| Library / Tipiṭaka / তিপিটক • Tipiṭaka / সুত্তনিপাতপাল়ি • Suttanipātapāḷi |
১১. রাহুলসুত্তং
11. Rāhulasuttaṃ
৩৩৭.
337.
‘‘কচ্চি অভিণ্হসংৰাসা, নাৰজানাসি পণ্ডিতং।
‘‘Kacci abhiṇhasaṃvāsā, nāvajānāsi paṇḍitaṃ;
৩৩৮.
338.
‘‘নাহং অভিণ্হসংৰাসা, অৰজানামি পণ্ডিতং।
‘‘Nāhaṃ abhiṇhasaṃvāsā, avajānāmi paṇḍitaṃ;
উক্কাধারো মনুস্সানং, নিচ্চং অপচিতো মযা’’॥
Ukkādhāro manussānaṃ, niccaṃ apacito mayā’’.
৩৩৯.
339.
‘‘পঞ্চ কামগুণে হিত্ৰা, পিযরূপে মনোরমে।
‘‘Pañca kāmaguṇe hitvā, piyarūpe manorame;
সদ্ধায ঘরা নিক্খম্ম, দুক্খস্সন্তকরো ভৰ॥
Saddhāya gharā nikkhamma, dukkhassantakaro bhava.
৩৪০.
340.
‘‘মিত্তে ভজস্সু কল্যাণে, পন্তঞ্চ সযনাসনং।
‘‘Mitte bhajassu kalyāṇe, pantañca sayanāsanaṃ;
ৰিৰিত্তং অপ্পনিগ্ঘোসং, মত্তঞ্ঞূ হোহি ভোজনে॥
Vivittaṃ appanigghosaṃ, mattaññū hohi bhojane.
৩৪১.
341.
‘‘চীৰরে পিণ্ডপাতে চ, পচ্চযে সযনাসনে।
‘‘Cīvare piṇḍapāte ca, paccaye sayanāsane;
এতেসু তণ্হং মাকাসি, মা লোকং পুনরাগমি॥
Etesu taṇhaṃ mākāsi, mā lokaṃ punarāgami.
৩৪২.
342.
‘‘সংৰুতো পাতিমোক্খস্মিং, ইন্দ্রিযেসু চ পঞ্চসু।
‘‘Saṃvuto pātimokkhasmiṃ, indriyesu ca pañcasu;
সতি কাযগতাত্যত্থু, নিব্বিদাবহুলো ভৰ॥
Sati kāyagatātyatthu, nibbidābahulo bhava.
৩৪৩.
343.
‘‘নিমিত্তং পরিৰজ্জেহি, সুভং রাগূপসঞ্হিতং।
‘‘Nimittaṃ parivajjehi, subhaṃ rāgūpasañhitaṃ;
অসুভায চিত্তং ভাৰেহি, একগ্গং সুসমাহিতং॥
Asubhāya cittaṃ bhāvehi, ekaggaṃ susamāhitaṃ.
৩৪৪.
344.
‘‘অনিমিত্তঞ্চ ভাৰেহি, মানানুসযমুজ্জহ।
‘‘Animittañca bhāvehi, mānānusayamujjaha;
ততো মানাভিসমযা, উপসন্তো চরিস্সতী’’তি॥
Tato mānābhisamayā, upasanto carissatī’’ti.
ইত্থং সুদং ভগৰা আযস্মন্তং রাহুলং ইমাহি গাথাহি অভিণ্হং ওৰদতীতি।
Itthaṃ sudaṃ bhagavā āyasmantaṃ rāhulaṃ imāhi gāthāhi abhiṇhaṃ ovadatīti.
রাহুলসুত্তং একাদসমং নিট্ঠিতং।
Rāhulasuttaṃ ekādasamaṃ niṭṭhitaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / সুত্তনিপাত-অট্ঠকথা • Suttanipāta-aṭṭhakathā / ১১. রাহুলসুত্তৰণ্ণনা • 11. Rāhulasuttavaṇṇanā
