| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๙. ปุตฺตสุตฺตํ
9. Puttasuttaṃ
๓๙. ‘‘ปญฺจิมานิ , ภิกฺขเว, ฐานานิ สมฺปสฺสนฺตา มาตาปิตโร ปุตฺตํ อิจฺฉนฺติ กุเล ชายมานํฯ กตมานิ ปญฺจ? ภโต วา โน ภริสฺสติ; กิจฺจํ วา โน กริสฺสติ; กุลวํโส จิรํ ฐสฺสติ; ทายชฺชํ ปฎิปชฺชิสฺสติ; อถ วา ปน เปตานํ กาลงฺกตานํ ทกฺขิณํ อนุปฺปทสฺสตีติฯ อิมานิ โข, ภิกฺขเว, ปญฺจ ฐานานิ สมฺปสฺสนฺตา มาตาปิตโร ปุตฺตํ อิจฺฉนฺติ กุเล ชายมาน’’นฺติฯ
39. ‘‘Pañcimāni , bhikkhave, ṭhānāni sampassantā mātāpitaro puttaṃ icchanti kule jāyamānaṃ. Katamāni pañca? Bhato vā no bharissati; kiccaṃ vā no karissati; kulavaṃso ciraṃ ṭhassati; dāyajjaṃ paṭipajjissati; atha vā pana petānaṃ kālaṅkatānaṃ dakkhiṇaṃ anuppadassatīti. Imāni kho, bhikkhave, pañca ṭhānāni sampassantā mātāpitaro puttaṃ icchanti kule jāyamāna’’nti.
1 ‘‘ปญฺจ ฐานานิ สมฺปสฺสํ, ปุตฺตํ อิจฺฉนฺติ ปณฺฑิตา;
2 ‘‘Pañca ṭhānāni sampassaṃ, puttaṃ icchanti paṇḍitā;
ภโต วา โน ภริสฺสติ, กิจฺจํ วา โน กริสฺสติฯ
Bhato vā no bharissati, kiccaṃ vā no karissati.
‘‘กุลวํโส จิรํ ติเฎฺฐ, ทายชฺชํ ปฎิปชฺชติ;
‘‘Kulavaṃso ciraṃ tiṭṭhe, dāyajjaṃ paṭipajjati;
อถ วา ปน เปตานํ, ทกฺขิณํ อนุปฺปทสฺสติฯ
Atha vā pana petānaṃ, dakkhiṇaṃ anuppadassati.
‘‘ฐานาเนตานิ สมฺปสฺสํ, ปุตฺตํ อิจฺฉนฺติ ปณฺฑิตา;
‘‘Ṭhānānetāni sampassaṃ, puttaṃ icchanti paṇḍitā;
ตสฺมา สโนฺต สปฺปุริสา, กตญฺญู กตเวทิโนฯ
Tasmā santo sappurisā, kataññū katavedino.
‘‘ภรนฺติ มาตาปิตโร, ปุเพฺพ กตมนุสฺสรํ;
‘‘Bharanti mātāpitaro, pubbe katamanussaraṃ;
กโรนฺติ เนสํ กิจฺจานิ, ยถา ตํ ปุพฺพการินํฯ
Karonti nesaṃ kiccāni, yathā taṃ pubbakārinaṃ.
‘‘โอวาทการี ภตโปสี, กุลวํสํ อหาปยํ;
‘‘Ovādakārī bhataposī, kulavaṃsaṃ ahāpayaṃ;
สโทฺธ สีเลน สมฺปโนฺน, ปุโตฺต โหติ ปสํสิโย’’ติฯ นวมํ;
Saddho sīlena sampanno, putto hoti pasaṃsiyo’’ti. navamaṃ;
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๙. ปุตฺตสุตฺตวณฺณนา • 9. Puttasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๙-๑๐. ปุตฺตสุตฺตาทิวณฺณนา • 9-10. Puttasuttādivaṇṇanā
