| Tipiṭaka / তিপিটক • Tipiṭaka / পেতৰত্থুপাল়ি • Petavatthupāḷi |
৩. পূতিমুখপেতৰত্থু
3. Pūtimukhapetavatthu
৭.
7.
‘‘দিব্বং সুভং ধারেসি ৰণ্ণধাতুং, ৰেহাযসং তিট্ঠসি অন্তলিক্খে।
‘‘Dibbaṃ subhaṃ dhāresi vaṇṇadhātuṃ, vehāyasaṃ tiṭṭhasi antalikkhe;
মুখঞ্চ তে কিমযো পূতিগন্ধং, খাদন্তি কিং কম্মমকাসি পুব্বে’’॥
Mukhañca te kimayo pūtigandhaṃ, khādanti kiṃ kammamakāsi pubbe’’.
৮.
8.
‘‘সমণো অহং পাপোতিদুট্ঠৰাচো 1, তপস্সিরূপো মুখসা অসঞ্ঞতো।
‘‘Samaṇo ahaṃ pāpotiduṭṭhavāco 2, tapassirūpo mukhasā asaññato;
লদ্ধা চ মে তপসা ৰণ্ণধাতু, মুখঞ্চ মে পেসুণিযেন পূতি॥
Laddhā ca me tapasā vaṇṇadhātu, mukhañca me pesuṇiyena pūti.
৯.
9.
‘‘তযিদং তযা নারদ সামং দিট্ঠং,
‘‘Tayidaṃ tayā nārada sāmaṃ diṭṭhaṃ,
অনুকম্পকা যে কুসলা ৰদেয্যুং।
Anukampakā ye kusalā vadeyyuṃ;
‘মা পেসুণং মা চ মুসা অভাণি,
‘Mā pesuṇaṃ mā ca musā abhāṇi,
যক্খো তুৰং হোহিসি কামকামী’’’তি॥
Yakkho tuvaṃ hohisi kāmakāmī’’’ti.
পূতিমুখপেতৰত্থু ততিযং।
Pūtimukhapetavatthu tatiyaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পেতৰত্থু-অট্ঠকথা • Petavatthu-aṭṭhakathā / ৩. পূতিমুখপেতৰত্থুৰণ্ণনা • 3. Pūtimukhapetavatthuvaṇṇanā
