| Library / Tipiṭaka / តិបិដក • Tipiṭaka / បញ្ចបករណ-អដ្ឋកថា • Pañcapakaraṇa-aṭṭhakathā |
១៧. សត្តរសមវគ្គោ
17. Sattarasamavaggo
១. អត្ថិ អរហតោ បុញ្ញូបចយកថាវណ្ណនា
1. Atthi arahato puññūpacayakathāvaṇṇanā
៧៧៦-៧៧៩. ឥទានិ អត្ថិ អរហតោ បុញ្ញូបចយោតិកថា នាម ហោតិ។ តត្ថ យេសំ អរហតោ ទានសំវិភាគចេតិយវន្ទនាទីនិ កម្មានិ ទិស្វា អត្ថិ អរហតោ បុញ្ញូបចយោតិ លទ្ធិ, សេយ្យថាបិ អន្ធកានំ; តេ សន្ធាយ បុច្ឆា សកវាទិស្ស, បដិញ្ញា ឥតរស្ស។ អថ នំ ‘‘អរហា នាម បហីនបុញ្ញបាបោ, សោ យទិ បុញ្ញំ ករេយ្យ, បាបម្បិ ករេយ្យា’’តិ ចោទេតុំ អបុញ្ញូបចយោតិ អាហ។ ឥតរោ បាណាតិបាតាទិកិរិយំ អបស្សន្តោ បដិក្ខិបតិ។ បុញ្ញាភិសង្ខារន្តិអាទីសុ ភវគាមិកម្មំ អរហតោ នត្ថីតិ បដិក្ខិបតិ។ ទានំ ទទេយ្យាតិអាទីសុ កិរិយចិត្តេន ទានាទិបវត្តិសព្ភាវតោ សកវាទី បដិជានាតិ។ ឥតរោ ចិត្តំ អនាទិយិត្វា កិរិយាបវត្តិមត្តទស្សនេនេវ លទ្ធិំ បតិដ្ឋបេតិ។ សា បន អយោនិសោ បតិដ្ឋាបិតត្តា អប្បតិដ្ឋាបិតា ហោតីតិ។
776-779. Idāni atthi arahato puññūpacayotikathā nāma hoti. Tattha yesaṃ arahato dānasaṃvibhāgacetiyavandanādīni kammāni disvā atthi arahato puññūpacayoti laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘arahā nāma pahīnapuññapāpo, so yadi puññaṃ kareyya, pāpampi kareyyā’’ti codetuṃ apuññūpacayoti āha. Itaro pāṇātipātādikiriyaṃ apassanto paṭikkhipati. Puññābhisaṅkhārantiādīsu bhavagāmikammaṃ arahato natthīti paṭikkhipati. Dānaṃ dadeyyātiādīsu kiriyacittena dānādipavattisabbhāvato sakavādī paṭijānāti. Itaro cittaṃ anādiyitvā kiriyāpavattimattadassaneneva laddhiṃ patiṭṭhapeti. Sā pana ayoniso patiṭṭhāpitattā appatiṭṭhāpitā hotīti.
អត្ថិ អរហតោ បុញ្ញូបចយោតិកថាវណ្ណនា។
Atthi arahato puññūpacayotikathāvaṇṇanā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (១៦៦) ១. អរហតោ បុញ្ញូបចយកថា • (166) 1. Arahato puññūpacayakathā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ១. អត្ថិអរហតោបុញ្ញូបចយកថាវណ្ណនា • 1. Atthiarahatopuññūpacayakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ១. អត្ថិអរហតោបុញ្ញូបចយកថាវណ្ណនា • 1. Atthiarahatopuññūpacayakathāvaṇṇanā
