| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
раад̇хаб̣раахман̣авад̇т̇угат̇ааван̣н̣анаа
Rādhabrāhmaṇavatthukathāvaṇṇanā
69. раад̇хаб̣раахман̣авад̇т̇усмим̣ баал̣ияам̣ уббан̣д̣уббан̣д̣угаж̇аад̇од̇и сагаласарийрз сан̃ж̇аад̇абан̣д̣уван̣н̣о. бан̣д̣уван̣н̣асса сагаласарийрз б̣яаабид̇абхаавад̣̇ассанад̇т̇ан̃хи вижчааважанам̣ гад̇ам̣. ад̇хигааранд̇и убагаарам̣. гад̇авзд̣̇инод̇и ад̇д̇ано гад̇ам̣ убагаарам̣ бадигирияааяа н̃аабагаа. убасамбад̣̇аагаммаваажааяа яам̣ вад̇д̇аб̣б̣ам̣, д̇ам̣ барияосаанз вагкаама. бариман̣д̣алзхийд̇и барибун̣н̣зхи.
69. Rādhabrāhmaṇavatthusmiṃ pāḷiyaṃ uppaṇḍuppaṇḍukajātoti sakalasarīre sañjātapaṇḍuvaṇṇo. Paṇḍuvaṇṇassa sakalasarīre byāpitabhāvadassanatthañhi vicchāvacanaṃ kataṃ. Adhikāranti upakāraṃ. Katavedinoti attano kataṃ upakāraṃ paṭikiriyāya ñāpakā. Upasampadākammavācāya yaṃ vattabbaṃ, taṃ pariyosāne vakkhāma. Parimaṇḍalehīti paripuṇṇehi.
71-73. бан̣н̣ад̇д̇ивийд̇иггаманд̇и сигкаабад̣̇авийд̇иггамам̣. баал̣ияам̣ бин̣д̣ияаалобабхож̇ананд̇и ж̇ан̇гхабин̣д̣имам̣саб̣алзна жарид̇ваа аалобаалобавасзна барияидтабхож̇анам̣. ад̇ирзгалаабход̇и бхигкаахаарад̇о ад̇хигалаабхо. сан̇гхабхад̇д̇аад̣̇ийнам̣ вибхааг̇о сзнаасанагканд̇хагз аави бхависсад̇и. вихаарод̇и д̇ин̣агудигаад̣̇исахид̇о баагаарабарижчинно сагало сан̇гхаараамо. ад̣дхаяог̇од̇и згасаало д̣̇ийгхабаасаад̣̇о. хад̇т̇ибидтиг̇арул̣асан̣таано д̣̇ийгхабаасаад̣̇од̇иби вад̣̇анд̇и. баасаад̣̇од̇и жад̇урассо ужжо анзгабхуумагабаасаад̣̇о. хаммияанд̇и мун̣д̣ажчад̣̇ано жанд̣̇иган̇г̇ан̣аяуд̇д̇о наад̇иужжо баасаад̣̇о. г̇ухаад̇и баб̣б̣ад̇аг̇ухаа. бууд̇имуд̇д̇анд̇и г̇омуд̇д̇ам̣.
71-73.Paṇṇattivītikkamanti sikkhāpadavītikkamaṃ. Pāḷiyaṃ piṇḍiyālopabhojananti jaṅghapiṇḍimaṃsabalena caritvā ālopālopavasena pariyiṭṭhabhojanaṃ. Atirekalābhoti bhikkhāhārato adhikalābho. Saṅghabhattādīnaṃ vibhāgo senāsanakkhandhake āvi bhavissati. Vihāroti tiṇakuṭikādisahito pākāraparicchinno sakalo saṅghārāmo. Aḍḍhayogoti ekasālo dīghapāsādo. Hatthipiṭṭhigaruḷasaṇṭhāno dīghapāsādotipi vadanti. Pāsādoti caturasso ucco anekabhūmakapāsādo. Hammiyanti muṇḍacchadano candikaṅgaṇayutto nātiucco pāsādo. Guhāti pabbataguhā. Pūtimuttanti gomuttaṃ.
раад̇хаб̣раахман̣авад̇т̇угат̇ааван̣н̣анаа нидтид̇аа.
Rādhabrāhmaṇavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 17. бан̣аамид̇агат̇аа • 17. Paṇāmitakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / раад̇хаб̣раахман̣авад̇т̇угат̇аа • Rādhabrāhmaṇavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / раад̇хаб̣раахман̣авад̇т̇угат̇ааван̣н̣анаа • Rādhabrāhmaṇavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / раад̇хаб̣раахман̣авад̇т̇угат̇ааван̣н̣анаа • Rādhabrāhmaṇavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / раад̇хаб̣раахман̣авад̇т̇угат̇аа • Rādhabrāhmaṇavatthukathā
