| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൫. രാമണേയ്യകസുത്തവണ്ണനാ
5. Rāmaṇeyyakasuttavaṇṇanā
൨൬൧. ആരമന്തി ഏത്ഥ സത്താതി ആരാമാ, മനോരമാ ഉപവനാദയോ. തേ ഏവ ചേതേന്തി ഏത്ഥ സദ്ധായ അത്തനോ പീതിസോമനസ്സം സന്ധഹന്തീതി ചേതിയാതി ച വുച്ചന്തി. മനുസ്സരമണീയഭാവസ്സാതി മനുസ്സാനം ആരമണീയഭാവസ്സ. തസ്സ പന സീലാദിഗുണവസേന അചിന്തേയ്യാപരിമേയ്യാനുഭാവതാപി ഹോതീതി ഭഗവാ ‘‘നാഗ്ഘന്തി സോളസി’’ന്തി അവോച. അചേതനായ ഭൂമിയാ രമണീയതാ നാമ ഗുണവിസിട്ഠാനം അരിയാനം സേവനവസേന വേദിതബ്ബാതി വുത്തം ‘‘ഇദാനി…പേ॰… ഗാമേ വാതിആദിമാഹാ’’തി.
261. Āramanti ettha sattāti ārāmā, manoramā upavanādayo. Te eva cetenti ettha saddhāya attano pītisomanassaṃ sandhahantīti cetiyāti ca vuccanti. Manussaramaṇīyabhāvassāti manussānaṃ āramaṇīyabhāvassa. Tassa pana sīlādiguṇavasena acinteyyāparimeyyānubhāvatāpi hotīti bhagavā ‘‘nāgghanti soḷasi’’nti avoca. Acetanāya bhūmiyā ramaṇīyatā nāma guṇavisiṭṭhānaṃ ariyānaṃ sevanavasena veditabbāti vuttaṃ ‘‘idāni…pe… gāme vātiādimāhā’’ti.
രാമണേയ്യകസുത്തവണ്ണനാ നിട്ഠിതാ.
Rāmaṇeyyakasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൫. രാമണേയ്യകസുത്തം • 5. Rāmaṇeyyakasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൫. രാമണേയ്യകസുത്തവണ്ണനാ • 5. Rāmaṇeyyakasuttavaṇṇanā
