਂਕਿਞ੍ਚਿ વਿਸਾਣਂ વਾ ਅਤਚ੍ਛਿਤਂ ਯਥਾਗਤਮੇવ ਭਾਜਨੀਯਂ, ਤੇਹਿ ਕਤਮਞ੍ਚਪੀਠਪਾਦਾਦੀਸੁ ਪੁਰਿਮਸਦਿਸੋવ વਿਨਿਚ੍ਛਯੋ। ਤਚ੍ਛਿਤਨਿਟ੍ਠਿਤੋਪਿ ਹਿਙ੍ਗੁਕਰਣ੍ਡਕੋ ਅਞ੍ਜਨਿਕਰਣ੍ਡਕੋ ਗਣ੍ਠਿਕਾ વਿਧੋ ਅਞ੍ਜਨੀ ਅਞ੍ਜਨਿਸਲਾਕਾ ਉਦਕਪੁਞ੍ਛਨੀਤਿ ਇਦਂ ਸਬ੍ਬਂ ਭਾਜਨੀਯਮੇવ।
Hatthidanto vā yaṃkiñci visāṇaṃ vā atacchitaṃ yathāgatameva bhājanīyaṃ, tehi katamañcapīṭhapādādīsu purimasadisova vinicchayo. Tacchitaniṭṭhitopi hiṅgukaraṇḍako añjanikaraṇḍako gaṇṭhikā vidho añjanī añjanisalākā udakapuñchanīti idaṃ sabbaṃ bhājanīyameva.
ਮਤ੍ਤਿਕਾਭਣ੍ਡੇ ਸਬ੍ਬਂ ਮਨੁਸ੍ਸਾਨਂ ਉਪਭੋਗਪਰਿਭੋਗਂ ਘਟਪਿਠਰਾਦਿਕੁਲਾਲਭਾਜਨਂ, ਪਤ੍ਤਕਟਾਹਂ ਅਙ੍ਗਾਰਕਟਾਹਂ ਧੂਮਦਾਨਕਂ ਦੀਪਰੁਕ੍ਖਕੋ ਦੀਪਕਪਲ੍ਲਿਕਾ ਚਯਨਿਟ੍ਠਕਾ ਛਦਨਿਟ੍ਠਕਾ ਥੁਪਿਕਾਤਿ ਸਬ੍ਬਂ ਗਰੁਭਣ੍ਡਂ, ਏਤੇਸੁ ਪਨ વੁਤ੍ਤਨਯੇਸੁ ਗਰੁਭਣ੍ਡੇਸੁ ਯਂਕਿਞ੍ਚਿ વੇਲ਼ੁਆਦਿਂ ਅਤ੍ਤਨੋ ਅਤ੍ਥਾਯ ਗਣ੍ਹਨ੍ਤੇਨ ਸਮਕਂ વਾ ਅਤਿਰੇਕਂ વਾ ਫਾਤਿਕਮ੍ਮਂ ਕਤ੍વਾ ਗਹੇਤਬ੍ਬਂ। ਪਾਦਗ੍ਗਣ੍ਹਨਕਤੋ ਅਨਤਿਰਿਤ੍ਤਪ੍ਪਮਾਣੋ ਪਨ ਘਟਕੋ ਪਤ੍ਤੋ ਥਾਲਕਂ ਕਞ੍ਚਨਕੋ ਕੁਣ੍ਡਿਕਾਤਿ ਇਦਮੇਤ੍ਥ ਭਾਜਨੀਯਂ, ਯਥਾ ਚ ਮਤ੍ਤਿਕਾਭਣ੍ਡੇ ਏવਂ ਲੋਹਭਣ੍ਡੇਪਿ ਕੁਣ੍ਡਿਕਾ ਭਾਜਨੀਯਕੋਟ੍ਠਾਸਮੇવ ਭਜਤਿ। ਇਤਿ ਯਂ ਭਾਜਨੀਯਂ વਿਸ੍ਸਜ੍ਜਨੀਯਮ੍ਪਿ ਤਂ ਏવਂ વਿਸ੍ਸਜ੍ਜਿਯવੇਭਙ੍ਗਿਯਸਙ੍ਖਾਤਂ ਅਞ੍ਞਂ ਪਰਿਕ੍ਖਾਰਂ ਦਤ੍વਾ ਖੀਯਨ੍ਤਸ੍ਸ ਦੁਕ੍ਕਟਂ, ਇਤਰਂ ਪਨ ਦਾਤੁਮੇવ ਨ વਟ੍ਟਤਿ। ਇਸ੍ਸਰવਤਾਯ ਦੇਨ੍ਤੋ ਥੁਲ੍ਲਚ੍ਚਯਂ ਆਪਜ੍ਜਤਿ, ਥੇਯ੍ਯਚਿਤ੍ਤੇਨ ਗਣ੍ਹਨ੍ਤੋ ਭਣ੍ਡਂ ਅਗ੍ਘਾਪੇਤ੍વਾ ਕਾਰੇਤਬ੍ਬੋ। ਯਥਾ ਚ ਅਞ੍ਞਂ ਪਰਿਕ੍ਖਾਰਂ ਦਤ੍વਾ ਖੀਯਨ੍ਤਸ੍ਸ ਦੁਕ੍ਕਟਂ, ਤਥਾ ਸਙ੍ਘੇਨ ਅਸਮ੍ਮਤਸ੍ਸ ਚੀવਰਂ વਾ ਅਞ੍ਞਂ વਾ ਪਰਿਕ੍ਖਾਰਂ ਦਤ੍વਾ ਖੀਯਨ੍ਤਸ੍ਸ ਦੁਕ੍ਕਟਮੇવ, ਅਨੁਪਸਮ੍ਪਨ੍ਨੇ ਸਬ੍ਬਤ੍ਥ ਤਿਕਦੁਕ੍ਕਟਂ। ਪਕਤਿਯਾ ਪਨ ਛਨ੍ਦਾਦਿવਸੇਨ (ਪਾਚਿ॰ ੪੮੮) ਕਰੋਨ੍ਤਂ ਦਿਸ੍વਾ ‘‘ਕੋ ਅਤ੍ਥੋ ਤਸ੍ਸ ਦਿਨ੍ਨੇਨ, ਲਦ੍ਧਾਪਿ વਿਨਿਪਾਤੇਸ੍ਸਤਿ, ਨ ਸਮ੍ਮਾ ਉਪਨੇਸ੍ਸਤੀ’’ਤਿ ਖੀਯਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਉਪਸਮ੍ਪਨ੍ਨਤਾ, ਧਮ੍ਮੇਨ ਲਦ੍ਧਸਮ੍ਮੁਤਿਤਾ, ਸਙ੍ਘੇਨ ਸਦ੍ਧਿਂ વਿਕਪ੍ਪਨੁਪਗਚੀવਰਦਾਨਂ, ਪਚ੍ਛਾ ਖੀਯਿਤੁਕਾਮਤਾਯ ਖੀਯਨਾਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਇਦਂ ਪਨ ਦੁਕ੍ਖવੇਦਨਨ੍ਤਿ।
Mattikābhaṇḍe sabbaṃ manussānaṃ upabhogaparibhogaṃ ghaṭapiṭharādikulālabhājanaṃ, pattakaṭāhaṃ aṅgārakaṭāhaṃ dhūmadānakaṃ dīparukkhako dīpakapallikā cayaniṭṭhakā chadaniṭṭhakā thupikāti sabbaṃ garubhaṇḍaṃ, etesu pana vuttanayesu garubhaṇḍesu yaṃkiñci veḷuādiṃ attano atthāya gaṇhantena samakaṃ vā atirekaṃ vā phātikammaṃ katvā gahetabbaṃ. Pādaggaṇhanakato anatirittappamāṇo pana ghaṭako patto thālakaṃ kañcanako kuṇḍikāti idamettha bhājanīyaṃ, yathā ca mattikābhaṇḍe evaṃ lohabhaṇḍepi kuṇḍikā bhājanīyakoṭṭhāsameva bhajati. Iti yaṃ bhājanīyaṃ vissajjanīyampi taṃ evaṃ vissajjiyavebhaṅgiyasaṅkhātaṃ aññaṃ parikkhāraṃ datvā khīyantassa dukkaṭaṃ, itaraṃ pana dātumeva na vaṭṭati. Issaravatāya dento thullaccayaṃ āpajjati, theyyacittena gaṇhanto bhaṇḍaṃ agghāpetvā kāretabbo. Yathā ca aññaṃ parikkhāraṃ datvā khīyantassa dukkaṭaṃ, tathā saṅghena asammatassa cīvaraṃ vā aññaṃ vā parikkhāraṃ datvā khīyantassa dukkaṭameva, anupasampanne sabbattha tikadukkaṭaṃ. Pakatiyā pana chandādivasena (pāci. 488) karontaṃ disvā ‘‘ko attho tassa dinnena, laddhāpi vinipātessati, na sammā upanessatī’’ti khīyantassa, ummattakādīnañca anāpatti. Upasampannatā, dhammena laddhasammutitā, saṅghena saddhiṃ vikappanupagacīvaradānaṃ, pacchā khīyitukāmatāya khīyanāti imānettha cattāri aṅgāni. Samuṭṭhānādīni adinnādānasadisāni, idaṃ pana dukkhavedananti.
ਦੁਬ੍ਬਲਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Dubbalasikkhāpadavaṇṇanā niṭṭhitā.
੧੨. ਪਰਿਣਾਮਨਸਿਕ੍ਖਾਪਦવਣ੍ਣਨਾ
12. Pariṇāmanasikkhāpadavaṇṇanā
ਦ੍વਾਦਸਮੇ ਸਬ੍ਬਂ ਤਿਂਸਕਕਣ੍ਡੇ ਪਰਿਣਾਮਨਸਿਕ੍ਖਾਪਦੇ વੁਤ੍ਤਨਯਮੇવ। ਅਯਮੇવ ਹਿ વਿਸੇਸੋ, ਤਤ੍ਥ ਅਤ੍ਤਨੋ ਪਰਿਣਾਮਿਤਤ੍ਤਾ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ, ਇਧ ਪੁਗ੍ਗਲਸ੍ਸ ਪਰਿਣਾਮਿਤਤ੍ਤਾ ਸੁਦ੍ਧਿਕਪਾਚਿਤ੍ਤਿਯਨ੍ਤਿ।
Dvādasame sabbaṃ tiṃsakakaṇḍe pariṇāmanasikkhāpade vuttanayameva. Ayameva hi viseso, tattha attano pariṇāmitattā nissaggiyaṃ pācittiyaṃ, idha puggalassa pariṇāmitattā suddhikapācittiyanti.
ਪਰਿਣਾਮਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Pariṇāmanasikkhāpadavaṇṇanā niṭṭhitā.
ਸਹਧਮ੍ਮਿਕવਗ੍ਗੋ ਅਟ੍ਠਮੋ।
Sahadhammikavaggo aṭṭhamo.
