| Library / Tipiṭaka / ติปิฎก • Tipiṭaka / เปตวตฺถุปาฬิ • Petavatthupāḷi |
๔. ปิฎฺฐธีตลิกเปตวตฺถุ
4. Piṭṭhadhītalikapetavatthu
๑๐.
10.
‘‘ยํ กิญฺจารมฺมณํ กตฺวา, ทชฺชา ทานํ อมจฺฉรี;
‘‘Yaṃ kiñcārammaṇaṃ katvā, dajjā dānaṃ amaccharī;
ปุพฺพเปเต จ อารพฺภ, อถ วา วตฺถุเทวตาฯ
Pubbapete ca ārabbha, atha vā vatthudevatā.
๑๑.
11.
กุเวรํ ธตรฎฺฐญฺจ, วิรูปกฺขํ วิรูฬฺหกํ;
Kuveraṃ dhataraṭṭhañca, virūpakkhaṃ virūḷhakaṃ;
เต เจว ปูชิตา โหนฺติ, ทายกา จ อนิปฺผลาฯ
Te ceva pūjitā honti, dāyakā ca anipphalā.
๑๒.
12.
‘‘น หิ รุณฺณํ วา โสโก วา, ยา จญฺญา ปริเทวนา;
‘‘Na hi ruṇṇaṃ vā soko vā, yā caññā paridevanā;
น ตํ เปตสฺส อตฺถาย, เอวํ ติฎฺฐนฺติ ญาตโยฯ
Na taṃ petassa atthāya, evaṃ tiṭṭhanti ñātayo.
๑๓.
13.
‘‘อยญฺจ โข ทกฺขิณา ทินฺนา, สงฺฆมฺหิ สุปฺปติฎฺฐิตา;
‘‘Ayañca kho dakkhiṇā dinnā, saṅghamhi suppatiṭṭhitā;
ทีฆรตฺตํ หิตายสฺส, ฐานโส อุปกปฺปตี’’ติฯ
Dīgharattaṃ hitāyassa, ṭhānaso upakappatī’’ti.
ปิฎฺฐธีตลิกเปตวตฺถุ จตุตฺถํฯ
Piṭṭhadhītalikapetavatthu catutthaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เปตวตฺถุ-อฎฺฐกถา • Petavatthu-aṭṭhakathā / ๔. ปิฎฺฐธีตลิกเปตวตฺถุวณฺณนา • 4. Piṭṭhadhītalikapetavatthuvaṇṇanā
