14. ஸப்³ப³காமித்தே²ரகா³தா²

453.

‘‘த்³விபாத³கோயங் அஸுசி, து³க்³க³ந்தோ⁴ பரிஹீரதி ¹;

நானாகுணபபரிபூரோ, விஸ்ஸவந்தோ ததோ ததோ.

454.

‘‘மிக³ங் நிலீனங் கூடேன, ப³ளிஸேனேவ அம்பு³ஜங்;

வானரங் விய லேபேன, பா³த⁴யந்தி புது²ஜ்ஜனங்.

455.

‘‘ரூபா ஸத்³தா³ ரஸா க³ந்தா⁴, பொ²ட்ட²ப்³பா³ ச மனோரமா;

பஞ்ச காமகு³ணா ஏதே, இத்தி²ரூபஸ்மி தி³ஸ்ஸரே.

456.

‘‘யே ஏதா உபஸேவந்தி, ரத்தசித்தா புது²ஜ்ஜனா;

வட்³டெ⁴ந்தி கடஸிங் கோ⁴ரங், ஆசினந்தி புனப்³ப⁴வங்.

457.

‘‘யோ சேதா பரிவஜ்ஜேதி, ஸப்பஸ்ஸேவ பதா³ ஸிரோ;

ஸோமங் விஸத்திகங் லோகே, ஸதோ ஸமதிவத்ததி.

458.

‘‘காமெஸ்வாதீ³னவங் தி³ஸ்வா, நெக்க²ம்மங் த³ட்டு² கே²மதோ;

நிஸ்ஸடோ ஸப்³ப³காமேஹி, பத்தோ மே ஆஸவக்க²யோ’’தி.

… ஸப்³ப³காமித்தே²ரோ….

ச²க்கனிபாதோ நிட்டி²தோ.

தத்ருத்³தா³னங் –

உருவேளகஸ்ஸபோ ச, தே²ரோ தேகிச்ச²காரி ச;

மஹானாகோ³ ச குல்லோ ச, மாலுக்யோ ³ ஸப்பதா³ஸகோ.

காதியானோ மிக³ஜாலோ, ஜெந்தோ ஸுமனஸவ்ஹயோ;

ந்ஹாதமுனி ப்³ரஹ்மத³த்தோ, ஸிரிமண்டோ³ ஸப்³ப³காமீ ச;

கா³தா²யோ சதுராஸீதி, தே²ரா செத்த² சதுத்³த³ஸாதி.