| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
17. бан̣аамид̇агат̇аа
17. Paṇāmitakathā
68. д̇зна ко бана самаязна сад̣̇д̇хивихааригаа убаж̇жхааязсу на саммаа вад̇д̇анд̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама сад̣̇д̇хивихааригаа убаж̇жхааязсу на саммаа вад̇д̇иссанд̇ий’’д̇и. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… сажжам̣ гира, бхигкавз, сад̣̇д̇хивихааригаа убаж̇жхааязсу на саммаа вад̇д̇анд̇ийд̇и? сажжам̣ бхаг̇аваад̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, сад̣̇д̇хивихааригаа убаж̇жхааязсу на саммаа вад̇д̇иссанд̇ийд̇и…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, сад̣̇д̇хивихааригзна убаж̇жхааяамхи на саммаа вад̇д̇ид̇аб̣б̣ам̣. яо на саммаа вад̇д̇зяяа, аабад̇д̇и д̣̇уггадассаа’’д̇и . нзва саммаа вад̇д̇анд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, асаммаавад̇д̇анд̇ам̣ бан̣аамзд̇ум̣. зван̃жа бана, бхигкавз, бан̣аамзд̇аб̣б̣о – ‘‘бан̣аамзми д̇а’’нд̇и ваа, ‘‘мааяид̇ха бадиггамий’’д̇и ваа, ‘‘нийхара д̇з бад̇д̇ажийвара’’нд̇и ваа, ‘‘наахам̣ д̇аяаа убадтаад̇аб̣б̣о’’д̇и ваа, гааязна вин̃н̃аабзд̇и, ваажааяа вин̃н̃аабзд̇и, гааязна ваажааяа вин̃н̃аабзд̇и, бан̣аамид̇о ход̇и сад̣̇д̇хивихаариго; на гааязна вин̃н̃аабзд̇и, на ваажааяа вин̃н̃аабзд̇и, на гааязна ваажааяа вин̃н̃аабзд̇и, на бан̣аамид̇о ход̇и сад̣̇д̇хивихааригод̇и.
68. Tena kho pana samayena saddhivihārikā upajjhāyesu na sammā vattanti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma saddhivihārikā upajjhāyesu na sammā vattissantī’’ti. Atha kho te bhikkhū bhagavato etamatthaṃ ārocesuṃ…pe… saccaṃ kira, bhikkhave, saddhivihārikā upajjhāyesu na sammā vattantīti? Saccaṃ bhagavāti. Vigarahi buddho bhagavā…pe… kathañhi nāma, bhikkhave, saddhivihārikā upajjhāyesu na sammā vattissantīti…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, saddhivihārikena upajjhāyamhi na sammā vattitabbaṃ. Yo na sammā vatteyya, āpatti dukkaṭassā’’ti . Neva sammā vattanti. Bhagavato etamatthaṃ ārocesuṃ. Anujānāmi, bhikkhave, asammāvattantaṃ paṇāmetuṃ. Evañca pana, bhikkhave, paṇāmetabbo – ‘‘paṇāmemi ta’’nti vā, ‘‘māyidha paṭikkamī’’ti vā, ‘‘nīhara te pattacīvara’’nti vā, ‘‘nāhaṃ tayā upaṭṭhātabbo’’ti vā, kāyena viññāpeti, vācāya viññāpeti, kāyena vācāya viññāpeti, paṇāmito hoti saddhivihāriko; na kāyena viññāpeti, na vācāya viññāpeti, na kāyena vācāya viññāpeti, na paṇāmito hoti saddhivihārikoti.
д̇зна ко бана самаязна сад̣̇д̇хивихааригаа бан̣аамид̇аа на камаабзнд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, камаабзд̇унд̇и. нзва камаабзнд̇и. бхаг̇авад̇о зд̇амад̇т̇ам̣ аарожзсум̣ . на, бхигкавз, бан̣аамид̇зна на камаабзд̇аб̣б̣о. яо на камаабзяяа, аабад̇д̇и д̣̇уггадассаад̇и.
Tena kho pana samayena saddhivihārikā paṇāmitā na khamāpenti. Bhagavato etamatthaṃ ārocesuṃ. Anujānāmi, bhikkhave, khamāpetunti. Neva khamāpenti. Bhagavato etamatthaṃ ārocesuṃ . Na, bhikkhave, paṇāmitena na khamāpetabbo. Yo na khamāpeyya, āpatti dukkaṭassāti.
д̇зна ко бана самаязна убаж̇жхааяаа камаабияамаанаа на каманд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, камид̇унд̇и. нзва каманд̇и. сад̣̇д̇хивихааригаа баггаманд̇иби виб̣бхаманд̇иби д̇ид̇т̇иязсуби сан̇гаманд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, камаабияамаанзна на камид̇аб̣б̣ам̣. яо на камзяяа, аабад̇д̇и д̣̇уггадассаад̇и.
Tena kho pana samayena upajjhāyā khamāpiyamānā na khamanti. Bhagavato etamatthaṃ ārocesuṃ. Anujānāmi, bhikkhave, khamitunti. Neva khamanti. Saddhivihārikā pakkamantipi vibbhamantipi titthiyesupi saṅkamanti. Bhagavato etamatthaṃ ārocesuṃ. Na, bhikkhave, khamāpiyamānena na khamitabbaṃ. Yo na khameyya, āpatti dukkaṭassāti.
д̇зна ко бана самаязна убаж̇жхааяаа саммаавад̇д̇анд̇ам̣ бан̣аамзнд̇и, асаммаавад̇д̇анд̇ам̣ на бан̣аамзнд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, саммаавад̇д̇анд̇о бан̣аамзд̇аб̣б̣о. яо бан̣аамзяяа , аабад̇д̇и д̣̇уггадасса . на жа, бхигкавз, асаммаавад̇д̇анд̇о на бан̣аамзд̇аб̣б̣о. яо на бан̣аамзяяа, аабад̇д̇и д̣̇уггадассаад̇и.
Tena kho pana samayena upajjhāyā sammāvattantaṃ paṇāmenti, asammāvattantaṃ na paṇāmenti. Bhagavato etamatthaṃ ārocesuṃ. Na, bhikkhave, sammāvattanto paṇāmetabbo. Yo paṇāmeyya , āpatti dukkaṭassa . Na ca, bhikkhave, asammāvattanto na paṇāmetabbo. Yo na paṇāmeyya, āpatti dukkaṭassāti.
‘‘бан̃жахи, бхигкавз, ан̇г̇зхи саманнааг̇ад̇о сад̣̇д̇хивихаариго бан̣аамзд̇аб̣б̣о. убаж̇жхааяамхи наад̇химад̇д̇ам̣ бзмам̣ ход̇и, наад̇химад̇д̇о басаад̣̇о ход̇и, наад̇химад̇д̇аа хирий ход̇и, наад̇химад̇д̇о г̇аараво ход̇и, наад̇химад̇д̇аа бхааванаа ход̇и – имзхи ко, бхигкавз, бан̃жахан̇г̇зхи саманнааг̇ад̇о сад̣̇д̇хивихаариго бан̣аамзд̇аб̣б̣о.
‘‘Pañcahi, bhikkhave, aṅgehi samannāgato saddhivihāriko paṇāmetabbo. Upajjhāyamhi nādhimattaṃ pemaṃ hoti, nādhimatto pasādo hoti, nādhimattā hirī hoti, nādhimatto gāravo hoti, nādhimattā bhāvanā hoti – imehi kho, bhikkhave, pañcahaṅgehi samannāgato saddhivihāriko paṇāmetabbo.
‘‘бан̃жахи, бхигкавз, ан̇г̇зхи саманнааг̇ад̇о сад̣̇д̇хивихаариго на бан̣аамзд̇аб̣б̣о. убаж̇жхааяамхи ад̇химад̇д̇ам̣ бзмам̣ ход̇и, ад̇химад̇д̇о басаад̣̇о ход̇и, ад̇химад̇д̇аа хирий ход̇и, ад̇химад̇д̇о г̇аараво ход̇и, ад̇химад̇д̇аа бхааванаа ход̇и – имзхи ко, бхигкавз, бан̃жахан̇г̇зхи саманнааг̇ад̇о сад̣̇д̇хивихаариго на бан̣аамзд̇аб̣б̣о.
‘‘Pañcahi, bhikkhave, aṅgehi samannāgato saddhivihāriko na paṇāmetabbo. Upajjhāyamhi adhimattaṃ pemaṃ hoti, adhimatto pasādo hoti, adhimattā hirī hoti, adhimatto gāravo hoti, adhimattā bhāvanā hoti – imehi kho, bhikkhave, pañcahaṅgehi samannāgato saddhivihāriko na paṇāmetabbo.
‘‘бан̃жахи, бхигкавз, ан̇г̇зхи саманнааг̇ад̇о сад̣̇д̇хивихаариго алам̣ бан̣аамзд̇ум̣. убаж̇жхааяамхи наад̇химад̇д̇ам̣ бзмам̣ ход̇и, наад̇химад̇д̇о басаад̣̇о ход̇и, наад̇химад̇д̇аа хирий ход̇и, наад̇химад̇д̇аа г̇аараво ход̇и, наад̇химад̇д̇аа бхааванаа ход̇и – имзхи ко, бхигкавз, бан̃жахан̇г̇зхи саманнааг̇ад̇о сад̣̇д̇хивихаариго алам̣ бан̣аамзд̇ум̣.
‘‘Pañcahi, bhikkhave, aṅgehi samannāgato saddhivihāriko alaṃ paṇāmetuṃ. Upajjhāyamhi nādhimattaṃ pemaṃ hoti, nādhimatto pasādo hoti, nādhimattā hirī hoti, nādhimattā gāravo hoti, nādhimattā bhāvanā hoti – imehi kho, bhikkhave, pañcahaṅgehi samannāgato saddhivihāriko alaṃ paṇāmetuṃ.
‘‘бан̃жахи, бхигкавз, ан̇г̇зхи саманнааг̇ад̇о сад̣̇д̇хивихаариго наалам̣ бан̣аамзд̇ум̣. убаж̇жхааяамхи ад̇химад̇д̇ам̣ бзмам̣ ход̇и, ад̇химад̇д̇о басаад̣̇о ход̇и, ад̇химад̇д̇аа хирий ход̇и, ад̇химад̇д̇о г̇аараво ход̇и, ад̇химад̇д̇аа бхааванаа ход̇и – имзхи ко, бхигкавз, бан̃жахан̇г̇зхи саманнааг̇ад̇о сад̣̇д̇хивихаариго наалам̣ бан̣аамзд̇ум̣.
‘‘Pañcahi, bhikkhave, aṅgehi samannāgato saddhivihāriko nālaṃ paṇāmetuṃ. Upajjhāyamhi adhimattaṃ pemaṃ hoti, adhimatto pasādo hoti, adhimattā hirī hoti, adhimatto gāravo hoti, adhimattā bhāvanā hoti – imehi kho, bhikkhave, pañcahaṅgehi samannāgato saddhivihāriko nālaṃ paṇāmetuṃ.
‘‘бан̃жахи , бхигкавз, ан̇г̇зхи саманнааг̇ад̇ам̣ сад̣̇д̇хивихааригам̣ аббан̣аамзнд̇о убаж̇жхааяо саад̇исааро ход̇и, бан̣аамзнд̇о анад̇исааро ход̇и. убаж̇жхааяамхи наад̇химад̇д̇ам̣ бзмам̣ ход̇и, наад̇химад̇д̇о басаад̣̇о ход̇и, наад̇химад̇д̇аа хирий ход̇и, наад̇химад̇д̇о г̇аараво ход̇и, наад̇химад̇д̇аа бхааванаа ход̇и – имзхи ко, бхигкавз, бан̃жахан̇г̇зхи саманнааг̇ад̇ам̣ сад̣̇д̇хивихааригам̣ аббан̣аамзнд̇о убаж̇жхааяо саад̇исааро ход̇и, бан̣аамзнд̇о анад̇исааро ход̇и.
‘‘Pañcahi , bhikkhave, aṅgehi samannāgataṃ saddhivihārikaṃ appaṇāmento upajjhāyo sātisāro hoti, paṇāmento anatisāro hoti. Upajjhāyamhi nādhimattaṃ pemaṃ hoti, nādhimatto pasādo hoti, nādhimattā hirī hoti, nādhimatto gāravo hoti, nādhimattā bhāvanā hoti – imehi kho, bhikkhave, pañcahaṅgehi samannāgataṃ saddhivihārikaṃ appaṇāmento upajjhāyo sātisāro hoti, paṇāmento anatisāro hoti.
‘‘бан̃жахи, бхигкавз, ан̇г̇зхи саманнааг̇ад̇ам̣ сад̣̇д̇хивихааригам̣ бан̣аамзнд̇о убаж̇жхааяо саад̇исааро ход̇и, аббан̣аамзнд̇о анад̇исааро ход̇и. убаж̇жхааяамхи ад̇химад̇д̇ам̣ бзмам̣ ход̇и, ад̇химад̇д̇о басаад̣̇о ход̇и, ад̇химад̇д̇аа хирий ход̇и, ад̇химад̇д̇о г̇аараво ход̇и, ад̇химад̇д̇аа бхааванаа ход̇и – имзхи ко, бхигкавз, бан̃жахан̇г̇зхи саманнааг̇ад̇ам̣ сад̣̇д̇хивихааригам̣ бан̣аамзнд̇о убаж̇жхааяо саад̇исааро ход̇и, аббан̣аамзнд̇о анад̇исааро ход̇ий’’д̇и.
‘‘Pañcahi, bhikkhave, aṅgehi samannāgataṃ saddhivihārikaṃ paṇāmento upajjhāyo sātisāro hoti, appaṇāmento anatisāro hoti. Upajjhāyamhi adhimattaṃ pemaṃ hoti, adhimatto pasādo hoti, adhimattā hirī hoti, adhimatto gāravo hoti, adhimattā bhāvanā hoti – imehi kho, bhikkhave, pañcahaṅgehi samannāgataṃ saddhivihārikaṃ paṇāmento upajjhāyo sātisāro hoti, appaṇāmento anatisāro hotī’’ti.
69. д̇зна ко бана самаязна ан̃н̃ад̇аро б̣раахман̣о бхигкуу убасан̇гамид̇ваа баб̣б̣аж̇ж̇ам̣ яаажи. д̇ам̣ бхигкуу на ижчим̣су баб̣б̣ааж̇зд̇ум̣. со бхигкуусу баб̣б̣аж̇ж̇ам̣ алабхамаано гисо ахоси лууко д̣̇уб̣б̣ан̣н̣о уббан̣д̣уббан̣д̣угаж̇аад̇о д̇хаманисант̇ад̇аг̇ад̇д̇о. ад̣̇д̣̇асаа ко бхаг̇аваа д̇ам̣ б̣раахман̣ам̣ гисам̣ луукам̣ д̣̇уб̣б̣ан̣н̣ам̣ уббан̣д̣уббан̣д̣угаж̇аад̇ам̣ д̇хаманисант̇ад̇аг̇ад̇д̇ам̣, д̣̇исваана бхигкуу ааманд̇зси – ‘‘гим̣ ну ко со, бхигкавз, б̣раахман̣о гисо лууко д̣̇уб̣б̣ан̣н̣о уббан̣д̣уббан̣д̣угаж̇аад̇о д̇хаманисант̇ад̇аг̇ад̇д̇о’’д̇и? зсо, бханд̇з, б̣раахман̣о бхигкуу убасан̇гамид̇ваа баб̣б̣аж̇ж̇ам̣ яаажи. д̇ам̣ бхигкуу на ижчим̣су баб̣б̣ааж̇зд̇ум̣. со бхигкуусу баб̣б̣аж̇ж̇ам̣ алабхамаано гисо лууко д̣̇уб̣б̣ан̣н̣о уббан̣д̣уббан̣д̣угаж̇аад̇о д̇хаманисант̇ад̇аг̇ад̇д̇од̇и. ат̇а ко бхаг̇аваа бхигкуу ааманд̇зси – ‘‘го ну ко, бхигкавз, д̇асса б̣раахман̣асса ад̇хигаарам̣ сарасий’’д̇и? звам̣ вуд̇д̇з ааяасмаа саарибуд̇д̇о бхаг̇аванд̇ам̣ зд̇ад̣̇авожа – ‘‘ахам̣ ко, бханд̇з, д̇асса б̣раахман̣асса ад̇хигаарам̣ сараамий’’д̇и. ‘‘гим̣ бана д̇вам̣, саарибуд̇д̇а, д̇асса б̣раахман̣асса ад̇хигаарам̣ сарасий’’д̇и? ‘‘ид̇ха мз, бханд̇з, со б̣раахман̣о рааж̇аг̇ахз бин̣д̣ааяа жаранд̇асса гадажчубхигкам̣ д̣̇аабзси. имам̣ ко ахам̣, бханд̇з, д̇асса б̣раахман̣асса ад̇хигаарам̣ сараамий’’д̇и. ‘‘саад̇ху саад̇ху, саарибуд̇д̇а, гад̇ан̃н̃уно хи, саарибуд̇д̇а, саббурисаа гад̇авзд̣̇ино. д̇зна хи д̇вам̣, саарибуд̇д̇а, д̇ам̣ б̣раахман̣ам̣ баб̣б̣ааж̇зхи убасамбаад̣̇зхий’’д̇и . ‘‘гат̇аахам̣, бханд̇з , д̇ам̣ б̣раахман̣ам̣ баб̣б̣ааж̇зми убасамбаад̣̇змий’’д̇и? ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – яаа саа, бхигкавз, маяаа д̇ийхи саран̣аг̇аманзхи убасамбад̣̇аа анун̃н̃аад̇аа, д̇ам̣ аж̇ж̇ад̇аг̇г̇з бадигкибаами. ануж̇аанаами, бхигкавз, н̃ад̇д̇ижад̇уд̇т̇зна гаммзна убасамбаад̣̇зд̇ум̣ 1. зван̃жа бана, бхигкавз, убасамбаад̣̇зд̇аб̣б̣о. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
69. Tena kho pana samayena aññataro brāhmaṇo bhikkhū upasaṅkamitvā pabbajjaṃ yāci. Taṃ bhikkhū na icchiṃsu pabbājetuṃ. So bhikkhūsu pabbajjaṃ alabhamāno kiso ahosi lūkho dubbaṇṇo uppaṇḍuppaṇḍukajāto dhamanisanthatagatto. Addasā kho bhagavā taṃ brāhmaṇaṃ kisaṃ lūkhaṃ dubbaṇṇaṃ uppaṇḍuppaṇḍukajātaṃ dhamanisanthatagattaṃ, disvāna bhikkhū āmantesi – ‘‘kiṃ nu kho so, bhikkhave, brāhmaṇo kiso lūkho dubbaṇṇo uppaṇḍuppaṇḍukajāto dhamanisanthatagatto’’ti? Eso, bhante, brāhmaṇo bhikkhū upasaṅkamitvā pabbajjaṃ yāci. Taṃ bhikkhū na icchiṃsu pabbājetuṃ. So bhikkhūsu pabbajjaṃ alabhamāno kiso lūkho dubbaṇṇo uppaṇḍuppaṇḍukajāto dhamanisanthatagattoti. Atha kho bhagavā bhikkhū āmantesi – ‘‘ko nu kho, bhikkhave, tassa brāhmaṇassa adhikāraṃ sarasī’’ti? Evaṃ vutte āyasmā sāriputto bhagavantaṃ etadavoca – ‘‘ahaṃ kho, bhante, tassa brāhmaṇassa adhikāraṃ sarāmī’’ti. ‘‘Kiṃ pana tvaṃ, sāriputta, tassa brāhmaṇassa adhikāraṃ sarasī’’ti? ‘‘Idha me, bhante, so brāhmaṇo rājagahe piṇḍāya carantassa kaṭacchubhikkhaṃ dāpesi. Imaṃ kho ahaṃ, bhante, tassa brāhmaṇassa adhikāraṃ sarāmī’’ti. ‘‘Sādhu sādhu, sāriputta, kataññuno hi, sāriputta, sappurisā katavedino. Tena hi tvaṃ, sāriputta, taṃ brāhmaṇaṃ pabbājehi upasampādehī’’ti . ‘‘Kathāhaṃ, bhante , taṃ brāhmaṇaṃ pabbājemi upasampādemī’’ti? Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – yā sā, bhikkhave, mayā tīhi saraṇagamanehi upasampadā anuññātā, taṃ ajjatagge paṭikkhipāmi. Anujānāmi, bhikkhave, ñatticatutthena kammena upasampādetuṃ 2. Evañca pana, bhikkhave, upasampādetabbo. Byattena bhikkhunā paṭibalena saṅgho ñāpetabbo –
70. ‘‘сун̣аад̇у мз, бханд̇з, сан̇гхо. аяам̣ ид̇т̇аннаамо ид̇т̇аннаамасса ааяасмад̇о убасамбад̣̇аабзгко. яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ убасамбаад̣̇зяяа ид̇т̇аннаамзна убаж̇жхааязна. зсаа н̃ад̇д̇и.
70. ‘‘Suṇātu me, bhante, saṅgho. Ayaṃ itthannāmo itthannāmassa āyasmato upasampadāpekkho. Yadi saṅghassa pattakallaṃ, saṅgho itthannāmaṃ upasampādeyya itthannāmena upajjhāyena. Esā ñatti.
‘‘сун̣аад̇у мз, бханд̇з, сан̇гхо. аяам̣ ид̇т̇аннаамо ид̇т̇аннаамасса ааяасмад̇о убасамбад̣̇аабзгко. сан̇гхо ид̇т̇аннаамам̣ убасамбаад̣̇зд̇и ид̇т̇аннаамзна убаж̇жхааязна. яассааяасмад̇о камад̇и ид̇т̇аннаамасса убасамбад̣̇аа ид̇т̇аннаамзна убаж̇жхааязна, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Ayaṃ itthannāmo itthannāmassa āyasmato upasampadāpekkho. Saṅgho itthannāmaṃ upasampādeti itthannāmena upajjhāyena. Yassāyasmato khamati itthannāmassa upasampadā itthannāmena upajjhāyena, so tuṇhassa; yassa nakkhamati, so bhāseyya.
‘‘д̣̇уд̇ияамби зд̇амад̇т̇ам̣ вад̣̇аами – сун̣аад̇у мз, бханд̇з, сан̇гхо. аяам̣ ид̇т̇аннаамо ид̇т̇аннаамасса ааяасмад̇о убасамбад̣̇аабзгко. сан̇гхо ид̇т̇аннаамам̣ убасамбаад̣̇зд̇и ид̇т̇аннаамзна убаж̇жхааязна. яассааяасмад̇о камад̇и ид̇т̇аннаамасса убасамбад̣̇аа ид̇т̇аннаамзна убаж̇жхааязна, со д̇ун̣хасса; яасса нагкамад̇и, со бхаасзяяа .
‘‘Dutiyampi etamatthaṃ vadāmi – suṇātu me, bhante, saṅgho. Ayaṃ itthannāmo itthannāmassa āyasmato upasampadāpekkho. Saṅgho itthannāmaṃ upasampādeti itthannāmena upajjhāyena. Yassāyasmato khamati itthannāmassa upasampadā itthannāmena upajjhāyena, so tuṇhassa; yassa nakkhamati, so bhāseyya .
‘‘д̇ад̇ияамби зд̇амад̇т̇ам̣ вад̣̇аами – сун̣аад̇у мз, бханд̇з, сан̇гхо. аяам̣ ид̇т̇аннаамо ид̇т̇аннаамасса ааяасмад̇о убасамбад̣̇аабзгко. сан̇гхо ид̇т̇аннаамам̣ убасамбаад̣̇зд̇и ид̇т̇аннаамзна убаж̇жхааязна. яассааяасмад̇о камад̇и ид̇т̇аннаамасса убасамбад̣̇аа ид̇т̇аннаамзна убаж̇жхааязна, со д̇ун̣хасса; яасса нагкамад̇и, со бхаасзяяа.
‘‘Tatiyampi etamatthaṃ vadāmi – suṇātu me, bhante, saṅgho. Ayaṃ itthannāmo itthannāmassa āyasmato upasampadāpekkho. Saṅgho itthannāmaṃ upasampādeti itthannāmena upajjhāyena. Yassāyasmato khamati itthannāmassa upasampadā itthannāmena upajjhāyena, so tuṇhassa; yassa nakkhamati, so bhāseyya.
‘‘убасамбанно сан̇гхзна ид̇т̇аннаамо ид̇т̇аннаамзна убаж̇жхааязна. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Upasampanno saṅghena itthannāmo itthannāmena upajjhāyena. Khamati saṅghassa, tasmā tuṇhī, evametaṃ dhārayāmī’’ti.
71. д̇зна ко бана самаязна ан̃н̃ад̇аро бхигку убасамбаннасамананд̇араа анаажаарам̣ аажарад̇и. бхигкуу звамаахам̣су – ‘‘маавусо, зваруубам̣ агааси, нзд̇ам̣ габбад̇ий’’д̇и. со звамааха – ‘‘нзваахам̣ ааяасманд̇з яаажим̣ убасамбаад̣̇зт̇а манд̇и. гисса мам̣ д̇умхз аяаажид̇аа убасамбаад̣̇ид̇т̇аа’’д̇и? бхаг̇авад̇о зд̇амад̇т̇ам̣ аарожзсум̣ . на, бхигкавз, аяаажид̇зна убасамбаад̣̇зд̇аб̣б̣о . яо убасамбаад̣̇зяяа, аабад̇д̇и д̣̇уггадасса. ануж̇аанаами, бхигкавз, яаажид̇зна убасамбаад̣̇зд̇ум̣. зван̃жа бана, бхигкавз, яаажид̇аб̣б̣о. д̇зна убасамбад̣̇аабзгкзна сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘сан̇гхам̣, бханд̇з, убасамбад̣̇ам̣ яаажаами, уллумбад̇у мам̣, бханд̇з, сан̇гхо анугамбам̣ убаад̣̇ааяаа’’д̇и. д̣̇уд̇ияамби яаажид̇аб̣б̣о. д̇ад̇ияамби яаажид̇аб̣б̣о. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
71. Tena kho pana samayena aññataro bhikkhu upasampannasamanantarā anācāraṃ ācarati. Bhikkhū evamāhaṃsu – ‘‘māvuso, evarūpaṃ akāsi, netaṃ kappatī’’ti. So evamāha – ‘‘nevāhaṃ āyasmante yāciṃ upasampādetha manti. Kissa maṃ tumhe ayācitā upasampāditthā’’ti? Bhagavato etamatthaṃ ārocesuṃ . Na, bhikkhave, ayācitena upasampādetabbo . Yo upasampādeyya, āpatti dukkaṭassa. Anujānāmi, bhikkhave, yācitena upasampādetuṃ. Evañca pana, bhikkhave, yācitabbo. Tena upasampadāpekkhena saṅghaṃ upasaṅkamitvā ekaṃsaṃ uttarāsaṅgaṃ karitvā bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘‘saṅghaṃ, bhante, upasampadaṃ yācāmi, ullumpatu maṃ, bhante, saṅgho anukampaṃ upādāyā’’ti. Dutiyampi yācitabbo. Tatiyampi yācitabbo. Byattena bhikkhunā paṭibalena saṅgho ñāpetabbo –
72. ‘‘сун̣аад̇у мз, бханд̇з , сан̇гхо. аяам̣ ид̇т̇аннаамо ид̇т̇аннаамасса ааяасмад̇о убасамбад̣̇аабзгко. ид̇т̇аннаамо сан̇гхам̣ убасамбад̣̇ам̣ яаажад̇и ид̇т̇аннаамзна убаж̇жхааязна. яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ убасамбаад̣̇зяяа ид̇т̇аннаамзна убаж̇жхааязна. зсаа н̃ад̇д̇и.
72. ‘‘Suṇātu me, bhante , saṅgho. Ayaṃ itthannāmo itthannāmassa āyasmato upasampadāpekkho. Itthannāmo saṅghaṃ upasampadaṃ yācati itthannāmena upajjhāyena. Yadi saṅghassa pattakallaṃ, saṅgho itthannāmaṃ upasampādeyya itthannāmena upajjhāyena. Esā ñatti.
‘‘сун̣аад̇у мз, бханд̇з, сан̇гхо. аяам̣ ид̇т̇аннаамо ид̇т̇аннаамасса ааяасмад̇о убасамбад̣̇аабзгко. ид̇т̇аннаамо сан̇гхам̣ убасамбад̣̇ам̣ яаажад̇и ид̇т̇аннаамзна убаж̇жхааязна. сан̇гхо ид̇т̇аннаамам̣ убасамбаад̣̇зд̇и ид̇т̇аннаамзна убаж̇жхааязна. яассааяасмад̇о камад̇и ид̇т̇аннаамасса убасамбад̣̇аа ид̇т̇аннаамзна убаж̇жхааязна, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Ayaṃ itthannāmo itthannāmassa āyasmato upasampadāpekkho. Itthannāmo saṅghaṃ upasampadaṃ yācati itthannāmena upajjhāyena. Saṅgho itthannāmaṃ upasampādeti itthannāmena upajjhāyena. Yassāyasmato khamati itthannāmassa upasampadā itthannāmena upajjhāyena, so tuṇhassa; yassa nakkhamati, so bhāseyya.
‘‘д̣̇уд̇ияамби зд̇амад̇т̇ам̣ вад̣̇аами…бз… д̇ад̇ияамби зд̇амад̇т̇ам̣ вад̣̇аами…бз….
‘‘Dutiyampi etamatthaṃ vadāmi…pe… tatiyampi etamatthaṃ vadāmi…pe….
‘‘убасамбанно сан̇гхзна ид̇т̇аннаамо ид̇т̇аннаамзна убаж̇жхааязна. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Upasampanno saṅghena itthannāmo itthannāmena upajjhāyena. Khamati saṅghassa, tasmā tuṇhī, evametaṃ dhārayāmī’’ti.
73. д̇зна ко бана самаязна рааж̇аг̇ахз бан̣ийд̇аанам̣ бхад̇д̇аанам̣ бхад̇д̇абадибаади адтид̇аа 3 ход̇и. ат̇а ко ан̃н̃ад̇арасса б̣раахман̣асса зд̇ад̣̇ахоси – ‘‘имз ко саман̣аа сагяабуд̇д̇ияаа сукасийлаа сукасамаажаараа, субхож̇анаани бхун̃ж̇ид̇ваа ниваад̇зсу саяанзсу саяанд̇и. яам̣нуунаахам̣ саман̣зсу сагяабуд̇д̇иязсу баб̣б̣аж̇зяяа’’нд̇и. ат̇а ко со б̣раахман̣о бхигкуу убасан̇гамид̇ваа баб̣б̣аж̇ж̇ам̣ яаажи. д̇ам̣ бхигкуу баб̣б̣ааж̇зсум̣ убасамбаад̣̇зсум̣. д̇асмим̣ баб̣б̣аж̇ид̇з бхад̇д̇абадибаади кийяид̇т̇а. бхигкуу звамаахам̣су – ‘‘зхи д̣̇аани, аавусо, бин̣д̣ааяа жариссаамаа’’д̇и. со звамааха – ‘‘наахам̣, аавусо, зд̇ам̣гааран̣аа баб̣б̣аж̇ид̇о бин̣д̣ааяа жариссаамийд̇и. сажз мз д̣̇ассат̇а бхун̃ж̇иссаами , но жз мз д̣̇ассат̇а виб̣бхамиссаамий’’д̇и. ‘‘гим̣ бана д̇вам̣, аавусо, уд̣̇арасса гааран̣аа баб̣б̣аж̇ид̇о’’д̇и ? ‘‘звамаавусо’’д̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – гат̇ан̃хи наама бхигку звам̣ сваагкаад̇з д̇хаммавинаяз уд̣̇арасса гааран̣аа баб̣б̣аж̇иссад̇ийд̇и. д̇з бхигкуу бхаг̇авад̇о зд̇амад̇т̇ам̣ аарожзсум̣…бз… сажжам̣ гира д̇вам̣, бхигку, уд̣̇арасса гааран̣аа баб̣б̣аж̇ид̇од̇и? сажжам̣ бхаг̇аваад̇и. виг̇арахи б̣уд̣̇д̇хо бхаг̇аваа…бз… ‘‘гат̇ан̃хи наама д̇вам̣, могхабуриса, звам̣ сваагкаад̇з д̇хаммавинаяз уд̣̇арасса гааран̣аа баб̣б̣аж̇иссаси. нзд̇ам̣, могхабуриса, аббасаннаанам̣ ваа басаад̣̇ааяа басаннаанам̣ ваа бхияяобхаавааяа’’…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, убасамбаад̣̇знд̇зна жад̇д̇ааро ниссаяз аажигкид̇ум̣ – бин̣д̣ияаалобабхож̇анам̣ ниссааяа баб̣б̣аж̇ж̇аа, д̇ад̇т̇а д̇з яааваж̇ийвам̣ уссаахо гаран̣ийяо; ад̇ирзгалаабхо – сан̇гхабхад̇д̇ам̣, уд̣̇д̣̇зсабхад̇д̇ам̣, ниманд̇анам̣, салаагабхад̇д̇ам̣, багкигам̣, убосат̇игам̣, баадибад̣̇игам̣. бам̣сугуулажийварам̣ ниссааяа баб̣б̣аж̇ж̇аа, д̇ад̇т̇а д̇з яааваж̇ийвам̣ уссаахо гаран̣ийяо; ад̇ирзгалаабхо – комам̣, габбаасигам̣, госзяяам̣, гамб̣алам̣, саан̣ам̣, бхан̇г̇ам̣. ругкамууласзнаасанам̣ ниссааяа баб̣б̣аж̇ж̇аа, д̇ад̇т̇а д̇з яааваж̇ийвам̣ уссаахо гаран̣ийяо; ад̇ирзгалаабхо – вихааро , ад̣дхаяог̇о, баасаад̣̇о, хаммияам̣, г̇ухаа. бууд̇имуд̇д̇абхзсаж̇ж̇ам̣ ниссааяа баб̣б̣аж̇ж̇аа, д̇ад̇т̇а д̇з яааваж̇ийвам̣ уссаахо гаран̣ийяо; ад̇ирзгалаабхо – сабби, наванийд̇ам̣, д̇злам̣, мад̇ху, паан̣ид̇а’’нд̇и.
73. Tena kho pana samayena rājagahe paṇītānaṃ bhattānaṃ bhattapaṭipāṭi aṭṭhitā 4 hoti. Atha kho aññatarassa brāhmaṇassa etadahosi – ‘‘ime kho samaṇā sakyaputtiyā sukhasīlā sukhasamācārā, subhojanāni bhuñjitvā nivātesu sayanesu sayanti. Yaṃnūnāhaṃ samaṇesu sakyaputtiyesu pabbajeyya’’nti. Atha kho so brāhmaṇo bhikkhū upasaṅkamitvā pabbajjaṃ yāci. Taṃ bhikkhū pabbājesuṃ upasampādesuṃ. Tasmiṃ pabbajite bhattapaṭipāṭi khīyittha. Bhikkhū evamāhaṃsu – ‘‘ehi dāni, āvuso, piṇḍāya carissāmā’’ti. So evamāha – ‘‘nāhaṃ, āvuso, etaṃkāraṇā pabbajito piṇḍāya carissāmīti. Sace me dassatha bhuñjissāmi , no ce me dassatha vibbhamissāmī’’ti. ‘‘Kiṃ pana tvaṃ, āvuso, udarassa kāraṇā pabbajito’’ti ? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – kathañhi nāma bhikkhu evaṃ svākkhāte dhammavinaye udarassa kāraṇā pabbajissatīti. Te bhikkhū bhagavato etamatthaṃ ārocesuṃ…pe… saccaṃ kira tvaṃ, bhikkhu, udarassa kāraṇā pabbajitoti? Saccaṃ bhagavāti. Vigarahi buddho bhagavā…pe… ‘‘kathañhi nāma tvaṃ, moghapurisa, evaṃ svākkhāte dhammavinaye udarassa kāraṇā pabbajissasi. Netaṃ, moghapurisa, appasannānaṃ vā pasādāya pasannānaṃ vā bhiyyobhāvāya’’…pe… vigarahitvā…pe… dhammiṃ kathaṃ katvā bhikkhū āmantesi – ‘‘anujānāmi, bhikkhave, upasampādentena cattāro nissaye ācikkhituṃ – piṇḍiyālopabhojanaṃ nissāya pabbajjā, tattha te yāvajīvaṃ ussāho karaṇīyo; atirekalābho – saṅghabhattaṃ, uddesabhattaṃ, nimantanaṃ, salākabhattaṃ, pakkhikaṃ, uposathikaṃ, pāṭipadikaṃ. Paṃsukūlacīvaraṃ nissāya pabbajjā, tattha te yāvajīvaṃ ussāho karaṇīyo; atirekalābho – khomaṃ, kappāsikaṃ, koseyyaṃ, kambalaṃ, sāṇaṃ, bhaṅgaṃ. Rukkhamūlasenāsanaṃ nissāya pabbajjā, tattha te yāvajīvaṃ ussāho karaṇīyo; atirekalābho – vihāro , aḍḍhayogo, pāsādo, hammiyaṃ, guhā. Pūtimuttabhesajjaṃ nissāya pabbajjā, tattha te yāvajīvaṃ ussāho karaṇīyo; atirekalābho – sappi, navanītaṃ, telaṃ, madhu, phāṇita’’nti.
бан̣аамид̇агат̇аа нидтид̇аа.
Paṇāmitakathā niṭṭhitā.
убаж̇жхааяавад̇д̇абхаан̣авааро нидтид̇о бан̃жамо.
Upajjhāyavattabhāṇavāro niṭṭhito pañcamo.
бан̃жамабхаан̣авааро
Pañcamabhāṇavāro
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā
насаммаавад̇д̇анаад̣̇игат̇аа • Nasammāvattanādikathā
раад̇хаб̣раахман̣авад̇т̇угат̇аа • Rādhabrāhmaṇavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
насаммаавад̇д̇анаад̣̇игат̇ааван̣н̣анаа • Nasammāvattanādikathāvaṇṇanā
раад̇хаб̣раахман̣авад̇т̇угат̇ааван̣н̣анаа • Rādhabrāhmaṇavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
насаммаавад̇д̇анаад̣̇игат̇ааван̣н̣анаа • Nasammāvattanādikathāvaṇṇanā
раад̇хаб̣раахман̣авад̇т̇угат̇ааван̣н̣анаа • Rādhabrāhmaṇavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
насаммаавад̇д̇анаад̣̇игат̇ааван̣н̣анаа • Nasammāvattanādikathāvaṇṇanā
раад̇хаб̣раахман̣авад̇т̇угат̇ааван̣н̣анаа • Rādhabrāhmaṇavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
насаммаавад̇д̇анаад̣̇игат̇аа • Nasammāvattanādikathā
раад̇хаб̣раахман̣авад̇т̇угат̇аа • Rādhabrāhmaṇavatthukathā
