| Library / Tipiṭaka / တိပိဋက • Tipiṭaka / ပေတဝတ္ထုပာဠိ • Petavatthupāḷi |
၃. ပူတိမုခပေတဝတ္ထု
3. Pūtimukhapetavatthu
၇.
7.
‘‘ဒိဗ္ဗံ သုဘံ ဓာရေသိ ဝဏ္ဏဓာတုံ၊ ဝေဟာယသံ တိဋ္ဌသိ အန္တလိက္ခေ။
‘‘Dibbaṃ subhaṃ dhāresi vaṇṇadhātuṃ, vehāyasaṃ tiṭṭhasi antalikkhe;
မုခဉ္စ တေ ကိမယော ပူတိဂန္ဓံ၊ ခာဒန္တိ ကိံ ကမ္မမကာသိ ပုဗ္ဗေ’’။
Mukhañca te kimayo pūtigandhaṃ, khādanti kiṃ kammamakāsi pubbe’’.
၈.
8.
‘‘သမဏော အဟံ ပာပောတိဒုဋ္ဌဝာစော 1၊ တပသ္သိရူပော မုခသာ အသညတော။
‘‘Samaṇo ahaṃ pāpotiduṭṭhavāco 2, tapassirūpo mukhasā asaññato;
လဒ္ဓာ စ မေ တပသာ ဝဏ္ဏဓာတု၊ မုခဉ္စ မေ ပေသုဏိယေန ပူတိ။
Laddhā ca me tapasā vaṇṇadhātu, mukhañca me pesuṇiyena pūti.
၉.
9.
‘‘တယိဒံ တယာ နာရဒ သာမံ ဒိဋ္ဌံ၊
‘‘Tayidaṃ tayā nārada sāmaṃ diṭṭhaṃ,
အနုကမ္ပကာ ယေ ကုသလာ ဝဒေယ္ယုံ။
Anukampakā ye kusalā vadeyyuṃ;
‘မာ ပေသုဏံ မာ စ မုသာ အဘာဏိ၊
‘Mā pesuṇaṃ mā ca musā abhāṇi,
ယက္ခော တုဝံ ဟောဟိသိ ကာမကာမီ’’’တိ။
Yakkho tuvaṃ hohisi kāmakāmī’’’ti.
ပူတိမုခပေတဝတ္ထု တတိယံ။
Pūtimukhapetavatthu tatiyaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ပေတဝတ္ထု-အဋ္ဌကထာ • Petavatthu-aṭṭhakathā / ၃. ပူတိမုခပေတဝတ္ထုဝဏ္ဏနာ • 3. Pūtimukhapetavatthuvaṇṇanā
