| Library / Tipiṭaka / តិបិដក • Tipiṭaka / សុត្តនិបាតបាឡិ • Suttanipātapāḷi |
១១. រាហុលសុត្តំ
11. Rāhulasuttaṃ
៣៣៧.
337.
‘‘កច្ចិ អភិណ្ហសំវាសា, នាវជានាសិ បណ្ឌិតំ;
‘‘Kacci abhiṇhasaṃvāsā, nāvajānāsi paṇḍitaṃ;
៣៣៨.
338.
‘‘នាហំ អភិណ្ហសំវាសា, អវជានាមិ បណ្ឌិតំ;
‘‘Nāhaṃ abhiṇhasaṃvāsā, avajānāmi paṇḍitaṃ;
ឧក្កាធារោ មនុស្សានំ, និច្ចំ អបចិតោ មយា’’។
Ukkādhāro manussānaṃ, niccaṃ apacito mayā’’.
៣៣៩.
339.
‘‘បញ្ច កាមគុណេ ហិត្វា, បិយរូបេ មនោរមេ;
‘‘Pañca kāmaguṇe hitvā, piyarūpe manorame;
សទ្ធាយ ឃរា និក្ខម្ម, ទុក្ខស្សន្តករោ ភវ។
Saddhāya gharā nikkhamma, dukkhassantakaro bhava.
៣៤០.
340.
‘‘មិត្តេ ភជស្សុ កល្យាណេ, បន្តញ្ច សយនាសនំ;
‘‘Mitte bhajassu kalyāṇe, pantañca sayanāsanaṃ;
វិវិត្តំ អប្បនិគ្ឃោសំ, មត្តញ្ញូ ហោហិ ភោជនេ។
Vivittaṃ appanigghosaṃ, mattaññū hohi bhojane.
៣៤១.
341.
‘‘ចីវរេ បិណ្ឌបាតេ ច, បច្ចយេ សយនាសនេ;
‘‘Cīvare piṇḍapāte ca, paccaye sayanāsane;
ឯតេសុ តណ្ហំ មាកាសិ, មា លោកំ បុនរាគមិ។
Etesu taṇhaṃ mākāsi, mā lokaṃ punarāgami.
៣៤២.
342.
‘‘សំវុតោ បាតិមោក្ខស្មិំ, ឥន្ទ្រិយេសុ ច បញ្ចសុ;
‘‘Saṃvuto pātimokkhasmiṃ, indriyesu ca pañcasu;
សតិ កាយគតាត្យត្ថុ, និព្ពិទាពហុលោ ភវ។
Sati kāyagatātyatthu, nibbidābahulo bhava.
៣៤៣.
343.
‘‘និមិត្តំ បរិវជ្ជេហិ, សុភំ រាគូបសញ្ហិតំ;
‘‘Nimittaṃ parivajjehi, subhaṃ rāgūpasañhitaṃ;
អសុភាយ ចិត្តំ ភាវេហិ, ឯកគ្គំ សុសមាហិតំ។
Asubhāya cittaṃ bhāvehi, ekaggaṃ susamāhitaṃ.
៣៤៤.
344.
‘‘អនិមិត្តញ្ច ភាវេហិ, មានានុសយមុជ្ជហ;
‘‘Animittañca bhāvehi, mānānusayamujjaha;
តតោ មានាភិសមយា, ឧបសន្តោ ចរិស្សតី’’តិ។
Tato mānābhisamayā, upasanto carissatī’’ti.
ឥត្ថំ សុទំ ភគវា អាយស្មន្តំ រាហុលំ ឥមាហិ គាថាហិ អភិណ្ហំ ឱវទតីតិ។
Itthaṃ sudaṃ bhagavā āyasmantaṃ rāhulaṃ imāhi gāthāhi abhiṇhaṃ ovadatīti.
រាហុលសុត្តំ ឯកាទសមំ និដ្ឋិតំ។
Rāhulasuttaṃ ekādasamaṃ niṭṭhitaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / សុត្តនិបាត-អដ្ឋកថា • Suttanipāta-aṭṭhakathā / ១១. រាហុលសុត្តវណ្ណនា • 11. Rāhulasuttavaṇṇanā
