| Tipiṭaka / तिपिटक • Tipiṭaka / पेतवत्थुपाळि • Petavatthupāḷi |
३. पूतिमुखपेतवत्थु
3. Pūtimukhapetavatthu
७.
7.
‘‘दिब्बं सुभं धारेसि वण्णधातुं, वेहायसं तिट्ठसि अन्तलिक्खे।
‘‘Dibbaṃ subhaṃ dhāresi vaṇṇadhātuṃ, vehāyasaṃ tiṭṭhasi antalikkhe;
मुखञ्च ते किमयो पूतिगन्धं, खादन्ति किं कम्ममकासि पुब्बे’’॥
Mukhañca te kimayo pūtigandhaṃ, khādanti kiṃ kammamakāsi pubbe’’.
८.
8.
‘‘समणो अहं पापोतिदुट्ठवाचो 1, तपस्सिरूपो मुखसा असञ्ञतो।
‘‘Samaṇo ahaṃ pāpotiduṭṭhavāco 2, tapassirūpo mukhasā asaññato;
लद्धा च मे तपसा वण्णधातु, मुखञ्च मे पेसुणियेन पूति॥
Laddhā ca me tapasā vaṇṇadhātu, mukhañca me pesuṇiyena pūti.
९.
9.
‘‘तयिदं तया नारद सामं दिट्ठं,
‘‘Tayidaṃ tayā nārada sāmaṃ diṭṭhaṃ,
अनुकम्पका ये कुसला वदेय्युं।
Anukampakā ye kusalā vadeyyuṃ;
‘मा पेसुणं मा च मुसा अभाणि,
‘Mā pesuṇaṃ mā ca musā abhāṇi,
यक्खो तुवं होहिसि कामकामी’’’ति॥
Yakkho tuvaṃ hohisi kāmakāmī’’’ti.
पूतिमुखपेतवत्थु ततियं।
Pūtimukhapetavatthu tatiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / पेतवत्थु-अट्ठकथा • Petavatthu-aṭṭhakathā / ३. पूतिमुखपेतवत्थुवण्णना • 3. Pūtimukhapetavatthuvaṇṇanā
