| Library / Tipiṭaka / ติปิฎก • Tipiṭaka / เปตวตฺถุปาฬิ • Petavatthupāḷi |
๓. ปูติมุขเปตวตฺถุ
3. Pūtimukhapetavatthu
๗.
7.
‘‘ทิพฺพํ สุภํ ธาเรสิ วณฺณธาตุํ, เวหายสํ ติฎฺฐสิ อนฺตลิเกฺข;
‘‘Dibbaṃ subhaṃ dhāresi vaṇṇadhātuṃ, vehāyasaṃ tiṭṭhasi antalikkhe;
มุขญฺจ เต กิมโย ปูติคนฺธํ, ขาทนฺติ กิํ กมฺมมกาสิ ปุเพฺพ’’ฯ
Mukhañca te kimayo pūtigandhaṃ, khādanti kiṃ kammamakāsi pubbe’’.
๘.
8.
‘‘สมโณ อหํ ปาโปติทุฎฺฐวาโจ 1, ตปสฺสิรูโป มุขสา อสญฺญโต;
‘‘Samaṇo ahaṃ pāpotiduṭṭhavāco 2, tapassirūpo mukhasā asaññato;
ลทฺธา จ เม ตปสา วณฺณธาตุ, มุขญฺจ เม เปสุณิเยน ปูติฯ
Laddhā ca me tapasā vaṇṇadhātu, mukhañca me pesuṇiyena pūti.
๙.
9.
‘‘ตยิทํ ตยา นารท สามํ ทิฎฺฐํ,
‘‘Tayidaṃ tayā nārada sāmaṃ diṭṭhaṃ,
อนุกมฺปกา เย กุสลา วเทยฺยุํ;
Anukampakā ye kusalā vadeyyuṃ;
‘มา เปสุณํ มา จ มุสา อภาณิ,
‘Mā pesuṇaṃ mā ca musā abhāṇi,
ยโกฺข ตุวํ โหหิสิ กามกามี’’’ติฯ
Yakkho tuvaṃ hohisi kāmakāmī’’’ti.
ปูติมุขเปตวตฺถุ ตติยํฯ
Pūtimukhapetavatthu tatiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เปตวตฺถุ-อฎฺฐกถา • Petavatthu-aṭṭhakathā / ๓. ปูติมุขเปตวตฺถุวณฺณนา • 3. Pūtimukhapetavatthuvaṇṇanā
