| Library / Tipiṭaka / តិបិដក • Tipiṭaka / បញ្ចបករណ-អដ្ឋកថា • Pañcapakaraṇa-aṭṭhakathā |
១០. រូបារូបធាតុបរិយាបន្នកថាវណ្ណនា
10. Rūpārūpadhātupariyāpannakathāvaṇṇanā
៧៧១-៧៧៥. ឥទានិ រូបរាគោ រូបធាតុបរិយាបន្នោ អរូបរាគោ អរូបធាតុបរិយាបន្នោតិ កថា នាម ហោតិ។ តត្ថ យស្មា កាមរាគោ កាមធាតុបរិយាបន្នោ, តស្មា រូបរាគារូបរាគេហិបិ រូបធាតុអរូបធាតុបរិយាបន្នេហិ ភវិតព្ពន្តិ យេសំ លទ្ធិ, សេយ្យថាបិ អន្ធកានំ, តេ សន្ធាយ បុច្ឆា សកវាទិស្ស, បដិញ្ញា ឥតរស្ស។ សេសំ ហេដ្ឋា វុត្តនយេនេវ វេទិតព្ពំ។ កេវលញ្ហិ តត្ថ ‘‘រូបធាតុំ អនុសេតិ, អរូបធាតុំ អនុសេតី’’តិ បទំ វិសេសោ។ សា ច លទ្ធិ អន្ធកានញ្ចេវ សម្មិតិយានញ្ច។ អយំ អន្ធកានំយេវាតិ។
771-775. Idāni rūparāgo rūpadhātupariyāpanno arūparāgo arūpadhātupariyāpannoti kathā nāma hoti. Tattha yasmā kāmarāgo kāmadhātupariyāpanno, tasmā rūparāgārūparāgehipi rūpadhātuarūpadhātupariyāpannehi bhavitabbanti yesaṃ laddhi, seyyathāpi andhakānaṃ, te sandhāya pucchā sakavādissa, paṭiññā itarassa. Sesaṃ heṭṭhā vuttanayeneva veditabbaṃ. Kevalañhi tattha ‘‘rūpadhātuṃ anuseti, arūpadhātuṃ anusetī’’ti padaṃ viseso. Sā ca laddhi andhakānañceva sammitiyānañca. Ayaṃ andhakānaṃyevāti.
រូបរាគោ រូបធាតុបរិយាបន្នោ អរូបរាគោ អរូបធាតុបរិយាបន្នោតិកថាវណ្ណនា។
Rūparāgo rūpadhātupariyāpanno arūparāgo arūpadhātupariyāpannotikathāvaṇṇanā.
រូបារូបធាតុបរិយាបន្នកថាវណ្ណនា។
Rūpārūpadhātupariyāpannakathāvaṇṇanā.
សោឡសមោ វគ្គោ។
Soḷasamo vaggo.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (១៦៥) ១០. រូបារូបធាតុបរិយាបន្នកថា • (165) 10. Rūpārūpadhātupariyāpannakathā
