| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੨੭. ਰਾਜਭਟવਤ੍ਥੁਕਥਾ
27. Rājabhaṭavatthukathā
੯੦. ਉਚ੍ਚਿਨਥਾਤਿ ਏਤ੍ਥ ਚਿਧਾਤੁਯਾ વਡ੍ਢਨਤ੍ਥਂ ਦਸ੍ਸੇਨ੍ਤੋ ਆਹ ‘‘વਡ੍ਢੇਥਾ’’ਤਿ। ਸੋਤਾਪਨ੍ਨਤ੍ਤਾਤਿ ਬਿਮ੍ਬਿਸਾਰਰਞ੍ਞੋ =੦੮ ਸੋਤਾਪਨ੍ਨਭਾવਤੋ। ਘਾਤੇਥਾਤਿ ਜੀવਿਤਾ વੋਰੋਪੇਥ। ਹਨਥਾਤਿ ਪਹਰਥ। ਤਤੋਤਿ ਉਪਜ੍ਝਾਯਤੋ। ਆਚਰਿਯੋ ਸੇਟ੍ਠੋਤਿ ਸਮ੍ਬਨ੍ਧੋ। ਤਤੋਤਿ ਆਚਰਿਯਤੋ। ਇਦਨ੍ਤਿ વਚਨਂ, ਆਗਤਨ੍ਤਿ ਸਮ੍ਬਨ੍ਧੋ। ਆਹਂਸੁ વੋਹਾਰਿਕਾ ਮਹਾਮਤ੍ਤਾ ਮੁਸਾવਾਦੇਨਾਤਿ ਯੋਜਨਾ। ਅਮਚ੍ਚੋਤਿ ਸਬ੍ਬਰਾਜਕਿਚ੍ਚੇਸੁ ਅਮਾ ਸਹ ਰਞ੍ਞਾ ਭવਤੀਤਿ ਅਮਚ੍ਚੋ। ਅਮਾਸਦ੍ਦੋ ਸਹਤ੍ਥੇ ਨਿਪਾਤੋ। ‘‘ਅਮਾ’’ਤਿ ਨਿਪਾਤਤੋ ਭવਤ੍ਥੇ ਅਚ੍ਚਪਚ੍ਚਯੋ (ਮੋਗ੍ਗਲ੍ਲਾਨੇ ੪.੨੩ ਸੁਤ੍ਤੇ)। ਮਹਾਮਤ੍ਤੋਤਿ ਮਹਨ੍ਤੋ ਮਤ੍ਤਾ ਇਸ੍ਸਰਿਯਾ ਏਤਸ੍ਸਾਤਿ ਮਹਾਮਤ੍ਤੋ। ਮਤ੍ਤਾਸਦ੍ਦੋ ਹੇਤ੍ਥ ਇਸ੍ਸਰਿਯવਾਚਕੋ। ਸੇવਕੋਤਿ ਰਾਜਾਨਂ ਸੇવਤਿ ਭਜਤੀਤਿ ਸੇવਕੋ। ਭਤ੍ਤવੇਤਨਭਟੋਤਿ ਭਤ੍ਤવੇਤਨਾਨਮਤ੍ਥਾਯ ਭਟੋ। ਤਸ੍ਸਾਤਿ ਰਾਜਭਟਸ੍ਸ। ਪੁਤ੍ਤਨਤ੍ਤਭਾਤੁਕਾਦਯੋਤਿਆਦਿਸਦ੍ਦੇਨ ਭਾਗਿਨੇਯ੍ਯਾਦਯੋ ਸਙ੍ਗਣ੍ਹਾਤਿ। ਯੋ ਪਨਾਤਿ ਰਾਜਭਟੋ ਪਨ। ਨਿਯ੍ਯਾਤੇਤੀਤਿ ਅਪ੍ਪੇਤਿ। ਤਂ ਠਾਨਨ੍ਤਿ ਤਂ ਰਾਜਭਟਟ੍ਠਾਨਂ। ਯੇਨ વਾਤਿ ਕਮ੍ਮਕਾਰੇਨ વਾ। ਯਂਕਮ੍ਮਕਾਰਣਾਤਿ ਯਸ੍ਸ ਕਮ੍ਮਸ੍ਸ ਕਾਰਣਾ। ਯੋ વਾਤਿ ਰਾਜਭਟੋ વਾ। ਪਬ੍ਬਜਸ੍ਸੂਤਿ ਪਬ੍ਬਾਜੇਹਿ।
90.Uccinathāti ettha cidhātuyā vaḍḍhanatthaṃ dassento āha ‘‘vaḍḍhethā’’ti. Sotāpannattāti bimbisārarañño =08 sotāpannabhāvato. Ghātethāti jīvitā voropetha. Hanathāti paharatha. Tatoti upajjhāyato. Ācariyo seṭṭhoti sambandho. Tatoti ācariyato. Idanti vacanaṃ, āgatanti sambandho. Āhaṃsu vohārikā mahāmattā musāvādenāti yojanā. Amaccoti sabbarājakiccesu amā saha raññā bhavatīti amacco. Amāsaddo sahatthe nipāto. ‘‘Amā’’ti nipātato bhavatthe accapaccayo (moggallāne 4.23 sutte). Mahāmattoti mahanto mattā issariyā etassāti mahāmatto. Mattāsaddo hettha issariyavācako. Sevakoti rājānaṃ sevati bhajatīti sevako. Bhattavetanabhaṭoti bhattavetanānamatthāya bhaṭo. Tassāti rājabhaṭassa. Puttanattabhātukādayotiādisaddena bhāgineyyādayo saṅgaṇhāti. Yo panāti rājabhaṭo pana. Niyyātetīti appeti. Taṃ ṭhānanti taṃ rājabhaṭaṭṭhānaṃ. Yena vāti kammakārena vā. Yaṃkammakāraṇāti yassa kammassa kāraṇā. Yo vāti rājabhaṭo vā. Pabbajassūti pabbājehi.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੭. ਰਾਜਭਟવਤ੍ਥੁ • 27. Rājabhaṭavatthu
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਰਾਜਭਟવਤ੍ਥੁਕਥਾ • Rājabhaṭavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਰਾਜਭਟਾਦਿવਤ੍ਥੁਕਥਾવਣ੍ਣਨਾ • Rājabhaṭādivatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਰਾਜਭਟવਤ੍ਥੁਕਥਾવਣ੍ਣਨਾ • Rājabhaṭavatthukathāvaṇṇanā
