| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၂. ပုရိသသုတ္တဝဏ္ဏနာ
2. Purisasuttavaṇṇanā
၁၁၃. ဒုတိယေ အဘိဝာဒေတ္ဝာတိ ပုရိမသုတ္တေ သရဏဂတတ္တာ ဣဓ အဘိဝာဒေသိ။ အဇ္ဈတ္တန္တိ နိယကဇ္ဈတ္တံ, အတ္တနော သန္တာနေ ဥပ္ပဇ္ဇန္တီတိ အတ္ထော။ လောဘာဒီသု လုဗ္ဘနလက္ခဏော လောဘော, ဒုသ္သနလက္ခဏော ဒောသော, မုယ္ဟနလက္ခဏော မောဟောတိ။ ဟိံသန္တီတိ ဝိဟေဌေန္တိ နာသေန္တိ ဝိနာသေန္တိ။ အတ္တသမ္ဘူတာတိ အတ္တနိ သမ္ဘူတာ။ တစသာရံဝ သမ္ဖလန္တိ ယထာ တစသာရံ ဝေဠုံ ဝာ နဠံ ဝာ အတ္တနော ဖလံ ဟိံသတိ ဝိနာသေတိ, ဧဝံ ဟိံသန္တိ ဝိနာသေန္တီတိ။ ဒုတိယံ။
113. Dutiye abhivādetvāti purimasutte saraṇagatattā idha abhivādesi. Ajjhattanti niyakajjhattaṃ, attano santāne uppajjantīti attho. Lobhādīsu lubbhanalakkhaṇo lobho, dussanalakkhaṇo doso, muyhanalakkhaṇo mohoti. Hiṃsantīti viheṭhenti nāsenti vināsenti. Attasambhūtāti attani sambhūtā. Tacasāraṃva samphalanti yathā tacasāraṃ veḷuṃ vā naḷaṃ vā attano phalaṃ hiṃsati vināseti, evaṃ hiṃsanti vināsentīti. Dutiyaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၂. ပုရိသသုတ္တံ • 2. Purisasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂. ပုရိသသုတ္တဝဏ္ဏနာ • 2. Purisasuttavaṇṇanā
