| Library / Tipiṭaka / তিপিটক • Tipiṭaka / পেতৰত্থুপাল়ি • Petavatthupāḷi |
৪. পিট্ঠধীতলিকপেতৰত্থু
4. Piṭṭhadhītalikapetavatthu
১০.
10.
‘‘যং কিঞ্চারম্মণং কত্ৰা, দজ্জা দানং অমচ্ছরী।
‘‘Yaṃ kiñcārammaṇaṃ katvā, dajjā dānaṃ amaccharī;
পুব্বপেতে চ আরব্ভ, অথ ৰা ৰত্থুদেৰতা॥
Pubbapete ca ārabbha, atha vā vatthudevatā.
১১.
11.
কুৰেরং ধতরট্ঠঞ্চ, ৰিরূপক্খং ৰিরূল়্হকং।
Kuveraṃ dhataraṭṭhañca, virūpakkhaṃ virūḷhakaṃ;
তে চেৰ পূজিতা হোন্তি, দাযকা চ অনিপ্ফলা॥
Te ceva pūjitā honti, dāyakā ca anipphalā.
১২.
12.
‘‘ন হি রুণ্ণং ৰা সোকো ৰা, যা চঞ্ঞা পরিদেৰনা।
‘‘Na hi ruṇṇaṃ vā soko vā, yā caññā paridevanā;
ন তং পেতস্স অত্থায, এৰং তিট্ঠন্তি ঞাতযো॥
Na taṃ petassa atthāya, evaṃ tiṭṭhanti ñātayo.
১৩.
13.
‘‘অযঞ্চ খো দক্খিণা দিন্না, সঙ্ঘম্হি সুপ্পতিট্ঠিতা।
‘‘Ayañca kho dakkhiṇā dinnā, saṅghamhi suppatiṭṭhitā;
দীঘরত্তং হিতাযস্স, ঠানসো উপকপ্পতী’’তি॥
Dīgharattaṃ hitāyassa, ṭhānaso upakappatī’’ti.
পিট্ঠধীতলিকপেতৰত্থু চতুত্থং।
Piṭṭhadhītalikapetavatthu catutthaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পেতৰত্থু-অট্ঠকথা • Petavatthu-aṭṭhakathā / ৪. পিট্ঠধীতলিকপেতৰত্থুৰণ্ণনা • 4. Piṭṭhadhītalikapetavatthuvaṇṇanā
