| Library / Tipiṭaka / ติปิฎก • Tipiṭaka / เถรคาถาปาฬิ • Theragāthāpāḷi |
๙. ปุโรหิตปุตฺตเชนฺตเตฺถรคาถา
9. Purohitaputtajentattheragāthā
๔๒๓.
423.
‘‘ชาติมเทน มโตฺตหํ, โภคอิสฺสริเยน จ;
‘‘Jātimadena mattohaṃ, bhogaissariyena ca;
สณฺฐานวณฺณรูเปน, มทมโตฺต อจาริหํฯ
Saṇṭhānavaṇṇarūpena, madamatto acārihaṃ.
๔๒๔.
424.
‘‘นาตฺตโน สมกํ กญฺจิ, อติเรกํ จ มญฺญิสํ;
‘‘Nāttano samakaṃ kañci, atirekaṃ ca maññisaṃ;
อติมานหโต พาโล, ปตฺถโทฺธ อุสฺสิตทฺธโชฯ
Atimānahato bālo, patthaddho ussitaddhajo.
๔๒๕.
425.
‘‘มาตรํ ปิตรญฺจาปิ, อเญฺญปิ ครุสมฺมเต;
‘‘Mātaraṃ pitarañcāpi, aññepi garusammate;
น กญฺจิ อภิวาเทสิํ, มานตฺถโทฺธ อนาทโรฯ
Na kañci abhivādesiṃ, mānatthaddho anādaro.
๔๒๖.
426.
‘‘ทิสฺวา วินายกํ อคฺคํ, สารถีนํ วรุตฺตมํ;
‘‘Disvā vināyakaṃ aggaṃ, sārathīnaṃ varuttamaṃ;
ตปนฺตมิว อาทิจฺจํ, ภิกฺขุสงฺฆปุรกฺขตํฯ
Tapantamiva ādiccaṃ, bhikkhusaṅghapurakkhataṃ.
๔๒๗.
427.
‘‘มานํ มทญฺจ ฉเฑฺฑตฺวา, วิปฺปสเนฺนน เจตสา;
‘‘Mānaṃ madañca chaḍḍetvā, vippasannena cetasā;
สิรสา อภิวาเทสิํ, สพฺพสตฺตานมุตฺตมํฯ
Sirasā abhivādesiṃ, sabbasattānamuttamaṃ.
๔๒๘.
428.
‘‘อติมาโน จ โอมาโน, ปหีนา สุสมูหตา;
‘‘Atimāno ca omāno, pahīnā susamūhatā;
อสฺมิมาโน สมุจฺฉิโนฺน, สเพฺพ มานวิธา หตา’’ติฯ
Asmimāno samucchinno, sabbe mānavidhā hatā’’ti.
… เชโนฺต ปุโรหิตปุโตฺต เถโร…ฯ
… Jento purohitaputto thero….
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เถรคาถา-อฎฺฐกถา • Theragāthā-aṭṭhakathā / ๙. ปุโรหิตปุตฺตเชนฺตเตฺถรคาถาวณฺณนา • 9. Purohitaputtajentattheragāthāvaṇṇanā
