| Library / Tipiṭaka / তিপিটক • Tipiṭaka / খুদ্দসিক্খা-মূলসিক্খা • Khuddasikkhā-mūlasikkhā |
৪. রজননিদ্দেসৰণ্ণনা
4. Rajananiddesavaṇṇanā
৫৮. ইদানি তেসং চীৰরানং রজনৰিধানং দস্সেতুং ‘‘রজনানি চা’’তি ৰুত্তং। তত্থ ‘‘অনুজানামি, ভিক্খৰে, ছ রজনানি মূলরজনং খন্ধরজনং তচরজনং পত্তরজনং পুপ্ফরজনং ফলরজন’’ন্তি (মহাৰ॰ ৩৪৪) এৰং ভগৰতা অনুঞ্ঞাতত্তা ‘‘ছপ্পকারানি অনুঞ্ঞাতানি সত্থুনা’’তি ৰুত্তং।
58. Idāni tesaṃ cīvarānaṃ rajanavidhānaṃ dassetuṃ ‘‘rajanāni cā’’ti vuttaṃ. Tattha ‘‘anujānāmi, bhikkhave, cha rajanāni mūlarajanaṃ khandharajanaṃ tacarajanaṃ pattarajanaṃ puppharajanaṃ phalarajana’’nti (mahāva. 344) evaṃ bhagavatā anuññātattā ‘‘chappakārāni anuññātāni satthunā’’ti vuttaṃ.
৫৯. তত্থ মূলেতি মূলরজনেতি অত্থো। হলিদ্দিং ৰিৰজ্জিয সব্বং লব্ভন্তি সম্বন্ধো। এৰং সেসেসুপি। তুঙ্গহারকো নাম একো সকণ্টকরুক্খো, তস্স হরিতালৰণ্ণং খন্ধরজনং হোতি। গিহিপরিভুত্তং পন অল্লিপত্তেন একৰারং রজিতুং ৰট্টতি। ফলরজনে অকপ্পিযং নাম নত্থি, সব্বং ৰট্টতীতি। রজনৰিনিচ্ছযো।
59. Tattha mūleti mūlarajaneti attho. Haliddiṃ vivajjiya sabbaṃ labbhanti sambandho. Evaṃ sesesupi. Tuṅgahārako nāma eko sakaṇṭakarukkho, tassa haritālavaṇṇaṃ khandharajanaṃ hoti. Gihiparibhuttaṃ pana allipattena ekavāraṃ rajituṃ vaṭṭati. Phalarajane akappiyaṃ nāma natthi, sabbaṃ vaṭṭatīti. Rajanavinicchayo.
রজননিদ্দেসৰণ্ণনা নিট্ঠিতা।
Rajananiddesavaṇṇanā niṭṭhitā.
