| Library / Tipiṭaka / ਤਿਪਿਟਕ • Tipiṭaka / ਦ੍વੇਮਾਤਿਕਾਪਾਲ਼ਿ • Dvemātikāpāḷi |
੯. ਰਤਨવਗ੍ਗੋ
9. Ratanavaggo
੧. ਅਨ੍ਤੇਪੁਰਸਿਕ੍ਖਾਪਦવਣ੍ਣਨਾ
1. Antepurasikkhāpadavaṇṇanā
ਰਤਨવਗ੍ਗਸ੍ਸ ਪਠਮੇ ਖਤ੍ਤਿਯਸ੍ਸਾਤਿ ਖਤ੍ਤਿਯਜਾਤਿਕਸ੍ਸ, ਮੁਦ੍ਧਾਭਿਸਿਤ੍ਤਸ੍ਸਾਤਿ ਖਤ੍ਤਿਯਾਭਿਸੇਕੇਨ ਮੁਦ੍ਧਨਿ ਅਭਿਸਿਤ੍ਤਸ੍ਸ। ਅਨਿਕ੍ਖਨ੍ਤੋ ਰਾਜਾ ਇਤੋਤਿ ਅਨਿਕ੍ਖਨ੍ਤਰਾਜਕਂ, ਤਸ੍ਮਿਂ ਅਨਿਕ੍ਖਨ੍ਤਰਾਜਕੇ, ਸਯਨਿਘਰੇਤਿ ਅਤ੍ਥੋ। ਰਤਨਂ વੁਚ੍ਚਤਿ ਮਹੇਸੀ, ਨਿਗ੍ਗਤਨ੍ਤਿ ਨਿਕ੍ਖਨ੍ਤਂ, ਅਨਿਗ੍ਗਤਂ ਰਤਨਂ ਇਤੋਤਿ ਅਨਿਗ੍ਗਤਰਤਨਕਂ, ਤਸ੍ਮਿਂ ਅਨਿਗ੍ਗਤਰਤਨਕੇ, ਸਯਨਿਘਰੇਤਿ ਅਤ੍ਥੋ। ਇਨ੍ਦਖੀਲਂ ਅਤਿਕ੍ਕਮੇਯ੍ਯਾਤਿ ਏਤ੍ਥ ਅਤ੍ਤਨੋ ਆਗਤਭਾવਂ ਅਜਾਨਾਪੇਤ੍વਾ ਸਯਨਿਘਰਸ੍ਸ ਉਮ੍ਮਾਰਂ ਪਠਮਂ ਪਾਦਂ ਅਤਿਕ੍ਕਾਮੇਨ੍ਤਸ੍ਸ ਦੁਕ੍ਕਟਂ, ਦੁਤਿਯਂ ਪਾਚਿਤ੍ਤਿਯਂ।
Ratanavaggassa paṭhame khattiyassāti khattiyajātikassa, muddhābhisittassāti khattiyābhisekena muddhani abhisittassa. Anikkhanto rājā itoti anikkhantarājakaṃ, tasmiṃ anikkhantarājake, sayanighareti attho. Ratanaṃ vuccati mahesī, niggatanti nikkhantaṃ, aniggataṃ ratanaṃ itoti aniggataratanakaṃ, tasmiṃ aniggataratanake, sayanighareti attho. Indakhīlaṃatikkameyyāti ettha attano āgatabhāvaṃ ajānāpetvā sayanigharassa ummāraṃ paṭhamaṃ pādaṃ atikkāmentassa dukkaṭaṃ, dutiyaṃ pācittiyaṃ.
ਸਾવਤ੍ਥਿਯਂ ਆਯਸ੍ਮਨ੍ਤਂ ਆਨਨ੍ਦਂ ਆਰਬ੍ਭ ਰਞ੍ਞੋ ਅਨ੍ਤੇਪੁਰਪ੍ਪવਿਸਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਪਟਿਸਂવਿਦਿਤੇ ਅਪ੍ਪਟਿਸਂવਿਦਿਤਸਞ੍ਞਿਨੋ, વੇਮਤਿਕਸ੍ਸ ਚ ਦੁਕ੍ਕਟਂ। ਪਟਿਸਂવਿਦਿਤਸਞ੍ਞਿਸ੍ਸ, ਨ ਖਤ੍ਤਿਯਸ੍ਸ વਾ, ਨ ਖਤ੍ਤਿਯਾਭਿਸੇਕੇਨ ਅਭਿਸਿਤ੍ਤਸ੍ਸ વਾ, ਉਭੋਸੁ વਾ, ਉਭਿਨ੍ਨਂ વਾ ਅਞ੍ਞਤਰਸ੍ਮਿਂ ਨਿਕ੍ਖਨ੍ਤੇ ਸਯਨਿਘਰਂ ਪવਿਸਨ੍ਤਸ੍ਸ, ਅਸਯਨਿਘਰੇ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਖਤ੍ਤਿਯਤਾ, ਅਭਿਸਿਤ੍ਤਤਾ, ਉਭਿਨ੍ਨਮ੍ਪਿ ਸਯਨਿਘਰਤੋ ਅਨਿਕ੍ਖਨ੍ਤਤਾ, ਅਪ੍ਪਟਿਸਂવਿਦਿਤਤਾ, ਇਨ੍ਦਖੀਲਾਤਿਕ੍ਕਮੋਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਪਠਮਕਥਿਨਸਦਿਸਾਨਿ, ਇਦਂ ਪਨ ਕਿਰਿਯਾਕਿਰਿਯਨ੍ਤਿ।
Sāvatthiyaṃ āyasmantaṃ ānandaṃ ārabbha rañño antepurappavisanavatthusmiṃ paññattaṃ, asādhāraṇapaññatti, anāṇattikaṃ, tikapācittiyaṃ, paṭisaṃvidite appaṭisaṃviditasaññino, vematikassa ca dukkaṭaṃ. Paṭisaṃviditasaññissa, na khattiyassa vā, na khattiyābhisekena abhisittassa vā, ubhosu vā, ubhinnaṃ vā aññatarasmiṃ nikkhante sayanigharaṃ pavisantassa, asayanighare, ummattakādīnañca anāpatti. Khattiyatā, abhisittatā, ubhinnampi sayanigharato anikkhantatā, appaṭisaṃviditatā, indakhīlātikkamoti imānettha pañca aṅgāni. Samuṭṭhānādīni paṭhamakathinasadisāni, idaṃ pana kiriyākiriyanti.
ਅਨ੍ਤੇਪੁਰਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Antepurasikkhāpadavaṇṇanā niṭṭhitā.
੨. ਰਤਨਸਿਕ੍ਖਾਪਦવਣ੍ਣਨਾ
2. Ratanasikkhāpadavaṇṇanā
ਦੁਤਿਯੇ ਰਤਨਨ੍ਤਿ ਮੁਤ੍ਤਾਦਿਦਸવਿਧਂ। ਰਤਨਸਮ੍ਮਤਨ੍ਤਿ ਯਂਕਿਞ੍ਚਿ ਮਨੁਸ੍ਸਾਨਂ ਉਪਭੋਗਪਰਿਭੋਗਂ। ਅਜ੍ਝਾਰਾਮੇ વਾਤਿ ਪਰਿਕ੍ਖਿਤ੍ਤਸ੍ਸ ਅਨ੍ਤੋਪਟਿਕ੍ਖੇਪੇ ਅਪਰਿਕ੍ਖਿਤ੍ਤਸ੍ਸ ਦ੍વਿਨ੍ਨਂ ਲੇਡ੍ਡੁਪਾਤਾਨਂ ਅਨ੍ਤੋ। ਅਜ੍ਝਾવਸਥੇਤਿ ਪਰਿਕ੍ਖਿਤ੍ਤਸ੍ਸ ਅਨ੍ਤੋਪਟਿਕ੍ਖੇਪੇ, ਅਪਰਿਕ੍ਖਿਤ੍ਤਸ੍ਸ ਮੁਸਲਪਾਤਬ੍ਭਨ੍ਤਰੇ। ਅਯਂ ਪਨੇਤ੍ਥ વਿਨਿਚ੍ਛਯੋ – ਜਾਤਰੂਪਰਜਤਂ ਅਤ੍ਤਨੋ ਅਤ੍ਥਾਯ ਉਗ੍ਗਣ੍ਹਨ੍ਤਸ੍ਸ વਾ ਉਗ੍ਗਣ੍ਹਾਪੇਨ੍ਤਸ੍ਸ વਾ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ । ਸਙ੍ਘਗਣਪੁਗ੍ਗਲਚੇਤਿਯਨવਕਮ੍ਮਾਨਂ ਅਤ੍ਥਾਯ ਦੁਕ੍ਕਟਂ, ਅવਸੇਸੇ ਮੁਤ੍ਤਾਦਿਰਤਨੇ ਸਬ੍ਬੇਸਮ੍ਪਿ ਅਤ੍ਥਾਯ ਦੁਕ੍ਕਟਮੇવ। ਕਪ੍ਪਿਯવਤ੍ਥੁਂ વਾ ਅਕਪ੍ਪਿਯવਤ੍ਥੁਂ વਾ ਅਨ੍ਤਮਸੋ ਮਾਤੁਸਨ੍ਤਕਮ੍ਪਿ ਭਣ੍ਡਾਗਾਰਿਕਸੀਸੇਨ ਪਟਿਸਾਮੇਨ੍ਤਸ੍ਸ ਪਾਚਿਤ੍ਤਿਯਂ, ਤਾਦਿਸਂ ਪਨ ਅਤ੍ਤਨੋ ਸਨ੍ਤਕਂ ਕਤ੍વਾ ਪਟਿਸਾਮੇਤੁਂ વਟ੍ਟਤਿ। ‘‘ਇਦਂ ਪਟਿਸਾਮੇਥਾ’’ਤਿ વੁਤ੍ਤੇ ਪਨ ‘‘ਨ વਟ੍ਟਤੀ’’ਤਿ ਪਟਿਕ੍ਖਿਪਿਤਬ੍ਬਂ। ਸਚੇ ਕੁਪਿਤਾ ਪਾਤੇਤ੍વਾ ਗਚ੍ਛਨ੍ਤਿ, ਪਲਿਬੋਧੋ ਨਾਮ ਹੋਤਿ, ਪਟਿਸਾਮੇਤਬ੍ਬਂ। વਿਹਾਰੇ ਕਮ੍ਮਂ ਕਰੋਨ੍ਤਾ વਡ੍ਢਕੀਆਦਯੋ વਾ ਰਾਜવਲ੍ਲਭਾ વਾ ‘‘ਯਂਕਿਞ੍ਚਿ ਉਪਕਰਣਂ વਾ ਸਯਨਭਣ੍ਡਂ વਾ ਪਟਿਸਾਮੇਤ੍વਾ ਦੇਥਾ’’ਤਿ વਦਨ੍ਤਿ, ਛਨ੍ਦੇਨਪਿ ਭਯੇਨਪਿ ਨ ਕਾਤਬ੍ਬਮੇવ, ਗੁਤ੍ਤਟ੍ਠਾਨਂ ਪਨ ਦਸ੍ਸੇਤੁਂ વਟ੍ਟਤਿ।
Dutiye ratananti muttādidasavidhaṃ. Ratanasammatanti yaṃkiñci manussānaṃ upabhogaparibhogaṃ. Ajjhārāme vāti parikkhittassa antopaṭikkhepe aparikkhittassa dvinnaṃ leḍḍupātānaṃ anto. Ajjhāvasatheti parikkhittassa antopaṭikkhepe, aparikkhittassa musalapātabbhantare. Ayaṃ panettha vinicchayo – jātarūparajataṃ attano atthāya uggaṇhantassa vā uggaṇhāpentassa vā nissaggiyaṃ pācittiyaṃ . Saṅghagaṇapuggalacetiyanavakammānaṃ atthāya dukkaṭaṃ, avasese muttādiratane sabbesampi atthāya dukkaṭameva. Kappiyavatthuṃ vā akappiyavatthuṃ vā antamaso mātusantakampi bhaṇḍāgārikasīsena paṭisāmentassa pācittiyaṃ, tādisaṃ pana attano santakaṃ katvā paṭisāmetuṃ vaṭṭati. ‘‘Idaṃ paṭisāmethā’’ti vutte pana ‘‘na vaṭṭatī’’ti paṭikkhipitabbaṃ. Sace kupitā pātetvā gacchanti, palibodho nāma hoti, paṭisāmetabbaṃ. Vihāre kammaṃ karontā vaḍḍhakīādayo vā rājavallabhā vā ‘‘yaṃkiñci upakaraṇaṃ vā sayanabhaṇḍaṃ vā paṭisāmetvā dethā’’ti vadanti, chandenapi bhayenapi na kātabbameva, guttaṭṭhānaṃ pana dassetuṃ vaṭṭati.
ਅਜ੍ਝਾਰਾਮਅਜ੍ਝਾવਸਥੇਸੁਪਿ ਯਾਦਿਸੇ ਠਾਨੇ ‘‘ਭਿਕ੍ਖੂਹਿ વਾ ਸਾਮਣੇਰੇਹਿ વਾ ਗਹਿਤਂ ਭવਿਸ੍ਸਤੀ’’ਤਿ ਆਸਙ੍ਕਾ ਉਪ੍ਪਜ੍ਜਤਿ, ਤਾਦਿਸੇਯੇવ ਠਾਨੇ ਉਗ੍ਗਹੇਤ੍વਾ વਾ ਉਗ੍ਗਹਾਪੇਤ੍વਾ વਾ ਸਞ੍ਞਾਣਂ ਕਤ੍વਾ ਨਿਕ੍ਖਿਪਿਤਬ੍ਬਂ, ‘‘ਯਸ੍ਸ ਭਣ੍ਡਂ ਨਟ੍ਠਂ, ਸੋ ਆਗਚ੍ਛਤੂ’’ਤਿ ਚ ਆਚਿਕ੍ਖਿਤਬ੍ਬਂ। ਅਥ ਯੋ ਆਗਚ੍ਛਤਿ, ਸੋ ‘‘ਕੀਦਿਸਂ ਤੇ ਭਣ੍ਡਂ ਨਟ੍ਠ’’ਨ੍ਤਿ ਪੁਚ੍ਛਿਤਬ੍ਬੋ, ਸਚੇ ਸਞ੍ਞਾਣੇਨ ਸਮ੍ਪਾਦੇਤਿ, ਦਾਤਬ੍ਬਂ। ਨੋ ਚੇ, ‘વਿਚਿਨਾਹੀ’ਤਿ વਤ੍ਤਬ੍ਬੋ। ਤਮ੍ਹਾ ਆવਾਸਾ ਪਕ੍ਕਮਨ੍ਤੇਨ ਪਤਿਰੂਪਾਨਂ ਭਿਕ੍ਖੂਨਂ ਹਤ੍ਥੇ, ਤੇਸੁ ਅਸਤਿ ਪਤਿਰੂਪਾਨਂ ਗਹਪਤਿਕਾਨਂ ਹਤ੍ਥੇ ਨਿਕ੍ਖਿਪਿਤ੍વਾ ਪਕ੍ਕਮਿਤਬ੍ਬਂ। ਯੋ ਪਨ ਨੇવ ਪਕ੍ਕਮਤਿ, ਨ ਸਾਮਿਕਂ ਪਸ੍ਸਤਿ, ਤੇਨ ਥਾવਰਂ ਸੇਨਾਸਨਂ વਾ ਚੇਤਿਯਂ વਾ ਪੋਕ੍ਖਰਣਿਂ વਾ ਕਾਰੇਤਬ੍ਬੋ। ਸਚੇ ਦੀਘਸ੍ਸ ਅਦ੍ਧੁਨੋ ਅਚ੍ਚਯੇਨ ਸਾਮਿਕੋ ਆਗਚ੍ਛਤਿ, ਤਂ ਦਸ੍ਸੇਤ੍વਾ ‘ਅਨੁਮੋਦਾਹੀ’ਤਿ વਤ੍ਤਬ੍ਬੋ। ਸਚੇ ਨਾਨੁਮੋਦਤਿ, ‘‘ਦੇਹਿ ਮੇ ਧਨ’’ਨ੍ਤਿ ਚੋਦੇਤਿ, ਸਮਾਦਪੇਤ੍વਾ ਦਾਤਬ੍ਬਂ।
Ajjhārāmaajjhāvasathesupi yādise ṭhāne ‘‘bhikkhūhi vā sāmaṇerehi vā gahitaṃ bhavissatī’’ti āsaṅkā uppajjati, tādiseyeva ṭhāne uggahetvā vā uggahāpetvā vā saññāṇaṃ katvā nikkhipitabbaṃ, ‘‘yassa bhaṇḍaṃ naṭṭhaṃ, so āgacchatū’’ti ca ācikkhitabbaṃ. Atha yo āgacchati, so ‘‘kīdisaṃ te bhaṇḍaṃ naṭṭha’’nti pucchitabbo, sace saññāṇena sampādeti, dātabbaṃ. No ce, ‘vicināhī’ti vattabbo. Tamhā āvāsā pakkamantena patirūpānaṃ bhikkhūnaṃ hatthe, tesu asati patirūpānaṃ gahapatikānaṃ hatthe nikkhipitvā pakkamitabbaṃ. Yo pana neva pakkamati, na sāmikaṃ passati, tena thāvaraṃ senāsanaṃ vā cetiyaṃ vā pokkharaṇiṃ vā kāretabbo. Sace dīghassa addhuno accayena sāmiko āgacchati, taṃ dassetvā ‘anumodāhī’ti vattabbo. Sace nānumodati, ‘‘dehi me dhana’’nti codeti, samādapetvā dātabbaṃ.
ਸਾવਤ੍ਥਿਯਂ ਅਞ੍ਞਤਰਂ ਭਿਕ੍ਖੁਂ ਆਰਬ੍ਭ ਰਤਨਉਗ੍ਗਣ੍ਹਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਅਞ੍ਞਤ੍ਰ ਅਜ੍ਝਾਰਾਮਾ વਾ, ਅਜ੍ਝਾવਸਥਾ વਾ’’ਤਿ ਅਯਮੇਤ੍ਥ ਦੁવਿਧਾ ਅਨੁਪਞ੍ਞਤ੍ਤਿ, ਸਾਧਾਰਣਪਞ੍ਞਤ੍ਤਿ, ਸਾਣਤ੍ਤਿਕਂ, ਅਨੁਞ੍ਞਾਤਟ੍ਠਾਨੇ ਅਨਾਦਰਿਯੇਨ ਉਗ੍ਗਹੇਤ੍વਾ ਅਨਿਕ੍ਖਿਪਨ੍ਤਸ੍ਸ ਦੁਕ੍ਕਟਂ। ਅਨੁਞ੍ਞਾਤਟ੍ਠਾਨੇ ਗਹੇਤ੍વਾ ਨਿਕ੍ਖਿਪਨ੍ਤਸ੍ਸ, ਯਂ ਹੋਤਿ ਆਮਾਸਂ ਰਤਨਸਮ੍ਮਤਂ, ਤਂ વਿਸ੍ਸਾਸਂ વਾ ਤਾવਕਾਲਿਕਂ વਾ ਉਗ੍ਗਣ੍ਹਨ੍ਤਸ੍ਸ, ਪਂਸੁਕੂਲਸਞ੍ਞਾਯ ਗਣ੍ਹਤੋ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਅਨਨੁਞ੍ਞਾਤਕਰਣਂ, ਪਰਸਨ੍ਤਕਤਾ, વਿਸ੍ਸਾਸਗ੍ਗਾਹਪਂਸੁਕੂਲਸਞ੍ਞਾਨਂ ਅਭਾવੋ, ਉਗ੍ਗਹਣਂ વਾ ਉਗ੍ਗਹਾਪਨਂ વਾਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਸਞ੍ਚਰਿਤ੍ਤਸਦਿਸਾਨੀਤਿ।
Sāvatthiyaṃ aññataraṃ bhikkhuṃ ārabbha ratanauggaṇhanavatthusmiṃ paññattaṃ, ‘‘aññatra ajjhārāmā vā, ajjhāvasathā vā’’ti ayamettha duvidhā anupaññatti, sādhāraṇapaññatti, sāṇattikaṃ, anuññātaṭṭhāne anādariyena uggahetvā anikkhipantassa dukkaṭaṃ. Anuññātaṭṭhāne gahetvā nikkhipantassa, yaṃ hoti āmāsaṃ ratanasammataṃ, taṃ vissāsaṃ vā tāvakālikaṃ vā uggaṇhantassa, paṃsukūlasaññāya gaṇhato, ummattakādīnañca anāpatti. Ananuññātakaraṇaṃ, parasantakatā, vissāsaggāhapaṃsukūlasaññānaṃ abhāvo, uggahaṇaṃ vā uggahāpanaṃ vāti imānettha cattāri aṅgāni. Samuṭṭhānādīni sañcarittasadisānīti.
ਰਤਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ratanasikkhāpadavaṇṇanā niṭṭhitā.
੩. વਿਕਾਲਗਾਮਪ੍ਪવੇਸਨਸਿਕ੍ਖਾਪਦવਣ੍ਣਨਾ
3. Vikālagāmappavesanasikkhāpadavaṇṇanā
ਤਤਿਯੇ ਸਨ੍ਤਂ ਭਿਕ੍ਖੁਂ ਅਨਾਪੁਚ੍ਛਾਤਿ ਇਦਂ ਚਾਰਿਤ੍ਤੇ વੁਤ੍ਤਨਯਮੇવ। વਿਕਾਲੇਤਿ ਮਜ੍ਝਨ੍ਹਿਕਾਤਿਕ੍ਕਮਤੋ ਪਟ੍ਠਾਯ ਅਨ੍ਤੋਅਰੁਣੇ, ਏਤਸ੍ਮਿਂ ਅਨ੍ਤਰੇ ‘‘વਿਕਾਲੇ ਗਾਮਪ੍ਪવੇਸਨਂ ਆਪੁਚ੍ਛਾਮੀ’’ਤਿ વਾ, ‘‘ਗਾਮਂ ਪવਿਸਿਸ੍ਸਾਮੀ’’ਤਿ વਾ ਅਨਾਪੁਚ੍ਛਿਤ੍વਾ ਅਸਤਿ ਤਥਾਰੂਪੇ ਅਚ੍ਚਾਯਿਕੇ ਕਰਣੀਯੇ ਪਰਿਕ੍ਖਿਤ੍ਤਸ੍ਸ ਗਾਮਸ੍ਸ ਪਰਿਕ੍ਖੇਪਂ ਅਤਿਕ੍ਕਮਨ੍ਤਸ੍ਸ, ਅਪਰਿਕ੍ਖਿਤ੍ਤਸ੍ਸ ਉਪਚਾਰਂ ਓਕ੍ਕਮਨ੍ਤਸ੍ਸ ਪਠਮਪਾਦੇ ਦੁਕ੍ਕਟਂ, ਦੁਤਿਯਪਾਦੇ ਪਾਚਿਤ੍ਤਿਯਂ। ਸਚੇਪਿ ਸਮ੍ਬਹੁਲਾ ਕੇਨਚਿ ਕਮ੍ਮੇਨ ਗਾਮਂ ਪવਿਸਨ੍ਤਿ, ਸਬ੍ਬੇਹਿ ਅਞ੍ਞਮਞ੍ਞਂ ਆਪੁਚ੍ਛਿਤਬ੍ਬਂ। ‘‘ਤਸ੍ਮਿਂ ਗਾਮੇ ਤਂ ਕਮ੍ਮਂ ਨ ਸਮ੍ਪਜ੍ਜਤੀ’’ਤਿ ਅਞ੍ਞਂ ਗਾਮਂ ਗਚ੍ਛਨ੍ਤਾਨਂ ਪੁਨ ਆਪੁਚ੍ਛਨਕਿਚ੍ਚਂ ਨਤ੍ਥਿ। ਸਚੇ ਪਨ ਉਸ੍ਸਾਹਂ ਪਟਿਪ੍ਪਸ੍ਸਮ੍ਭੇਤ੍વਾ વਿਹਾਰਂ ਗਚ੍ਛਨ੍ਤਾ ਅਨ੍ਤਰਾ ਅਞ੍ਞਂ ਗਾਮਂ ਪવਿਸਿਤੁਕਾਮਾ ਹੋਨ੍ਤਿ, ਆਪੁਚ੍ਛਿਤਬ੍ਬਮੇવ। ਕੁਲਘਰੇ વਾ ਆਸਨਸਾਲਾਯਂ વਾ ਭਤ੍ਤਕਿਚ੍ਚਂ ਕਤ੍વਾ ਤੇਲਭਿਕ੍ਖਾਯ વਾ ਸਪ੍ਪਿਭਿਕ੍ਖਾਯ વਾ ਚਰਿਤੁਕਾਮੇਨ ਸਚੇ ਪਸ੍ਸੇ ਭਿਕ੍ਖੁ ਅਤ੍ਥਿ, ਆਪੁਚ੍ਛਿਤਬ੍ਬੋ, ਅਸਨ੍ਤੇ ‘ਨਤ੍ਥੀ’ਤਿ ਗਨ੍ਤਬ੍ਬਂ। વੀਥਿਂ ਓਤਰਿਤ੍વਾ ਪਨ ਭਿਕ੍ਖੁਂ ਦਿਸ੍વਾਪਿ ਆਪੁਚ੍ਛਨਕਿਚ੍ਚਂ ਨਤ੍ਥਿ। ਯੋ ਪਨ ਗਾਮਮਜ੍ਝੇਨ ਮਗ੍ਗੋ ਹੋਤਿ, ਸਚੇ ਤੇਨ ਗਚ੍ਛਨ੍ਤਸ੍ਸ ‘‘ਤੇਲਾਦੀਨਂ ਅਤ੍ਥਾਯ ਚਰਿਸ੍ਸਾਮੀ’’ਤਿ ਚਿਤ੍ਤਂ ਉਪ੍ਪਜ੍ਜਤਿ, ਪਸ੍ਸੇ ਭਿਕ੍ਖੁਂ ਦਿਸ੍વਾ ਆਪੁਚ੍ਛਿਤਬ੍ਬਂ। ਮਗ੍ਗਾ ਅਨੋਕ੍ਕਮ੍ਮ ਚਰਨ੍ਤਸ੍ਸ ਪਨ ਆਪੁਚ੍ਛਨਕਿਚ੍ਚਂ ਨਤ੍ਥਿ, ਓਕ੍ਕਮਨ੍ਤਸ੍ਸ વੁਤ੍ਤਨਯੇਨੇવ ਪਾਚਿਤ੍ਤਿਯਂ।
Tatiye santaṃ bhikkhuṃ anāpucchāti idaṃ cāritte vuttanayameva. Vikāleti majjhanhikātikkamato paṭṭhāya antoaruṇe, etasmiṃ antare ‘‘vikāle gāmappavesanaṃ āpucchāmī’’ti vā, ‘‘gāmaṃ pavisissāmī’’ti vā anāpucchitvā asati tathārūpe accāyike karaṇīye parikkhittassa gāmassa parikkhepaṃ atikkamantassa, aparikkhittassa upacāraṃ okkamantassa paṭhamapāde dukkaṭaṃ, dutiyapāde pācittiyaṃ. Sacepi sambahulā kenaci kammena gāmaṃ pavisanti, sabbehi aññamaññaṃ āpucchitabbaṃ. ‘‘Tasmiṃ gāme taṃ kammaṃ na sampajjatī’’ti aññaṃ gāmaṃ gacchantānaṃ puna āpucchanakiccaṃ natthi. Sace pana ussāhaṃ paṭippassambhetvā vihāraṃ gacchantā antarā aññaṃ gāmaṃ pavisitukāmā honti, āpucchitabbameva. Kulaghare vā āsanasālāyaṃ vā bhattakiccaṃ katvā telabhikkhāya vā sappibhikkhāya vā caritukāmena sace passe bhikkhu atthi, āpucchitabbo, asante ‘natthī’ti gantabbaṃ. Vīthiṃ otaritvā pana bhikkhuṃ disvāpi āpucchanakiccaṃ natthi. Yo pana gāmamajjhena maggo hoti, sace tena gacchantassa ‘‘telādīnaṃ atthāya carissāmī’’ti cittaṃ uppajjati, passe bhikkhuṃ disvā āpucchitabbaṃ. Maggā anokkamma carantassa pana āpucchanakiccaṃ natthi, okkamantassa vuttanayeneva pācittiyaṃ.
ਸਾવਤ੍ਥਿਯਂ ਛਬ੍ਬਗ੍ਗਿਯੇ ਆਰਬ੍ਭ વਿਕਾਲੇ ਗਾਮਪ੍ਪવੇਸਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਸਨ੍ਤਂ ਭਿਕ੍ਖੁ’’ਨ੍ਤਿ ਚ ‘‘ਅਨਾਪੁਚ੍ਛਾ’’ਤਿ ਚ ‘‘ਅਞ੍ਞਤ੍ਰ ਤਥਾਰੂਪਾ ਅਚ੍ਚਾਯਿਕਾ ਕਰਣੀਯਾ’’ਤਿ ਚ ਇਮਾ ਪਨੇਤ੍ਥ ਤਿਸ੍ਸੋ ਅਨੁਪਞ੍ਞਤ੍ਤਿਯੋ, ਅਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਕਾਲੇ વਿਕਾਲਸਞ੍ਞਿਨੋ, વੇਮਤਿਕਸ੍ਸ ਚ ਦੁਕ੍ਕਟਂ। ਕਾਲਸਞ੍ਞਿਨੋ ਪਨ, ਯੋ ਚ ਅਚ੍ਚਾਯਿਕੇ વਾ ਕਰਣੀਯੇ, ਸਨ੍ਤਂ વਾ ਆਪੁਚ੍ਛਿਤ੍વਾ, ਅਸਨ੍ਤਂ વਾ ਅਨਾਪੁਚ੍ਛਿਤ੍વਾ ਪવਿਸਤਿ, ਅਨ੍ਤਰਾਰਾਮਭਿਕ੍ਖੁਨੁਪਸ੍ਸਯਤਿਤ੍ਥਿਯਸੇਯ੍ਯਪਟਿਕ੍ਕਮਨੇਸੁ વਾ ਅਞ੍ਞਤਰਂ ਗਚ੍ਛਤਿ, ਤਸ੍ਸ, ਗਾਮੇਨ ਮਗ੍ਗੋ ਹੋਤਿ, ਤੇਨ ਗਚ੍ਛਤੋ, ਆਪਦਾਸੁ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਸਨ੍ਤਂ ਭਿਕ੍ਖੁਂ ਅਨਾਪੁਚ੍ਛਤਾ, ਅਨੁਞ੍ਞਾਤਕਾਰਣਾਭਾવੋ, વਿਕਾਲੇ ਗਾਮਪ੍ਪવਿਸਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਕਥਿਨਸਦਿਸਾਨੇવ, ਇਦਂ ਪਨ ਕਿਰਿਯਾਕਿਰਿਯਨ੍ਤਿ।
Sāvatthiyaṃ chabbaggiye ārabbha vikāle gāmappavesanavatthusmiṃ paññattaṃ, ‘‘santaṃ bhikkhu’’nti ca ‘‘anāpucchā’’ti ca ‘‘aññatra tathārūpā accāyikā karaṇīyā’’ti ca imā panettha tisso anupaññattiyo, asādhāraṇapaññatti, anāṇattikaṃ, tikapācittiyaṃ, kāle vikālasaññino, vematikassa ca dukkaṭaṃ. Kālasaññino pana, yo ca accāyike vā karaṇīye, santaṃ vā āpucchitvā, asantaṃ vā anāpucchitvā pavisati, antarārāmabhikkhunupassayatitthiyaseyyapaṭikkamanesu vā aññataraṃ gacchati, tassa, gāmena maggo hoti, tena gacchato, āpadāsu, ummattakādīnañca anāpatti. Santaṃ bhikkhuṃ anāpucchatā, anuññātakāraṇābhāvo, vikāle gāmappavisananti imānettha tīṇi aṅgāni. Samuṭṭhānādīni kathinasadisāneva, idaṃ pana kiriyākiriyanti.
વਿਕਾਲਗਾਮਪ੍ਪવੇਸਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Vikālagāmappavesanasikkhāpadavaṇṇanā niṭṭhitā.
੪. ਸੂਚਿਘਰਸਿਕ੍ਖਾਪਦવਣ੍ਣਨਾ
4. Sūcigharasikkhāpadavaṇṇanā
ਚਤੁਤ੍ਥੇ ਭੇਦਨਮੇવ ਭੇਦਨਕਂ, ਤਂ ਅਸ੍ਸ ਅਤ੍ਥੀਤਿ ਭੇਦਨਕਂ। ਤਸ੍ਮਾ ਏવਰੂਪੇ ਸੂਚਿਘਰੇ ਕਰਣਕਾਰਾਪਨੇਸੁ ਦੁਕ੍ਕਟਂ, ਪਟਿਲਾਭੇਨ ਪਨ ਤਂ ਭਿਨ੍ਦਿਤ੍વਾ ਪਾਚਿਤ੍ਤਿਯਂ ਦੇਸੇਤਬ੍ਬਂ।
Catutthe bhedanameva bhedanakaṃ, taṃ assa atthīti bhedanakaṃ. Tasmā evarūpe sūcighare karaṇakārāpanesu dukkaṭaṃ, paṭilābhena pana taṃ bhinditvā pācittiyaṃ desetabbaṃ.
ਸਕ੍ਕੇਸੁ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਬਹੁਸੂਚਿਘਰવਿਞ੍ਞਾਪਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਸਾਣਤ੍ਤਿਕਂ, ਅਤ੍ਤਨਾ વਿਪ੍ਪਕਤਂ ਅਤ੍ਤਨਾ વਾ, ਪਰੇਹਿ વਾ, ਪਰੇਹਿ વਿਪ੍ਪਕਤਮ੍ਪਿ ਅਤ੍ਤਨਾ વਾ, ਪਰੇਹਿ વਾ ਪਰਿਯੋਸਾਪੇਤ੍વਾ ਲਭਨ੍ਤਸ੍ਸ ਚਤੁਕ੍ਕਪਾਚਿਤ੍ਤਿਯਂ। ਅਞ੍ਞਸ੍ਸਤ੍ਥਾਯ ਕਰਣਕਾਰਾਪਨੇਸੁ, ਅਞ੍ਞੇਨ ਕਤਂ ਪਟਿਲਭਿਤ੍વਾ ਪਰਿਭੁਞ੍ਜਨੇ ਦੁਕ੍ਕਟਂ। ਗਣ੍ਠਿਕੇ ਅਰਣਿਕੇ વਿਧੇ ਅਞ੍ਜਨਿਯਾ ਅਞ੍ਜਨਿਸਲਾਕਾਯ વਾਸਿਜਟੇ ਉਦਕਪੁਞ੍ਛਨਿਯਾਤਿ ਏਤੇਸੁ ਯਂਕਿਞ੍ਚਿ ਅਟ੍ਠਿਆਦੀਹਿ ਕਰੋਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਸੂਚਿਘਰਤਾ, ਅਟ੍ਠਿਮਯਾਦਿਤਾ, ਅਤ੍ਤਨੋ ਅਤ੍ਥਾਯ ਕਰਣਂ વਾ ਕਾਰਾਪੇਤ੍વਾ વਾ ਪਟਿਲਾਭੋਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਸਞ੍ਚਰਿਤ੍ਤਸਦਿਸਾਨੀਤਿ।
Sakkesu sambahule bhikkhū ārabbha bahusūcigharaviññāpanavatthusmiṃ paññattaṃ, sādhāraṇapaññatti, sāṇattikaṃ, attanā vippakataṃ attanā vā, parehi vā, parehi vippakatampi attanā vā, parehi vā pariyosāpetvā labhantassa catukkapācittiyaṃ. Aññassatthāya karaṇakārāpanesu, aññena kataṃ paṭilabhitvā paribhuñjane dukkaṭaṃ. Gaṇṭhike araṇike vidhe añjaniyā añjanisalākāya vāsijaṭe udakapuñchaniyāti etesu yaṃkiñci aṭṭhiādīhi karontassa, ummattakādīnañca anāpatti. Sūcigharatā, aṭṭhimayāditā, attano atthāya karaṇaṃ vā kārāpetvā vā paṭilābhoti imānettha tīṇi aṅgāni. Samuṭṭhānādīni sañcarittasadisānīti.
ਸੂਚਿਘਰਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Sūcigharasikkhāpadavaṇṇanā niṭṭhitā.
੫. ਮਞ੍ਚਪੀਠਸਿਕ੍ਖਾਪਦવਣ੍ਣਨਾ
5. Mañcapīṭhasikkhāpadavaṇṇanā
ਪਞ੍ਚਮੇ ਮਞ੍ਚਨ੍ਤਿ ਮਸਾਰਕਾਦੀਸੁ ਅਞ੍ਞਤਰਂ। ਪੀਠਮ੍ਪਿ ਤਾਦਿਸਮੇવ, ਤਂ ਪਨ ਮਞ੍ਚੋ વਿਯ ਅਤਿਦੀਘਂ, ਆਸਨ੍ਦਿਕੋ વਿਯ ਚ ਸਮਂ ਚਤੁਰਸ੍ਸਂ ਨ ਹੋਤਿ। ਛੇਦਨਕਂ ਭੇਦਨਕਸਦਿਸਮੇવ।
Pañcame mañcanti masārakādīsu aññataraṃ. Pīṭhampi tādisameva, taṃ pana mañco viya atidīghaṃ, āsandiko viya ca samaṃ caturassaṃ na hoti. Chedanakaṃ bhedanakasadisameva.
ਸਾવਤ੍ਥਿਯਂ ਉਪਨਨ੍ਦਂ ਆਰਬ੍ਭ ਉਚ੍ਚੇ ਮਞ੍ਚੇ ਸਯਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਪਮਾਣਿਕਂ ਕਰੋਨ੍ਤਸ੍ਸ, ਪਮਾਣਾਤਿਕ੍ਕਨ੍ਤਂ ਲਭਿਤ੍વਾ ਛਿਨ੍ਦਿਤ੍વਾ ਯਥਾ ਪਮਾਣਮੇવ ਉਪਰਿ ਦਿਸ੍ਸਤਿ, ਏવਂ ਨਿਖਣਿਤ੍વਾ વਾ, ਉਤ੍ਤਾਨਂ વਾ ਕਤ੍વਾ, ਅਟ੍ਟਕਂ વਾ ਬਨ੍ਧਿਤ੍વਾ ਪਰਿਭੁਞ੍ਜਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਪਮਾਣਾਤਿਕ੍ਕਨ੍ਤਮਞ੍ਚਪੀਠਤਾ, ਅਤ੍ਤਨੋ ਅਤ੍ਥਾਯ ਕਰਣਂ વਾ ਕਾਰਾਪੇਤ੍વਾ વਾ ਪਟਿਲਾਭੋਤਿ ਇਮਾਨੇਤ੍ਥ ਦ੍વੇ ਅਙ੍ਗਾਨਿ। ਸੇਸਂ ਸਬ੍ਬਂ ਸੂਚਿਘਰਸਿਕ੍ਖਾਪਦਸਦਿਸਮੇવਾਤਿ।
Sāvatthiyaṃ upanandaṃ ārabbha ucce mañce sayanavatthusmiṃ paññattaṃ, pamāṇikaṃ karontassa, pamāṇātikkantaṃ labhitvā chinditvā yathā pamāṇameva upari dissati, evaṃ nikhaṇitvā vā, uttānaṃ vā katvā, aṭṭakaṃ vā bandhitvā paribhuñjantassa, ummattakādīnañca anāpatti. Pamāṇātikkantamañcapīṭhatā, attano atthāya karaṇaṃ vā kārāpetvā vā paṭilābhoti imānettha dve aṅgāni. Sesaṃ sabbaṃ sūcigharasikkhāpadasadisamevāti.
ਮਞ੍ਚਪੀਠਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Mañcapīṭhasikkhāpadavaṇṇanā niṭṭhitā.
੬. ਤੂਲੋਨਦ੍ਧਸਿਕ੍ਖਾਪਦવਣ੍ਣਨਾ
6. Tūlonaddhasikkhāpadavaṇṇanā
ਛਟ੍ਠੇ ਤੂਲਂ ਓਨਦ੍ਧਮੇਤ੍ਥਾਤਿ ਤੂਲੋਨਦ੍ਧਂ, ਚਿਮਿਲਿਕਂ ਪਤ੍ਥਰਿਤ੍વਾ ਤੂਲਂ ਪਕ੍ਖਿਪਿਤ੍વਾ ਉਪਰਿ ਚਿਮਿਲਿਕਾਯ ਓਨਦ੍ਧਨ੍ਤਿ વੁਤ੍ਤਂ ਹੋਤਿ। ਉਦ੍ਦਾਲਨਕਂ ਭੇਦਨਕਸਦਿਸਮੇવ।
Chaṭṭhe tūlaṃ onaddhametthāti tūlonaddhaṃ, cimilikaṃ pattharitvā tūlaṃ pakkhipitvā upari cimilikāya onaddhanti vuttaṃ hoti. Uddālanakaṃ bhedanakasadisameva.
ਸਾવਤ੍ਥਿਯਂ ਛਬ੍ਬਗ੍ਗਿਯੇ ਆਰਬ੍ਭ ਤੂਲੋਨਦ੍ਧਕਾਰਾਪਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਆਯੋਗੇ ਕਾਯਬਨ੍ਧਨੇ ਅਂਸਬਦ੍ਧਕੇ ਪਤ੍ਤਤ੍ਥવਿਕਾਯ ਪਰਿਸ੍ਸਾવਨੇ ਬਿਮ੍ਬੋਹਨੇ, ਅਞ੍ਞੇਨ ਕਤਂ ਤੂਲੋਨਦ੍ਧਂ ਪਟਿਲਭਿਤ੍વਾ ਉਦ੍ਦਾਲੇਤ੍વਾ ਪਰਿਭੁਞ੍ਜਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਬਿਮ੍ਬੋਹਨਞ੍ਚੇਤ੍ਥ ਸੀਸਪ੍ਪਮਾਣਮੇવ વਟ੍ਟਤਿ, ਸੀਸਪ੍ਪਮਾਣਂ ਨਾਮ ਯਸ੍ਸ વਿਤ੍ਥਾਰਤੋ ਤੀਸੁ ਕੋਣੇਸੁ ਦ੍વਿਨ੍ਨਂ ਅਨ੍ਤਰਂ વਿਦਤ੍ਥਿਚਤੁਰਙ੍ਗੁਲਂ ਹੋਤਿ, ਮਜ੍ਝੇ ਮੁਟ੍ਠਿਰਤਨਂ, ਦੀਘਤੋ ਦਿਯਡ੍ਢਰਤਨਂ વਾ ਦ੍વਿਰਤਨਂ વਾ। ਤੂਲੋਨਦ੍ਧਮਞ੍ਚਪੀਠਤਾ, ਅਤ੍ਤਨੋ ਅਤ੍ਥਾਯ ਕਰਣਂ વਾ ਕਾਰਾਪੇਤ੍વਾ વਾ ਪਟਿਲਾਭੋਤਿ ਇਮਾਨੇਤ੍ਥ ਦ੍વੇ ਅਙ੍ਗਾਨਿ। ਸੇਸਂ વੁਤ੍ਤਨਯੇਨੇવ વੇਦਿਤਬ੍ਬਨ੍ਤਿ।
Sāvatthiyaṃ chabbaggiye ārabbha tūlonaddhakārāpanavatthusmiṃ paññattaṃ, āyoge kāyabandhane aṃsabaddhake pattatthavikāya parissāvane bimbohane, aññena kataṃ tūlonaddhaṃ paṭilabhitvā uddāletvā paribhuñjantassa, ummattakādīnañca anāpatti. Bimbohanañcettha sīsappamāṇameva vaṭṭati, sīsappamāṇaṃ nāma yassa vitthārato tīsu koṇesu dvinnaṃ antaraṃ vidatthicaturaṅgulaṃ hoti, majjhe muṭṭhiratanaṃ, dīghato diyaḍḍharatanaṃ vā dviratanaṃ vā. Tūlonaddhamañcapīṭhatā, attano atthāya karaṇaṃ vā kārāpetvā vā paṭilābhoti imānettha dve aṅgāni. Sesaṃ vuttanayeneva veditabbanti.
ਤੂਲੋਨਦ੍ਧਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Tūlonaddhasikkhāpadavaṇṇanā niṭṭhitā.
੭. ਨਿਸੀਦਨਸਿਕ੍ਖਾਪਦવਣ੍ਣਨਾ
7. Nisīdanasikkhāpadavaṇṇanā
ਸਤ੍ਤਮੇ ਨਿਸੀਦਨਨ੍ਤਿ ਸਨ੍ਥਤਸਦਿਸਂ ਸਨ੍ਥਰਿਤ੍વਾ ਏਕਸ੍ਮਿਂ ਅਨ੍ਤੇ ਸੁਗਤવਿਦਤ੍ਥਿਪ੍ਪਮਾਣਂ ਦ੍વੀਸੁ ਠਾਨੇਸੁ ਫਾਲੇਤ੍વਾ ਕਤਾਹਿ ਤੀਹਿ ਦਸਾਹਿ ਯੁਤ੍ਤਸ੍ਸ ਪਰਿਕ੍ਖਾਰਸ੍ਸੇਤਂ ਨਾਮਂ।
Sattame nisīdananti santhatasadisaṃ santharitvā ekasmiṃ ante sugatavidatthippamāṇaṃ dvīsu ṭhānesu phāletvā katāhi tīhi dasāhi yuttassa parikkhārassetaṃ nāmaṃ.
ਸਾવਤ੍ਥਿਯਂ ਛਬ੍ਬਗ੍ਗਿਯੇ ਆਰਬ੍ਭ ਅਪ੍ਪਮਾਣਿਕਾਨਿ ਨਿਸੀਦਨਾਨਿ ਧਾਰਣવਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਦਸਾ વਿਦਤ੍ਥੀ’’ਤਿ ਅਯਮੇਤ੍ਥ ਅਨੁਪਞ੍ਞਤ੍ਤਿ, ਅਸਾਧਾਰਣਪਞ੍ਞਤ੍ਤਿ, ਪਮਾਣਿਕਂ વਾ ਊਨਕਂ વਾ ਕਰੋਨ੍ਤਸ੍ਸ, ਅਞ੍ਞੇਨ ਕਤਂ ਪਮਾਣਾਤਿਕ੍ਕਨ੍ਤਂ ਪਟਿਲਭਿਤ੍વਾ ਛਿਨ੍ਦਿਤ੍વਾ ਪਰਿਭੁਞ੍ਜਨ੍ਤਸ੍ਸ, વਿਤਾਨਾਦੀਸੁ ਯਂਕਿਞ੍ਚਿ ਕਰੋਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਨਿਸੀਦਨਸ੍ਸ ਪਮਾਣਾਤਿਕ੍ਕਨ੍ਤਤਾ, ਅਤ੍ਤਨੋ ਅਤ੍ਥਾਯ ਕਰਣਂ વਾ ਕਾਰਾਪੇਤ੍વਾ વਾ ਪਟਿਲਾਭੋਤਿ ਇਮਾਨੇਤ੍ਥ ਦ੍વੇ ਅਙ੍ਗਾਨਿ। ਸੇਸਂ વੁਤ੍ਤਨਯੇਨੇવ વੇਦਿਤਬ੍ਬਨ੍ਤਿ।
Sāvatthiyaṃ chabbaggiye ārabbha appamāṇikāni nisīdanāni dhāraṇavatthusmiṃ paññattaṃ, ‘‘dasā vidatthī’’ti ayamettha anupaññatti, asādhāraṇapaññatti, pamāṇikaṃ vā ūnakaṃ vā karontassa, aññena kataṃ pamāṇātikkantaṃ paṭilabhitvā chinditvā paribhuñjantassa, vitānādīsu yaṃkiñci karontassa, ummattakādīnañca anāpatti. Nisīdanassa pamāṇātikkantatā, attano atthāya karaṇaṃ vā kārāpetvā vā paṭilābhoti imānettha dve aṅgāni. Sesaṃ vuttanayeneva veditabbanti.
ਨਿਸੀਦਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Nisīdanasikkhāpadavaṇṇanā niṭṭhitā.
੮. ਕਣ੍ਡੁਪ੍ਪਟਿਚ੍ਛਾਦਿਸਿਕ੍ਖਾਪਦવਣ੍ਣਨਾ
8. Kaṇḍuppaṭicchādisikkhāpadavaṇṇanā
ਅਟ੍ਠਮੇ ਕਣ੍ਡੁਪ੍ਪਟਿਚ੍ਛਾਦਿਨ੍ਤਿ ਅਧੋਨਾਭਿਉਬ੍ਭਜਾਣੁਮਣ੍ਡਲਂ ਕਣ੍ਡੁਪੀਲ਼ਕਅਸ੍ਸਾવਥੁਲ੍ਲਕਚ੍ਛਾਬਾਧਾਨਂ ਪਟਿਚ੍ਛਾਦਨਤ੍ਥਂ ਅਨੁਞ੍ਞਾਤਂ ਚੀવਰਂ।
Aṭṭhame kaṇḍuppaṭicchādinti adhonābhiubbhajāṇumaṇḍalaṃ kaṇḍupīḷakaassāvathullakacchābādhānaṃ paṭicchādanatthaṃ anuññātaṃ cīvaraṃ.
ਸਾવਤ੍ਥਿਯਂ ਛਬ੍ਬਗ੍ਗਿਯੇ ਆਰਬ੍ਭ ਅਪ੍ਪਮਾਣਿਕਾਯੋ ਕਣ੍ਡੁਪ੍ਪਟਿਚ੍ਛਾਦਿਕਾਯੋ ਧਾਰਣવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਸੇਸਂ ਨਿਸੀਦਨੇ વੁਤ੍ਤਨਯੇਨੇવ વੇਦਿਤਬ੍ਬਨ੍ਤਿ।
Sāvatthiyaṃ chabbaggiye ārabbha appamāṇikāyo kaṇḍuppaṭicchādikāyo dhāraṇavatthusmiṃ paññattaṃ, sādhāraṇapaññatti, sesaṃ nisīdane vuttanayeneva veditabbanti.
ਕਣ੍ਡੁਪ੍ਪਟਿਚ੍ਛਾਦਿਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Kaṇḍuppaṭicchādisikkhāpadavaṇṇanā niṭṭhitā.
੯. વਸ੍ਸਿਕਸਾਟਿਕਸਿਕ੍ਖਾਪਦવਣ੍ਣਨਾ
9. Vassikasāṭikasikkhāpadavaṇṇanā
ਨવਮੇ ਸਾવਤ੍ਥਿਯਂ ਛਬ੍ਬਗ੍ਗਿਯੇ ਆਰਬ੍ਭ ਅਪ੍ਪਮਾਣਿਕਾਯੋ વਸ੍ਸਿਕਸਾਟਿਕਾਯੋ ਧਾਰਣવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸੇਸਮੇਤ੍ਥ ਯਂ વਤ੍ਤਬ੍ਬਂ, ਤਂ ਨਿਸੀਦਨੇ વੁਤ੍ਤਨਯਮੇવਾਤਿ।
Navame sāvatthiyaṃ chabbaggiye ārabbha appamāṇikāyo vassikasāṭikāyo dhāraṇavatthusmiṃ paññattaṃ, sesamettha yaṃ vattabbaṃ, taṃ nisīdane vuttanayamevāti.
વਸ੍ਸਿਕਸਾਟਿਕਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Vassikasāṭikasikkhāpadavaṇṇanā niṭṭhitā.
੧੦. ਨਨ੍ਦਸਿਕ੍ਖਾਪਦવਣ੍ਣਨਾ
10. Nandasikkhāpadavaṇṇanā
ਦਸਮੇ ਸਾવਤ੍ਥਿਯਂ ਆਯਸ੍ਮਨ੍ਤਂ ਨਨ੍ਦਂ ਆਰਬ੍ਭ ਸੁਗਤਚੀવਰਪ੍ਪਮਾਣਂ ਚੀવਰਂ ਧਾਰਣવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਸੇਸਂ ਨਿਸੀਦਨੇ વੁਤ੍ਤਨਯਮੇવਾਤਿ।
Dasame sāvatthiyaṃ āyasmantaṃ nandaṃ ārabbha sugatacīvarappamāṇaṃ cīvaraṃ dhāraṇavatthusmiṃ paññattaṃ, sādhāraṇapaññatti, sesaṃ nisīdane vuttanayamevāti.
ਨਨ੍ਦਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Nandasikkhāpadavaṇṇanā niṭṭhitā.
ਰਤਨવਗ੍ਗੋ ਨવਮੋ।
Ratanavaggo navamo.
ਕਙ੍ਖਾવਿਤਰਣਿਯਾ ਪਾਤਿਮੋਕ੍ਖવਣ੍ਣਨਾਯ
Kaṅkhāvitaraṇiyā pātimokkhavaṇṇanāya
ਸੁਦ੍ਧਪਾਚਿਤ੍ਤਿਯવਣ੍ਣਨਾ ਨਿਟ੍ਠਿਤਾ।
Suddhapācittiyavaṇṇanā niṭṭhitā.
