| Library / Tipiṭaka / តិបិដក • Tipiṭaka / មហាវគ្គ-អដ្ឋកថា • Mahāvagga-aṭṭhakathā |
រោជមល្លាទិវត្ថុកថា
Rojamallādivatthukathā
៣០១-២. រោជវត្ថុ ឧត្តានត្ថមេវ។ តត្ថ សង្ករំ អកំសូតិ កតិកំ អកំសុ។ ឧឡារំ ខោ តេ ឥទន្តិ សុន្ទរំ ខោ តេ ឥទំ។ នាហំ ភន្តេ អានន្ទ ពហុកតោតិ នាហំ ពុទ្ធាទិគតបសាទពហុមានេន ឥធាគតោតិ ទស្សេតិ។ សព្ពញ្ច ឌាកន្តិ សប្បិអាទីហិ បក្កំ វា អបក្កំ វា យំកិញ្ចិ ឌាកំ។ បិដ្ឋខាទនីយន្តិ បិដ្ឋមយំ ខាទនីយំ; រោជោ កិរ ឥទំ ឧភយម្បិ សតសហស្សំ វយំ កត្វា បដិយាទាបេសិ។
301-2. Rojavatthu uttānatthameva. Tattha saṅkaraṃ akaṃsūti katikaṃ akaṃsu. Uḷāraṃ kho te idanti sundaraṃ kho te idaṃ. Nāhaṃ bhante ānanda bahukatoti nāhaṃ buddhādigatapasādabahumānena idhāgatoti dasseti. Sabbañca ḍākanti sappiādīhi pakkaṃ vā apakkaṃ vā yaṃkiñci ḍākaṃ. Piṭṭhakhādanīyanti piṭṭhamayaṃ khādanīyaṃ; rojo kira idaṃ ubhayampi satasahassaṃ vayaṃ katvā paṭiyādāpesi.
៣០៣. មញ្ជុកាតិ មធុរវចនា។ បដិភានេយ្យកាតិ សកេ សិប្បេ បដិភានសម្បន្នា។ ទក្ខាតិ ឆេកា, អនលសា វា។ បរិយោទាតសិប្បាតិ និទ្ទោសសិប្បា។ នាឡិយាវាបកេនាតិ នាឡិយា ច អាវាបកេន ច។ អាវាបកោ នាម យត្ថ លទ្ធំ លទ្ធំ អាវបន្តិ, បក្ខិបន្តីតិ វុត្តំ ហោតិ។ ន ច ភិក្ខវេ នហាបិតបុព្ពេន ខុរភណ្ឌន្តិ ឯត្ថ គហេត្វា បរិហរិតុមេវ ន វដ្ដតិ, អញ្ញស្ស សន្តកេន កេសេ ឆេទេតុំ វដ្ដតិ។ សចេ វេតនំ គហេត្វា ឆិន្ទតិ, ន វដ្ដតិ។ យោ អនហាបិតបុព្ពោ តស្ស បរិហរិតុម្បិ វដ្ដតិ, តំ វា អញ្ញំ វា គហេត្វា កេសេ ឆេទេតុម្បិ វដ្ដតិ។
303.Mañjukāti madhuravacanā. Paṭibhāneyyakāti sake sippe paṭibhānasampannā. Dakkhāti chekā, analasā vā. Pariyodātasippāti niddosasippā. Nāḷiyāvāpakenāti nāḷiyā ca āvāpakena ca. Āvāpako nāma yattha laddhaṃ laddhaṃ āvapanti, pakkhipantīti vuttaṃ hoti. Na ca bhikkhave nahāpitapubbena khurabhaṇḍanti ettha gahetvā pariharitumeva na vaṭṭati, aññassa santakena kese chedetuṃ vaṭṭati. Sace vetanaṃ gahetvā chindati, na vaṭṭati. Yo anahāpitapubbo tassa pariharitumpi vaṭṭati, taṃ vā aññaṃ vā gahetvā kese chedetumpi vaṭṭati.
៣០៤. ភាគំ ទត្វាតិ ទសមភាគំ ទត្វា; ឥទំ កិរ ជម្ពុទីបេ បោរាណកចារិត្តំ, តស្មា ទសកោដ្ឋាសេ កត្វា ឯកោ កោដ្ឋាសោ ភូមិសាមិកានំ ទាតព្ពោ។
304.Bhāgaṃ datvāti dasamabhāgaṃ datvā; idaṃ kira jambudīpe porāṇakacārittaṃ, tasmā dasakoṭṭhāse katvā eko koṭṭhāso bhūmisāmikānaṃ dātabbo.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
១៨៣. រោជមល្លវត្ថុ • 183. Rojamallavatthu
១៨៤. វុឌ្ឍបព្ពជិតវត្ថុ • 184. Vuḍḍhapabbajitavatthu
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā
រោជមល្លវត្ថុកថាវណ្ណនា • Rojamallavatthukathāvaṇṇanā
វុឌ្ឍបព្ពជិតវត្ថុកថាវណ្ណនា • Vuḍḍhapabbajitavatthukathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / រោជមល្លាទិវត្ថុកថាវណ្ណនា • Rojamallādivatthukathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ១៨៣. រោជមល្លាទិវត្ថុកថា • 183. Rojamallādivatthukathā
